Lomu 10:17 - The Keyagana NT and 25 OT books

¹⁷ Huno ha paiʼniyaʼmonanafa mago vayaʼmogi Goti geʼamo aeʼa hakalo huʼa hapa nepaigeʼapaeʼmo neʼafiye. Neʼafigenoʼaekeʼmo apakesamo afiʼa fatago nehaya kavaʼmo afole neʼaiye.

Lomu 10:17 ပူးပေါင်းရင်းမြစ်များ

Maki 4:24

Gemo neʼafitapaeʼmo, na agufa gemo neʼafufi hutapa alagepa hutapa lapakesamo afiyo. Afitetapaeʼmo lapaipa lapakesamo neʼamisagenoʼaeʼmo Gotiʼa ina kava huno lapamigiye. Alagepa hutapa neʼafisayana magoʼe huno alino lapamigiye.

Luki 11:28

Yesuʼa hunoʼaeʼmo, lama gemo nehanaʼmonanafa Goti geʼamo afiteʼa akame nehaya vayaʼmo alino auleno apateʼniye, huno ha paiʼniye.

Luki 8:11

Aeʼna kalafefa gemo nehuva gemo aepaʼamo haneʼniyana avina yakana huno Goti geʼamo haneʼniye.

Luki 8:21

geʼnimo afiteʼa akame nehaya vayaʼmo itaʼnimogi maige naganaʼnimogi maige huʼnae, huno hapa paiʼniye.

Yoni 1:37

lole vekalaʼmo geʼamo neʼafiʼa vekalaʼmoganimo afiteʼana Yesuʼmo akame huʼana uʼnaʼae.

Lomu 1:16

Na kava higeʼnaene. Kalaisifeʼmo alagepa faigoko geʼalefeʼmo navagage osuʼnigeʼna namogaga neʼauvaʼmofeʼmae. Gotiʼa ani gemo himamuʼaletiʼmo apakesamo afiʼa fatago nehaya vayaʼai apakufamo alino katino neʼapate. Hogoteno Yu nofi vayaʼaitegamo afole aitenoʼaeʼmo henagaʼamo alu nofi vayaʼaitegamo afole aiʼniye.

Lomu 10:14

Ani gemo huʼniyaʼmonanafa agaefeʼmo apakesamo afiʼa fatago nosisaya vayaʼmogimo haiya kava huʼa agaefeʼmo keya aeʼa ge hugae. Agaefeʼmo ava gemo oʼafiʼnisayana haiya kava huʼa agaefeʼmo apakesamo afiʼa fatago hugae. Mago vayaʼmogi agaefeʼmo ava gemo aeʼa hakalo huʼa hapa opaisayana haiya kava huʼa afigae.

2 Kolitiyani 2:17

Asole tisa vayatapimogimo umenitata huʼa kagemi yaʼapimo maketi nehaya vayakana huʼa Goti geʼamo aeʼa hakalo huʼa hapa nepaiyaʼmonanafa lagaemo Kalaisipiʼmo maiʼnetaeʼmo Gotiʼa lamiʼniya aliʼyaʼamo neʼalitaeʼmo Goti aulagaleʼmo laipafatiʼmo aeta hakalo huta hapa nepaune.

Galesiya 3:2

Magoke kavafeʼmo ge huʼna lapafi gesuvafeʼmo huve. Lapakaemo keʼaepa gemo akame huʼnaya kavatetiʼmo Goti Aunemeʼamo aliʼnafi Kalaisifeʼmo ava gemo afitetapa lapakesamo afita fatago huʼnaya kavatetiʼmo aliʼnae.

Galesiya 3:5

Lapakaemo Goti keʼaepa geʼamo akame nehayaʼmofeʼmo Gotiʼa agaiʼa Aunemeʼamo alino lapamige lapaipafiʼe lapaopaleʼeʼmo aune kavaʼmo huge nehifi Kalaisifeʼmo ava gemo afitetapa lapakesamo afita fatago nehaya kavatetiʼmo aune kavaʼmo nehiye.

Kolosi 3:16

Lapaipamo alo higenoʼao Kalaisifeʼmo ava gemo lapaipafiʼmo magoʼe huno hanege hanege huno alagi haneno. Alagepa huta lapakesamo afiʼnetapa konagatapimo afalu afalu kavaʼmo hutapa alita apaya maletapaeʼmo hosu kavaʼmo osisayafeʼmo ehetapiye, huta hapa paiyo. Lapaipafiʼmo Gotifeʼmo hao ke nehetapaeʼmo samu yokemo huge mono yokemo huge Ala kava neʼmo agiʼaleʼmo aliʼa neʼasagaya yokemo huge hutapa maiyo.

1 Tesaloniyani 2:13

Goti geʼamo lapa paiʼnonagetapa afitetapaeʼmo, ma mopafi vayaʼai gemo ohaneʼnifa Goti geʼamo haneʼniye, hutapa huʼnayaʼmofeʼmo Gotifekeʼmo hao ke hege hege huta maiʼnone. He, lapakaemo lama gemo huʼnae. Afiʼnaya gemo Goti geʼageʼmo haneʼniye. Mani gemoʼa lapakesamo afita fatago nehaya vayaʼmogitapa lapaipafiʼmo lokiya vaino aliʼyaʼmo neʼaligenoʼaeʼmo neʼyaʼmo afole neʼaiye.

Himulu 4:2

Gotiʼa alagepa faigoko geʼamo hapa paiʼnigeʼa afiʼnaya kava huno laha paiʼnigeta afiʼnone. Afiʼnayaʼmonanafa apakesamo afiʼa fatago osuʼnayaʼmofeʼmo afiʼnaya gemoʼmo hapa oʼmaeʼniye.

1 Pita 1:23

Gotiʼa kasalisiya avina yatetiʼmo halate alino olapateʼnifa okasalisiya avina yaʼmo aunemeʼe gemo hanege hanege huno hanesiya geʼaletiʼmo halate alino lapateʼnigetapa mafaʼneʼamo maiʼnae.

Leveleseni 1:9

Nagaemo Yoniʼnamo konagatapimoʼnamo maiʼnove. Yesupiʼmo maiʼnetaeʼmo magokepi lagafu kige Yesuʼa yagaino nelateyategamo maige oʼataleta atafauta alagi huta maige nehune. Nagaemo Goti alagi lama geʼe Yesufeʼmo ava geʼeʼmo aeʼna hakalo huʼna hapa paiʼnovaʼmofeʼmo aliʼa nahafaitalageʼna eʼna Patamosi ani agoʼnanenafiʼmo maiʼnove.