Lomu 11:7 - The Keyagana NT and 25 OT books

⁷ Ani kava nehiyaʼmofeʼmo na kavafeʼmo ava gemo haneʼniye. Isaleli vayaʼmogimo kahauya huʼnayana oʼaliʼnae. Lekana paino apateʼniya Isaleli vayaʼmogigeʼmo aliʼnayaʼmonanafa alu Isaleli vayaʼmogi apaipamoʼmo lokiya vaiʼniye.

Lomu 11:7 ပူးပေါင်းရင်းမြစ်များ

Mai'naya kavane 1:28

Ani kavaʼmo hutapa maiʼnetapaeʼmo nagaefeʼmo keya aeta ge hugayaʼmonanafa getapimo oʼafiguve. Lapayamukiki hutapa kahauya hutapa nagesayafeʼmo hugayaʼmonanafa oʼnagegae.

Aiyeya 6:10

Kagaemo oʼafisaya apaipamo alika kalika apato. Apakesamo alika akaniteka apaulagamo alika ali huvo. Fiku yanageʼa apaulagafatiʼmo agege apakesafatiʼmo afige aliʼa apaipafiʼmo malege huteʼa nagaetegamo aiʼa atagineʼa esageʼna aliʼna alagepa huʼna apategauve, huno naha paiʼniye.

Maki 6:52

Yesuʼa aise peleti mayafatiʼmo magoʼe huno asole neʼyaʼmo apamiʼniya kavafeʼmo alagepa huʼa apakesamo oʼafiʼnayaʼmonanafa apakesamo ago akaniʼniya vayakana huʼa maiʼnayaʼmofeʼmo yasimo hano huʼnigeʼapaeʼmo hapau aiʼnae.

Luki 13:24

aise kipapiʼmo uta haisayafeʼmo lapaya mukiki hiyo. Nagaemo lapa paiʼnaeʼmo, asole vayaʼmo uʼa haisayafeʼmo hugayaʼmonanafa afaʼa uʼa ohaigae.

Lomu 10:3

Apakaemo huʼapaeʼmo, Gotiʼa fatago kavaʼamo fikumo neʼapamiye, huʼa afiʼa ha oleʼneʼa apakaiʼapi fatago kavaʼapigeʼmo aliʼa afole aiʼa atesayafekeʼmo aliʼyaʼmo neʼaliye. Gotiʼa agaiʼa fatago kavaʼamo alisayafeʼmo mago kaʼmo ago valino apateʼniyaʼmonanafa ohapauʼnigeʼa Goti aiyafiʼmo oʼmaiʼnae.

Lomu 11:25

Konagaʼnimogitapae, huʼna, alagepa huta afiʼnone, huta hutetapa himuʼnamu kavaʼmo osisayafeʼmo mago fala kiʼniya gemo lapa paisugetapa afisayafeʼmo nahauʼniye. Gotiʼa mago Isaleli vayaʼai apakesamo aino akani maleʼnigeʼa geʼamo oʼafiʼa maime maime neʼvisageʼapaeʼmo mago alu nofi vayaʼmogimo Goti kegiʼyafiʼmo uʼa haite haite huʼa haiʼa lekana pai maleʼniya vayaʼmo afole aigae.

Lomu 11:5

Gotiʼa fikumo hapa maeno lekana paino apateʼniyaʼmofeʼmo hemenimo ani kava huʼa asole vayapatiʼmo logufaʼamo maiʼnae.

Lomu 3:9

Inagi lagaemo Yu vayaʼmogita aeta apakaseta alagepa vayaʼmo maiʼnopiye. Haʼao, hosu kavaʼmoʼa Yu vayaʼmogitaʼe Yu nofi vayapatiʼmo oʼmaiʼnaya vayaʼeʼmo aeno lagaseno yagaino lateʼniye, huʼna aliʼna lapave liʼnove.

Lomu 6:15

Inagi lagaemo na agufa kavaʼmo hugune. Keʼaepa gemo afeʼalumelaga oʼmaita Gotiʼa fikumo laha maeno nelamiya kavaʼmo afeʼalumelagamo neʼmaunaʼmofeʼmo hosu kavaʼmo hisupiye. Haʼao, alagi atalegeno hano hino.

Lomu 9:18

Ani kavatefeʼmo Gotiʼa ina lagifeʼmo hau huno apatesifigeno hauʼniyanageno afaʼa hau huno apategaiye. Ani kava huno ina lagimo apaipamo alino akanino apatesifigeno hauʼniyanageno apaipamo afaʼa alino akanino apategaiye.

Lomu 9:23

Ani kavaʼmo huno Gotiʼa mago vayaʼamo lusi ha le konali yaʼamo alino apavelisigeʼa agesayafeʼmo hogoteno alo huno apateʼniye. Apakaemo mopa kegana huʼa maiʼnayanageno Gotiʼa hau huno apategaiye.

1 Kolitiyani 10:19

Geʼnimo aepaʼamo na agufa gemo hisuve. Malaga vayaʼaifeʼmo nehuvana aigofe gotiʼapimogimo neʼapamiya ofalinimo lama ge yaʼmo haneʼniye huʼna nehufi aigofe gotiʼapimogimo lama ge yaʼmo haneʼniye, huʼna nehuve.

2 Kolitiyani 3:14

Gotiʼa apaipa apakesamo aino akani maleʼnigeʼapaeʼmo ani kava huʼa maime maime eʼa hemenimo atafa kotalakemo lekana nepaigenoʼaeʼmo ani agufa kenamoʼmo apaipa apakesaleʼmo aino ati kaeʼniye. Gotiʼa ani agufa kenamo fikumo alino lageno oʼatalegaifa Kalaisitetikeʼmo alino lageno atalegaiye.

2 Kolitiyani 4:4

Ma mopafi vayaʼmogi gotiʼapimoʼa apakesamo afiʼa fatago nosaya vayaʼai apakesamo afisaya apaulagamo alino fali kaeno apateʼnigeʼapaeʼmo afaʼa noʼagae. Kalaisiʼa Goti auneʼamo alagi maiʼniyaʼmonanafa apakaemo Kalaisi ha le konali yaʼaeʼmo alagepa faigoko geʼamoʼmo aeno ha neleya konali yaʼamo afaʼa oʼagegae.

Efasasi 1:4

Akeyaʼvilagamo ma mopamo alo osuʼniya afinaʼmo Goti aulagaleʼmo laote vayaʼamo maiʼnisunagenoʼaeʼmo hosu kavatimo alagi ohanesiyafeʼmo Kalaisipiʼmo maiʼnaya vayane, huno lekana paino lateʼniye.

Filipai 1:18

Afaʼa ina agufa kavaʼmo haneʼniye. Hosu apaipafatiʼmo Kalaisifeʼmo ava gemo aeʼa hakalo huʼa hapa nepaifi lama ge apaipafatiʼmo Kalaisifeʼmo ava gemo aeʼa hakalo huʼa hapa nepaisafigeʼa kanalene. Kalaisifeʼmo ava gemo aeʼa hakalo huʼa hapa nepaiyaʼmofeʼmo namogaga neʼauve. He, magoʼe huʼna namogaga aiguve.

Himulu 12:17

Henagaʼamo afoʼamoʼmo yege mafaʼnemo alino auleno neʼapateya gemo Gotiʼa alino auleno kateno, huno ha paisiyafeʼmo hauʼniyaʼmonanafa afoʼamoʼmo ha opaiʼniye. Ha opaiʼnigenoʼaeʼmo aviʼyaʼmo nehunoʼaeʼmo haoke heno ge huʼniyaʼmonanafa aipamo alino afe lesiya kaʼmo alagi ohaneʼniye.

1 Pita 1:2

Gotiʼa muki yaʼmo afoʼamoʼmo lapaketenoʼaeʼmo, mafaʼneʼnimo maigae, huteno lekana paino lapateʼniye. Aunemeʼamoʼmo lapakaemo Yesu Kalaisifeʼmo ava gemo afitetapa akame hisageno Yesu Kalaisi kolaʼaletiʼmo aino fuli fuli huno faleno lapatesiyafeʼmo alino lapaote vayaʼamo lapateʼniye. Lusi kava huno fikumo lapa maeno lapamisaʼageno lapaipamoʼmo falu hino.