Lomu 11:25 - The Keyagana NT and 25 OT books

²⁵ Konagaʼnimogitapae, huʼna, alagepa huta afiʼnone, huta hutetapa himuʼnamu kavaʼmo osisayafeʼmo mago fala kiʼniya gemo lapa paisugetapa afisayafeʼmo nahauʼniye. Gotiʼa mago Isaleli vayaʼai apakesamo aino akani maleʼnigeʼa geʼamo oʼafiʼa maime maime neʼvisageʼapaeʼmo mago alu nofi vayaʼmogimo Goti kegiʼyafiʼmo uʼa haite haite huʼa haiʼa lekana pai maleʼniya vayaʼmo afole aigae.

Lomu 11:25 ပူးပေါင်းရင်းမြစ်များ

Samu 107:43

Muki afiteʼa ageʼnaya vayaʼmogimo ani kavafeʼmo apakesa afifi huʼa maigae. Apakaemo Ala kava neʼmoʼa vayaʼaeʼmo hau ayamopafiʼmo hauʼniya kavaʼamo ageʼa aeto hugae.

Samu 127:1

Ala kava neʼmoʼa hapa oʼmaesiyaʼmoʼmo noʼmo nekiya vayaʼmogimo afa aliʼyakeʼmo aliteʼa noʼmo okigae. Ala kava neʼmoʼa hapa oʼmaesiyaʼmoʼmo taonifiʼmo yagaiʼnaya vayaʼmogi afaʼageʼmo yagaiʼnisagenoʼaeʼmo taonifiʼmo hosu kavaʼmo afole aigiye.

Samu 22:27

Muki ma mopamo loleʼe loleʼe atupaleʼmo maiʼnaya vayaʼmogimo Ala kava nefekeʼmo apakesamo afiteʼa aiʼa atagi neʼa agaetegamo egae. Muki alu nofi vaya alu nofi vayaʼmogimo agaefekeʼmo mono hugae.

Samu 72:17

Yegemo haneʼnigenoʼaeʼmo muki afinaʼmo agiʼamo hanege hanege huno haneʼnisigeʼa agiʼaleʼmo aliʼa asaga huge huge huʼa maigae. Vayaʼmogimo agaepiʼmo aulena vayaʼmo maigae. Muki alu nofi vaya alu nofi vayaʼmogimo aulena Gotiʼae, huʼa hugae.

Mai'naya kavane 26:12

Negi vekamoʼmo alagepa kavaʼmo hisiyafeʼmo mago vekamo agaiʼa aulagaleʼmo afiteʼna ageʼnova vekamo maiʼnove, huno nehiya vekamo aeno aga seʼniye.

Mai'naya kavane 26:16

Alagaʼmo nehaeya vekamoʼmo agaiʼa aulagaleʼmo, afiteʼna ageʼnova vekamo maiʼnovaʼmofeʼmo seveniʼa vayaʼmo ago aeʼna apaka seʼnove, huno agesamo neʼafiyaʼmonanafa ani seveniʼa vayaʼmogimo ge aleʼmo alagepa huʼa afaʼa aeʼa atagaina huʼa ha paigae.

Aiyeya 5:21

Apakaiʼapi apaulagaleʼmo apakeʼapaeʼmo, afiteta ageʼnona vayaʼmo maiʼnone, huʼa huge alagepa laipa lagesa afi yaʼmo haneʼnigeta alagepa kavaʼmo nehuna vayane, huʼa apakesamo afige nehaya vayaʼmogimo lusi kava huʼa kage kage hugae.

Matiyu 13:11

Gotiʼa yagaino neʼapateya kavafeʼmo ava gemo aepaʼamo alino fala ki maleʼniya aepaʼamo ago lapamiʼniyaʼmonanafa apakaemo oʼapamiʼniye.

Luki 21:24

Ati vayaʼmogimo mago vayaʼamo naipeletiʼmo lugoʼapimo heʼa hatagauteʼa mago vayaʼamo kalavusi huʼa apateteʼa muki alu nofi vayaʼaitegamo apavaleli uʼa apategae. Alu nofi vayaʼmogimo eʼa Yulusalemu taonifiʼmo kamemo huteʼa aliʼa hosu huʼa ateme ateme neʼvisageno alu nofi vayaʼmogi kanaʼapimo alagi hano hugiye.

Yoni 10:16

Mago nagae sipisipimo mani kegiʼyafiʼmo hai eʼa oʼmaiʼnae. Nagaemo apakaemo apavaleliʼna egauve. Nagemo aisugeʼapaeʼmo afiʼa aeto huteʼa eʼa magoke sipisipi anagaʼmo maisageno magoke vekamo sipisipileʼmo yagaino apatesiya vekamo maigiye.

Lomu 1:13

Konagaʼnimogitapae, huʼna, mago gemo afisayafeʼmo nahauʼniyanagi lapakaemo alagepa hutapa afiyo. Muki afinaʼmo huʼnaeʼmo, uguve, huʼna nehuvaʼmonanafa lapakaetegamo visuva kaʼmo ago akani maleʼniye. Nagaemo Yu nofi vayapati oʼmaiʼnaya vayaʼaitegamo uʼna Goti geʼamo hakaleʼnogeno alagamo aeʼniya kava huʼna lapakaetegaʼeʼmo uʼna Goti geʼamo hakalesugeno alagamo aesiyafeʼmo neʼnahaiye.

Lomu 11:12

Ma mopafiʼmo maiʼnaya vayaʼmogimo asagauʼa aiʼnaya kavatetiʼmo asole kagemi yaʼmo neʼaliye. Malaga nofi vayaʼmogi alagepa yaʼapimo ataleʼnaya kavatetiʼmo asole kagemi yaʼmo neʼaliye. Neʼaliyaʼmofeʼmo muki Yu vayaʼai apakufamo alino katino apatesiya kavatetiʼmo na agufa kagemi yaʼmo aligae.

Lomu 11:24

Gotiʼa kahaufilaga haneʼniya yosafati akopamo alino lo aelino eno hoyafiʼmo haneʼniya yosafiʼmo aeno hanino lapateʼniye. Alu yosa akopamo aliʼa lo aeli eʼa akopa oʼaeʼniya yosafiʼmo aeʼa haniʼa aeʼa kamaeʼa noʼatae. Gotiʼa ani kavaʼmo huʼniyaʼmofeʼmo hoyafi haneʼniya yosa akopamo agaiʼa aeʼniya yosa akopamo noʼaleʼmo halate alinino eno aeno hanino aeno kamaeno atesiyafeʼmo lokiya aliʼyaʼmo ohaneʼniye.

Lomu 12:16

Magoke lapaipa lapakesamo alitapa maiyo. Ala lapaki alisaya agufa kavaʼmo osutapa ina agufa vayaʼmo maiʼnae, huʼa hisaya agufa kavakeʼmo hutapa maiyo. Alagi ago afiteta ageʼnona vayaʼmo maiʼnone, hutapa lapakesamo oʼafitapa afaʼa maiyo.

Lomu 16:25

Gotiʼa nagaemo aeʼna hakalo nehuva alagepa faigoko geʼaletiʼe Yesu Kalaisifeʼmo ava gemo aeʼa hakalo nehaya geʼaletiʼeʼmo afaʼa alino lokiya vaino lapategaiye. Ma mopamo alo huʼniya afinatetiʼmo ani gemo fala kino haneme haneme eʼniyaʼmonanafa

Lomu 9:18

Ani kavatefeʼmo Gotiʼa ina lagifeʼmo hau huno apatesifigeno hauʼniyanageno afaʼa hau huno apategaiye. Ani kava huno ina lagimo apaipamo alino akanino apatesifigeno hauʼniyanageno apaipamo afaʼa alino akanino apategaiye.

1 Kolitiyani 10:1

Konagaʼnimogitapae, huʼna, Muki laginago vayaʼmogimo Moseseʼa akame huʼa uʼnaya kavafeʼmo lapakesamo afisayafeʼmo nahauʼniye. Muki vayaʼamogi hiyaʼmo uneno nehiya hiyaʼmo afeʼalumelaga maiʼneʼa akame huʼa uʼnae. Akame huʼa uʼnageno aniʼmoʼa folagapiʼmo aino akaka vaeʼnigeno mopamo hau huʼnigeʼa uʼnae.

1 Kolitiyani 12:1

Konagaʼnimogitapae, huʼna, Goti Aunemeʼamoʼmo fikumo neʼapamiya kavafeʼmo ava gemo afisayafeʼmo nahauʼnigeʼnaeʼmo lapa paigesuve.

1 Kolitiyani 2:7

Hapa nopaunaʼmonanafa Gotiʼa alino fala ki maleʼniyanageʼa afaʼa oʼagesaya geʼaletiʼmo Gotiʼa afiteno ageʼniya geletiʼmo hapa nepaune. Gotiʼa ma mopamo alo osuʼnenoʼaeʼmo ha le konali yaʼamo alisunafeʼmo ani gemo hu maleʼniye.

1 Kolitiyani 4:1

Lapakaemo lagaefeʼmo hutapaeʼmo, Apakaemo Kalaisi aliʼyaʼamo neʼaliya vayaʼmo maiʼnae. Aliʼyaʼmo afoʼamo muki yaʼaleʼmo vayaʼmogi neʼyagaiya kava huʼa apakaemo Gotiʼa alino fala ki maleʼniya geʼaleʼmo yagaiʼneʼa neʼapamiya vayaʼmo maiʼnae, hutapa lapakesamo afiyo.

Efasasi 1:9

Hauʼniya kavatefeʼmo ani kavaʼmo huguve, huno agesamo afiteno lokiya gemo hu maleʼniya kavaʼmo hogoteno alino fala ki maleʼniyaʼmonanafa hemenimo ago alino lave liʼniye.

Efasasi 3:9

Gotiʼa Yesu Kalaisitetiʼmo muki yaʼmo afa yatetiʼmo alo huʼniya vekamoʼmo agesamo afitenoʼaeʼmo, ani kavaʼmo huguve, huno huʼniya kavaʼmo akeyaʼvilagamo alino fala ki maleʼnigeʼa muki kafugaʼae kafugaʼaeʼmo oʼageʼnae. Oʼageʼnayaʼmonanafa hemenimo Gotiʼa haiya kava huno agesamo afiʼniya kavaʼmo hisifi huʼa muki vayaʼmogimo ageʼa alagepa huʼa agesayafeʼmo aliʼyaʼamo alisuvafeʼmo navaleno nateʼniye.

2 Pita 3:8

Nahauʼniya vayaʼnimogitapae, huʼna, Goti aulagaleʼmo magoke afinaʼmo vani tauseniʼa kafugagana huno haneʼneno vani tauseniʼa kafugamoʼmo magoke afinakana huno haneʼniye. Ani kavatefeʼmo lapake okanino.

Leveleseni 1:20

Seveniʼa kanefiʼmo lamaga nayapiʼmo haneʼnigeka ageʼnana kanefiʼe seveniʼa goli yafatetiʼmo alo huʼnaya hiʼyalamuʼefeʼmo aepaʼamo haneʼniyana alino fala ki maleʼniya kavafeʼmo aepaʼamo kaha paiguve. Seveniʼa kanefiʼmo haneʼniya kava huʼa seveniʼa siosifiʼmo apa vayaʼmo maiʼnae. Seveniʼa aise hiʼyalamuteʼmo magoke magoke lamumo maleʼnaya hiʼyalamuʼmo haneʼniya kava huno seveniʼa siosiʼamo haneʼniye.

Leveleseni 10:7

Afinaʼamo afaʼa ohaneʼniyaʼmonanafa napa seveni enisole vekamoʼmo pikulimo nehisigenoʼaeʼmo Gotiʼa ani kavaʼmo huguve, huno huteno alino fala ki maleʼniya kavaʼmo afole aigiye. Aliʼyaʼamo neʼaliya vayaʼmogi agaetegati gemo alini eʼa aeʼa hakalo huʼa hapa nepaiya vayaʼaifeʼmo hapa paiʼniya kavaʼmo afole aigiye.

Leveleseni 11:15

Napa seveni enisole vekamoʼmo pikuli huʼnigeʼapaeʼmo kokuʼnapatiʼmo alopa gefatiʼmo ge huʼapaeʼmo, Hemenimo ma mopafi vayaʼaiteʼmo yagaiʼa neʼapataya vayaʼai apaimuʼyaleʼmo Ala kava netiʼe lekana paino ateʼniya vekamo Kalaisi vekaʼeʼmo maigaʼae. Agaemo yagaino apateno hano osuno yagaino apateme apateme ugiye, huʼa huʼnageʼapaeʼmo

Leveleseni 7:9

Ani kavaʼmo afole aitegeʼna ageʼnovana asole vayaʼmo lekana opaisuna agufa vayaʼmo muki alu kotega alu kotegamo neʼmaiya vayanagi muki alu nofi vaya alu nofi vayanagi muki alu apakufaʼe alu apakufaʼe vayanagi muki alu apake alu apakemo neʼaiya vayanagi huʼa yagaino neʼapateya vekamo siya aulagaʼe aikeli sipisipimo aulagaʼeʼmo eʼa he tiʼa maiʼnageʼna apakeʼnove. Apakaemo yatala yaveyaveʼage kukenamo vaiʼa aliʼnaya vayaʼmogi vayaveʼmo haitagana yaʼmo apayapiʼmo aliʼnae.