Lomu 12:16 - The Keyagana NT and 25 OT books

¹⁶ Magoke lapaipa lapakesamo alitapa maiyo. Ala lapaki alisaya agufa kavaʼmo osutapa ina agufa vayaʼmo maiʼnae, huʼa hisaya agufa kavakeʼmo hutapa maiyo. Alagi ago afiteta ageʼnona vayaʼmo maiʼnone, hutapa lapakesamo oʼafitapa afaʼa maiyo.

Lomu 12:16 ပူးပေါင်းရင်းမြစ်များ

Mai'naya kavane 17:5

Mago vekamoʼmo kagemi yaʼamo ohaneʼniya vekaeʼmo huno faipa huno neʼatesiyaʼmoʼmo kagemi yaʼamo ohaneʼniya vekamo alo huno ateʼniya vekaʼeʼmo huno faipa huno ateʼniye. Mago vekamoʼmo agesiyana alu vekamoʼmo hanageke yaʼmo alisigeno agetenoʼaeʼmo amogaga aisiyaʼmoʼmo kayoʼmo amisigenoʼaeʼmo faino kasalo opaegaiye.

Mai'naya kavane 19:17

Kagemi yaʼapimo ohaneʼniya vayaʼaifeʼmo hau huno apateteno fikumo neʼapamiya vekamoʼmo Ala kava nekeʼmo neʼamiyaʼmofeʼmo anonaʼalefeʼmo amigiye.

Mai'naya kavane 19:22

Hau ayamopafiʼmo hauʼniya vekamoʼmo hapa maesiyafeʼmo hauʼniye. Kagemi yaʼamo ohaneʼniya vekamoʼmo aigofe gemo nehiya vekamo ago aeno aga seʼniye.

Mai'naya kavane 19:7

Kagemi yaʼamo ohaneʼniya vekaeʼmo konagaʼamogimo nohapaiye. Ao vayaʼmogimo ataleʼa uʼnae. Agaemo apakaefeʼmo ge nehiyaʼmonanafa noʼafiye.

Mai'naya kavane 26:12

Negi vekamoʼmo alagepa kavaʼmo hisiyafeʼmo mago vekamo agaiʼa aulagaleʼmo afiteʼna ageʼnova vekamo maiʼnove, huno nehiya vekamo aeno aga seʼniye.

Mai'naya kavane 26:5

Negi vekamoʼmo negi gemo hisiya geleʼmo aeka atagaina huka ha paiyo. Fiku yanageno afiteʼna ageʼnova vekamae, huno hugiye.

Mai'naya kavane 3:7

Afiteʼna ageʼnove, huka osuka Ala kava nefeʼmo koli huka hosu kavafeʼmo kakameʼya amiyo.

Aiyeya 5:21

Apakaiʼapi apaulagaleʼmo apakeʼapaeʼmo, afiteta ageʼnona vayaʼmo maiʼnone, huʼa huge alagepa laipa lagesa afi yaʼmo haneʼnigeta alagepa kavaʼmo nehuna vayane, huʼa apakesamo afige nehaya vayaʼmogimo lusi kava huʼa kage kage hugae.

Matiyu 11:5

Apaulagamo ali huʼniya vayaʼmo ageʼa ayakege apaiyamo hosuʼniya vayaʼmo alagepa huʼa uʼeʼa huge lepolosi kaitaʼmo hapauʼniya vayaʼmo alagepa apakufamo hanege apakesamo akaniʼniya vayaʼmogimo gemo alagepa huʼa afige faliʼnaya vayaʼmo he tige kagemi yaʼapimo ohaneʼniya vayaʼaifeʼmo alagepa faigoko gemo aeʼna hakalo huʼna hapa nepaugeʼa afige nehae, hutapa uta ha paiyo.

Matiyu 26:11

Muki afinaʼmo kagemi yaʼapimo ohaneʼniya vayaʼmo ma mopafiʼmo lapakaeʼeʼmo magokepi lokaeʼa maigayaʼmonanafa nagaemo muki afinaʼmo lapakaeʼeʼmo magokepi lokaeʼna oʼmaiguve.

Luki 14:13

Yagita nehana afinaʼmo kagemi yaʼapimo ohaneʼnisiya vayanagi apakufamo hosuʼnisiya vayanagi apaiyamo hosuʼnisiya vayanagi apaulagamo ali huʼnisiya vayaʼaifenagi huka ge huvo.

Luki 6:20

Yesuʼa alino maku huno apakeyana geʼamo neʼafiya vayaʼmo maiʼnageno apaketenoʼaeʼmo, kagemi yatapimo ohaneʼnisaya vayaʼmogitapamo Gotiʼa yagaino neʼapateya kegiʼyafiʼmo uta haitapa maiʼnageno muki yaʼamo lapakaitapi yaʼmo haneʼniyaʼmofeʼmo Goti aulena vayaʼamo maiʼnae.

Apa 4:32

Muki apakesamo afiʼa fatago nehaya vayaʼmogimo magoke apaipa apakesamo aliʼneʼapaeʼmo mago vekamoʼmo aliʼniya yafeʼmo, nagaiʼni yane, huno osuʼnifa mukiʼamogimo muki aliʼnaya yafeʼmo, lagaiti yane, huʼa huʼnae.

Lomu 11:20

He, lama gemo huʼnayaʼmonanafa Kalaisifeʼmo apakesamo afiʼa fatago osuʼnayaʼmofeʼmo alino lo aeno apataleʼnigetapaeʼmo lapakaemo lapakesamo afita fatago nehaya kavatapiletiʼmo afaʼa neʼmaiye. Himuʼnamu kavaʼmo osutapa koligeʼmo huta maiyo.

Lomu 11:25

Konagaʼnimogitapae, huʼna, alagepa huta afiʼnone, huta hutetapa himuʼnamu kavaʼmo osisayafeʼmo mago fala kiʼniya gemo lapa paisugetapa afisayafeʼmo nahauʼniye. Gotiʼa mago Isaleli vayaʼai apakesamo aino akani maleʼnigeʼa geʼamo oʼafiʼa maime maime neʼvisageʼapaeʼmo mago alu nofi vayaʼmogimo Goti kegiʼyafiʼmo uʼa haite haite huʼa haiʼa lekana pai maleʼniya vayaʼmo afole aigae.

Lomu 12:3

Nagaemo fikumo naha maeno namiʼniya himamuʼaletiʼmo muki vayaʼmogitapaeʼmo lapa paiʼnaeʼmo, Gotiʼa lapamete lapamete huno lapamiʼniya yafeʼmo hutapaeʼmo, nagesamo afiʼna fatago huʼnova yaʼmo na magi yaʼmo namiʼnifi, hutapa lapamete lapamete hutapa lapakesamo afita ho hutetapa yagaita ateyo. Fikumo yanageno mago aiseʼamo aliʼnisiya vekamoʼmo, alopa yaʼmo aliʼnove, huno agesamo afigiye.

Lomu 15:5

Gotiʼa oʼataleta atafauta alagi huta maiʼnisunagenoʼaeʼmo laipamoʼmo falu hisiya kavaʼmo aepa vekamoʼmo lapaipafiʼmo aliʼyaʼmo alisigetapa Kalaisi Yesuʼa huʼniya geleʼe kavateʼefeʼmo alagepa hutapa lapakesamo afitetapa magokepi lokaeta maiyo.

Lomu 6:2

Haʼao, alagi atalegeno hano hino. Lagaemo hosu kavatilefeʼmo ago faliʼnonaʼmofeʼmo haiya kava huta magoʼe huta hosu kavapiʼmo maigune.

1 Kolitiyani 1:10

Konagaʼnimogitapae, huʼna, Ala kava netimo Yesu Kalaisi agiʼaletiʼmo ge huʼnaeʼmo, Alita fako hutapa alu vaya alu vayaʼmo oʼmaitapa magoke vayaʼmo maiʼnetapa magoke agufa geʼageʼmo hutapa maiyo. Alagepa hutapa magokepi lokaeta maitetapa magoke lapaipa lapakesamo alita maiyo.

1 Kolitiyani 3:18

Lapakaitapieʼmo humi olapateyo. Lapakaepatiʼmo mago vekamoʼmo ma mopafi vayaʼmogi afiteʼa ageʼnaya agufa gemo afitenoʼaeʼmo, ageteʼna afiʼnova vekamo maiʼnove, huno agesamo neʼafisiyana ageteno afiʼniya geʼamo ataleteno, negi vekamo maiʼnove, huno hino. Huno hisiyana lama geleʼmo ageteno afiʼniya vekamo hamalegaiye.

1 Kolitiyani 4:10

Lagaemo Kalaisitefeʼmo neʼmaunageʼapaeʼmo negi vayaʼmo maiʼnae, huʼa nehayaʼmonanafa lapakaemo Kalaisipiʼmo maiʼnetapaeʼmo agetetapa afiʼnaya vayaʼmo maiʼnae. Lokiya noʼvauna vayaʼmo maiʼnonaʼmonanafa ago lokiya neʼvaiya vayaʼmo maiʼnae. Vaehae, nahauʼnimogitapae, huʼna, Ala lapakimo nelapamiyaʼmonanafa lagaefeʼmo, ina agufa vayaʼmo maiʼnae, huʼa nehae.

1 Kolitiyani 6:5

Lapakaepatiʼmo magoke vekamo ageteno afiʼniya vekamoʼmo konagatapimo kavaʼamo afaʼa alino fako huno atesiya vekamo oʼmaiʼnifiye. Lapavagage hino.

1 Kolitiyani 8:2

Afiʼnone, huʼa nehaya vayaʼmogimo magoke alagepa gemo alagi oʼafiʼnae.

2 Kolitiyani 13:11

Konagaʼnimogitapae, huʼna, hemenimo geʼnimo alagi huʼna hano huvanagi lapamogaga aitapa maiʼnetapaeʼmo kavatapimo alita api aitapa maiyo. Hiyo, huʼna avoʼmo kaeʼnova gemo afitetapa akame hiyo. Magoke lapaipa lapakesamo alitetapa maiyo. Alagepa hutapa magokepi lokaetapa maigenoʼao Gotiʼa hapau apayamopafiʼmo hapauʼnigeʼa alagepa huʼa magokepi lokaeʼa neʼmaiya kavaʼmo afoʼamoʼmoʼmo lapakaeʼeʼmo magokepi lokaeno maino.

Filipai 1:27

Lapakaemo magoke kavaʼmo hutapa Kalaisifeʼmo alagepa faigoko geʼamo akame hutetapa alagepa kavaʼmo hutapa maiyo. Maiʼnisageʼnaeʼmo lapakaetegamo uʼna lapakesufi olapakesufigeʼa mago vayaʼmogimo, oʼataleʼa magoke apaipa apakesamo aliteʼa Kalaisifeʼmo alagepa faigoko geʼalefeʼmo magokepi lokaeʼa maiʼneʼa kamemo nehae, huʼa lapava gemo huʼa naha paisageʼna afiguve.

Filipai 3:16

Alino apave ligiyaʼmonanafa alino lave liʼniya kavaʼmo akame huteta magoke laipa lagesamo aliteta magoke gemo akame higetao.

Filipai 4:2

Yuvotigaʼe Sitakigaʼefeʼmo lanahao ke nehovanagi, lanakaemo Ala kava nepiʼmo maiʼnetanaeʼmo magoke lanaipa lanakesamo alitana maiʼao.

Himulu 13:5

Lapaʼye osino. Aliʼnaya yafekeʼmo hutapaeʼmo, alagi haiʼmo aliʼnone, hutapa lapakesamo afitetapa lapaipamoʼmo falu hino. Na kava higetapaene. Agaiʼamo hunoʼaeʼmo, muki afinaʼmo olapataleʼna lapakaeʼeʼmo magokepi lokaeʼna maige maige huʼna maiʼneʼna lapa maegauve, huno huʼniyaʼmofeʼmae.

1 Pita 3:8

Nagaemo atupa geʼnimo lapa paiʼnaeʼmo, magoke lapaipa lapakesamo alitetapa magoke agufa lapaipamo kalitapa maiyo. Konagatapieʼmo afalu afalugana agufa kavaʼmo hutapa lapau lapayamopafiʼmo lapaino. Lapau hutapa apateyo. Vayaʼaitegamo himuʼnamu kavaʼmo osutapa vase vase kavaʼmo hiyo.

1 Pita 5:3

Gotiʼa apavaleno lapayapiʼmo lapamiʼniya sipisipileʼmo yagaitapa neʼapatetapaeʼmo alita afepi oʼapatetapa lapakame hisayafeʼmo apakaetegamo alagepa kavaʼageʼmo hiyo.

3 Yoni 1:9

Nagaemo siosilefeʼmo mani gemo avoʼmo kaeʼnovana Naiyotelefisiʼa hogote vekamo maisiyafeʼmo hauʼniyana geʼnimo noʼafiye.