Lomu 10:2 - The Keyagana NT and 25 OT books

² Nagaemo apakeʼnovana apakaemo Gotitefeʼmo apayamukiki nehayaʼmonanafa Goti geʼamo alagepa huʼa noʼafiye.

Lomu 10:2 ပူးပေါင်းရင်းမြစ်များ

Samu 14:4

Gotiʼa hunoʼaeʼmo, oʼafiʼneʼa hosu kavaʼmo nehaya vayaʼmo negi nagi vayaʼmo maiʼnafiye. Neʼyaʼmo neʼnaya kava huʼa vayaʼnimo apamagiʼa hano huʼa apataleteʼa Gotifeʼmo nunumuʼmo nosae, huno huʼniye.

Mai'naya kavane 19:2

Vayaʼmogimo afiteʼa ageʼnaya kavaʼmo oʼalisayaʼmoʼmo hosugiye. Malage huʼa gemo nehaya vayaʼmogimo hosu kavaʼmo nehae.

Yoni 16:2

Apakaemo mono nokoʼapifatiʼmo aliʼa lapa faiʼa lapatalete lapataletekeʼmo hugae. Mago afinaʼmo afole aisigeʼapaeʼmo kamiti lapamagiteʼapaeʼmo, Goti aliʼyaʼamo alagi neʼalune, huʼa apakesamo afigae.

Apa 21:20

Ani gemo afiteʼapaeʼmo mukiʼamogi Goti agiʼaleʼmo aliʼa asaga huʼa ateʼnae. Apakaemo Polofeʼmo, konagatimogae, huʼa, asole Yu vayaʼmogimo apakesamo afiʼa fatago huteʼapaeʼmo keʼaepa gemo apayamukiki huʼa akame nehae.

Apa 21:28

Isaleli vayaʼmogitapae, huʼa, Laha maeyo. Ani vekamoʼmo Yu vayaʼmogitaeʼmo hosu lava gemo huge Mosese keʼaepa geʼaeʼmo hosu gemo haneʼniye, huno huge mani alopa mono nofeʼmo hosu ge huge huno muki kotegamo alino apaya neʼmale. Agaemo hemenimo mago alu nofi vayaʼmo apavalelineno lagae laote mono notimo alino hosu huno ateʼniye, huʼa hapa paiʼnae.

Apa 22:22

Apakaemo Poloʼa huʼniya gemo afime afime neʼvagenoʼaeʼmo Poloʼa ani gemo hapa paiʼnigeʼa afiteʼa alopa gefatiʼmo huʼapaeʼmo, Ani agufa vekamo ma mopafi oʼmaigiyanagi amagita ataleyo, huʼa huteʼa

Apa 22:3

Poloʼa hunoʼaeʼmo, Yu vekamo maiʼneʼna Silisiya kotega taonimo agiʼamo Tasasi taonifiʼmo itaʼnimoʼmo alino natetegeʼnaeʼmo eʼna mani Yulusalemu taonifiʼmo ko siteʼna maiʼnove. Maiʼnogeno Gameliyeloʼa muki laginago vayaʼai keʼaepa gemo alino naya maleʼnigeʼna alagepa huʼna afiʼnove. Lapakaemo hemenimo nehaya agufa kavaʼmo huʼna Goti kateʼmo nayamukiki huʼna uʼnove.

Lomu 10:1

Konagaʼnimogitapae, huʼna, nagaemo Gotiʼa Isaleli vayaʼnimo apakufamo alino katino apatesiyafeʼmo naipafatiʼmo nahauʼnigeʼna nunumuʼmo huʼna neʼapatove.

Lomu 10:3

Apakaemo huʼapaeʼmo, Gotiʼa fatago kavaʼamo fikumo neʼapamiye, huʼa afiʼa ha oleʼneʼa apakaiʼapi fatago kavaʼapigeʼmo aliʼa afole aiʼa atesayafekeʼmo aliʼyaʼmo neʼaliye. Gotiʼa agaiʼa fatago kavaʼamo alisayafeʼmo mago kaʼmo ago valino apateʼniyaʼmonanafa ohapauʼnigeʼa Goti aiyafiʼmo oʼmaiʼnae.

2 Kolitiyani 4:4

Ma mopafi vayaʼmogi gotiʼapimoʼa apakesamo afiʼa fatago nosaya vayaʼai apakesamo afisaya apaulagamo alino fali kaeno apateʼnigeʼapaeʼmo afaʼa noʼagae. Kalaisiʼa Goti auneʼamo alagi maiʼniyaʼmonanafa apakaemo Kalaisi ha le konali yaʼaeʼmo alagepa faigoko geʼamoʼmo aeno ha neleya konali yaʼamo afaʼa oʼagegae.

2 Kolitiyani 4:6

Gotiʼa hani huʼniya yapifeʼmo, aeka ha lo, huno huʼniya Gotiʼa laipafifeʼmo hunoʼaeʼmo, aeka ha lo, huno huʼnigeno Goti ha le konali yaʼamo Kalaisi augosafatiʼmo aeno ha leʼnigeta ageʼnone.

2 Kolitiyani 8:3

Hapa maesiya gemo huʼnaeʼmo, ofalinimo hisaya himamuʼapimo haneʼniya agufa kava huʼa huʼnae. He, ofalinimo hisaya himamuʼapimo magoʼe huʼa aeʼa agaseʼa huʼnae. Apakaiʼapimo huʼapaeʼmo, Lapao ke hone, huʼa, apaote vayaʼmo konaga kavaʼmo huta hapa maeta apamisuna monimo ofalini hugesune, huʼa huteʼa alisunafeʼmo ge huʼnae.

Galesiya 1:14

Nagaemo Yu nofi vayaʼmogi nehaya kava huʼna magoʼe huʼna huliʼna neʼuʼnaeʼmo nafaluʼnimogimo ago aeʼna apakaseʼna laginago vayaʼai gemo akame nehuʼnaeʼmo lusi kava huʼna nayamukiki huʼna maiʼnove.

Galesiya 4:15

Nagaemo lapakaeʼeʼmo maiʼnogetapaeʼmo lapamogaga aiʼnae. Na agufa kavaʼmo afole aiʼnigetapaeʼmo lapamogaga noʼaiye. Lapa maesiya agufa gemo huʼnaeʼmo, apakaemo afaʼa huʼnaesinana apaulagamo aliʼa katiʼa namiʼnaesine, huʼna hapa nepauve.

Filipai 1:9

Nunumuʼmo huʼna nelapateʼnaeʼmo, Gotiyo, huʼna, apaipafiʼmo aliʼyaʼmo aligeʼapao alagepa huʼa afiteʼa alagepa huʼa aliʼa fako nehuʼapaeʼmo magoʼe huʼa hapau apayamopafiʼmo hapaino.

Filipai 3:6

Nagaemo huʼnaeʼmo, Goti aliʼyaʼamo aligesuve, huʼna huteʼna lusi kava huʼna nayamukiki huʼna siosi vayaʼaʼeʼmo kamemo huʼnove. Keʼaepa gemo alagepa huʼna akame huʼnogeʼa nageteʼapaeʼmo vaiʼmo oʼnamiʼnae.

Kolosi 4:13

Agaemo lapakaetegamogi Leyotisiya taonifiʼmo maiʼnaya vayaʼaitegamogi Hilapolisi taonifiʼmo maiʼnaya vayaʼaitegamogi huno lokiya kavaʼmo huno agesa afifi huno aliʼyaʼmo neʼaligeʼnaeʼmo lapa nepauve.