Lomu 13:11 - The Keyagana NT and 25 OT books

¹¹ Afole aiʼniya afinaʼmo ago ageʼnayaʼmofeʼmo mani kavaʼmo hiyo. Lagesamo afita fatago huʼnona afinatetiʼmo mago afinaʼmo utesigeno Gotiʼa lagufamo alino katino latesiya afinaʼmo ago hogo nehiyaʼmofeʼmo lapaupatiʼmo he tita yagaitapa maisaya afinaʼmo afole aiʼniye.

Lomu 13:11 ပူးပေါင်းရင်းမြစ်များ

Yona 1:6

Sipifiʼmo aliʼyaʼmo neʼaliya vayaʼaiteʼmo yagaino neʼapateya vekamoʼmo ageyana Yonaʼa afaʼageʼmo au kaleno maiʼnigeno agetenoʼaeʼmo, Na kava higekaeʼmo kau kaleka maiʼnane. He tika kagaemo gotikamofeʼmo keya aeka ge huvo. Ofalisunafeʼmo afiteno laha maesifi laha oʼmaesifigi ge huka afi go, huno ha paiʼniye.

Matiyu 16:3

Yegemo haine neʼegenoʼaeʼmo kokuʼnategamo alino haniʼagekeʼmo nehigenoʼaeʼmo haesa koʼmo aligeta agetetapaeʼmo, hemenimo ko aigiye, hutapa nehae. Lapakaemo kokuʼnatega afole neʼaiya alagena kavaʼmo alita fako huta neʼagayaʼmonanafa hemenimo afole neʼaiya alagena kavaʼmo alita fako hutetapa afole aisiya kavaʼmo afaʼa noʼagae.

Luki 21:28

Ani kavaʼmo aepa faino afole aisigetapaeʼmo hatu maeno lapatesiya afinaʼmo alagi hogo hugiyaʼmofeʼmo alita maku hutapa agetetapaeʼmo lapamogaga aiyo.

1 Kolitiyani 10:11

Apakaetegamo afole aiʼniya kavaʼmoʼa alino lave lisiya aune kavaʼmo haneʼniyaʼmofeʼmo lagaefeʼmo ehetapiye, huno nehiye. Hemenimo ma mopamo alagi hano hisiyafeʼmo nehiya afinaʼmo maiʼnone.

1 Kolitiyani 15:34

Negi nagi kavaʼmo osutapa alagepa hutapa lapakesamo afitetapa hosu kavatapimo ataleyo. Lapavagagemo hisiyafeʼmo nagaemo, magoʼamogitapamo Gotiʼa oʼageʼnae, huʼna lapa nepauve.

Efasasi 5:14

Ani kavafeʼmo hunoʼaeʼmo, kaukaleʼnana vekamogamo kaupatiʼmo he tige faliʼnaya vayapatiʼmo he tige huka maigenoʼao Kalaisiʼa kaipafiʼmo ha le yaʼmo kamino, huno huʼniye.

Yemisi 5:8

Ani kava hutapa atafauta alagi huʼnetapaeʼmo oʼataleta agava maiyo. Ala kava neʼmo aise afinaʼmo eminegaiyaʼmofeʼmo lapaipamo alita lokiya vaitapa lapateyo.

1 Pita 4:7

Muki yaʼamo alagi hano hisiya afinaʼmo ago hogo nehiyaʼmofeʼmo nunumuʼmo nehutapaeʼmo lapakufaleʼmo alagepa hutapa yagaita ateʼnetapa lapaipamo alo hiyo.

2 Pita 3:11

Muki yaʼamo alagi hano hugiyaʼmofeʼmo hemenimo lapakaemo haiya agufa kavaʼmo hutapa maisaya kavaʼmo haneʼniye. Lapaote kavaʼmo nehutapaeʼmo Gotifekeʼmo mono hiyo.

2 Pita 3:9

Mago vayaʼmogi Ala kava nefeʼmo huʼapaeʼmo, huguve, huno huʼniya kavaʼmo hisiyafeʼmo lagava maime maime neʼviye, huʼa nehayaʼmonanafa huguve, huno huʼniya kavaʼmo hisiyafeʼmo lagava neʼmaiye. Alino lagoʼya lagauno latalesiyafeʼmo ohauʼniyaʼmonanafa mukiʼamogitamo laipamo alita afe lesunafekeʼmo hauʼnigenoʼaeʼmo lagava neʼmaiye.

1 Yoni 2:18

Saufa mafaʼneʼnimogitapae, huʼna, ma mopamo hano hisiya afinaʼmo ago hogo nehiye. Lagaemo, Kalaisi kameʼamo afole aigiye, huta ago lapa paiʼnonagetapa afiʼnae. Inagi hemenimo asole kame vayaʼamo afole aiʼnayaʼmofeʼmo hano hisiya afinaʼmo ago hogo nehiye, huta afiʼnone.

Leveleseni 1:3

Mani aune gemo lekana paiteʼa siosi vayaʼaifeʼmo aeʼa hakalo huʼa hapa nepaiya vayaʼe afiteʼa akame nehaya vayaʼeʼmo Goti aulena vayaʼamo maiʼnae. Afole aisiya afinaʼmo alagi hogo nehiyaʼmofeʼmae.

Leveleseni 22:10

Alagi afole aisiya afinaʼmo hogo nehiyaʼmofeʼmo mani gemo mukufiʼmo avoʼmo kae maleʼnana gemo aeka ati okaegeʼa agegae.

Leveleseni 22:12

Afiyo, huno, aise afinaʼmo utesigeʼna emiʼnegauve. Nagaemo miyaʼapimo aliniʼna emiʼneʼna muki vayaʼmogimo huʼnaya kavaʼapilefeʼmo apamiguve.

Leveleseni 22:20

Ani kavafeʼmo ava gemo huʼna hapa nepauva vekamoʼnamo, He, huʼna, aise afinaʼmo utesigeʼna emiʼnegauve, huʼna hapa paiʼnove, huno hapa paiʼnigeʼa, He, lama ge. Ala kava neʼmo Yesugamo emikeno, huʼa ha paiʼnae.