Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lomu 11:12 - The Keyagana NT and 25 OT books

12 Ma mopafiʼmo maiʼnaya vayaʼmogimo asagauʼa aiʼnaya kavatetiʼmo asole kagemi yaʼmo neʼaliye. Malaga nofi vayaʼmogi alagepa yaʼapimo ataleʼnaya kavatetiʼmo asole kagemi yaʼmo neʼaliye. Neʼaliyaʼmofeʼmo muki Yu vayaʼai apakufamo alino katino apatesiya kavatetiʼmo na agufa kagemi yaʼmo aligae.

အခန်းကိုကြည့်ပါ။ ကော်ပီ




Lomu 11:12
15 ပူးပေါင်းရင်းမြစ်များ  

Ani afinaʼmo Ala kava neʼmoʼa napa tu afinaʼmo lokiyaʼamo alino apave litenoʼaeʼmo logufa vayaʼamo noʼapilegamo apavalelino egaiye. Agaemo Asiliya kotegatinagi Isipi kotegatinagi Patalasi kotegatinagi Kasi kotegatinagi Ilami kotegatinagi Saina kotegatinagi Hemati kotegatinagi afagi kotegatinagi huno apavalelino egaiye.


Ani afinaʼmo logufaʼa vayaʼmo Yekopu vayaʼmogimo asole nofi vayaʼmogi folagapiʼmo Ala kava netetiʼmo hapa neʼmaeya lao yakana huʼa maige kahauleʼmo koʼmo aigekana kavaʼmo huʼa maige hugae. Apakaemo mago vekamoʼmo hapa maesiyafeʼmo agava oʼmaige vayaʼmogimo hapa maesayafeʼmo apakava oʼmaige hugae.


Agaemo hogoteno kokuʼnapiʼmo maime maime neʼvisigenoʼaeʼmo muki yaʼamo saufa yaʼmo alino hamaleno atesiya afinakeʼmo afole aisigenoʼaeʼmo eminegaiye. Ani kavatefeʼmo Gotiʼa akeyaʼvilaga apaote vayaʼmogi agaetegati gemo alini eʼa aeʼa hakalo huʼa hapa nepaiya vayaʼai apavayafatiʼmo huʼniye.


Gotiʼa Yu vayaʼmo apataleʼniya kavatetiʼmo muki ma mopafi vayaʼmo alino nanu aeno neʼapatesiyaʼmoʼmo agaetegamo esageno alino falu huno apatesiya kavatetiʼmo na agufa kavaʼmo afole aigiye. Vaehae, huʼna, faliʼnayatetiʼmo alino he tino neʼapateya agufa kavaʼmo afole aigiye.


Konagaʼnimogitapae, huʼna, alagepa huta afiʼnone, huta hutetapa himuʼnamu kavaʼmo osisayafeʼmo mago fala kiʼniya gemo lapa paisugetapa afisayafeʼmo nahauʼniye. Gotiʼa mago Isaleli vayaʼai apakesamo aino akani maleʼnigeʼa geʼamo oʼafiʼa maime maime neʼvisageʼapaeʼmo mago alu nofi vayaʼmogimo Goti kegiʼyafiʼmo uʼa haite haite huʼa haiʼa lekana pai maleʼniya vayaʼmo afole aigae.


Vae, huʼna, solovala aniʼmo lusi vasilonamo haneʼniya kavakana huno agesamo neʼafiya kavaʼe afiteno aliʼyaʼmo neʼaliya kavaʼeʼmo vasilonagana huno haneʼniye. Lagaemo kahauya hugunaʼmonanafa alagi agae aipa agesamo oʼagegaune. Ina laʼmo aliʼyaʼmo neʼaliya kavaʼmo aepaʼamo agegaiye.


Ani kavaʼmo huno Gotiʼa mago vayaʼamo lusi ha le konali yaʼamo alino apavelisigeʼa agesayafeʼmo hogoteno alo huno apateʼniye. Apakaemo mopa kegana huʼa maiʼnayanageno Gotiʼa hau huno apategaiye.


Muki apaote vayaʼamogimo aeʼa naga seʼnageʼna henaga vekamo maiʼnovaʼmonanafa kanale yaʼmo ageta lekana opaisuna agufa yaʼmo Kalaisiʼa neʼapamiya kagemi yaʼalefeʼmo ava gemo alu nofi vayaʼaifeʼmo aeʼna hakalo huʼna hapa paisuvafeʼmo fikumo naha maeno namiʼniye.


Gotiʼa muki nofi vayaʼaitegamo asole ha le konali kavaʼamo fala kiʼniyanageno alino apave lisiyafeʼmo hauʼnigenoʼaeʼmo agesamo afiʼniye. Mani fala kiʼniya gemo Kalaisiʼa lapaipafiʼmo maiʼniya vekaeʼmo ava gemo haneʼniye. Agaetefeʼmo ha le konali yaʼamo alisayafeʼmo lapavayagunagu hutapa agava neʼmaiye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ