Lomu 12:2 - The Keyagana NT and 25 OT books

² Ma mopafi vayakana hutapa oʼmaigenoʼao Gotiʼa saufa lapaipa lapakesaʼe vayaʼmo alino hamaleno lapateno. Lapakaemo ani kavatetiʼmo Gotiʼa hiyo, huno nehiya kavaʼmo amalageka hutapa agegae. Agetetapaeʼmo, alagepa kavaʼmo Gotiʼa hauʼniya kavaʼmogeno uno haino hapaiʼniya kavaʼmo haneʼniye, hutapa agegae.

Lomu 12:2 ပူးပေါင်းရင်းမြစ်များ

Esala 10:11

Inagi afiyo. Lapakaemo Ala kava neʼmo lapakinago vayaʼmogi Gotiʼapimofeʼmo hosu kavatapimo aeta hakalo hutetapa Gotiʼa hauʼniya kavaʼmo hiyo. Lapakaemo malaga vayaʼmo ma mopafiʼmo maiʼnaya vayaʼeʼmo afalu afalu kavaʼmo huta oʼmaita lapaote maiʼnetapa ani malaga aʼne anagaʼmo aliʼnaya aʼnemo hapa faitapa apataleyo, huno hapa paiʼniye.

Samu 119:103

Nagaemo gekamo neʼna afi geʼnogenoʼaeʼmo haga nahauʼniye. Gekamo hagaʼamoʼmo luʼmemo anumoʼmo nehiya hagaʼamo ago aeno agaseno haga nehiye.

Samu 119:128

Gekamo aeʼa ati kaeʼnayaʼmofeʼmo muki kavatefeʼmo namiʼnana keʼaepa gekaeʼmo, fatago gemo haneʼniye, huʼna nagesamo afiteʼna aigofe kavatefeʼmo naini nehuve.

Samu 119:174

O, Ala kava nene, huʼna, nagufamo alika katika natesanafeʼmo naga nete. Keʼaepa gekaeʼmo namogaga neʼauve.

Samu 119:72

Kavayafatiʼmo huʼnana keʼaepa gekamoʼmo tauseni monimo ago aeno agaseʼniyaʼmofeʼmo gekaeʼmo magoʼe huno nahauʼniye.

Samu 119:97

Nagaemo keʼaepa gekaeʼmo lusi kava huno nahau nayamopafiʼmo nahauʼniye. Neteʼe uneʼeʼmo gekaeʼmo nagesa afifi huʼna maiʼnove.

Samu 34:8

Ala kava neʼmo kanale vekamo maiʼniye hutapa agesayafeʼmo ageyo. Ala kava nepiʼmo fala kiʼa neʼmaiya vayaʼmo aulena vayaʼmo maiʼnae.

Samu 51:10

O Gotiyo, huʼna, yaveyave naipamo alo huka nateteka gekamo afisuvafeʼmo nauneʼnameʼmo alika saufa nauneʼnameʼmo hamaleka ato.

Matiyu 13:22

Mago vayaʼmogi Goti geʼamo afiteʼapaeʼmo ma mopafiʼmo maisaya kavafekeʼmo hapausoli huteʼa kagemi yaʼmoʼa humi neʼapateya yaʼmo alisayafekeʼmo hapaʼye nehigenoʼaeʼmo Goti geʼamo ago aeno ati nekaeya kava huno aufe nofiʼmo haneʼniya yapiʼmo asagauno aiʼniya avina yakana huʼa maiʼnae.

Yoni 14:30

Ma mopafi vayaʼaiteʼmo yagaino neʼapateya vekamo ago neʼeyaʼmofeʼmo yatala gemo lapa opaiguve. Ago neʼeyaʼmonanafa agae yaʼmo naipafiʼmo ohaneʼniyaʼmofeʼmo afaʼa yagaino oʼnategaiye.

Yoni 15:19

Lapakaemo ma mopafi vayaʼmo maiʼnaesinana ma mopafi vayaʼmogimo vayaʼapieʼmo hapauʼniya agufa kavaʼmo huʼa lapakaefeʼmo hapau apayamopafiʼmo hapauʼniesine. Hapauʼniyesinaʼmonanafa nagaemo ma mopafi vayapatiʼmo lekana paiʼna lapateʼnogetapa ma mopafi vayapiʼmo oʼmaiʼnayaʼmofeʼmo lapakaefeʼmo apaini nehae.

Yoni 17:14

Nagaemo kagae gemo aliʼna apamiʼnogeʼa aliʼnageʼapaeʼmo ma mopafi vayaʼmogimo apakaefeʼmo apaini huʼnae. Ma mopafi vayaʼmo oʼmaiʼnayaʼmofeʼmo apakaefeʼmo apaini huʼnae.

Yoni 7:7

Ma mopafi vayaʼmogimo lapakaefeʼmo afaʼa alagi apaini osugae. Nagaemo hosu kavaʼapieʼmo gemo aeʼna hakalo huʼna hapa nepauvaʼmofeʼmo nagaefeʼmo apaini nehae.

Lomu 12:1

Konagaʼnimogitapae, huʼna, Gotiʼa ani kavaʼmo nehiyaʼmofeʼmo nagaemo lapa maeno hau huno lapateʼniya kavaʼaletiʼe kavaʼaletiʼefeʼmo huʼnaeʼmo, Lahapao ke hovanagi Gotikeʼmo lapakufamo amiyo. Ofaliʼniya ofalinimo aunemeʼe ofalinimo aote ofalinimo Gotiʼa amuse huno lapatesiya agufa ofalinimo amiyo. Ani agufa kavaʼmo lapakesafatiʼmo mono hisaya kavaʼmo haneʼniye.

Lomu 13:14

Lapakaemo lapakufamoʼmo hauʼniya kavaʼmo afole aisayafeʼmo alo osutapa Ala kava netapimo Yesu Kalaisikeʼmo kukenagana hutapa alita vaiyo.

Lomu 7:12

Inagi muki keʼaepa gemo aote gemo haneʼnigeno magoke magoke keʼaepa gemoʼa ma kavaʼmo hiyo ina kavaʼmo osiyo, huno huʼniya gemoʼa aote gemo hanege fatago gemo hanege alagepa gemo hanege huʼniye.

Lomu 7:14

Ago afiʼnonana Goti Aunemeʼamo haiya agufa aipaʼe vekamo maiʼnifi huno ani kavaʼmo huno Goti keʼaepa geʼamo haneʼniye. Haneʼniyaʼmonanafa nagaemo atafa naipaʼe vekamo maiʼnove. Na kava higeʼnaene. Naipafiʼmo haneʼniya hosu kavaʼnimoʼmo kalavusi huno nateʼnigeʼna aliʼyaʼamo aliʼna maiʼnove.

Lomu 7:22

Nagaemo saufa naipafatiʼmo Goti keʼaepa geʼaeʼmo nahauʼnigeʼna namogaga neʼauvaʼmonanafa

1 Kolitiyani 3:19

Ma mopafi vayaʼmogi afiteʼa ageʼnaya kavaʼmo Goti aulagaleʼmo negi nagi kavaʼmo haneʼniye. Ani kavatefeʼmo Goti mukufi gemoʼmo hunoʼaeʼmo, Afiteʼa ageʼnaya vayaʼmogimo avame name kavaʼmo nehagenoʼaeʼmo Gotiʼa aneʼaifiʼmo hegekana huno neʼapatafaiye, huno huʼniye.

2 Kolitiyani 4:4

Ma mopafi vayaʼmogi gotiʼapimoʼa apakesamo afiʼa fatago nosaya vayaʼai apakesamo afisaya apaulagamo alino fali kaeno apateʼnigeʼapaeʼmo afaʼa noʼagae. Kalaisiʼa Goti auneʼamo alagi maiʼniyaʼmonanafa apakaemo Kalaisi ha le konali yaʼaeʼmo alagepa faigoko geʼamoʼmo aeno ha neleya konali yaʼamo afaʼa oʼagegae.

2 Kolitiyani 5:17

Gotiʼa ina lagimo Kalaisipiʼmo maiʼnisafi ago saufa vayaʼmo alo huno apateʼniye. Afiyo, huʼna, atafa kavaʼapimo ago hano huʼnigenoʼaeʼmo muki saufa kavaʼapimo afole aiʼniye.

Galesiya 1:4

Gotiʼa Afotimoʼmo hauʼnigeno Kalaisiʼa geʼamo akame huno hemenimo ma mopafi kavategatiʼmo lagufamo alino katino latesiyafeʼmo hosu kavatilefeʼmo agufamo amiteno faliʼniye.

Efasasi 1:18

Apakaefeʼmo keya aeka ge huʼnanageʼapaeʼmo eʼa apamisana yafeʼmo apavayagunagu huʼa agava neʼmaiye. Ha le yakamo apamiteka apaipafi apaulagamo alika ayakeka ategeʼapao mafaʼneʼapimogimo muki afoʼapimogi yaʼmo neʼaliya kava huka apaote vayaʼaina hetamaʼapimo apamisanageʼa ageʼa alagepa huteʼapaeʼmo, ha le konali yaʼamo alagepa yaʼmo haneʼniye, huʼa agava maiyo.

Efasasi 2:2

Ma mopafi hosu kavaʼmo akame huge ala vekamo kokuʼnaʼe mopaʼeʼmo hanetegeno folagate neʼmaiya vekamoʼmo hosu enisole vayaʼaiteʼmo yagaino neʼapateya vekamo geʼamo akame huge huʼnae. Agaemo Goti geʼamo amagiʼa neʼatalaya vayaʼai apaipafiʼmo aliʼyaʼmo neʼaliya aune vekamo maiʼniye.

Efasasi 5:17

Inagi negi nagi vayaʼmo oʼmaitapa Ala kava neʼmo hauʼniya kavafeʼmo kahauya hutapa ageyo.

Kolosi 1:9

Ani kavaʼmo hutapa maiʼnayaʼmofeʼmo afiʼnona afinatetiʼmo oʼataleta nunumuʼmo huta lapateme lapateme eta maiʼnone. Lagaemo, Apakaemo kahauʼnisiya kavaʼmo hisayafeʼmo kaunekameʼmoʼa alino apaya malenageʼa alagepa huʼa apakesamo afiteʼa ageʼa aeto nehaya kavaʼmo apaipafiʼmo havai teno, huta nunumuʼmo nehune.

Kolosi 4:12

Epafalasiʼa lapakaepati vekamoʼmo Kalaisi aliʼyaʼmo neʼaliya vekamoʼmo ge lapamamaeʼniye. Lapakaemo alopa Kalisitini vayaʼmo hamaletetapa oʼataleta lokiya vaita maiʼnetapa Gotiʼa hauʼniya kavaʼmo agetetapa akame hisayafeʼmo lusi kava huno nunumuʼmo huno nelapate.

1 Tesaloniyani 4:3

Gotiʼa aote kavaʼmo hume hume neʼutapaeʼmo kumai kavafeʼmo maita halove hutapa atesayafeʼmo hauʼniye.

Taitasi 3:5

Agaemo fatago kavaʼmo huta alagepa aliʼyaʼmo aliʼnona kavatiletiʼmo lagufamo alino katino olateʼnifa fikumo hau huno latetenoʼaeʼmo lagufamo alino katino lateʼniye. Aunemeʼaletiʼmo alino lateteno hosu kavatimo aeno kalo paeno lateʼnigetaeʼmo saufa vayaʼmo hamaleʼnone.

Yemisi 1:27

Gotiʼa muki yaʼmo afoʼamo aulagaleʼmo alagepa monoʼmo nehaya kavaʼmo haneʼniyana kogu aʼnemogiʼe megusa mafaʼne anagaʼmogiʼeʼmo kana yaʼmo neʼaliya afinaʼmo uʼa hapa maege ma mopafi vayaʼmogimo aliʼa hosu huʼa oʼapatesayafeʼmo apakaiʼapileʼmo alagepa huʼa yagaiʼa apatege nehaya kavaʼmo haneʼniye.

Yemisi 4:4

Veyalave kotalakemo amagitapa ataleʼnaya ve aʼnemogitapae, huʼna, ma mopafi vayaʼe kavaʼeʼmo aliʼa apao yaʼmo nehisaya vayaʼmogi Gotiʼmo kame huʼa neʼatae, hutapa oʼafiʼnafiye. Haiya vekamoʼmo ma mopafi kavaʼmo ao vekamo maisiyafeʼmo hauʼnifi agaiʼamo Goti kameʼamo hamaleʼniye.

1 Pita 1:14

Lapakaemo gemo neʼafiya mafaʼnegana hutapageʼmo maiyo. Hogotetapa Goti geʼamo oʼafiʼnetapaeʼmo amega lapakufamoʼmo hauʼniya kavaʼmo akame hutapa maiʼnayaʼmonanafa hemenimo lapakaefeʼmo keya aeno ge huʼniya vekamo alagepa aote vekamo maiʼniya kava hutapa muki kavaʼamo nehutapaeʼmo alagepa lapaote vayaʼmo maiyo.

1 Pita 1:18

Lapakinago vayaʼai kavaʼmoʼa alagepa huno lapa oʼmaesiya agufa kavakeʼmo hogotetapa akame huʼnae. Ani agufa kavategatiʼmo ago miya faino hatu maeno lapateʼniya kavafeʼmo ava gemo ago afiʼnae. Kalaisiʼa hano hisiya yaʼmo siluva yafatetiʼmofi goli yafatetiʼmofi huno miya faino olapateʼnifa

1 Pita 2:3

Ala kava neʼmoʼa fikumo laha maeno nelamiya vekamo maiʼniye, hutetapa netapa afi geʼnisayaʼmoʼmo nufeʼmo lapaʼye hino.

1 Pita 4:2

Apakaemo hosu kavaʼapimo ago ataleʼnayaʼmofeʼmo ma mopafiʼmo maime maime neʼeʼapaeʼmo hapaʼye nehiya kavaʼmo ataleʼa Gotiʼa hauʼniya kavakeʼmo akame hisaya kavaʼmo haneʼniye.

2 Pita 1:4

Gotiʼa ani kavatetiʼmo alopa monileʼyaʼmo aeno agaseʼniya geʼamo fikumo lapa maeʼna lapamiguve, huno hu maleʼniya geʼamo hemenimo ago laha paiʼniye. Lapakaemo ma mopafi kavafeʼmo hapaʼye huʼnigeno alino hosu huno neʼapateya kavategatiʼmo ago faita kasalo paeʼnayanagetapa Goti aipa agesamo alisayafeʼmo mani alopa kavatefeʼmo alagepa polomasi geʼamo ago lapa paiʼniye.

2 Pita 2:20

Apakaemo Ala kava neʼmoʼa apakufamo alino katino neʼapateya vekamo Yesu Kalaisiʼmo ageʼnaya kavatetiʼmo ma mopafi hosu oʼaniʼya kavategatiʼmo faiʼa kasalo paetaleʼa eʼnayanageno halate hosu kavaʼapimoʼmo nofi aegekana huno apatafauno apateʼneno aeno apakasesiyaʼmoʼmo aepa faiʼniya afinaʼmo hosu kava huʼa neʼmaiyaʼmonanafa atupa afinaʼapimo magoʼe huʼa alagi hosu kavaʼmo huʼa maigae.

1 Yoni 3:13

Konagaʼnimogitapae, huʼna, ma mopafi vayaʼmogimo lapakaefeʼmo apaini hisayana lapau oʼaiyo.

1 Yoni 5:19

Lagaemo ago ageʼnonana Goti mafaʼneʼamo maiʼnonaʼmonanafa muki ma mopafi vayaʼmogimo hosu vekamo aiyafiʼmo maiʼnageno yagaino neʼapate.

Leveleseni 12:9

Aliʼa hapa faiʼa apataleteʼa alopa nagaloʼyavemo akeyaʼvilaga maiʼniya nagaloʼyavemoʼmo aigofe geʼaletiʼmo muki ma mopafi vayaʼmo apakesamo nefaiya nagaloʼyavemo aliʼa hafaiʼa ataleʼnageno ma mopafiʼmo asagauno aiʼniye. Mago agiʼamo Nevoʼae ani agimo aepaʼamo haneʼniyana huno faipa huno neʼapateya vekamae. Mago agiʼamo Sataniʼae ani agimo aepaʼamo haneʼniyana kame vekamae. Apakaemo agaeʼe enisole vayaʼaʼeʼmo aliʼa hapafaiʼa apataleʼnageʼa ma mopafiʼmo asagauʼa aiʼnae.

Leveleseni 13:8

Muki ma mopafi vayaʼmo afaʼa maisaya yaʼmo aliʼnisaya vayaʼai apakiʼapimo avoʼmo kae maleʼniya mukufiʼmo apakiʼapimo avoʼmo okaeʼnisiya vayaʼmogimo afela afulefeʼmo mono hugae. Ani mukumo ma mopamo faino ateʼniya afinaʼmo kamiti amagiʼnaya sipisipi vekamo mukuʼamo haneʼniye.