Lomu 10:1 - The Keyagana NT and 25 OT books

¹ Konagaʼnimogitapae, huʼna, nagaemo Gotiʼa Isaleli vayaʼnimo apakufamo alino katino apatesiyafeʼmo naipafatiʼmo nahauʼnigeʼna nunumuʼmo huʼna neʼapatove.

Lomu 10:1 ပူးပေါင်းရင်းမြစ်များ

Hatu maeno apate'niya gemae 32:10

Maiʼnayaʼmofeʼmo afaʼa nateʼnegeʼnao naipamoʼmo ata leʼniyanageʼna alina hano huʼna apataleno. Ani vayaʼmogi apaimuʼyaleʼmo asole vayaʼmo alo huʼna apatesugeʼa vayakamo maigae, huno ha paiʼniye.

Hatu maeno apate'niya gemae 32:13

Kagaemo aliʼyakamo aliʼnaya vayaʼmo Emalehamufenagi Aisakifenagi Yekopufenagi huka kagesamo afiyo. Kagaemo kagikaletiʼmo kagoʼyamo ataleteka hukaeʼmo, Nagaemo asole mafaʼnetapimogi aliʼa apatesaya mafaʼnemogi kokuʼnapi haneʼniya kanefikana huʼa maisaya mafaʼnemo aliʼna afole aiʼna apatesugeʼa uʼa ani lapamiguve, huʼna huʼnova koteʼmo muki afinaʼmo maige maige huʼa maigae, huka huʼnane, huno huʼnigenoʼaeʼmo

Luki 13:34

Yulusalemuvo, Yulusalemuvo, huʼna, monoteʼmo yagaiʼnaya vayaʼmogitapamo lapakaemo Gotitegati gemo alini eʼa aeʼa hakalo huʼa hapa nepaiya vayaʼmo apamagige alino apateʼnigeʼa lapakaetegamo uʼnaya vayaʼmo yafa kayotetiʼmo kamitimo apamagige huta neʼmaiya vayane. Kokolemogimo apanaʼaumo aliʼa hapakufiʼmo neʼapataya kava huʼna muki afinaʼmo mafaʼnetapimo nagaetega apavaleliʼna esuvafeʼmo nahauʼniyaʼmonanafa lapakaemo olapauʼniye.

Yoni 5:34

Nagaemo ma mopafi vekamoʼa nagaefeʼmo faigoko geʼnimo huno naha maeno hisiya geeʼmo nagesa alaʼamo oʼafiʼnovaʼmonanafa Gotiʼa lapakufamo alino katino lapatesiyafeʼmo mani gemo nehuve.

Lomu 10:2

Nagaemo apakeʼnovana apakaemo Gotitefeʼmo apayamukiki nehayaʼmonanafa Goti geʼamo alagepa huʼa noʼafiye.

Lomu 9:33

Goti mukufi gemoʼa hunoʼaeʼmo, Afiyo, huno, nagaemo Saiyoni taonifiʼmo noʼmo faiʼna atesuva yafaʼmo malegauve. Maleʼnisugeʼapaeʼmo apaiyamo faiʼa lo aeteʼa asagauʼa aigayaʼmonanafa ina lagimo agaefeʼmo apakesamo afiʼa fatago nehisafigeʼa apavagage osuge hapai vaiʼa oʼatege hugae, huno huʼniye.

1 Samiyo 12:23

Nagaiʼnieʼmo huʼnaeʼmo, Fiku yanageʼna magoʼe huʼna nunumuʼmo huʼna olapatesuvaʼmoʼmo Ala kava netegamo hosu kavaʼmo huguve. Nagaemo alagepa kavaʼe fatago kavaʼeʼmo hisayafeʼmo aliʼna lapaya malegauve.

1 Samiyo 15:11

Afiyo, huno, Soloʼmo magoʼe huno nakame osuʼnifa nataleno atagi neno uʼniye. Agaemo huvo, huʼna ha paiʼnova gemo osuʼnifa geʼnimo amagino ataleʼniyaʼmofeʼmo kini vekamo aliʼna hamaleʼna ateʼnova kavafeʼmo lusi kava huʼna nahau huve, huno ha paiʼniye. Samiyoʼmo ani gemo afitenoʼaeʼmo aipamo kana huʼnigeno muki ani haniʼilagamo nunumuʼmo hume hume uʼniye.

1 Samiyo 15:35

Henagaʼamo Samiyoʼmo Soloʼmo uno oʼageniye. Afaʼa maime maime neʼvigenoʼaeʼmo Soloʼmo faliʼniye. Agesiyafeʼmo oʼuʼniyaʼmonanafa Solofeʼmo yulagefa aiʼniye. Ina kava huno Ala kava neʼmoʼa Soloʼmo Isaleli vayaiteʼmo yagaino apatesiyafeʼmo kini vekamo lekana paino ateʼniya kavafeʼmo aipamoʼmo kana huʼniye.