Lomu 12:10 - The Keyagana NT and 25 OT books

¹⁰ Magoke konagamogimo nehaya kava hutapa yuna lapaipa kaliʼnetapa lahapau lapayamopafiʼmo lahapaino. Apakava oʼmaitapa hogotetapa apakiʼapileʼmo alita asaga hutapa apateyo.

Lomu 12:10 ပူးပေါင်းရင်းမြစ်များ

Aepa Gemae 13:9

Ago, huno, kaulagaleʼmo alopa mopamo haneʼniyanagi kahao ke hovanagi kagaikamo mago mopamo lekana paiteka nagaemo nataleka uvo. Kagaemo hoga haopalegamo visanageʼnaeʼmo nagaemo lamaga haopalegamo uguve. Kagaemo lamaga haopalegamo visanageʼnaeʼmo nagaemo hoga haopalegamo uguve, huno ha paiʼniye.

Samu 133:1

Apakeyo, huʼna, Goti konaga vayaʼamogimo magoke apaipa apakesamo aliteʼa alagepa huʼa magokepi lokaeʼa maisaya kavaʼapimoʼmo alagepa kavaʼmo amuse hisaya kavaʼmo haneʼniye.

Matiyu 20:26

Lapakae folagapatiʼmo mani agufa kavaʼmo afaʼa osisaya kavaʼmo haneʼniye. Lapakaepatiʼmo mago vekamoʼmo alatapimo maigesuve, huno huʼnisiyaʼmoʼmo aliʼyaʼmo alisiya vekatapimo maino.

Luki 14:10

Hugiyaʼmofeʼmo ge hisigeka ukaeʼmo henaga siyateʼmo uka haika maiyo. Kagaefeʼmo ge huʼniya vekamoʼmo enoʼaeʼmo, veʼnimo, huno, ala apaki vayaʼmo neʼmaiya siyateʼmo uka haika fai maiyo, huno kaha paisigekaeʼmo kagaeʼeʼmo magokepi lokaeʼa maiʼnaya vayaʼmogi apaulagaleʼmo ala kagikamo aligane.

Yoni 15:17

Inagi ani keʼaepa geeʼmo lapa paiʼnaeʼmo, konagatapieʼmo lapau lapayamopafiʼmo lapaino, huʼna ago lapa paiʼnove, huno hapa paiʼniye.

Yoni 17:21

Apakaemo mukiʼamogi magokeʼageʼmo maiʼneʼa Afoʼnimogamo nagaepiʼmo maiʼnanageʼna kagaepiʼmo maiʼnova kava huʼa laʼagaepiʼmo magokeʼageʼmo maisayafeʼmo nunumuʼmo huʼna neʼapatove. Magokeʼageʼmo maiʼnisageʼapaeʼmo ma mopafi vayaʼmogi apaketeʼapaeʼmo nagaefeʼmo, Gotiʼa alino ateʼnigeno emineʼniye, huʼa apakesamo afiʼa fatago hisayafeʼmo nunumuʼmo huʼna neʼapatove.

Apa 4:32

Muki apakesamo afiʼa fatago nehaya vayaʼmogimo magoke apaipa apakesamo aliʼneʼapaeʼmo mago vekamoʼmo aliʼniya yafeʼmo, nagaiʼni yane, huno osuʼnifa mukiʼamogimo muki aliʼnaya yafeʼmo, lagaiti yane, huʼa huʼnae.

Lomu 13:7

Muki vayaʼmo afaʼa apataletapa apamisaya yaʼmo apamiyo. Anonatapilefeʼmo takesi monimo lapakitapileʼmo apamige alu takesi monimo apamige hiyo. Apaiyafiʼmo maiʼnisaya vayaʼai apaiyafiʼmo maiyo. Apakiʼapileʼmo aliʼa asaga hisaya vayaʼai apakiʼapileʼmo alita asaga hiyo.

Galesiya 5:13

Konagaʼnimogitapae, huʼna, kalavusifiʼmo oʼmaitapa afaʼa maisayafeʼmo Gotiʼa lapakaefeʼmo ge huʼniye. Afaʼa maiʼnayaʼmonanafa fiku yanagetapa ani kavatetiʼmo lapakufamoʼmo hauʼniya kavaʼmo hisaya kaʼmo valitapa ategae. Valitapa oʼatetapa konagatapieʼmo lapau lapayamopafiʼmo lapauʼninagetapa hapa maeyo.

Galesiya 5:22

Mani hosu kavaʼmo haneʼniyaʼmonanafa Goti Aunemeʼamoʼmo apaipafiʼmo alagagana huno alagepa kavaʼmo alino afole aino neʼate. Ani alagepa kavaʼmo haneʼniyana hapau apayamopafiʼmo hapauge apamogaga aige magoke apaipa apakesamo alige hosu kavaʼmo halate aeʼa atagaina huʼa osuʼa afaʼa maige yuna apaipa kaliteʼa hapa maege muki afinaʼmo oʼataleʼa alagepa kavaʼmo huge

Galesiya 5:6

Kalaisi Yesupiʼmo maiʼnetaeʼmo lagufamo lagauʼnisupi olagauʼnisupigeno afaʼa laha oʼmaegaiyaʼmonanafa lagesamo afita fatago nehuna kavatimoʼmo lahau layamopafiʼmo lahauʼniya kavatetiʼmo aliʼyaʼmo alisiyaʼmoʼmo afaʼa laha maegaiye.

Filipai 2:3

Lapakaitapiekeʼmo lapakesamo afitapa lapakitapileʼmo alita asaga hisayafeʼmo mago kavaʼmo alagi osiyo. Lapakufamo alita afepi atetetapa konagatapieʼmo, alagepa vayaʼmogeʼa ago aeʼa lagaseʼa maiʼnae, hutapa lapakesamo afiyo.

1 Tesaloniyani 4:9

Gotiʼa konagatapieʼmo lapau lapayamopafiʼmo lapausiyafeʼmo ago alino lapaya maleʼnigetapa afiʼnayanageta lapausiyafeʼmo halate avoʼmo kaesuva kavaʼmo ohaneʼniye.

2 Tesaloniyani 1:3

Konagatimogitapae, huta, lapakesamo afita fatago nehaya kavaʼmoʼa ko sino alopa heʼnigetapaeʼmo konagatapimogifeʼmo lapauʼniyanageno magoʼe magoʼe huno nelapaiye. Ani kavaʼmo nehayaʼmofeʼmo kanale kavaʼmogeta lapakaefeʼmo muki afinaʼmo Gotifeʼmo hao ke hesuna kavaʼmo haneʼniye.

Himulu 13:1

Konagatapieʼmo nelapaiya kavaʼmo oʼataletapa magoʼe huno lapau lapayamopafiʼmo lapaino.

1 Pita 1:22

Lama gemo afitetapaeʼmo lapaipamo sese huta atetetapa konaga vayatapieʼmo lama ge huno lapau lapayamopafiʼmo lapauʼniyaʼmofeʼmo lokiya kavaʼmo hutapa yaveyave lapaipafatiʼmo lapau lapayamopafiʼmo lapaino.

1 Pita 2:17

Muki vayaʼai apakiʼapileʼmo alita asaga hiyo. Konagatapieʼmo lapaino. Gotifeʼmo koli hiyo. Ala kini vekamo hogote vekatapimo ala agiʼamo amiyo.

1 Pita 5:5

Neya vayaʼmogitapae, huʼna, vayatama vayaʼai apaiyafiʼmo maiʼnetapa geʼapimo afiyo. He, muki vayaʼamogitapae, huʼna, ina agufa vayaʼmo maiʼnone, nehutapa aliʼyaʼmo neʼaliya vayaʼmogimo aliʼa neʼvaiya kukenamo aliʼa neʼvaiya kava hutapa konagatapimogi apaiyafiʼmo maiʼnetapa geʼapimo afiyo. Na kava nehiyaʼmofeʼmae. Gotiʼa ala vayaʼmo maiʼnone, huʼa apakesamo neʼafiya vayaʼaifeʼmo kame huno neʼapateyaʼmonanafa ina agufa vayaʼmo maiʼnone, huʼa apakesamo neʼafiya vayaʼaina fiku hapa maeno neʼapamiye.

2 Pita 1:7

Gotifeʼmo mono nehutapaeʼmo anileʼmo konagatapimo alita lapao yaʼmo hiyo. Konagatapimo alita lapao yaʼmo hu hutetapaeʼmo anileʼmo lapau lapayamopafiʼmo lapaino.

1 Yoni 4:11

Nahauʼniya vayaʼmogitapae, huʼna, Gotiʼa lagaefeʼmo hau ayamopafiʼmo hauʼniyaʼmofeʼmo konagatimogifeʼmo lahau layamopafiʼmo lahaino.

1 Yoni 4:20

Mago vekamoʼmo hunoʼaeʼmo, Nagaemo Gotifeʼmo nahau nayamopafiʼmo neʼnahaiye, huno nehunoʼaeʼmo konagaʼamogifeʼmo aini hisiyana aigofe vekamo maiʼniye. Agaemo ageʼniya konagaʼamofeʼmo nohausiyana haiya kava huno oʼageʼniya Gotifeʼmo hau ayamopafiʼmo haugiye.