Lomu 12:12 - The Keyagana NT and 25 OT books

¹² Afole aisiya kavafeʼmo agava maiʼnetapaeʼmo lapavayagunagu hutapa lapamogaga aiyo. Hanageke yaʼmo aliʼnetapaeʼmo oʼataleta atafautapa alagi hutapa maiyo. Oʼataleta nunumuʼmo huge huge hutapa maiyo.

Lomu 12:12 ပူးပေါင်းရင်းမြစ်များ

Samu 37:7

Ala kava neʼmo aulagaleʼmo afaʼa maiʼnetapaeʼmo agava huta maige maige hutapa maiyo. Hosu kavaʼmo huteʼa alagepa huʼa neʼmaiya kavafeʼmo lapakesa alaʼamo afitetapa lapausoli osiyo.

Samu 40:1

Nagaemo Ala kava neʼmoʼa naha maesiyafeʼmo keya aeʼna ge huteʼnaeʼmo naipamoʼmo falu huʼnigeʼna agava maiʼnogenoʼaeʼmo ape huno agetafo huʼneno geʼnimo afiʼniye.

Samu 62:8

Vayaʼmogitapae, huʼna, muki afinaʼmo agaefekeʼmo alita amufa amiyo. Lapaipafatiʼmo aniʼmo lakigekana hutapa nunumuʼmo hutapa ha paiyo. Lagaetegamo hosu kavaʼmo afole neʼaigetaeʼmo Gotipiʼmo alagepa huta fala kita neʼmaune.

Mai'naya kavane 10:28

Fatago vayaʼmogimo afole aisiya kavafeʼmo apavayagunagu nehayanageno afole aigiyaʼmonanafa hosu vayaʼmogi afole aisiya kavafeʼmo apavayagunagu nehaya kavaʼmo hano hugiye.

Mai'naya kavane 14:32

Hosu vayaʼmogimo alagi hosu kavaʼapifiʼmo maiʼnagenoʼaeʼmo alino hapa faino neʼapataleyaʼmonanafa fatago vayaʼmo faliteʼapaeʼmo afole aisiya kavafeʼmo apavayagunagu huʼa neʼmaiye.

Matiyu 5:12

Alopa miyatapimo kokuʼnapiʼmo lapateʼniya miyatapimo aligayaʼmofeʼmo lapaipafiʼmo alagepa huta lapamogaga aiyo. Apakaemo hogoteʼa ani agufa kavaʼmo huʼa maiʼnaya vayaʼmogimo Gotitegati gemo alini eʼa aeʼa hakalo huʼa hapa nepaiya vayaʼaifeʼmo apaini huʼa apateʼnayaʼmofeʼmo lapamogaga aiyo.

Luki 10:20

Himamuʼnimo ago aliʼnayaʼmofeʼmo hosu apaune vayaʼmogi getapimo afiʼnaya kavafekeʼmo lapamogaga oʼaita Gotiʼa kokuʼnapi haneʼniya mukufiʼmo lapakitapimo avoʼmo ago kae maleʼniya kavafekeʼmo ago lapamogaga aiyo, huno hapa paiʼniye.

Luki 21:19

Lapakaemo alagepa kaʼmo oʼataleta lokiya vaitapa maisayaʼmoʼmo maige maige huta maisaya yaʼmo aligae.

Luki 8:15

Mago avina yaʼmo alagepa mopafiʼmo asagauno aiʼniya avina yakana huʼa mago vayaʼmogi Goti geʼamo afiteʼapaeʼmo aliʼa lama ge apaipamo kanale apaipafiʼmo maleteʼapaeʼmo alagepa kateʼmo uge uge huʼa maiʼneʼapaeʼmo alagepa alagamo neʼae.

Apa 1:14

Ani vayanagi mago aʼne anaganagi Yesu itaʼamoʼmo Maliyaʼagi Yesu aganaʼamogimogi huʼa magoke apaipa apakesamo aliteʼa aliʼa anupa huʼa maiʼneʼa nunumuʼmo huge ge huʼa afige huʼa maiʼnae.

Apa 12:5

Pitaʼa kalavusifiʼmo maiʼnigeʼa ati vayaʼmogimo yagaiʼa ateʼa maiʼnageʼapaeʼmo muki siosi vayaʼmogimo Gotiʼa ha maesiyafeʼmo lusi kava huʼa nunumuʼmo huʼa ateʼnae.

Apa 2:42

Apa vayaʼmogimo Goti geʼamo alagepa huʼa aliʼa apaya maleʼnageʼa afige apakaeʼeʼmo afalu afalu kavaʼmo huʼa alagepa huʼa magokepi lokaeʼa maige Ala kava neʼmo kaveʼmo nege nunumuʼmo huge huteʼapaeʼmo atafauʼa alagi huʼa maiʼnae.

Apa 6:4

Lagaemo magoke aliʼyaʼageke alita maiʼnetaeʼmo muki afinaʼmo nunumuʼmo huge Goti gemo aeta hakalo huta hapa paige huta maigune, huʼa hapa paiʼnae.

Lomu 15:13

Hemenimo Gotifeʼmo lapavayagunagu hutapa agava neʼmaiya kavaʼmo aepa vekamoʼmo magoʼe huno lapa maeno lapamisigetapa agaefeʼmo lapakesamo afita fatago nehutapaeʼmo magoʼe hutapa lapamogaga aisageno lapaipamoʼmo falu hugiye. Aote Aunemeʼamo himamuʼaletiʼmo magoʼe hutapa lapavayagunagu hutapa agava maisayafeʼmae.

Lomu 15:4

Akeyaʼvilagamo avoʼmo kae maleʼnaya gemoʼmo alino laya malesiyafeʼmo avoʼmo kae maleʼnae. Goti mukufiʼmo huʼniya gemoʼa laha maesigeta oʼataleta atafauta alagi huta maiʼnisunageno laipamoʼmo falu huʼnisigeta lavayagunagu huta agava maisunafeʼmo avoʼmo kae maleʼnae.

Lomu 2:7

Gotiʼa ha le konali yaʼapigi ala apakiʼapigi maige maige huʼa maisaya yaʼapigi huʼa alisayafeʼmo hapaʼye nehigeʼa alagepa kavaʼmo oʼataleʼa atafauʼa alagi huʼa maime maime neʼvisaya vayaʼmo alagepa huʼa maige maige huʼa maisaya yaʼapimo apamigiye.

Lomu 8:25

Lagaemo oʼageʼnona yafeʼmo agava maiʼneta lavayagunagu nehutaeʼmo alagi agegaune, huta huteta oʼataleta agava neʼmaune.

1 Kolitiyani 13:13

Hemenimo loleʼe magoʼe kavaʼmo haneʼniyana apakesamo afiʼa fatago nehaya kavaʼmo hanege alagepa kavaʼmo afole aigiye, huʼa huteʼa agava maiʼneʼa apavayagunagu nehaya kavaʼmo hanege hapau apayamopafiʼmo nehapaiya kavaʼmo hanege huʼniyanageno alagi hanege hanege huno hanegaiye. Mani loleʼe magoʼe kavapatiʼmo aeno agaseno hogote kavaʼmo haneʼniyana hapau apayamopafiʼmo nehapaiya kavaʼmo haneʼniye.

2 Kolitiyani 12:8

Nagaemo ani kavaʼmo huʼniya kavatefeʼmo Ala kava nefeʼmo loleʼe magoʼe afinaʼmo, alika atalo, huʼna ge huʼnove.

Filipai 3:1

Konagaʼnimogitapae, huʼna, geʼnimo huʼna hano hugefeʼmo huvanagi henaga geʼnimo afiyo. Ala kava nefeʼmo lapamogaga aiyo. Lapa paiʼnova gemo halate lapa paisuvafeʼmo alagaʼmo oʼnahaeʼniyanageʼna lapa maesugetapa alagepa hutapa maisayafeʼmo lapa nepauve.

Filipai 4:4

Ala kava nefeʼmo muki afinaʼmo lapamogaga aiyo. Halate lapamogaga aiyo, huʼna nehuve.

Kolosi 1:11

Gotiʼa ha le konali lokiyaʼaʼe vekamoʼmo lokiyaʼaletiʼmo lokiya vaino lapateno. Lokiya vaino lapatesigetapa hosu afinaʼmo oʼataleta hosu lapaipamo okalita lapamogaga aiʼnetapa muki yaʼmo Afoʼamofekeʼmo hao ke hegae.

Kolosi 1:27

Gotiʼa muki nofi vayaʼaitegamo asole ha le konali kavaʼamo fala kiʼniyanageno alino apave lisiyafeʼmo hauʼnigenoʼaeʼmo agesamo afiʼniye. Mani fala kiʼniya gemo Kalaisiʼa lapaipafiʼmo maiʼniya vekaeʼmo ava gemo haneʼniye. Agaetefeʼmo ha le konali yaʼamo alisayafeʼmo lapavayagunagu hutapa agava neʼmaiye.

Kolosi 4:12

Epafalasiʼa lapakaepati vekamoʼmo Kalaisi aliʼyaʼmo neʼaliya vekamoʼmo ge lapamamaeʼniye. Lapakaemo alopa Kalisitini vayaʼmo hamaletetapa oʼataleta lokiya vaita maiʼnetapa Gotiʼa hauʼniya kavaʼmo agetetapa akame hisayafeʼmo lusi kava huno nunumuʼmo huno nelapate.

Kolosi 4:2

Nunumuʼmo nehutapaeʼmo oʼataleta alagepa huta kava yagaiʼnetapa Gotifekeʼmo hao ke hetapa nunumuʼmo huge huge hutapa maiyo.

1 Tesaloniyani 1:3

Lapakesamo afita fatago huʼnetapaeʼmo alagepa kavaʼmo nehae. Lapau lapayamopafiʼmo lapauʼnigetapaeʼmo lokiya aliʼyaʼmo neʼaliye. Ala kava netimo Yesu Kalaisifeʼmo agava maiʼnetapa lapavayagunagu nehutapaeʼmo oʼataletapa atafauta alagi hutapa neʼmaiye. Lagaemo Afotimo Goti aulagaleʼmo ani kavatapieʼmo lagesamo afitetaeʼmo muki afinaʼmo olapataleta nunumuʼmo huta nelapatone.

1 Tesaloniyani 5:8

lagaemo feluga umenitata nehaya vayakana huta laipa lagesaleʼmo yagaita lategetao. Ati vayaʼmogimo kame vayaʼapimogimo ohapaesayafeʼmo lokiya aeni siotimo neʼvaiya kava huta lagesamo afita fatago nehuta lahau layamopafiʼmo lahaino. Ati vayaʼmogi lokiya aeni kakolitamo neʼmalaya kava huta Gotiʼa lagufamo alino katino latesiyafeʼmo agava maiʼneta lavayagunagu huta maigetao.

2 Tesaloniyani 1:4

Apaini huʼa nelapatagetapa kana yaʼmo aliʼnetapaeʼmo lapakesamo afita fatago nehutapa oʼataleta atafauta alagi hutapa maiʼnayaʼmofeʼmo lagaemo Goti siosi vayaʼamo aliʼa anupa huʼa maiʼnaya yategaʼe yategaʼeʼmo hutaeʼmo, alagepa kavaʼmo huʼa neʼmaiye, huta lapakitapileʼmo alita asaga huta nelapatone.

2 Tesaloniyani 3:5

Ala kava neʼmoʼa lapaipa lapakesamo alino ho huno lapatenagetapa Gotiʼa lagaefeʼmo hau ayamopafiʼmo hauʼniya kavaʼe Kalaisiʼa oʼataleno atafauno alagi huʼniya kavaʼeʼmo alagepa hutapa agetetapa afiyo.

1 Timoti 6:11

Apakafu nekiyaʼmonanafa kagaemo Goti vekamogae, huʼna, ani kavategatiʼmo ataleka kaune heka fatago kavanagi mono kavanagi kahau kayamopafiʼmo kahauʼniya kavanagi atafauka alagi hisana kavanagi yagu yaga kaipa kali kavanagi huka atafauka alagi hisanafeʼmo vegala ao.

2 Timoti 3:10

Nehayaʼmonanafa kagaemo nehuva kavaʼnimo ago ageteka akame huʼnane. Ago ageʼnanana aliʼna apaya maleʼnogeka nagege muki afinaʼmo na agufa kavaʼmo nehufi huka nagege neʼaluva aliʼyaʼmoʼa na agufa neʼyaʼmo afole aisiyafeʼmo aliʼyaʼmo neʼalufi huka nagege Gotifeʼmo nagesamo afiʼna fatago nehugeka nagege gemo noʼafiya vayaʼaitegamo yagu yaga kavaʼmo huʼnogeka nagege Gotiʼe konagatimogiʼefeʼmo nahau nayamopafiʼmo nahauʼnigeka nagege kana yaʼmo aliʼneʼnaeʼmo oʼataleʼna atafauʼna alagi huʼna maiʼnogeka nagege huʼnane.

Taitasi 2:13

Ani kavaʼmo nehutaeʼmo ala vekamo Gotitimoʼmo lagufamo alino katino nelateya vekamo Yesu Kalaisiʼa ha le konali yaʼaʼeʼmo alino auleno atesiya afinaʼmo afole aisiyafeʼmo lamogaga aita agava neʼmaune.

Taitasi 3:7

Gotiʼa fikumo laha maeno lamitenoʼaeʼmo, naulagaleʼmo fatago vayaʼmo maiʼnae, huno huʼnigetaeʼmo faliʼniya kavatetiʼmo Afotimotegatiʼmo maige maige huta maisuna yatimo alisunafeʼmo agava maiʼneta lamogaga neʼauna yaʼmo ago lamiʼniye.

Himulu 10:32

Hogotetapa maiʼnaya kavafeʼmo lapakesamo afita ho hiyo. Gotiʼa ha le yaʼamoʼmo lapaipafiʼmo aeno ha leʼnigetapa ageʼnae. Agetetapaeʼmo lusi hanageke yaʼmo aliʼnetapaeʼmo oʼataleta lokiya vaitapa lapayamukiki huʼnae.

Himulu 10:36

Lapakaemo Gotiʼa hauʼniya kavaʼmo hutetapa lapamiguve, huno huʼniya yaʼmo alisayafeʼmo atafauta alagi hiyo.

Himulu 12:1

Ani asole vayaʼmogi apakesamo afiʼa fatago huʼnaya kavaʼmo aliʼa lave liʼnaya vayaʼmo faliteʼapaeʼmo hiyakana huʼa maiʼneʼa faiʼa vego huʼa lateʼa maiʼnageta folagapiʼmo maiʼnonageʼapaeʼmo aulu lahaeʼa lageʼa maiʼnae. Aulu lahaeʼa lageʼa maiʼnayaʼmofeʼmo lagaemo aliʼnona kana yaʼmo atalege latafausiya hosu kavaʼmo hatu maeta atalege huteta lesisi agufa kavaʼmo huta oʼataleta atafauta alagi huta maiʼneta laulagaleʼmo valino lateʼniya kateʼmo nagu nagu huta vigetao.

Himulu 3:6

Hapa paiʼniyaʼmonanafa Kalaisiʼa afamo anaga vayaʼai afoʼapimoʼmo Mafaʼneʼamoʼmo Goti afamo anaga vayaʼaleʼmo yagaino neʼapate. Lagaemo alagepa huta maige maige huta maigune, huta lole lagesamo oʼafita lavayagunagu huteta koli osuta lamogaga neʼaitaeʼmo oʼataleta atafauta alagi huta maime maime neʼuta atupa afinaʼeʼmo ani kavaʼmo huta maiʼnisunaʼmoʼmo Goti afamo anaga vayaʼamo maiʼnone.

Himulu 5:7

Kalaisiʼa ma mopafiʼmo maiʼnenoʼaeʼmo falisiya kavategatiʼmo agufamo alino katino atesiya Gotifekeʼmo alopa gefatiʼmo keya aeno ge huge haoke huge aviʼyaʼmo huge huno nunumuʼmo huʼniye. Gotifeʼmo koli huʼneno mono huʼniyaʼmofeʼmo Gotiʼa geʼamo afiʼniye.

Himulu 6:12

Alagaʼmo olapaeʼninagetapa Gotiʼa polomasi gemo hunoʼaeʼmo, lapamiguve, huno hu maleʼniya yaʼmo aliʼnaya vayaʼai apaiyakamo aliyo. Apakaemo oʼataleʼa apakesamo afiʼa fatago huʼneʼa atafauʼa alagi huʼa maime maime neʼeʼapaeʼmo aliʼnae.

Himulu 6:15

Huno ha paiʼnigeno Emalehamuʼa oʼataleno agesamo afino fatago huʼneno agava maime maime neʼegenoʼaeʼmo Gotiʼa hu maleʼniya gemo afole aiʼnigeno aliʼniye.

Yemisi 5:7

Konagaʼnimogitapae, huʼna, kagemi yaʼapiʼe vayaʼmogimo ani kavaʼmo nehayaʼmofeʼmo oʼataletapa atafauta alagi huʼnetapa agava maime maime neʼvigenoʼao Ala kava neʼmo eminegaiye. Hoyamo aliʼa neʼvaiya vayaʼmogimo avina yaʼmo nehakalaya afinaʼe neʼyaʼmo hagesigeʼa alisaya afinaʼefeʼmo oʼataleʼa atafauʼa alagi huʼa maiʼneʼapaeʼmo agava maiʼniye.

1 Pita 4:13

Kana yaʼmo aliʼniya kava huno kana yaʼmo neʼalitapa agaeʼeʼmo magoke agufa kana yaʼmo aliʼnayaʼmofeʼmo lapamogaga aiyo. Kalaisi ha le konali yaʼamo afole aisiya afinaʼmo lusi kava hutapa lapamogaga aigayaʼmofeʼmo magoʼe hutapa lapamogaga aiyo.

1 Pita 4:7

Muki yaʼamo alagi hano hisiya afinaʼmo ago hogo nehiyaʼmofeʼmo nunumuʼmo nehutapaeʼmo lapakufaleʼmo alagepa hutapa yagaita ateʼnetapa lapaipamo alo hiyo.

2 Pita 1:6

Agetetapa afiʼnaya kavaʼmo aliʼnetapaeʼmo anileʼmo lapakufaleʼmo yagaitapa ateyo. Lapakufaleʼmo yagaitapa ateʼnetapaeʼmo anileʼmo oʼataleta atafautapa alagi hiyo. Oʼataleta atafautapa alagi hutapa maiʼnetapaeʼmo anileʼmo Gotifeʼmo mono hiyo.

Leveleseni 13:10

Gotiʼa hunoʼaeʼmo, kalavusi huʼa apateʼnisaya vayaʼaina kalavusi huʼa apategae. Naipeletiʼmo apaiʼnageʼa faliʼnaya vayaʼaina naipeletiʼmo apaisageʼa faligae, huno huʼniyaʼmofeʼmo Goti aote vayaʼamogimo hosu afinaʼmo oʼataleʼa atafauʼa alagi huʼa maisaya kavaʼmo haneʼniye.