Lomu 1:9 - The Keyagana NT and 25 OT books

⁹ Nagaemo amega nagufaletiʼmo Goti aliʼyaʼamo oʼaliʼna naipafatiʼmo Goti mafaʼneʼamo alagepa faigoko geʼalefekeʼmo aliʼyaʼmo neʼaluve. Nagaemo nunumuʼmo huʼna hano osuʼnofa muki afinaʼmo nunumuʼmo huʼna nelapatove. Gotiʼa nageʼniyanageno he, nehiye, huno, naha maesiya gemo afaʼa lapa paigiye.

Lomu 1:9 ပူးပေါင်းရင်းမြစ်များ

Maki 1:1

Alagepa faigoko geʼamo Yesu Kalaisi Goti mafaʼneʼamo ava gemo ina kava huno aepa faiʼniye.

Luki 18:1

Agaemo vayaʼmogimo muki afinaʼmo nunumuʼmo hisaya kavafeʼmo alagaʼmo hapaesigeʼa oʼatalesaya kavafeʼmo ani agufa gemo huno aeno kalafefa gemo huno hapa paiʼniye.

Apa 12:5

Pitaʼa kalavusifiʼmo maiʼnigeʼa ati vayaʼmogimo yagaiʼa ateʼa maiʼnageʼapaeʼmo muki siosi vayaʼmogimo Gotiʼa ha maesiyafeʼmo lusi kava huʼa nunumuʼmo huʼa ateʼnae.

Apa 19:21

Henagaʼamo Goti Aunemeʼamoʼmo Poloʼmo agesa afi yaʼmo amiʼnigenoʼaeʼmo, Masetoniya kotegaʼe Akaiya kotegaʼeʼmo aeʼna agaseʼna uʼna Yulusalemu taonifiʼmo avaʼyi huguve. Maigeʼnaeʼmo ataleʼna Lomu taonifiʼmo uʼna agegauve, huno agesamo afiʼniye.

Apa 24:14

Ani gemo nehuvaʼmonanafa magoʼe gemo aeʼna hakalo huʼna kaha paiguve. Nagaemo mago aigofe kane huʼa nehaya kateʼmo akame nehuʼna laginago vayaʼai Gotiʼapimofeʼmo mono nehuve. Muki avoʼmo kae maleʼnaya gemo Mosese keʼaepa geʼenagi Gotitegati gemo alini eʼa aeʼa hakalo huʼa hapa nepaiya vayaʼai geʼapienagi huʼna nagesamo afiʼna fatago nehuve.

Apa 27:23

Nagaemo Goti vekamo maiʼneʼna aliʼyaʼamo neʼaluva vekamo maiʼnogeno enisole vekaʼamo alino ateʼnigeno nagaetegamo emineʼniye.

Apa 3:26

Gotiʼa aliʼyaʼamo aliʼniya vekamo Yesuʼa alino afole aino ateteno alino ateʼnigeno hogoteno lapakaetegamo ago emineʼniye. Agaemo alino auleno lapatesiyafeʼmo alino aino afe leno lapatesigetapa hosu kavategatiʼmo ataletapa egae, huno hapa paiʼniye.

Lomu 9:1

Hemenimo nagaemo mago gemo hisuvafeʼmo huve. Nagaemo Kalaisipiʼmo maiʼneʼnaeʼmo lama gemo nehuve. Aote Aunemeʼamoʼmo nagupi mafaʼneleʼmo yagaino neʼategenoʼaeʼmo lama gemo nehane, huno naha nepaiye.

2 Kolitiyani 1:23

Gotiʼa nageʼniyanageno lama gemo nehiye, huno ageteno naha maeno faigoko gemo lapa paigiye. Lama gemo huʼnaeʼmo, kayoʼmo lapamisuvafeʼmo oʼnahauʼnigeʼnaeʼmo, Kolitiyani taonifiʼmo halate oʼuguve, huteʼna lapataleʼna aeʼna lapakaseʼnove.

2 Kolitiyani 11:31

Ala kava netimo Yesu Kalaisi Gotiʼamo Afoʼamofekeʼmo muki afinaʼmo aliʼa auleʼa neʼataya Gotiʼa hunoʼaeʼmo, aigofe gemo nosiye, huno nageʼniye.

Galesiya 1:20

Goti aulagaleʼmo maiʼneʼnaeʼmo aigofe gemo nosufa alagi lama gemo huʼna avoʼmo nekaove.

Efasasi 6:18

Aliʼnetapaeʼmo muki alu nunumu alu nunumuʼmo huge Gotifeʼmo ge huge nehutapa Goti Aunemeʼaletiʼmo nunumuʼmo hutapa maiyo. Muki afinaʼmo oʼataletapa muki Goti aote vayaʼaeʼmo nunumuʼmo hutapa apateyo.

Filipai 1:3

Muki afinaʼmo lapakaefeʼmo nagesamo afiteʼnaeʼmo Gotiʼnimofeʼmo hao ke nehove.

Filipai 1:4

Lapakaemo hogote afinatetiʼmo Kalaisifeʼmo alagepa faigoko gemo aino atagu faesiyafeʼmo nagaeʼeʼmo afalu afalugana huta lokaeta maiʼnonaʼmofeʼmo muki afinaʼmo nunumuʼmo huʼna nelapateʼnaeʼmo namogaga neʼauve.

Filipai 2:22

Nehayaʼmonanafa Gotiʼa Timotiʼmo amalageka hauʼnigeno alagepa vekamo afole aiʼnigetapaeʼmo lapakaemo ago ageʼnae. Mafaʼneʼapimogi afoʼapimogiʼeʼmo lokaeʼa aliʼyaʼmo neʼaliya agufa kava hutaʼa Timotiʼe nagaeʼeʼmo alagepa faigoko gelefeʼmo magokepi lokaetaʼa aliʼyaʼmo aliʼnoʼae.

Filipai 3:3

Huʼnayaʼmonanafa lama ge alagena yaʼmo oʼaliʼnae. Lagaemo lama ge alagena yaʼmo laipafiʼmo aliteta Goti Aunemeʼaletiʼmo Gotifeʼmo mono huge Kalaisi Yesufeʼmo alopa gefatiʼmo huta lamogaga aige huta maiʼnonaʼmonanafa lagufaeʼmo lagesamo afiteta alita amufa oʼamiʼnone.

1 Tesaloniyani 1:2

Lagaemo mukiʼamogitapaeʼmo Gotifeʼmo muki afinaʼmo nunumuʼmo huta hao ke nehone.

1 Tesaloniyani 3:10

Lagaemo uta lapa maeta lapakesamo afita fatago huʼnaya kavatapimo alita kosita atesunafeʼmo muki afinaʼmo felugaʼe haniʼilagaʼeʼmo laipafiʼmo nunumuʼmo huta nelapatone.

1 Tesaloniyani 5:17

Muki afinaʼmo oʼataletapa nunumuʼmo hiyo.

1 Timoti 2:7

Ani kavatefeʼmo lekana paino nateʼnigeʼna geʼamo aeʼna hakalo huʼna hapa nepauva vekamoʼmo maiʼneʼna apa vekaʼamoʼnamo alu nofi vayaʼmogimo apakesamo afiʼa fatago hisayafeʼmo lama geʼamo aliʼna apaya neʼmalova vekamo maiʼnove. Aigofe gemo nosufa alagi lama gemo nehuve.

2 Timoti 1:3

Naginago vayaʼmogi Gotitefeʼmo mono aliʼyaʼmo aliʼnaya kava huʼna nagupi mafaʼnemoʼmo hosu kavaʼmo hane, huno nosigeʼnaeʼmo mono aliʼyaʼmo neʼaluve. Ani kava huʼna kagaefeʼmo nagesamo afiteʼnaeʼmo Gotifeʼmo muki afinaʼae afinaʼaeʼmo okataleʼna felugaʼe haniʼilagaʼeʼmo hao ke heʼna nunumuʼmo nehuve.

Failimoni 1:4

Konagatimoga Failimoniyo, huʼna, muki afinaʼmo kagaefeʼmo nunumuʼmo huʼna nekateʼnaeʼmo Gotiʼnimofekeʼmo hao ke heʼna nekatove.

1 Samiyo 12:23

Nagaiʼnieʼmo huʼnaeʼmo, Fiku yanageʼna magoʼe huʼna nunumuʼmo huʼna olapatesuvaʼmoʼmo Ala kava netegamo hosu kavaʼmo huguve. Nagaemo alagepa kavaʼe fatago kavaʼeʼmo hisayafeʼmo aliʼna lapaya malegauve.