Lomu 1:7 - The Keyagana NT and 25 OT books

⁷ Maiʼnayaʼmofeʼmo nagaemo muki Lomu taonifiʼmo maiʼnaya vayaʼmogitapaeʼmo Gotiʼa hau ayamopafiʼmo hauʼnigenoʼaeʼmo lapaote vayaʼamo maisayafeʼmo keya aeno ge huʼniya vayaʼamogitapaeʼmo mani avoʼmo nekaove. Afotimo Gotiʼe Ala kava netimo Yesu Kalaisiʼeʼmo fikumo lapa maeʼana lapamiʼanageno lapaipamoʼmo falu hino.

Lomu 1:7 ပူးပေါင်းရင်းမြစ်များ

Samu 60:5

Kahau kayamopafiʼmo kahauʼniya vayaʼmogita hosu kavapatiʼmo lagufamo alika katika latesanafeʼmo nunumu geʼnimo afitekaeʼmo lamaga kayatetiʼmo lahau vaiyo.

Salomoni Yokemae 5:1

Nasaʼnimogamo aʼnimogae, huʼna, Nagaemo hoyaʼnilegamo ago eʼna alagepa atumo neʼaiya yaʼmo agiʼamo meyaʼe mago alagepa atumo neʼaiya yaʼeʼmo aliʼna anupa huʼnove. Nagaemo lumemo anoʼaʼe anuʼaʼeʼmo neʼnove. Nagaemo nuʼanuʼe nofi alagafati aniʼeʼmo neʼnove. Nao vayaʼnimogitapae, huʼna, alitapa neyo. Nahau nayamopafiʼmo neʼnahaiya vayaʼnimogitapae, huʼna, He, aniʼmo netapa lapamu hiyo.

Napa 6:25

Ala kava neʼmo augosafatiʼmo ha le yaʼamo lapakaeteʼmo aeno ha lesigeno fikumo lapa maeno lapamino.

Matiyu 5:16

Ani kava hutapa vayaʼai apaulagaleʼmo kanitapimo aeta ha legeʼapao alagepa kavatapimo ageteʼapaeʼmo kokuʼnapi afotapimo agiʼaleʼmo aliʼa asaga huʼa ateyo.

Yoni 20:17

afoʼnimotegamo uʼna ohaiʼnovaʼmofeʼmo nanu okiyo. Naganaʼnimogifeʼmo uka hapa paikaeʼmo, kokuʼnapi Afoʼnimoʼmo Gotiʼnimotegamo Afotapimoʼmo Gotitapimotegamo uʼna haiguve, huno huʼniye, huka uka hapa paiyo, huno ha paiʼniye.

Apa 15:23

Ani gemo avoʼmo kaeʼapaeʼmo, Konagatimogitapae, huta, Alu nofi vayane. Atiyoki taonifiʼmo maiʼnaya vayaʼe Silisiya kotegamo maiʼnaya vayaʼmogitapaʼeʼmo ge lapamamaeʼnone. Lagaemo konagatapimogitamo apa vayaʼmogitaʼe yagaita neʼapatona vayatama vayaʼmogitaʼeʼmo avoʼmo kaeʼnone.

Apa 9:13

Ananaiyasiʼa hunoʼaeʼmo, Ala kava nene, huno, Muki vayaʼmogimo ani vekaeʼmo ava gemo ago huʼnageʼna afiʼnova vekamae. Agaemo Yulusalemu taonifi vayakamo lusi kava huno hanageke yaʼmo apamiʼniye, huʼa ava gemo huʼnageʼna afiʼnove.

Lomu 1:6

Lapakaeʼeʼmo ani nofi vayapatiʼmo maiʼnageno Gotiʼa keya aeno ge huʼnigetapa eta Yesu Kalaisi vayaʼamo maiʼnae.

Lomu 5:1

Lagesamo afita fatago huʼnonagenoʼaeʼmo Gotiʼa, naulagaleʼmo fatago vayaʼmo maiʼnae, huno laha paiʼnigeta afitetaeʼmo, aipamo falu huno nelate, huta huteta maiʼnonagenoʼaeʼmo Ala kava netimo Yesu Kalaisitetiʼmo laipamoʼmo falu nehiye.

Lomu 5:5

Gotiʼa aote Aunemeʼamo lamiʼnigeno Aunemeʼamoʼmo Gotiʼa lagaefeʼmo hau ayamopafiʼmo hauʼniya kavaʼamo laipafiʼmo ago alino laki maleʼniye. Lakiʼnigeta ageʼnonaʼmofeʼmo lavayagunagu huta agava neʼmauna kavatefeʼmo laipamoʼmo kana hisigeno hosu laipamo okaligiye.

Lomu 8:28

Muki alu kava alu kavaʼmo afole neʼaiya kavaʼmoʼa Gotifeʼmo hapau apayamopafiʼmo nehapaiya vayaʼaifeʼmo Gotiʼa huguve, huno hu maleʼniya geʼaletiʼmo keya aeno ge huʼniya vayaʼmo alagepa huʼa maisayafeʼmo muki alu kavatetiʼe alu kavatetiʼeʼmo alino magokepi lokaeno aliʼyaʼmo neʼaliye.

Lomu 9:25

Ani kavatefeʼmo Hoseyaʼa Goti mukufiʼmo avoʼmo kae maleʼniya gemoʼa hunoʼaeʼmo, Hogoteʼa vayaʼnimo oʼmaiʼnaya vayaʼaifeʼmo, vayaʼnimo maiʼnae, huʼna huguve. Nahau nayamopafiʼmo oʼnahauʼniya vayaʼaifeʼmo nahau nayamopafiʼmo nahauʼniya vayane, huʼna huguve, huno hutenoʼaeʼmo,

1 Kolitiyani 1:24

Nehayaʼmonanafa Gotiʼa keya aeno ge huʼniya vayapiʼmo Yu nofi vayanagi Yu nofi vayapatiʼmo oʼmaiʼnaya vayaʼmogi, Kalaisiʼa Goti ayamufaʼaʼe ageteno afiʼniya kavaʼaʼeʼmo maiʼniye, huʼa ageʼa aeto nehae.

1 Kolitiyani 16:23

Ala kava neʼmo Yesuʼa fikumo lapa maeno lapamino.

2 Kolitiyani 13:14

Ala kava neʼmo Yesu Kalaisiʼa mukiʼamogitapa fikumo lapa maeno lapamino. Gotiʼa mukiʼamogitapaeʼmo hau ayamopafiʼmo hauʼniya kavaʼamo lapaipafiʼmo haneno. Aote Aunemeʼamoʼmo mukiʼamogitapaʼeʼmo magokepi lokaeno afalu afalu huno maino. He, lama ge.

Galesiya 6:18

Konagaʼnimogitapae, huʼna, Ala kava netimo Yesu Kalaisiʼa fikumo lapa maeno lapamino. He, lama ge.

Efasasi 1:2

Afotimo Gotiʼe Ala kava netimo Yesu Kalaisiʼeʼmo fikumo lapa maeʼana lapamisaʼageno lapaipamoʼmo falu hino.

Efasasi 6:23

Afotimo Gotiʼe Ala kava netimo Yesu Kalaisiʼeʼmo alagepa huʼana lapa maesaʼagetapa konagatapimogiʼeʼmo magoke lapaipa lapakesamo aliʼnetapa lapakesamo afita fatago hutetapa lapau lapayamopafiʼmo lapaino.

Filipai 1:2

Afotimo Gotiʼe Ala kava netimo Yesu Kalaisiʼeʼmo fikumo lapa maeʼana lapamisaʼageno lapaipamoʼmo falu hino.

Filipai 4:13

Nagaemo Kalaisipiʼmo maiʼneʼnaeʼmo lokiya vaino neʼnateya himamuʼaletiʼmo muki kavaʼamo afaʼa huguve.

Filipai 4:20

Afotimo Goti agiʼaleʼmo muki afinaʼae afinaʼaeʼmo alita asaga hulita vigetao. He, lama ge.

Filipai 4:23

Ala kava netimo Yesu Kalaisiʼa mukiʼamogitapamo fikumo lapa maeno lapamino. He, lama ge.

Kolosi 1:2

Laʼagaemo Kolosi taonifiʼmo maiʼnaya lapaote vayaʼmo Kalaisipiʼmo maiʼnetapaeʼmo oʼataleta alagepa huta maiʼnaya konagatiʼaeʼmo mani gemo avoʼmo nekaoʼae. Afotimo Gotiʼe Ala kava neʼmo Yesu Kalaisiʼeʼmo fikumo lapa maeʼana lapamisaʼageno lapaipamoʼmo falu hino.

Kolosi 3:12

Gotiʼa lapakaefeʼmo hau ayamopafiʼmo hauʼnigeno ago lekana paino lapateteno lapavaleno lapaote lapateʼniyaʼmofeʼmo lapau huta apatege alitapa lapao yaʼmo huge ina agufa vayaʼmo maiʼnone, hutapa lapakesamo afige yagu yaga kavaʼmo hutapa apatege lapakaetegamo hosu kavaʼmo nehisagetapaeʼmo afaʼa maiʼnetapa falu fala lapaipamo kalita apatege hiyo.

Kolosi 3:15

Gotiʼa lapaipamo alino falu huno lapateʼniya kavaʼmoʼa lapaipaleʼmo yagaino lapateno. Gotiʼa magoke vayaʼmo maisageno lapaipamoʼmo falu hisiyafeʼmo keya aeno ge huʼniye. Ani kavaʼmo hutapa maiʼnetapaeʼmo Gotifeʼmo hao ke heyo.

1 Tesaloniyani 1:1

Poloʼnamogi Silivenisiʼagi Timotiʼagi huta Tesaloniyani siosi vayaʼmogitapamo afotimo Gotipiʼe Ala kava netimo Yesu Kalaisipiʼeʼmo maiʼnaya vayaʼmogitapaeʼmo mani gemo avoʼmo nekaone. Afotimo Gotiʼe Ala kava netimo Yesu Kalaisiʼeʼmo fikumo lapa maeʼana lapamisaʼageno lapaipamoʼmo falu hino.

1 Tesaloniyani 1:3

Lapakesamo afita fatago huʼnetapaeʼmo alagepa kavaʼmo nehae. Lapau lapayamopafiʼmo lapauʼnigetapaeʼmo lokiya aliʼyaʼmo neʼaliye. Ala kava netimo Yesu Kalaisifeʼmo agava maiʼnetapa lapavayagunagu nehutapaeʼmo oʼataletapa atafauta alagi hutapa neʼmaiye. Lagaemo Afotimo Goti aulagaleʼmo ani kavatapieʼmo lagesamo afitetaeʼmo muki afinaʼmo olapataleta nunumuʼmo huta nelapatone.

1 Tesaloniyani 1:4

Gotiʼa hau ayamopafiʼmo hauʼniya konagatimogitapae, huta, Gotiʼa agaiʼamo lekana paino lapateʼniye, huta lapakeʼnone.

1 Tesaloniyani 4:7

Ani kavatefeʼmo Gotiʼa kumai heʼa ugekana agufa kavaʼmo hisunafeʼmo keya aeno ge osuʼnifa laote alagepa kavaʼmo hisunafekeʼmo keya aeno ge huʼniye.

1 Tesaloniyani 5:28

Ala kava netimo Yesu Kalaisiʼa fikumo lapa maeno lapaminagetapa maiyo. He, lama gemo.

2 Tesaloniyani 1:2

Afotimo Gotiʼe Ala kava netimo Yesu Kalaisiʼeʼmo fikumo lapa maeʼana lapamisaʼageno lapaipamoʼmo falu hino.

2 Tesaloniyani 3:16

Ala kava neʼmoʼa apaipamo alino falu huno neʼapateya kavaʼmo aepa vekamoʼmo fikumo lapa maeno lapaminageno muki afinaʼmo muki kavatetiʼmo lapaipamoʼmo falu hino. Ala kava neʼmoʼa mukiʼamogitapaʼeʼmo magokepi lokaeno maino.

2 Tesaloniyani 3:18

Ala kava netimo Yesu Kalaisiʼa fikumo lapa maeno lapaminagetapa mukiʼamo alagepa hutapa maiyo. He, lama ge.

1 Timoti 1:2

Kagesamo afika fatago nehana mafaʼneʼnimo lama ge Goti mafaʼneʼamo Timotigaeʼmo mani avoʼmo nekaove. Afotimo Gotiʼe Ala kava neʼmo Yesu Kalaisiʼeʼmo fikumo kaha maeʼana kamiteʼana hanau huʼana katesaʼageno kaipamoʼmo falu hino.

1 Timoti 6:2

Aliʼyaʼmo afoʼamoʼmo agesamo afino fatago huʼnisiya vekamoʼmo maiʼnisiyana aliʼyaʼamo neʼaliya vayaʼmogimo huʼapaeʼmo, konagatimoʼmo maiʼniyaʼmofeʼmo geʼamo oʼafigune, huʼa osuʼa, lagaemo ha maesuna vekamo agesamo afino fatago huʼniya vekamo lahauʼniya vekamo maiʼniyaʼmofeʼmo geʼamo afigune, huʼa hisaya kavaʼmo haneʼniye. Ani kavaʼmo hiyo, huka hapa paiteka alika apaya malo.

2 Timoti 1:2

Nahauʼniya mafaʼneʼnimo Timotigaeʼmo avoʼmo nekaove. Afotimo Gotiʼe Ala kava netimo Kalaisi Yesuʼeʼmo fikumo kaha maeʼana hanau huʼana katesaʼageno kaipamoʼmo falu hino.

2 Timoti 4:22

Ala kava neʼmoʼa kagaeʼeʼmo magokepiʼmo lokaeno maino. Gotiʼa fikumo lapa maeno lapamino. He, lama ge.

Taitasi 1:4

Lama ge mafaʼneʼnimo Taitasigaeʼmo mani avoʼmo nekaove. Lagesamo afita fatago huʼnona kava huka kagesamo afika fatago huʼnane. Afotimo Gotiʼe lagufamo alino katino lateʼniya vekamo Yesu Kalaisiʼeʼmo fikumo kaha maeʼana kamiteʼana hanau huʼana katesaʼageno kaipamoʼmo falu hino.

Failimoni 1:25

Ala kava neʼmo Yesu Kalaisiʼa fikumo lapa maeno nelapamiya kavaʼmoʼa lapakaeʼeʼmo magokepi lokaeno haneno. He, lama ge.

Failimoni 1:3

Afotimo Gotiʼe Ala kava netimo Yesu Kalaisiʼeʼmo fikumo lapa maeʼana lapamisaʼageno lapaipamoʼmo falu hino.

Yemisi 1:1

Nagaemo Yemisiʼnamo Gotiʼe Ala kava neʼmo Yesu Kalaisiʼeʼmo aliʼyaʼanimo neʼaluve. Nagaemo tuolofuʼa Yu nofi vayaʼmo kotapimo ataletapa atagu faetapa uteta huʼnaya vayaʼmogitapaeʼmo ge lapamamaeʼna mani gemo avoʼmo nekaove.

1 Yoni 3:1

Afiyo, huʼna, Afotimoʼmo lagaefeʼmo aeto agufa kavaʼmo huno hau ayamopafiʼmo hauʼnigenoʼaeʼmo, Mafaʼneʼnimogitapae, huno nehigetaeʼmo lahau neʼaune. Ma mopafi vayaʼmogimo Gotiʼmo oʼageʼnayaʼmofeʼmo lagaeʼeʼmo lageʼa aeto nosae.

2 Yoni 1:3

Gotiʼa Afotimoʼe Mafaʼneʼamo Ala kava netimo Yesu Kalaisiʼeʼmo fikumo lapa maeʼana lapamiteʼana hanau huʼana lapatesaʼageno lapaipamoʼmo falu hino.

Leveleseni 2:1

Kagaemo Efasasi taonifiʼmo maiʼnaya siosi vayaʼaiteʼmo yagaino neʼapateya apa vekalegamo mani kaha nepauva gemo avoʼmo kaeka atalegeno vino. Nagaemo seveniʼa kanefiʼmo lamaga nayapiʼmo aliʼneʼna seveniʼa goli yafatetiʼmo alo huʼnaya hiʼyalamuteʼmo lamumo maleʼnaya hiʼyalamuʼmo folagapiʼmo umenitata nehuva vekamoʼnamo lapa nepauve.

Leveleseni 2:12

Kagaemo Pegamamu taonifiʼmo maiʼnaya siosi vayaʼaiteʼmo yagaino neʼapateya apa vekalegamo mani kaha nepauva gemo avoʼmo kaeka atalegeno vino. Nagaemo aluga alugaʼalegatiʼmo ave neʼneya naipemo aliʼnova vekamoʼnamo mani gemo lapa nepauve.

Leveleseni 2:18

Kagaemo Taiyataila taonifiʼmo maiʼnaya siosi vayaʼaiteʼmo yagaino neʼapateya apa vekalegamo mani kaha nepauva gemo avoʼmo kaeka atalegeno vino. Nagaemo Goti mafaʼneʼamoʼna naulagalaʼmo ata vaikana huno nelegeno naiyalaʼmo haesa yafaʼmo oʼaniʼyaʼmo aeʼa kalo paeʼnaya yafakana huno haneʼniya vekamoʼnamo mani gemo lapa nepauve.

Leveleseni 2:29

Agesamo haneʼnisiya vekamoʼmo Goti Aunemeʼamoʼmo siosiʼafi siosiʼafiʼmo maiʼnaya vayaʼaifeʼmo hapa nepaiya gemo afino.

Leveleseni 2:8

Kagaemo Simena taonifiʼmo maiʼnaya siosi vayaʼaiteʼmo yagaino neʼapateya apa vekalegamo mani kaha nepauva gemo avoʼmo kaeka atalegeno vino. Nagaemo hogote vekamo maiʼneʼna henaga vekamo maiʼnove. Faliteʼna halate he tiʼnova vekamoʼnamo mani gemo lapa nepauve.

Leveleseni 22:21

Ala kava netimo Yesuʼa mukiʼamogitapamo fikumo lapa maeno lapamino. He lama ge.

Leveleseni 3:14

Kagaemo Leyotisiya taonifiʼmo maiʼnaya siosi vayaʼaiteʼmo yagaino neʼapateya apa vekalegamo mani kaha nepauva gemo avoʼmo kaeka atalegeno vino. Gotiʼa geʼamo naha paiʼnigeʼna he lama gemo nehuva vekamo maiʼnove. Gotifeʼmo fatago gemo alagi lama geʼamo aeʼna hakalo huʼna hapa nepauva vekamo maiʼnove. Muki yaʼamo Gotiʼa alo huʼniya yaʼmo aepa faiʼnova vekamo maiʼneʼnaeʼmo mani gemo lapa nepauve.

Leveleseni 3:22

Agesamo haneʼnisiya vekamoʼmo Goti Aunemeʼamoʼmo siosiʼafi siosiʼafiʼmo maiʼnaya vayaʼaifeʼmo hapa nepaiya gemo afino, huno hapa paiʼniye.

Leveleseni 3:7

Kagaemo Filatefiya taonifiʼmo maiʼnaya siosi vayaʼaiteʼmo yagaino neʼapateya apa vekalegamo mani kaha nepauva gemo avoʼmo kaeka atalegeno vino. Nagaemo naote vekamo lama geʼageʼmo nehuva vekamoʼnamo Neviniʼa yagaino neʼapateya kava huʼna yagaiʼna apatesuva kiʼmo aliʼnova vekamoʼnamo mani gemo lapa nepauve. Kitamo yakiʼna apateʼnisugeʼapaeʼmo mago vayaʼmogi eʼa kitamo kiʼa oʼapategae. Kitamo ki maleʼnisugeʼapaeʼmo mago vayaʼmogi eʼa kitamo yakiʼa oʼapategae.