Lomu 12:15 - The Keyagana NT and 25 OT books

¹⁵ Apamogaga aisaya vayaʼeʼmo magokepi lapamogaga aiyo. Inagi aviʼyaʼmo hisaya vayaʼeʼmo ani kavaʼmo hutapa magokepi aviʼyaʼmo hiyo.

Lomu 12:15 ပူးပေါင်းရင်းမြစ်များ

Luki 1:58

Koʼalega vayaʼmogiʼe agaiʼa vayaʼamogiʼeʼmo ani gemo afiteʼapaeʼmo, Ala kava neʼmoʼa hau huno ateteno lusi kava huno ha maeʼniye, huʼa huteʼa Ilisameteʼeʼmo magokepi apamogaga aiʼnae.

Yoni 11:19

Asole Yu vayaʼmo Mataʼe Maliyaʼeʼmo anasaʼanimoʼmo ago faliʼniya kavafeʼmo hapau huʼa anatesayafeʼmo anakaetegamo eʼnae.

Apa 11:23

Uno apakeyana Gotiʼa fiku hapa maeno apamiʼnigeno apaketenoʼaeʼmo lusi kava huno amogaga aiteno hapa painoʼaeʼmo, alagepa hutapa lapakesamo afitetapa lokiya vaita maiʼnetapaeʼmo Ala kava neʼmo akame huteta oʼatalegaune, hutapa hiyo, huno apaipa apakesamo alino lokiya vaino apateʼniye.

1 Kolitiyani 12:26

Agufafiʼmo mago haneʼniya yaʼafatiʼmo agafu nekisigenoʼaeʼmo muki agufafiʼmo haneʼniya yaʼafatiʼmo agafukeʼmo kigiye. Agufafiʼmo mago haneʼniya yaʼmoʼa ala agimo alisigenoʼaeʼmo muki agufafiʼmo haneʼnaya yaʼamogimo apamogaga aigae.

2 Kolitiyani 11:29

Ina lagimo lokiyaʼapimo nohanefi ani kava huno nagaeʼeʼmo lokiyaʼnimo nohane. Ina lagimo aliʼa apagoʼya faitalageʼa asagauʼa neʼaifi naipamo nele.

2 Kolitiyani 2:3

Visugetapaeʼmo namogaga yaʼmo namisaya vayaʼmogitapamo naipamoʼmo kana hisiya yaʼmo oʼnamisayafeʼmo oʼuʼna avoʼmo kaeʼnove. Lole nagesamo oʼafiʼna lokiya vaiʼna magoke nagesamo afiʼnaeʼmo, namogaga aisuvana ani kava hutapa lapamogaga aigae.

Filipai 2:28

Kaitaʼmo hauʼniyaʼmofeʼmo agetetapaeʼmo lapamogaga aisagenoʼaeʼmo naipamoʼmo falu hisiyafeʼmo nahauʼniyanageʼna aliʼna atesugeno lapakaetegamo ugiye.

Himulu 13:3

Kalavusi huʼnaya vayaʼaifeʼmo lapake kanitapa oʼapataletapa lapakesamo afiyo. Apakaeʼeʼmo magokepiʼmo lokaeta kalavusi huʼnegekana hutapa apakaefeʼmo lapakesamo afiyo. Kalaisitefeʼmo hanageke yaʼmo neʼaliya vayaʼaifeʼmo lapake kanitapa oʼapataletapa lapakesamo afiyo, apakaeʼeʼmo ma mopafi maiʼnetapaeʼmo hanageke yaʼmo alisaya vayaʼmo maiʼnayaʼmofeʼmae.