Lomu 11:20 - The Keyagana NT and 25 OT books

²⁰ He, lama gemo huʼnayaʼmonanafa Kalaisifeʼmo apakesamo afiʼa fatago osuʼnayaʼmofeʼmo alino lo aeno apataleʼnigetapaeʼmo lapakaemo lapakesamo afita fatago nehaya kavatapiletiʼmo afaʼa neʼmaiye. Himuʼnamu kavaʼmo osutapa koligeʼmo huta maiyo.

Lomu 11:20 ပူးပေါင်းရင်းမြစ်များ

2 Sitoli 20:20

Gotilamiyapiʼmo muki Yuta vayaʼmo he tiʼa Tekova taoni haopalegamo kaʼme kotegamo neʼuʼapaeʼmo kini vekamo Yihosafatiʼmo he tino ina ge huno hapa paiʼniye. Hapa painoʼaeʼmo, Yuta vayanagi Yulusalemu taonifi vayanagi hutapa geʼnimo afiyo. Lapakaemo Ala kava neʼmo Gotitapimofeʼmo alita amufa amigenoʼao lokiya vaino lapatesigetapa he tiyo. Lapakaemo geʼamo alini eʼa aeʼa hakalo huʼa hapa nepaiya vayaʼai geʼapieʼmo lapakesamo afita fatago higenoʼao lapa maesigetapa alagepa hutapa maiyo, huno hapa paiʼniye.

Samu 138:6

Ala kava neʼmo alagi anaga hogote vekamo maiʼniyaʼmonanafa agaemo afa vayaʼaifeʼmo agesamo neʼafiye. Apakaefeʼmo agesamo neʼafiyaʼmonanafa ala vekamo maiʼnove, huʼa nehaya vayaʼmo afagitegamo maiʼnageno apakeʼniye.

Mai'naya kavane 28:14

Muki afinaʼmo Ala kava nefeʼmo koli nehiya vekamoʼmo Goti aulagaleʼmo alagepa huno maiʼniyanageno afaʼa amogaga aigiyaʼmonanafa aipamo alino lokiya vaino neʼateya vekamoʼmo hanageke kavapiʼmo asagauno aigiye.

Mai'naya kavane 28:26

Nagaiʼnimo afaʼa naha maegauve, huno agaiʼamo alino amufa neʼamiya vekamo negi vekamo maiʼniyaʼmonanafa afiteno ageʼniya kavaʼmo nehiya vekamo hosu kavapatiʼmo avalelino uno haigiye.

Aiyeya 2:11

Ala kava neʼmo afole aisiya afinaʼmo ala apakimo neʼaliya vayaʼe apakiʼapileʼmo aliʼa asaga nehaya vayaʼeʼmo alino afepiʼmo apatesigeʼa Ala kava nekeʼmo aliʼa asaga huʼa ategae.

Aiyeya 2:17

Ala kava neʼmo afole aisiya afinaʼmo ala apakimo neʼaliya vayaʼe apakiʼapileʼmo aliʼa asaga nehaya vayaʼeʼmo alino afepiʼmo apatesigeʼa Ala kava nekeʼmo aliʼa asaga huʼa ategae.

Aiyeya 66:2

Nagaemo ma mopaʼe kokuʼnaʼeʼmo alo huʼnogeno muki ani yaʼmo nagaiʼni yaʼmo haneʼniyaʼmonanafa haiya agufa vekaeʼmo ageʼna alagepa huʼna amuse huguve. Haneʼniyaʼmonanafa nagaemo ani vekamo naunenametefeʼmo ageʼna oʼmaleʼnove, huno huge hosu kavaʼaeʼmo aipamo kana huteno geʼnimo afiteno atete huge nehiya vekamo alagepa huʼna ageʼna amuse huguve.

Hamakaki 2:4

Ago, huʼna, agaiʼaeʼmo amogaga neʼaiya vekamoʼmo fatago auneʼamo oʼaliʼniye. Oʼaliʼniyaʼmonanafa fatago vekamoʼmo agesamo afino fatago huʼniya kavatetiʼmo afaʼa maigiye.

Sefanaiya 3:11

Ani afinaʼmo nagaemo lapakaepatiʼmo apakaiʼapieʼmo apamogaga aiteʼa himuʼnamu nehaya vayaʼmo aliʼna hapa faiʼna apatalesugetapaeʼmo geʼnimo amagitapa ataleʼnaya kavatapieʼmo magoʼe huno lapavagage osugiye. Lapakaemo naote avefiʼmo magoʼe hutapa himuʼnamu kavaʼmo osugayaʼmofeʼmae.

Luki 18:14

Lapa nepauve, huno, Gotiʼa takesi moni neʼaliya vekaeʼmo hunoʼaeʼmo, naulagaleʼmo fatago vekamo maiʼnane, huno ha paiʼnigeno noʼalegamo fatago vekamo uno maiʼniyaʼmonanafa alu vekamo mago yaʼmo oʼalino afaʼa uʼniye. Gotiʼa muki vayaʼmogimo apakaiʼapi apakiʼapileʼmo aliʼa asaga huʼa neʼatesaya vayaʼai apakiʼapileʼmo alino afepi apategaiyaʼmonanafa Gotiʼa apakaiʼapi apakiʼapileʼmo aliʼa afepi neʼatesaya vayaʼai apakiʼapileʼmo alino asaga huno apategaiye, huno hapa paiʼniye.

Apa 18:6

Yu vayaʼmogimo geʼamo amagiʼa ataleteʼa huʼa faipa huʼa ateʼnagenoʼaeʼmo kukenaʼaletiʼmo mumusopamo alino kalo paeno ataletenoʼaeʼmo, Oʼafiʼnayaʼmofeʼmo lapakaemo afela hesayaʼmoʼmo nagaemo vaiʼmo oʼaligufa lapakaitapigeʼmo vaiʼmo aligae. Lapataleʼna alu nofi vayaʼaitegamo uguve, huno hapa paiteno apataleno uʼniye.

Lomu 11:18

Lapakaemo alino lo aeno ataleʼniya yosa akopaʼaeʼmo hutapaeʼmo, aeta agaseʼnone, hutapa osiyo. Ani agufa himuʼnamu gemo osutapa, lagaemo yosa hafuʼyaʼamo alita lokiya vaita oʼateʼnonagenoʼaeʼmo alino lokiya vaino nelate, hutapa lapakesamo afiyo.

Lomu 11:21

Gotiʼa yosaʼafatiʼmo agaiʼamo aeʼniya yosa akopamo alino lo aeno atalesiyafeʼmo agegeno oʼateʼniyaʼmofeʼmo lapakesamo afita fatago osisayana ani kava huno lapakegeno olapategaifa alino lahapafaino lapatalegaiye.

Lomu 12:16

Magoke lapaipa lapakesamo alitapa maiyo. Ala lapaki alisaya agufa kavaʼmo osutapa ina agufa vayaʼmo maiʼnae, huʼa hisaya agufa kavakeʼmo hutapa maiyo. Alagi ago afiteta ageʼnona vayaʼmo maiʼnone, hutapa lapakesamo oʼafitapa afaʼa maiyo.

Lomu 12:3

Nagaemo fikumo naha maeno namiʼniya himamuʼaletiʼmo muki vayaʼmogitapaeʼmo lapa paiʼnaeʼmo, Gotiʼa lapamete lapamete huno lapamiʼniya yafeʼmo hutapaeʼmo, nagesamo afiʼna fatago huʼnova yaʼmo na magi yaʼmo namiʼnifi, hutapa lapamete lapamete hutapa lapakesamo afita ho hutetapa yagaita ateyo. Fikumo yanageno mago aiseʼamo aliʼnisiya vekamoʼmo, alopa yaʼmo aliʼnove, huno agesamo afigiye.

Lomu 3:3

Apamiʼniyaʼmonanafa mago Yu vayaʼamogimo apakesamo afiʼa fatago osuʼnayaʼmofeʼmo Gotiʼa Emalehamufeʼmo, kaginago vayaʼmo hapa maegauve, huno ha paiʼniya gemo afa gemo haneʼniyanageno Gotiʼa agaiʼa geʼamo afaʼa akame osisifiye.

1 Kolitiyani 10:12

Maiʼnonaʼmofeʼmo lapakaemo lokiya vaita he tita maiʼnone, hutapa lapakesamo neʼafisayana asagauta aigayanagi ehetapiye.

1 Kolitiyani 15:1

Konagaʼnimogitapae, huʼna, Nagaemo Kalaisifeʼmo alagepa faigoko geʼamo aeʼna hakalo huʼna lapa paiʼnogetapa alita lapaipafiʼmo maleʼnayanagetapaeʼmo ani geleʼmo he titapa maiʼnae. Ani gelefeʼmo magoʼe hutapa lapakesamo afitapa ho hisayafeʼmo lapa paigesuve.

1 Kolitiyani 16:13

Yagaitapa maiyo. Goti vayaʼamogimo apakesamo afiʼa fatago nehaya gelefeʼmo he titapa lokiya vaitapa maiyo. Alopa vayatama vayakana hutapa lokiya vaitapa maiyo.

2 Kolitiyani 1:24

Lagaemo lapakesamo afita fatago hisaya kavatetiʼmo ala lagi vayatapimo maisunafeʼmo osuʼnonaʼmonanafa lapamogaga aisayafeʼmo lapa neʼmaone. Lapakesamo afita fatago nehutapaeʼmo atafautapa alagi huʼnetapa he titapa maiʼnae.

2 Kolitiyani 10:5

Lagaemo muki kame vayaʼmogi yatala noʼapimo heta vayu hulita emiteta afepi neʼatona agufa kavaʼmo huta vayaʼmogi himuʼnamu apakesamo neʼafiya kavaʼmo Gotifeʼmo kame huʼa ateteʼa geʼamo amagiʼa neʼatalaya kavatefeʼmo nofi kita neʼapatone. Lagaemo muki apakesamo neʼafiya kavaʼamo alita nofi kita apateteta Kalaisiʼmo akame hisaya kavategamo apavalelituta neʼapatone.

Filipai 2:12

Gotiʼa agaiʼamo hauʼniyanageno amogaga aisiyafeʼmo lapaipafiʼmo aliʼyaʼmo neʼaliye. Lapakaemo alagepa kavafeʼmo lapaipa kalige huge hisayafeʼmo lapaipafiʼmo himamuʼaletiʼmo aliʼyaʼmo neʼaliyaʼmofeʼmo koli hutetapa atete nehutapaeʼmo aliʼyaʼmo aliyo. Nahauʼniya vayaʼnimogitapae, huʼna, Gotiʼa ani aliʼyaʼmo neʼaliyaʼmofeʼmo lapakufamo alita katita lapatetapa hano hiyo. Nagaemo lapakaeʼeʼmo magokepiʼmo lokaeʼna maiʼnova afinaʼmo lapakaemo akame huʼnaya agufa kavaʼmo hutapa hemenimo lapakaeʼeʼmo oʼmaiʼnovanagi magoʼe hutapa akame hiyo.

Kolosi 2:7

Maiʼnetapaeʼmo yosamoʼmo hafuʼyamo neʼaeya kava hutapa agaeteʼmo atafauta alagi hutapa maiyo. Yafateʼmo noʼmo faiʼa neʼataya kava hutapa Kalaisiʼmo atafauta alagi huʼnetapaeʼmo alita lapaya maleʼnona geleʼmo lokiya vaitapa maiʼnetapaeʼmo magoʼe magoʼe hutapa lusi kava huta hao ke hetapa maiyo.

2 Tesaloniyani 2:4

Ani vekamoʼmo Gotitimoʼa maiʼniye, huʼa nehaya vayaʼai gotiʼapimogifeʼmo kamemo huno apatege mono nehaya gotiʼapimogifeʼmo kamemo huno apatege huno nehunoʼaeʼmo, aeʼna apakaseʼna hogote vekamo maiʼnove, huno hugiye. Agaemo Goti mono nopiʼmo uno haino maiʼnenoʼaeʼmo, Gotiʼnamo maiʼnove, huno hugiye.

1 Timoti 6:17

Ma mopafi kagemi yaʼapimo haneʼniya vayaʼaifeʼmo hukaeʼmo, lapakufamo avalelita ohaitapa hano hisiya moniʼeʼmo alita amufa oʼamitapa muki yaʼamo lamogaga aisunafeʼmo nelamiya vekamo afaʼa maiʼniya Gotifeʼmo alitapa amufa amiyo, huka hapa paiyo.

Himulu 3:12

Konagaʼnimogitapae, huʼna, ehetapiye, fiku yanagetapa mago vayaʼamogitapamo hosu lapaipamo kalitetapa lapakesamo afita fatago osutapa afaʼa neʼmaiya kavaʼmo afoʼamoʼmo Gotiʼa lapakameʼya amiteta ataletapa ugayanagi.

Himulu 3:19

Inagi ago afiʼnonana apakesamo afiʼa fatago osuʼnayaʼmofeʼmo afaʼa uʼa ohaiʼnae.

Himulu 4:11

Goti geʼamo amagiʼa ataleteʼa asagauʼa aiʼnaya kava huta asagauta aigayanagi uta haita maita haga lesunafeʼmo layamukiki higetao.

Himulu 4:6

Hogoteʼa alagepa gemo afiʼnaya vayaʼmogi apakesamo afiʼa fatago osuʼnayaʼmofeʼmo maiʼa haga leʼa maisayapiʼmo u haiʼa oʼmaiʼnae. Oʼmaiʼnayaʼmofeʼmo alu vayaʼmogi maiʼa haga leʼa maisayapiʼmo u haiʼa maigae.

Yemisi 2:19

Kagaemo Gotifeʼmo magoke vekamo maiʼniye, huka kagesamo afika fatago huʼnana kavaʼmo kanalene. Nehanaʼmonanafa hosu apaune vayaʼmogiʼeʼmo Gotiʼa maiʼniye, huʼa apakesamo afiʼa fatago nehuʼapaeʼmo atete nehae.

Yemisi 4:6

Haʼye nehiyaʼmonanafa Gotiʼa fikumo laha maeno magoʼe huno nelamiye. Ani kavatefeʼmo hunoʼaeʼmo, Gotiʼa ala vayaʼmo maiʼnone, huʼa apakesamo neʼafiya vayaʼaifeʼmo kame huno neʼapateyaʼmonanafa ina agufa vayaʼmo maiʼnone, huʼa apakesamo neʼafiya vayaʼaina fikumo hapa maeno neʼapamiye, huno huʼniye.

1 Pita 1:17

Nunumuʼmo nehutapaeʼmo, Afotimogae, hutapa agi neʼaya vekamoʼmo vayaʼai amega apakufalefeʼmo agesamo noʼafifa muki vayaʼaitegamo magoke aiyaya kavakeʼmo huno alagepa huno alino fako huno neʼapateyaʼmofeʼmo ma mopafiʼmo kalaga vayaʼmo maiʼnetapaeʼmo koli hutapa maime maime viyo.

1 Pita 5:12

Nagesamo afuvana Silivenisiʼa kanale konagatimoʼmo naha maeʼnigeʼna mani aise avoʼmo nekaove. Aliʼna lokiya vaiʼna lapatesuva agufa gemo huʼna lapa paiʼnaeʼmo, ago afiʼnovana Gotiʼa fikumo hapa maeno neʼapamiya kavafeʼmo ava gemo huʼnaeʼmo, lama gemo haneʼniye, huʼna mani gemo avoʼmo kaeʼna lapa nepauve. Ani kavatefekeʼmo lapakesamo afita fatago huta atafauta alagi hutapa maiyo.

1 Pita 5:9

Gotifekeʼmo magoʼe hutapa lapakesamo afita fatago nehutapaeʼmo kame hutapa ateyo. Ago afiʼnayana lapakaemo kana yaʼmo neʼaliya kava huʼa muki ma mopafi neʼmaiya konagatapimogimo kana yaʼmo neʼaliyanagi he tita lokiya vaitapa maiyo.

Leveleseni 18:7

Agaemo konali yafeʼmo haʼye huʼnigeno aliʼniya yatefeʼmo agafu kisigeno kage kage hisiyafeʼmo amiyo. Agaiʼaeʼmo hunoʼaeʼmo, Muki vayaʼaiteʼmo yagaiʼna neʼapatova a kanomo maiʼnove. Kogu aʼmo oʼmaiʼnove. Afaʼa yulagefa oʼaiʼna alagepa huʼna maige maige huʼna maiguve, huno nehiyaʼmofeʼmo

Leveleseni 3:17

Lapakaemo hutapaeʼmo, Kagemi yatimo haneʼniya vayaʼmogeta muki yatimo haneʼniye. Mago yafeʼmo kafu osuʼnona vayaʼmo maiʼnone, hutapa nehayaʼmonanafa lapakaemo hutapaeʼmo, lagaemo hosu kavapiʼmo maige hapau huʼa latesaya kopiʼmo maige kagemi yatimo ohaneʼniya vayaʼmo maige laulagamo ali huʼniya vayaʼmo maige lagufaʼalagaʼageʼmo maige huʼnone, hutapa oʼageʼnae.