Lomu 12:3 - The Keyagana NT and 25 OT books

³ Nagaemo fikumo naha maeno namiʼniya himamuʼaletiʼmo muki vayaʼmogitapaeʼmo lapa paiʼnaeʼmo, Gotiʼa lapamete lapamete huno lapamiʼniya yafeʼmo hutapaeʼmo, nagesamo afiʼna fatago huʼnova yaʼmo na magi yaʼmo namiʼnifi, hutapa lapamete lapamete hutapa lapakesamo afita ho hutetapa yagaita ateyo. Fikumo yanageno mago aiseʼamo aliʼnisiya vekamoʼmo, alopa yaʼmo aliʼnove, huno agesamo afigiye.

Lomu 12:3 ပူးပေါင်းရင်းမြစ်များ

Mai'naya kavane 25:27

Lume anuʼmo alopaʼamo nesayana kanale kavaʼmo ohaneʼniya kava huno ala apakimo alisayafeʼmo kahauya nehaya kavaʼmo kanale kavaʼmo ohaneʼniye.

Mai'naya kavane 26:12

Negi vekamoʼmo alagepa kavaʼmo hisiyafeʼmo mago vekamo agaiʼa aulagaleʼmo afiteʼna ageʼnova vekamo maiʼnove, huno nehiya vekamo aeno aga seʼniye.

Maika 6:8

O vekamogae, huʼna, Ala kava neʼmoʼa alagepa kavaʼmo hisuna kavaʼmo ago alino lave liʼniye. Agaemo anonatilefeʼmo hisunafeʼmo hunoʼaeʼmo, vayaʼaitegamo fatago kavaʼmo huge lapau hutapa apatetetapa lahapauge lapakufamo alita afepiʼmo lapatege hutetapaeʼmo Gotitapimoʼeʼmo afalu afalu kavaʼmo hutapa magokepi lokaetapa umenitata hiyo, huno laha paiʼniye.

Luki 18:11

Falasi vekamoʼmo he tino maiʼneno agaiʼaeʼmo nunumuʼmo huʼniye. Nunumuʼmo hunoʼaeʼmo, Gotiyo, huno, muki alu vayakana huʼna oʼmaiʼnovaʼmofeʼmo kahao keʼmo nehove. Mago kanale kavaʼmo osuge aigofe gemo huteʼa kumayaʼmo alige kumai kavaʼmo huge nehaya vayakana huʼna oʼmaiʼnove. Ani takesi monimo neʼaliya vekagana huʼna oʼmaiʼnove.

Yoni 3:34

Gotiʼa alino ateʼnigeno eʼniya vekamoʼa Goti geʼamo hapa nepaiye. Gotiʼa Aunemeʼamo alino fako huno magoʼamo maleteno oʼamiʼnifa mukiʼamo alagi amiʼniyaʼmofeʼmo Goti geʼamo aeno hakalo huno hapa nepaiye.

Lomu 1:5

Gotiʼa agaetetiʼmo fikumo naha maeno namiteno Kalaisi agiʼalefeʼmo apa aliʼyaʼamo alisuvafeʼmo navaleno nateʼniye. Gotiʼa muki nofi vayaʼaifeʼmo akame hiyo, huno huʼniya geʼamo akame huʼa apakesamo afiʼa fatago hisayafeʼmo apa aliʼyaʼamo alisuvafeʼmo navaleno nateʼniye.

Lomu 11:20

He, lama gemo huʼnayaʼmonanafa Kalaisifeʼmo apakesamo afiʼa fatago osuʼnayaʼmofeʼmo alino lo aeno apataleʼnigetapaeʼmo lapakaemo lapakesamo afita fatago nehaya kavatapiletiʼmo afaʼa neʼmaiye. Himuʼnamu kavaʼmo osutapa koligeʼmo huta maiyo.

Lomu 11:25

Konagaʼnimogitapae, huʼna, alagepa huta afiʼnone, huta hutetapa himuʼnamu kavaʼmo osisayafeʼmo mago fala kiʼniya gemo lapa paisugetapa afisayafeʼmo nahauʼniye. Gotiʼa mago Isaleli vayaʼai apakesamo aino akani maleʼnigeʼa geʼamo oʼafiʼa maime maime neʼvisageʼapaeʼmo mago alu nofi vayaʼmogimo Goti kegiʼyafiʼmo uʼa haite haite huʼa haiʼa lekana pai maleʼniya vayaʼmo afole aigae.

Lomu 12:16

Magoke lapaipa lapakesamo alitapa maiyo. Ala lapaki alisaya agufa kavaʼmo osutapa ina agufa vayaʼmo maiʼnae, huʼa hisaya agufa kavakeʼmo hutapa maiyo. Alagi ago afiteta ageʼnona vayaʼmo maiʼnone, hutapa lapakesamo oʼafitapa afaʼa maiyo.

1 Kolitiyani 15:10

Neʼafuvaʼmonanafa Gotiʼa fikumo naha maeno namiʼnigeʼnaeʼmo Goti apa vekaʼamo hamaleʼnove. Ani fikumo naha maeno namiʼniya himamuʼamoʼmo afaʼa ohaneʼniyaʼmonanafa naipafiʼmo lokiya aliʼyaʼmo aliʼnigeʼna aliʼyaʼmo aliteʼnaeʼmo muki apa vayaʼmo ago aeʼna apakaseʼnove. Nagaiʼnimo oʼaliʼnovaʼmonanafa Gotiʼa fikumo naha maeno namiʼniya himamuʼamoʼmo nagaeʼeʼmo magokepi lokaeno aliʼyaʼmo aliʼnigeʼna aliʼyaʼamo aliʼnove.

1 Kolitiyani 3:10

Gotiʼa fikumo naha maeno namiʼnigeʼnaeʼmo hogoteno ageno alagepa huʼneno noʼmo nekiya vekagana huʼna maiʼneʼnaeʼmo faiʼna ateʼnova yateʼmo mago alu vayaʼmogimo noʼmo nekiye. Mukiʼamogimo, haiya kava huta noʼmo nekupi, huʼa ageteʼa alagepa huʼa yagaiʼa atesaya kavaʼmo haneʼniye.

1 Kolitiyani 7:17

Ala kava neʼmoʼa alu kava alu kavaʼmo hutapa maisayafeʼmo lokiyaʼamo lapamete lapamete huno lapamiʼniyanagi ani kavaʼmo hutapa maiyo. Gotiʼa lapakaefeʼmo keya aeno ge huʼniya afinaʼmo haiya kava huta maiʼnopi hutapa lapakesamo afitetapaeʼmo ani kavaʼmo hutapa maiyo. Mani keʼaepa gemo muki siosiʼale siosiʼaleʼmo maiʼnaya vayaʼaifeʼmo aliʼna apaya neʼmalove.

2 Kolitiyani 10:13

Nehayaʼmonanafa lagaemo aliʼyatilefeʼmo magoʼe huta lagitileʼmo alita asaga huta olategaune. Haʼao, Gotiʼa aliʼyaʼamo alisunafeʼmo lamiʼniya mopaleʼmo lapakaemo maiʼnaya folagapiʼmo uta hakuteʼmo aliʼyaʼmo neʼalune.

2 Kolitiyani 12:13

Na agufa kavatefeʼmo siosiʼale siosiʼaleʼmo maiʼnaya vayaʼai apakamelega maiʼnae. Lapakaemo apakamelega oʼmaiʼnayaʼmonanafa magoke kavatetiʼmo yagaitapa natesaya agufa kavaʼmo osuʼnova kavatefeʼmo apakamelega maiʼnae. Vaehae, nahauʼnimogitapae, huʼna, ani hosu kavaʼnimo alita ataleyo.

2 Kolitiyani 12:7

Gotiʼa magoʼe yaʼmo alino nave liʼniyaʼmonanafa ani yatefeʼmo nagiʼnileʼmo aliʼna asaga huʼna oʼnatesuvafeʼmo mago aufeʼe yakana yatetiʼmo nagufaleʼmo namagiʼniye. Ani yatefeʼmo nagiʼnileʼmo aliʼna asaga huʼna oʼnatesuvafeʼmo Satani apa vekaʼamoʼmo eno namagiʼniye.

Galesiya 6:3

Mago vekamoʼmo hunoʼaeʼmo, ala nagi vekamo maiʼnove, huno agesamo neʼafisiyana ina agufa vekamo maiʼniyaʼmofeʼmo agaiʼaekeʼmo humi neʼate.

Efasasi 3:2

Gotiʼa lapa maesuvafeʼmo fikumo naha maeno namiʼniya kavafeʼmo ava gemo lapakaemo ago afiʼnae.

Efasasi 3:4

Lapakaemo lekana paitapa afitetapaeʼmo, Poloʼa Kalaisifeʼmo ava gemo alino fala ki maleʼniya gemo ago afiʼniye, hutapa lapakesamo afigae.

Efasasi 4:16

Agufafi alu ya alu yaʼamo alagepa huno haneʼnigeno aeno hapaiʼniya yaʼmoʼa atafauno ateʼnigeno magokepi lokaeno haneʼniye. Agufafi alu ya alu yaʼamoʼa aliʼyaʼmo neʼaligenoʼaeʼmo agufamo ko nesiye. Ani kava huta magokepi lokaeta maiʼnetaeʼmo lahau layamopafiʼmo nelahaigetaeʼmo magokepi ko nesune.

Kolosi 1:29

Nagaeʼeʼmo mani kavaʼmo afole aisiyafeʼmo Kalaisi ayamufaʼaletiʼmo naipafiʼmo lusi kava huno aliʼyaʼmo neʼaligeʼnaeʼmo ayamufaʼaletiʼmo naya mukiki huʼna aliʼyaʼamo neʼaluve.

Kolosi 2:13

Hosu lapakufamo olagautapa hosu kavapiʼmo maiʼnetapaeʼmo faliʼnaya vayakana huta maiʼnagenoʼaeʼmo Kalaisiʼeʼmo alino he tino lapateʼniye. Gotiʼa muki hosu kavatimo alino ataletenoʼaeʼmo

1 Timoti 1:14

Ala kava netimoʼa lusi kava huno fikumo naha maeno namiʼnigeʼna Kalaisi Yesupiʼmo maiʼneʼnaeʼmo nagesamo afiʼna fatago nehuʼnaeʼmo nahau nayamopafiʼmo nahauʼniye.

1 Timoti 2:15

Amagino ataleʼniyaʼmofeʼmo aʼnemogi apakesamo afiʼa fatago huge hapau apayamopafiʼmo hapauge apaote kavaʼmo huge vayaʼmogi apakesayafeʼmo apamoʼya aige huʼa maime maime neʼvisagenoʼaeʼmo Gotiʼa mafaʼneʼamo alino ateʼnigeno emineʼniya kavatetiʼmo apakufamo alino katino apateteno hapau vaigiye.

1 Timoti 2:9

Ani kavafeʼmo nahauʼniyanageʼa aʼnemogimo vayaʼmogi apakesayafeʼmo kukena yaʼapimo oʼvaiʼa alagepa huʼa apakesamo afiteʼa kukenamo vaigae. Apayokapiʼmo konali alige apakufaleʼmo konali alige lusi moniletiʼmo miya nefaiya kukena yaʼmo aliʼa vaige osugayaʼmonanafa Goti mafaʼnemo maiʼnone, huʼa nehayaʼmofeʼmo alagepa kavaʼmo nehaya aʼne anagaʼmogi vaisaya kukena yaʼmo vaigae.

Taitasi 2:12

Gotiʼa ani kavaʼaletiʼmo hunoʼaeʼmo, mono nosaya kavatapimogi ma mopafi kavafeʼmo lapaʼye nehiya kavatapimogi hutapa alita ataletetapa hemenimo maiʼnetapaeʼmo lapauʼniya kavateʼmo yagaige vayaʼaitegamo fatago kavaʼmo huge Gotifekeʼmo mono huge hutapa maiyo, huno alino laya neʼmale.

Taitasi 2:2

Kosuna vayaʼaifeʼmo hapa paigeʼapao hapauʼniya kavateʼmo alagepa huʼa yagaiʼa atege alagepa huʼa yagaiʼa neʼapataya yahauve vayakana huʼa maige apaipa apakesaleʼmo alagepa huʼa yagaiʼa atege aigofeʼmo osuʼa lokiya vaiʼa apakesamo afiʼa fatago huge hapau apayamopafiʼmo hapauge atafauʼa alagi huʼa maige hiyo.

Taitasi 2:4

afiteʼapaeʼmo anauʼapimogiʼe mafaʼneʼapiʼefeʼmo hapau apayamopafiʼmo hapaino.

Taitasi 2:6

Ani kava huka neya vayaʼaifeʼmo, lapaipa lapakesaleʼmo alagepa hutapa yagaita ateyo, huka apakesamo alika hapa paiyo.

Yemisi 4:6

Haʼye nehiyaʼmonanafa Gotiʼa fikumo laha maeno magoʼe huno nelamiye. Ani kavatefeʼmo hunoʼaeʼmo, Gotiʼa ala vayaʼmo maiʼnone, huʼa apakesamo neʼafiya vayaʼaifeʼmo kame huno neʼapateyaʼmonanafa ina agufa vayaʼmo maiʼnone, huʼa apakesamo neʼafiya vayaʼaina fikumo hapa maeno neʼapamiye, huno huʼniye.

1 Pita 1:13

Ani alagepa faigoko gemo afole aiʼniyaʼmofeʼmo alagepa huta afisayafeʼmo lapakesamo alo hutetapa lapakufaleʼmo yagaita lapateyo. Yesu Kalaisiʼa emineno vayaʼai apaulagaleʼmo afole aitenoʼaeʼmo fikumo laha maeno lamigiye, huta ani geʼaekeʼmo lapakesamo afitetapa agava maiʼnetapa lapavayagunagu hutapa maiyo.

1 Pita 4:11

Goti geʼamo aeʼa hakalo huʼa hapa nepaiya vayaʼmogi Goti avayafati gemo aliʼnayaʼmofeʼmo lokiya vaiʼa aeʼa hakalo huʼa hapa paigae. Hapa neʼmaeya vayaʼmogi Gotiʼa neʼapamiya lokiyaʼaletiʼmo hapa maegeʼapao vayaʼmogimo Yesu Kalaisitetiʼmo Goti agiʼaleʼmo aliʼa asaga huʼa ategae. Gotiʼa ala agiʼamo hanege yagaino neʼapateya lokiyaʼamo hanege huno muki afinaʼmo alagi hanege hanege huno haneno. He, lama ge.

1 Pita 4:7

Muki yaʼamo alagi hano hisiya afinaʼmo ago hogo nehiyaʼmofeʼmo nunumuʼmo nehutapaeʼmo lapakufaleʼmo alagepa hutapa yagaita ateʼnetapa lapaipamo alo hiyo.

1 Pita 5:5

Neya vayaʼmogitapae, huʼna, vayatama vayaʼai apaiyafiʼmo maiʼnetapa geʼapimo afiyo. He, muki vayaʼamogitapae, huʼna, ina agufa vayaʼmo maiʼnone, nehutapa aliʼyaʼmo neʼaliya vayaʼmogimo aliʼa neʼvaiya kukenamo aliʼa neʼvaiya kava hutapa konagatapimogi apaiyafiʼmo maiʼnetapa geʼapimo afiyo. Na kava nehiyaʼmofeʼmae. Gotiʼa ala vayaʼmo maiʼnone, huʼa apakesamo neʼafiya vayaʼaifeʼmo kame huno neʼapateyaʼmonanafa ina agufa vayaʼmo maiʼnone, huʼa apakesamo neʼafiya vayaʼaina fiku hapa maeno neʼapamiye.

1 Pita 5:8

Kametapimo Sataniʼa kaekae nehiya laiyonigana huno maiʼnenoʼaeʼmo vayaʼmo hapaesiyafeʼmo umenitata nehiyanagi lapau maiʼmai osutapa alagepa huta kava yagaitapa maiyo.

3 Yoni 1:9

Nagaemo siosilefeʼmo mani gemo avoʼmo kaeʼnovana Naiyotelefisiʼa hogote vekamo maisiyafeʼmo hauʼniyana geʼnimo noʼafiye.