Lomu 1:8 - The Keyagana NT and 25 OT books

⁸ Muki ma mopafi vayaʼmogimo lapakesamo afita fatago nehaya kavafeʼmo lapava gemo nehayaʼmofeʼmo hogoteʼna ani kavatefeʼmo Gotifeʼmo Yesu Kalaisitetiʼmo hao ke nehove.

Lomu 1:8 ပူးပေါင်းရင်းမြစ်များ

Matiyu 24:14

Mago vayaʼmogimo muki alu nofi alu nofi vayaʼmogi afisayafeʼmo mani gemo Gotiʼa yagaino neʼapateya kavafeʼmo alagepa faigoko geʼamo aeʼa hakalo huʼa hapa paisageno muki ma mopafiʼmo aino atagu faeno uneno nehisigenoʼaeʼmo hano hisiya afinaʼmo afole aigiye.

Luki 2:1

Ani afinaʼmo hogote vekamo yagaino neʼapateya kini vekamo agiʼamo Sisa Agasasiʼmo hunoʼaeʼmo, muki kotega maiʼnaya vayaʼai apakimo aliguve, huno hu maleʼniye.

Apa 11:28

Ani vayapatiʼmo mago vekamo agiʼamo Agamasiʼa he tino Goti Aunemeʼaletiʼmo mago gemo hapa painoʼaeʼmo, Muki haopalegamo kafu kavaʼmo afole aigiye, huno hapa paiʼniye. Ala vekamo Kilotiyasiʼa vayaʼaiteʼmo yagaino neʼapateya afinaʼmo ani agufa kafu hu kavaʼmo afole aiʼniye.

Apa 28:22

Huliʼa oʼmeʼnayaʼmonanafa muki kotega maiʼnaya vayaʼmogimo alita fako hutapa lapaote maiʼnaya vayaʼmogitapaeʼmo hosu gemo nehae. Ani gemo afiʼnonaʼmofeʼmo ani kavafeʼmo kagesamo neʼafina gemo afigesune, huʼa ha paiʼnae.

Lomu 10:18

Afole neʼaiyaʼmonanafa Goti geʼamo oʼafiʼnafiye, huʼna loka huʼna lapafi nekove. Haʼao, ago afiʼnae. Avoʼmo kae maleʼniya gemoʼa hunoʼaeʼmo, Apake neʼaiya apakemoʼmo ma mopafi muki haopalegamo aino atagu faeno uneno huʼniye. Geʼapimoʼa muki ma mopamo atupalegamo aino atagu faeno uneno huʼniye, huno huʼniye.

Lomu 16:19

Muki vayaʼmogimo lapakaemo alagepa hutapa gemo afitetapa akame nehaya kavafeʼmo lapava gemo ago afiʼnayaʼmofeʼmo namogaga aiʼna nelapatove. Afiʼnayaʼmonanafa lapakaemo alagepa kavaʼmo hisayafeʼmo afiʼnaya lapaipa lapakesamo alisayafekeʼmo nahauʼniyaʼmonanafa hosu kavaʼmo osisayafeʼmo oʼafiʼnaya vayakana hutapa maisayafeʼmo nahauʼniye.

Lomu 6:17

Hogoteno hosu kavaʼmoʼa yagaino lapateʼnigetapa kalavusi aliʼyaʼamo neʼaliya vayaʼmo maiʼnayaʼmonanafa Gotiʼa lapavalelino eno geʼamo aiyafiʼmo lapateʼnigetapa lapaipafatiʼmo geʼamo akame nehayaʼmofeʼmo Gotifeʼmo hao ke hegetao.

1 Kolitiyani 1:4

Gotiʼa Kalaisi Yesutetiʼmo fikumo lahapa maeno lapamiʼniya kavatefeʼmo muki afinaʼmo Gotiʼnimofeʼmo hao ke nehove.

2 Kolitiyani 2:14

Vaehae, huʼna, Gotifeʼmo hao ke heʼnove. Gotiʼa muki afinaʼmo alagepa huno laha neʼmaegeta Kalaisipiʼmo maiʼnetaeʼmo kame vayatimo aeta apakaseta neʼune. Neʼunagenoʼaeʼmo Kalaisifeʼmo ava gemo afiʼa aeto hisaya faigoko geʼamo alagepa atumo aigekana huno muki kotegamo aino atagu faenuneno nehiye.

Efasasi 1:15

Huʼniyaʼmofeʼmo lapakaemo Ala kava neʼmo Yesufeʼmo lapakesamo afita fatago hutetapa Goti apaote vayaʼaeʼmo lapau lapayamopafiʼmo nelapaiya kavafeʼmo lapava gemo afiteʼnaeʼmo

Efasasi 1:16

Gotifekeʼmo hao ke heʼna lapateteʼnaeʼmo muki afinaʼmo oʼataleʼna nunumuʼmo huʼna nelapatove.

Efasasi 3:21

Siosi vayaʼamogitamo muki kafugaʼae kafugaʼaeʼmo agiʼaleʼmo alita asaga huge huge huta maigetao. He, lama ge.

Efasasi 5:20

Muki afinaʼmo muki yaʼe kavateʼefeʼmo Afotimo Gotifeʼmo Ala kava netimo Yesu Kalaisi agiʼaletiʼmo hao ke hetapa maiyo.

Filipai 1:3

Muki afinaʼmo lapakaefeʼmo nagesamo afiteʼnaeʼmo Gotiʼnimofeʼmo hao ke nehove.

Kolosi 1:3

Hogotetapa alagepa faigoko gemo afitetapaeʼmo Gotiʼa kokuʼnapiʼmo maleʼniya yateʼmo yagaino nelapateya yafeʼmo ava gemo afitetapa lapavayagunagu hutapa agava neʼmaiye. Agava maiʼnetapaeʼmo Kalaisi Yesufeʼmo lapakesamo afita fatago huʼnetapaeʼmo muki apaote vayaʼaifeʼmo lapau lapayamopafiʼmo lapauʼniya kavafeʼmo lapava gemo afiʼnone. Afiʼnona afinatetiʼmo muki afinaʼaeʼmo nunumuʼmo huta nelapatone. Ala kava netimo Yesu Kalaisi afoʼamoʼmo Gotifeʼmo hao ke heta nelapatone.

1 Tesaloniyani 1:2

Lagaemo mukiʼamogitapaeʼmo Gotifeʼmo muki afinaʼmo nunumuʼmo huta hao ke nehone.

1 Tesaloniyani 2:13

Goti geʼamo lapa paiʼnonagetapa afitetapaeʼmo, ma mopafi vayaʼai gemo ohaneʼnifa Goti geʼamo haneʼniye, hutapa huʼnayaʼmofeʼmo Gotifekeʼmo hao ke hege hege huta maiʼnone. He, lapakaemo lama gemo huʼnae. Afiʼnaya gemo Goti geʼageʼmo haneʼniye. Mani gemoʼa lapakesamo afita fatago nehaya vayaʼmogitapa lapaipafiʼmo lokiya vaino aliʼyaʼmo neʼaligenoʼaeʼmo neʼyaʼmo afole neʼaiye.

2 Tesaloniyani 1:3

Konagatimogitapae, huta, lapakesamo afita fatago nehaya kavaʼmoʼa ko sino alopa heʼnigetapaeʼmo konagatapimogifeʼmo lapauʼniyanageno magoʼe magoʼe huno nelapaiye. Ani kavaʼmo nehayaʼmofeʼmo kanale kavaʼmogeta lapakaefeʼmo muki afinaʼmo Gotifeʼmo hao ke hesuna kavaʼmo haneʼniye.

2 Timoti 1:3

Naginago vayaʼmogi Gotitefeʼmo mono aliʼyaʼmo aliʼnaya kava huʼna nagupi mafaʼnemoʼmo hosu kavaʼmo hane, huno nosigeʼnaeʼmo mono aliʼyaʼmo neʼaluve. Ani kava huʼna kagaefeʼmo nagesamo afiteʼnaeʼmo Gotifeʼmo muki afinaʼae afinaʼaeʼmo okataleʼna felugaʼe haniʼilagaʼeʼmo hao ke heʼna nunumuʼmo nehuve.

Failimoni 1:4

Konagatimoga Failimoniyo, huʼna, muki afinaʼmo kagaefeʼmo nunumuʼmo huʼna nekateʼnaeʼmo Gotiʼnimofekeʼmo hao ke heʼna nekatove.

Himulu 13:15

Inagi lagaemo agaetetiʼmo muki afinaʼmo Gotiʼmo ofalinimo amitetaeʼmo agiʼaleʼmo alita asaga huta atetetaeʼmo hao ke hegetao. Lavayafatikeʼmo ani ofalinimo amigetao.

1 Pita 2:5

Lapakaeʼeʼmo afaʼa maisaya yafakana huta maiʼnagenoʼaeʼmo Gotiʼa lapakaetetiʼmo Goti Aunemeʼamo maisiya noʼmo kime kime neʼe. Lapaote vayaʼmo maiʼnetapa lapaipafatiʼmo Gotiʼa amuse huno lapatesiya ofalinimo Yesu Kalaisitetiʼmo Gotiʼa amisayafeʼmo mono hutapa neʼapataya vayaʼmo maiʼnae.

1 Pita 4:11

Goti geʼamo aeʼa hakalo huʼa hapa nepaiya vayaʼmogi Goti avayafati gemo aliʼnayaʼmofeʼmo lokiya vaiʼa aeʼa hakalo huʼa hapa paigae. Hapa neʼmaeya vayaʼmogi Gotiʼa neʼapamiya lokiyaʼaletiʼmo hapa maegeʼapao vayaʼmogimo Yesu Kalaisitetiʼmo Goti agiʼaleʼmo aliʼa asaga huʼa ategae. Gotiʼa ala agiʼamo hanege yagaino neʼapateya lokiyaʼamo hanege huno muki afinaʼmo alagi hanege hanege huno haneno. He, lama ge.