Lomu 12:8 - The Keyagana NT and 25 OT books

⁸ Alita he titapa apatesageʼapaeʼmo akame hisayafeʼmo lapamiʼnisiyana ani kavaʼmo hutapa Goti geʼamo hapa paitetapa alita he titapa apateyo. Fikumo hapa maeta apamisayafeʼmo lapamiʼnisiyana ani kavaʼmo hutapa alagepa huta lapakesamo afiʼnetapaekeʼmo fikumo hapa maeta apamiyo. Yagaitapa apatesayafeʼmo lapamiʼnisiyana ani kavaʼmo hutapa lapayamukiki hutapa yagaitapa apateyo. Lahapau hutapa apatesayafeʼmo lapamiʼnisiyana lapamogaga aiʼnetapa lapau hutapa apateyo.

Lomu 12:8 ပူးပေါင်းရင်းမြစ်များ

Aepa Gemae 18:19

Agaemo ina kavaʼmo hiyo ina kavaʼmo osiyo, huno hapa paisigeʼa mafaʼneʼaʼe nofi vayaʼamogiʼeʼmo fatago kavaʼmo huge alagepa huʼa aliʼa fako huʼa apamige hisayafeʼmo lekana paiʼna ateʼnovaʼmofeʼmo hisuva kavafeʼmo afaʼa aliʼna ave liguve.

Samu 112:9

Ani fatago vekamoʼmo kagemi yaʼamo alino fako huno kagemi yaʼapimo ohaneʼniya vayaʼaina apamiʼniye. Fatago kavaʼamoʼmo muki afinaʼmo hanege hanege huno hanegaiye. Lokiyaʼamo hanesigeʼapaeʼmo ala agimo amigae.

Samu 37:21

Hosu vayaʼmogimo fiku aliteʼapaeʼmo anonaʼapilefeʼmo noʼapamiyaʼmonanafa fatago vayaʼmogimo hapau huʼa apateteʼa fiku neʼapamiye.

Mai'naya kavane 22:9

Vayaʼmo nekaiya vekamoʼmo kafu nehaya vayaʼaina neʼapamiyaʼmofeʼmo Gotiʼa alino auleno ategaiye.

Aiyeya 32:5

Vayaʼmogimo negi vayaʼaifeʼmo magoʼe huʼa huʼapaeʼmo fiku hapa maeʼa neʼapamiya vayane, huʼa osugae. Ina kava huʼa hosu vayaʼaifeʼmo, Alagepa vayane, huʼa osugae.

Aiyeya 32:8

Nehiyaʼmonanafa fiku hapa maeno neʼapamiya vekamoʼmo fiku hapa maeno apamisiyafeʼmo agesamo neʼafiye. Agaemo ani alagepa kavaʼaletiʼmo alagepa huno he tino maigiye.

Aiyeya 64:5

Kagaemo apamogaga aiʼa fatago kavaʼmo nehaya vayaʼmogi nehana kavafeʼmo apake okaniʼa apakesamo neʼafiya vayaʼmo hapa maesanafeʼmo fotu nehane. Fotu nehanaʼmonanafa hosu kavaʼmo huʼnonaʼmofeʼmo kaipamo leka lateʼnane. Kaipamo leka lateʼnanaʼmonanafa kahau huka lateme lateme uganaʼmofeʼmo lagufamo alika katika lategane.

Matiyu 25:40

Ala kini vekaʼapimoʼmo hunoʼaeʼmo, lama ge lapa nepauve, huno, lapakaemo nagae vayapatiʼmo ina agufa naganaʼnimogitegamo ani kava huʼnaya kavaʼmo nagaetegageʼmo huʼnae, huno hapa paigiye.

Apa 11:23

Uno apakeyana Gotiʼa fiku hapa maeno apamiʼnigeno apaketenoʼaeʼmo lusi kava huno amogaga aiteno hapa painoʼaeʼmo, alagepa hutapa lapakesamo afitetapa lokiya vaita maiʼnetapaeʼmo Ala kava neʼmo akame huteta oʼatalegaune, hutapa hiyo, huno apaipa apakesamo alino lokiya vaino apateʼniye.

Apa 13:12

Yagaino neʼapateya vekamoʼmo ani kavaʼmo agetenoʼaeʼmo agesamo afino fatago huʼniye. Agaemo Ala kava neʼmo geʼamo afitenoʼaeʼmo hau aiʼniye.

Apa 13:15

Mago vayaʼmogimo Goti Mukufatiʼmo Mosese keʼaepa gemo lekana paiteʼa Gotitegati gemo alini eʼa aeʼa hakalo huʼa hapa nepaiya vayaʼmogimo avoʼmo kae maleʼnaya geʼeʼmo lekana paiʼnae. Lekana paiʼa hano huteʼapaeʼmo monoteʼmo neʼyagaiya vayaʼmogimo mago vekamo aliʼa ateʼnageno anakaetegamo enoʼaeʼmo, Konagalane, huno, Mago geletiʼmo alitana he titana latesaʼageta akame hisuna agufa gemo haneʼnisiyaʼmoʼmo laha paiʼao, huno hana paiʼnigeno

Apa 15:32

Yutasiʼe Sailasiʼeʼmo Gotitegati gemo alini eʼana aeʼana hakalo huʼana hapa nepaiʼa vekalaʼmo maiʼnaʼaʼmofeʼmo muki gemo hapa paiteʼana aliʼana lokiya vaiʼana apateʼnaʼae.

Apa 20:2

Ani kotega umenitata huno apakesa afiʼa fatago huʼnaya vayaʼmo alu ge alu geletiʼmo alino lokiya vaino apatemale apatemale huno umenitata huʼniye. Umenitata hutenoʼaeʼmo Galesiya kotegamo uno avaʼyi huteno

Apa 20:28

Goti Aunemeʼamoʼmo sipisipi vayaʼaiteʼmo yagaitapa apatesaya vayatama vayane, huno lekana paino lapateʼniyanagi lapakaitapileʼmo alagepa hutapa yagaiʼnetapa mukiʼamo magoke anaga vayaʼmo sipisipi vayaʼaiteʼmo alagepa hutapa yagaitapa apateyo. Gotiʼa agaiʼa siosi vayaʼamo kolaʼaletiʼmo miya faino neʼapateya sipisipi vayaʼamo maiʼnayanagi alagepa huta yagaitapa apateyo.

Apa 4:36

Magoke vekamo agiʼamo Yosefeʼa Livai nofi vayapati vekamo Saipalasi ani agoʼnanenafi vekamo maiʼniye. Apa vayaʼmogimo agiʼamo Manamasiʼae huʼa ateʼnae. Manamasiʼae agimo aepaʼamo ina kavaʼmo huno alino lokiya vaino neʼapateya vekamae.

Lomu 12:13

Kagemi yatapimo alita fako hutapa apaote vayaʼmo kagemi yaʼapimo ohaneʼnisiya vayaʼmo apamiyo. Nata vayaʼmo esagetapaeʼmo alagepa huta yagaitapa apateyo.

Lomu 13:6

Gamani vayaʼmogi Goti aliʼyaʼamo neʼaliyanageʼa takesi monimo neʼaliyaʼmofeʼmo takesi monimo afaʼa apamiyo.

1 Kolitiyani 12:28

Gotiʼa muki siosifiʼmo neʼmaiya vayaʼmo alu aliʼya alu aliʼyaʼamo alisayafeʼmo lekana paino apateʼniye. Apa vayaʼmo hogote vayaʼmo lekana paino lateʼniye. Napa tu vayaʼmo agaetegati gemo alini eʼa aeʼa hakalo huʼa hapa nepaiya vayaʼamo lekana paino apateʼniye. Napa tali vayaʼmo aliʼa apaya neʼmalaya vayaʼamo lekana paino apateʼniye. Aeto agufa noʼagaya aune kavaʼmo nehaya vayaʼmo lekana paino apatege kaita nehapaiya vayaʼaina aliʼa hapageʼa neʼapataya vayaʼmo lekana paino apatege hapa neʼmaya vayaʼmo lekana paino apatege yagaiʼa neʼapataya vayaʼmo lekana paino apatege alu apake alu apakemo neʼaiya vayaʼmo lekana paino apatege huʼniye.

1 Kolitiyani 14:3

Hapa nepaiyaʼmonanafa Gotitegati gemo alini eʼa aeʼa hakalo huʼa hapa nepaiya vayaʼmogimo aliʼa lokiya vaiʼa apatege alagepa kavaʼmo hisayafeʼmo aliʼa he tiʼa apatege hanageke yaʼmo neʼaliya vayaʼmo hapa maege nehae.

2 Kolitiyani 1:12

Lagaemo ma mopafi vayaʼmogi afiteʼa ageʼnaya agufa kavatetiʼmo mago kavaʼmo osuʼnonagenoʼaeʼmo Gotiʼa fikumo laha maeno lamiʼnigeta mago kavaʼmo aeta ati okaeta laipafatiʼmo laote kavaʼmo huʼnone. Lagaemo ma mopafi vayaʼai apaulagaleʼmo mani kavaʼmo nehuta lapakae lapaulagaleʼmo magoʼe huta mani alagepa kavaʼmo huʼnone. Yuʼilaga vekatimoʼmo mani alagepa kavatieʼmo faigoko gemo laha nepaigeta lamogaga neʼaune.

2 Kolitiyani 11:3

Nehuvaʼmonanafa nagaloʼyavemoʼa Ivifeʼmo aigofe geletiʼmo agesamo faiʼniya kava huʼa mago vayaʼmogimo lapaipa lapakesamo aliʼa hosu huʼa lapatesagetapa Kalaisifeʼmo lapaipafiʼmo lapakesamo oʼafitapa atalesaya kavafeʼmo koli nehuve.

2 Kolitiyani 8:12

Lapakaemo hogoteno lapauʼnisiyaʼmoʼmo maleʼnisaya yapatiʼmo alita fako hutapa magoke aiyaya hutapa hisagenoʼaeʼmo Gotiʼa haugiye. Gotiʼa moniʼapimo ohanesigeʼa ofalinimo osisaya vayaʼaifeʼmo ofalinimo hiyo, huno afaʼa osugiye.

2 Kolitiyani 9:11

Gotiʼa afaʼa apamisagenoʼaeʼmo magoʼe huno lapamisigetapa hisaya ofalini monimo alinituta apamisuna kavatiletiʼmo Gotifeʼmo hao ke hegae.

2 Kolitiyani 9:13

Lapakaemo hapa maetapa apamitetapaeʼmo, Kalaisifeʼmo alagepa faigoko geʼaeʼmo lagesamo afita fatago nehune, hutapa alita apave lisageʼa ageteʼapaeʼmo, he lama gemo nehae, huteʼa, Kolitiyani vayaʼmogimo Goti geʼamo akame huteʼa lagaeʼe muki vayaʼeʼmo magoke agufa apaipa apakesafatiʼmo afalu afalugana kavaʼmo nehae, huʼa huteʼa Goti agiʼaleʼmo aliʼa asaga huʼa ategae.

2 Kolitiyani 9:7

Aligayaʼmofeʼmo mukiʼamogitapamo lapamete lapamete hutapa lapaipafiʼmo lapakesamo afitetapaeʼmo, ani agufa monimo ofalini hugune, hutetapa ani kava hutapa hiyo. Fiku yanageno lapaipamoʼmo kana huʼnisigetapa huge lagaemofi mago vayaʼmogimofi huta lokiya gemo hisunagetapa huge hugayanagi lapamogaga aiʼnetapaekeʼmo hiyo. Gotiʼa apamogaga aiʼneʼa ofalini nehaya vayaʼaifeʼmo hau ayamopafiʼmo hauʼniyaʼmofeʼmae.

Efasasi 6:5

Aliʼyaʼmo neʼaliya vayaʼmogitapae, huʼna, lapakaemo Ala kava neʼmo geʼamo neʼafiya kava hutapa aliʼyaʼmo afoʼamogi geʼapimo afiyo. Fiku yanagetapa lole lapakesamo afigayanagi koli hutetapa atete nehutapaeʼmo lapaipafatiʼmo geʼapimo afiyo.

Kolosi 3:22

Aliʼyaʼmo neʼaliya vayaʼmogitapae, huʼna, fiku yanagetapa aliʼyaʼmo afoʼamogimo amuse huʼa lapatesayafeʼmo apaulagaleʼmo maiʼnetapaeʼmo geʼapimo neʼafiye. Gotifeʼmo koli hutetapa muki afinaʼmo lapaipafatiʼmo geʼapimo afiyo.

1 Tesaloniyani 2:3

Lapa paiʼnona gemo aigofe geletiʼmo afole oʼaige amega lagufaleʼmo lamogaga aisuna agufa kavatetiʼmo afole oʼaige humiʼnami getiletiʼmo afole oʼaige huʼniye.

1 Tesaloniyani 2:8

Lapakaefeʼmo lahauʼniyaʼmofeʼmo Gotitegati alagepa faigoko geʼageʼmo lapamisunafeʼmo osuʼnopa lagufaʼaʼeʼmo lapamisunafeʼmo huʼnone.

1 Timoti 4:13

Kagaemo Goti geʼamo alagepa huʼa lekana paige ani kavaʼmo hiyo, huʼa aeʼa hakalo huʼa hapa paige aliʼa apaya malege hisayafeʼmo yagaika apateme apateme neʼugeʼna egauve.

1 Timoti 5:17

Yagaiʼa neʼapataya vayatama vayaʼmogi alagepa aliʼyaʼmo alisayana siosi vayaʼmogi hapao ke heteʼa alagepa miyaʼapimo apamisaya kavaʼmo huʼnae, huʼa hugae. Goti geʼamo aeʼa hakalo huʼa aliʼa apaya neʼmalaya vayatama vayaʼmo hogoteʼa miyaʼapimo afaʼa apamigae.

1 Timoti 6:18

Kagemi yaʼapiʼe vayaʼmo asole alagepa kavaʼmo kagemi yaʼapigana huʼa malesayafeʼmo alagepa kavaʼmo nehuʼapaeʼmo fikumo apamige kagemi yaʼapimo fako huʼa apamisayafeʼmo hapauge huʼa maiyo.

Himulu 10:25

Mago vayaʼmo aliʼa anupa huʼa neʼmaiya kavaʼmo ataleʼnayaʼmofeʼmo oʼataleta alagepa kavaʼmo hiyo, huta hapa paisunageʼa laha paisageta huta alita anupa huta maigetao. Alopa hosu afinaʼmo neʼegetapa ageʼnayaʼmofeʼmo ani kavaʼmo magoʼe hutapa hiyo.

Himulu 13:17

Lapakaemo yagaiʼa nelapataya vayaʼai apaiyafiʼmo maiʼnetapa geʼapimo afiyo. Apakaemo lapakupi mafaʼneleʼmo yagaiʼa neʼataya aliʼyaʼapilefeʼmo Gotifeʼmo ha paigae. Geʼapimo afigenoʼao apaipamoʼmo kana osuʼnisigeʼa apamogaga aiʼa aliʼyaʼmo aliyo. Apaipamoʼmo kana hisiya kavaʼmoʼa lapa oʼmaegaiye.

Himulu 13:22

Konagaʼnimogitapae, huʼna, yatala gemo avoʼmo okaeʼnovana lapaipamo alino lokiya vaino lapatesiya gemo afitetapaeʼmo alagaʼmo olapaeʼninagetapa lapaipamoʼmo falu hino.

Himulu 13:24

Lapakaemo yagaiʼa nelapataya vayaʼe muki Goti apaote vayaʼaeʼmo ge apamamaeyo. Itali kotega vayaʼmogimo ge lapamamaeʼnae.

Himulu 13:7

Yagaiʼa lapateʼneʼa Goti geʼamo lapa paiʼnaya vayaʼaifeʼmo lapakesamo afiyo. Alagepa kavaʼmo huteʼa uʼa atupaleʼmo avaʼyi huʼnae, hutapa lapakesamo afifi nehutapaeʼmo apakesamo afiʼa fatago huʼnaya kavaʼmo apakame hutapa hiyo.