Lomu 12:6 - The Keyagana NT and 25 OT books

⁶ Gotiʼa alu aliʼya alu aliʼyaʼamo alisunafeʼmo alu ya alu yaʼamo fikumo laha maeno lamiʼniye. Agaetegati gemo aliʼnitetapa aeta hakalo hutapa hapa paisayafeʼmo lapamiʼnisiyana ani kavaʼmo hutapa apakesamo afiʼa fatago hisaya agufa gemo aeta hakalo hutapa hapa paiyo.

Lomu 12:6 ပူးပေါင်းရင်းမြစ်များ

Matiyu 23:34

Ani kavatefeʼmo nagaemo Gotitegati gemo alini eʼa aeʼa hakalo huʼa hapa nepaiya vayanagi afiteʼa ageʼnaya vayanagi aliʼa apaya neʼmalaya vayanagi huʼna aliʼna apatesugeʼa lapakaetegamo ugae. Lapakaemo mago vayaʼmo apamagige mago vayaʼmo malipu yosaleʼmo nili aitetapa alita he tita apatege mago vayaʼmo mono notapifiʼmo nofi kayotetiʼmo apamagige mago vayaʼmo taoniʼafi taoniʼafiʼmo vegala aege hugae.

Matiyu 25:22

Inagi tu tausenimo amiʼniya vekamoʼmo eno ha painoʼaeʼmo, monimo tu tausenimo namiʼnane. Ago, huno, alininuʼna aliʼyaʼmo aliteʼna akamelegaʼamo magoʼe huʼna tu tausenimo aliʼnove, huno ha paiʼnigenoʼaeʼmo

Luki 11:49

Ani kavafeʼmo Gotiʼa alagepa huno agesamo afiteno ageʼniya vekamoʼmo hunoʼaeʼmo, nagaemo geʼnimo aliniʼuʼa aeʼa hakalo huʼa hapa nepaiya vayaʼe apa vayaʼeʼmo aliʼna apatesugeʼa uʼa maiʼnisageʼapaeʼmo kamitimo apamagige apaini huʼa apatege hugae, huno huʼniye.

Apa 13:1

Atiyoki kotega siosileʼmo mago Gotitegati gemo alini eʼa aeʼa hakalo huʼa hapa nepaiya vayaʼe aliʼa apaya neʼmalaya vayaʼeʼmo maiʼnae. Ani vayaʼai apakiʼapimo Manamasiʼagi anupa vekae huʼa agi neʼaya vekamo Simiyoniʼagi Sailini kotega vekamo Lusiʼagi Maneyeniʼagi Soloʼagi huʼa maiʼnae. Maneyeni afaluʼamoʼmo Helotiʼa vayaʼaleʼmo yagaino neʼapateya vekamae.

Apa 15:32

Yutasiʼe Sailasiʼeʼmo Gotitegati gemo alini eʼana aeʼana hakalo huʼana hapa nepaiʼa vekalaʼmo maiʼnaʼaʼmofeʼmo muki gemo hapa paiteʼana aliʼana lokiya vaiʼana apateʼnaʼae.

Apa 2:17

Gotiʼa hunoʼaeʼmo, Hano hisiya afinaʼmo Nauneʼnameʼmo aniʼmo lakigekana huʼna muki ve aʼnemo apamiguve. Mafaʼnetapimogiʼe aʼmafaʼnetapimogiʼeʼmo nagae gemo aeʼa hakalo hugae. Neya vayatapimogimo alagamuna agegegana huʼa agegae. Kosu vayatapimogimo alagamuna agegae.

Apa 21:9

Loleʼe loleʼe aʼmafaʼne anagaʼamo vele oʼmaiʼnaya aʼmafaʼnemogi Gotitegati gemo aliniʼeʼa aeʼa hakalo huʼa hapa nepaiya aʼmafaʼnemo maiʼnae.

Lomu 1:11

Nagaemo Goti Aunemeʼaletiʼmo fikumo alisaya yaʼmo lapamisugeno lokiya vaino lapatesigetapa atafauta alagi hutapa maisayafeʼmo uʼna lapakesuva naipamo nekaliye.

Lomu 12:3

Nagaemo fikumo naha maeno namiʼniya himamuʼaletiʼmo muki vayaʼmogitapaeʼmo lapa paiʼnaeʼmo, Gotiʼa lapamete lapamete huno lapamiʼniya yafeʼmo hutapaeʼmo, nagesamo afiʼna fatago huʼnova yaʼmo na magi yaʼmo namiʼnifi, hutapa lapamete lapamete hutapa lapakesamo afita ho hutetapa yagaita ateyo. Fikumo yanageno mago aiseʼamo aliʼnisiya vekamoʼmo, alopa yaʼmo aliʼnove, huno agesamo afigiye.

1 Kolitiyani 12:18

Ani kavaʼmo huno ohaneʼniyaʼmonanafa Gotiʼa hauʼnigenoʼaeʼmo agufafi alu ya alu yaʼamo ani kavaʼmo huno alo hu maleʼniye.

1 Kolitiyani 13:2

Gotitegati gemo aliniʼneʼna aeʼna hakalo huge muki fala kiʼniya gemo afige muki gemo alagepa huʼna afige Gotifeʼmo magoʼe huʼna nagesamo afiʼna fatago nehuʼnaeʼmo avemo afaʼa aliʼna yaga auʼna alu yategamo atalege huʼna neʼmaisuvana nahau nayamopafiʼmo oʼnahausiyaʼmoʼmo ina agufa vekamo maiʼnove.

1 Kolitiyani 14:1

Lapau lapayamopafiʼmo lapausiya kavaʼmo alisayafeʼmo lapaya mukiki hutapa vegala aelitutapa atafaiyo. Lapakaemo Goti Aunemeʼamoʼmo neʼapamiya himamuʼamo Goti aliʼyaʼamo alisaya himamuʼamo alisayafeʼmo lapaʼye hino. Hogotetapa Gotitegati gemo alinitetapa aeta hakalo hutapa hapa paisaya himamuʼamo alisayafeʼmo lusi kava huno lapaʼye hino.

1 Kolitiyani 14:24

Hugayaʼmonanafa alita anupa huta maiʼnetapaeʼmo mago vayaʼamogitapamo Gotitegati gemo alita aeta hakalo hutapa hapa nepaisagenoʼaeʼmo mago agesa afino fatago osuʼnisiya vekamoʼmofi saufamo agesa afino fatago hugefeʼmo nehisiya vekamoʼmofi huno eno neʼafisigenoʼaeʼmo Goti geʼamoʼmo aipafiʼmo kevegana huno haeteno agoti huno atesigenoʼaeʼmo hosu kavaʼamo agegaiye.

1 Kolitiyani 14:29

Lole vekalaʼmofi loleʼe magoʼe vayaʼmogimofi huʼa Gotitegati gemo alini eʼa aeʼa hakalo huʼa hapa nepaiya vayaʼmogimo lapa paisaya gemo alita fako hutapa afiyo.

1 Kolitiyani 3:5

Poloʼnamo ina laʼnamo maiʼnogeno Apolosiʼa ina laʼmo maiʼniye. Laʼagaemo Goti aliʼyaʼamo neʼaluʼa vekalaʼmo maiʼnoʼagetapaeʼmo laʼagaetetiʼmo lapakesamo afita fatago huʼnae. Ala kava neʼmoʼa laʼamiʼniya aliʼyaʼamo neʼaluʼae.

1 Kolitiyani 7:7

Nagaemo maiʼnova kava huʼa muki ve anagaʼmo maisayafeʼmo nahauʼniye. Nahauʼniyaʼmonanafa Gotiʼa alu kava alu kavaʼmo huʼa maisaya agufa lokiyaʼamo magoke magoke vayaʼmo fikumo apamite apamite huʼniye.

2 Kolitiyani 8:12

Lapakaemo hogoteno lapauʼnisiyaʼmoʼmo maleʼnisaya yapatiʼmo alita fako hutapa magoke aiyaya hutapa hisagenoʼaeʼmo Gotiʼa haugiye. Gotiʼa moniʼapimo ohanesigeʼa ofalinimo osisaya vayaʼaifeʼmo ofalinimo hiyo, huno afaʼa osugiye.

Efasasi 3:5

Gotiʼa hogoteno akeyaʼvilagamo muki ma mopafi vayaʼmo alino apave oliʼniyaʼmonanafa hemenimo Aunemeʼaletiʼmo laote apa vayaʼamogita Gotitegati gemo alinita eta aeta hakalo huta hapa nepauna vayaʼmo ago alino lave liʼniye.

Efasasi 4:11

Agaemo vayaʼaina fikumo hapa maeno apamiʼniya gemo aepaʼamo haneʼniyana mago vayaʼamo apa vayaʼmo maisayafeʼmo lekana paino apatege mago vayaʼamo Gotitegati gemo alini eʼa aeʼa hakalo huʼa hapa paisaya vayaʼmo lekana paino apatege mago vayaʼamo agaiʼaeʼmo alagepa faigoko geʼamo aeʼa hakalo huʼa hapa paisaya vayaʼmo lekana paino apatege mago vayaʼamo sipisipi vayaʼaiteʼmo yagaiʼa apateʼneʼa aliʼa apaya malesaya vayaʼmo lekana paino apatege huʼniye.

Filipai 3:15

Neʼuvaʼmofeʼmo alopa vayaʼmo uta haita hapaiʼnona vayaʼmogitamo ani kavaʼmo huta maigetao. Mago vayaʼamogitapamo alu lapakesamo neʼafisayaʼmoʼmo Gotiʼa mani kavaʼmo afaʼa alino lapave ligiye.

1 Tesaloniyani 5:20

Ani kavatefeʼmo vayaʼmogimo Goti Aunemeʼaletiʼmo lapa nepaiya geeʼmo ina agufa gemo nehae, hutapa osiyo.

2 Pita 1:20

Goti gemo aepaʼamo vayaʼai apaipafatiʼmo afaʼa afole noʼaiye, hutapa hogoteta alagepa huta lapakesamo afiyo.