Lomu 1:3 - The Keyagana NT and 25 OT books

³ Mani gemo mafaʼneʼamo Ala kava netimo Yesu Kalaisifeʼmo ava gemo haneʼniye. Agaemo ma mopafi maiʼniya kavatefeʼmo mago a kanomo Nevini aginagoʼamoʼa alino ateʼniye.

Lomu 1:3 ပူးပေါင်းရင်းမြစ်များ

Aepa Gemae 3:15

Ala kava neʼmoʼa nagaloʼyaveeʼmo ha painoʼaeʼmo, Nagaemo kagaeʼe a kanoʼeʼmo aliʼna fako huʼna lanatesugetana kame kame hutana maigaʼae. Ina kava huʼa mafaʼnekamogimo aʼne mafaʼneʼalegamo kame huʼa apatesageʼa aʼne mafaʼneʼamogimo mafaʼnekalegamo kame huʼa apatesageʼa hugae. Mafaʼneʼamo aiya afeʼalumelagamo maiʼnisanageno agaemo kagenopamo aeno latapaisigeka kagaemo aiya kigupafiʼmo akafu hanigane, huno ha paiʼniye.

Samu 2:7

Kini vekamoʼmo hunoʼaeʼmo, Ala kava neʼmoʼa hu maleʼniya gemo aeʼna hakalo huʼna lapa paiguve, huno huʼniye. Agaemo, Hemeni afinaʼmo mafaʼneʼnimo aliʼna kateʼnogeka maiʼnane, huno naha paiʼniye.

Matiyu 1:1

Yesu Kalaisiʼa Nevini aginago vekamo maiʼnigeno Neviniʼa Emalehamu aginago vekamo maiʼniye. Yesu Kalaisi aginago vayaʼai apakiʼapimo haneʼniye.

Matiyu 1:16

Yekopuʼa Yosefeʼmo Maliya anauʼamoʼmo alino ateʼnigeno Maliyaʼa Yesuʼmo Gotiʼa lekana paino ateʼniya vekamo agiʼamo Kalaisiʼmo alino ateʼniye.

Matiyu 1:6

Yesiʼa Neviniʼmo ala vekaʼapimo yagaino neʼapateya kini vekamo alino ateʼnigeʼana Neviniʼe hogoteno Yulaiyateʼmo maiʼniya a kanoʼeʼmo Salomoniʼmo aliʼana ateʼnaʼageno

Matiyu 12:23

Muki vayaʼamogimo ageteʼapaeʼmo hapau aiteʼa, agava maiʼnona vekamo Nevini aginagomo maiʼnifi, huʼa huʼnae.

Matiyu 15:22

Neʼvigenoʼaeʼmo mago Kenani nofi a kanomo ani haopalega maiʼniya a kanomo agaetega eno alopa gefatiʼmo, Ala kava neʼmo Nevini aginagomo, huno, kahau huka nato. Mago hosu aune vekamoʼa aʼmafaʼneʼnimo aipafiʼmo haino maiʼnenoʼaeʼmo alagi alino hosu huno neʼate, huno ha paiʼniyaʼmonanafa

Matiyu 26:63

Halate agaefeʼmo hukaeʼmo, maige maige huno neʼmaiya Gotitegatiʼmo alagi lama gemo nehuve, huka huvo. Kalaisi vekamo Goti mafaʼneʼamo maiʼnisanana laha paiyo, huno afi geʼnigenoʼaeʼmo,

Matiyu 27:43

Agaemo Gotifeʼmo alino amufa amiʼniye. Agaemo hunoʼaeʼmo, Goti mafaʼneʼamo maiʼnove, huno huʼniyaʼmofeʼmo Gotiʼa agufamo alino katino atesifigeta agegaune, huʼa huteʼa huʼa faipa huʼa ateʼnae.

Matiyu 3:17

Kokuʼnapatiʼmo mago gemo hunoʼaeʼmo, ani vekaeʼmo nagaiʼni nahau nayamopafiʼmo nahauʼniya mafaʼneʼnimo maiʼniye. Agaefeʼmo lusi kava huʼna amuse huʼna neʼatove, huno huʼniye.

Matiyu 9:27

Yesuʼa ani haopalegatiʼmo ataleno neʼvigeʼanaeʼmo lole vekalaʼmo anaulagamo ali huʼniya vekalaʼmo akame huʼana neʼuʼanaeʼmo, Nevini aginagomo, huʼana, Kahau huka laʼato, huʼana hume hume eʼnaʼae.

Luki 1:35

Aote Aunemeʼamoʼmo Goti himamuʼamo hiyakana huno kagaeteʼmo eminesigeka alika atesana mafaʼneeʼmo, aote vekamo Goti Mafaʼneʼae, huʼa agi aegae.

Luki 1:69

Agaemo aliʼyaʼamo neʼaliya vekaʼamo Nevini vayapatiʼmo lokiya vekamo lagufamo alino katino latesiya vekamo ago alino afole aino ateʼniye.

Yoni 1:14

Ani vekamo agiʼamo Goti Geʼamoʼmo emineno agufamo aliteno nata neno emineno lagaeʼeʼmo magokepi lokaeno maiʼniye. Lagaeʼeʼmo lokaeno maiʼnigeta ageʼnonana ha le konali yaʼamo Afoʼamoʼmo aiya magoke mafaʼneʼamo aeto agufa kumani mafaʼneʼamo ha le konali yaʼamoʼa aeno ha leʼnigeta ageʼnone. Fiku laha maeno lamisiya kavaʼaʼe lama geʼaʼeʼmo aipafiʼmo havai teʼnigeno aeno ha leʼnigeta ageʼnone.

Yoni 1:34

ani kavaʼmo huʼna ageʼnovaʼmofeʼmo ani vekamo Goti mafaʼneʼamae, huʼna aeʼna hakalo nehuve, huno hapa paiʼniye.

Yoni 1:49

Tisao, huno, Goti mafaʼneʼamo maiʼneka Isaleli vayaʼaiteʼmo yagaika neʼapatana kini vekaʼapimo maiʼnane, huno ha paiʼniye.

Yoni 10:30

Nagaeʼe Afoʼnimoʼeʼmo magoke aiyaya vekalaʼmo maiʼnoʼae, huno hapa paiʼnigeʼapaeʼmo

Yoni 10:36

Gotiʼa ani gemo ma mopafi vayaʼaifeʼmo huʼniyaʼmonanafa nagaemo huʼnaeʼmo, Goti mafaʼneʼamo maiʼnove, huʼna huʼnovaʼmofeʼmo muki yaʼmo Afoʼamoʼmo aote vekamo lekana paino ateʼnenoʼaeʼmo alino ateʼnigeno emineʼniya vekaeʼmo, Gotifeʼmo huka faipa huka neʼatane, hutapa nehafiye.

Yoni 20:28

Tomasiʼa hunoʼaeʼmo, Ala kava neʼnimo Gotiʼnimogae, huno ha paiʼnigenoʼaeʼmo,

Yoni 20:31

Lapakesamo afita fatago hutetapaeʼmo, Yesuʼa Kalaisi vekamo Goti Mafaʼneʼamo maiʼniye, hutetapa maiʼnetapaeʼmo agiʼaletiʼmo alagepa hutapa maige maige hutapa maisayafeʼmo mani gemo huʼna avoʼmo kae maleʼnove.

Yoni 5:25

Lama gemo lapa nepauve, huno, Mago afinaʼmo afole aigiyana ago afole aiʼniye. Nefaliya kavategamo maiʼnaya vayaʼmogi Goti mafaʼneʼamo geʼamo afaʼa afigae. Afiʼnisaya vayaʼmogi afaʼa maisaya yaʼmo aliteʼa maigae.

Yoni 7:42

Goti mukufiʼmo avoʼmo kae maleʼniya gemoʼmo hunoʼaeʼmo, Mesaiya vekamo yagaino neʼapateya kini vekamo Nevini vayapati vekamo maiʼneno Metelehamu taonifiʼmo Neviniʼa maiʼniya taonifatikeʼmo afole aigiye, huno huʼniye, huʼa huʼnae.

Apa 2:30

Neviniʼa aune vekamo maiʼnigenoʼaeʼmo Gotiʼa ha painoʼaeʼmo, kaginago vayapatiʼmo Kalaisi vekamo aliʼna afole aiʼna atesugeno kini vekamo maiʼneka yagaiʼnana kava huno kini vekamo maiʼneno yagaino apategaiye. Lama gemo nehuve, huno hu maleʼniye.

Apa 3:13

Haʼao, Gotiʼa Emalehamuʼagi Aisikiʼagi Yekopuʼagi huʼa laginago vayaʼmogi Gotiʼapimo aliʼyaʼamo neʼaliya vekamo Yesu agiʼaleʼmo alino asaga huno ateʼniye. Lapakaemo gamani vayaʼai apayapiʼmo avalelitetapa ateʼnageno Pailatiʼa afaʼa ategauve, huno lapa paiʼniyaʼmonanafa Pailati aulagaleʼmo lapakameʼyamo amiʼnae.

Apa 8:36

Kategamo neʼuʼanaeʼmo mago ani kotuʼmo haneʼniya yateʼmo uʼana avaʼyi nehuʼanaeʼmo meku vekamoʼmo hunoʼaeʼmo, Manile ani kotuʼmo haneʼniye. Natafauno natesiya yaʼmo haneʼnifi afaʼa aniʼmo faleka nategane, huno afi geʼnigenoʼaeʼmo

Apa 9:20

Soloʼa Goti geʼamo neʼafiya vayaʼeʼmo Namasakasi taonifiʼmo mago afinaʼmo maiʼniye. Malage huno Yu vayaʼai mono noʼale noʼaleʼmo uneno huno Kalaisifeʼmo hunoʼaeʼmo, Ani vekamo Goti mafaʼneʼamo maiʼniye, huno aeno hakalo huno hapa paiʼniye.

Lomu 1:9

Nagaemo amega nagufaletiʼmo Goti aliʼyaʼamo oʼaliʼna naipafatiʼmo Goti mafaʼneʼamo alagepa faigoko geʼalefekeʼmo aliʼyaʼmo neʼaluve. Nagaemo nunumuʼmo huʼna hano osuʼnofa muki afinaʼmo nunumuʼmo huʼna nelapatove. Gotiʼa nageʼniyanageno he, nehiye, huno, naha maesiya gemo afaʼa lapa paigiye.

Lomu 4:1

Mani kavatefeʼmo laginago vekamo Emalehamuʼa agaiʼa agufaletiʼmo aliʼniye, huta hisupiye.

Lomu 9:3

Kanale kavaʼmo haneʼniyesinana apakaetefeʼmo Kalaisipiʼmo oʼmaiʼna malaga lifana vekamo maisuvafeʼmo nahauʼniyesine.

Lomu 9:5

Hogote apakinago vayaʼmo Isaleli nofi vayaʼmo maiʼnae. Kalaisiʼa apakaepatiʼmo ma mopafi vekagana huno afole aiʼniye. Kalaisiʼa muki yaʼaleʼmo neʼyagaiya vekamo maige muki afinaʼmo aulena Gotiʼa maige maige huno maigiye. He, lama ge.

1 Kolitiyani 1:9

Gotiʼa mafaʼneʼamo Ala kava netimo Yesu Kalaisiʼeʼmo magokepi lokaeta afalu afalugana hutapa maisayafeʼmo keya aeno ge huʼniye. Agaemo halate alino alu gemo osugifa huguve, huno nehiya gemo alagikeʼmo nehiye.

1 Kolitiyani 10:18

Isaleli nofi vayaʼaifeʼmo lapakesamo afiyo. Sipisipi afumo lugoʼamo hatagauʼa hiʼyalamuteʼmo maleʼnaya afumo ameʼamo neʼnaya vayaʼmogimo hiʼyalamuteʼmo haneʼniya gotitefeʼmo mono nehae.

Galesiya 4:4

Gotiʼa hu maleʼniya afinaʼmo afole aiʼnigenoʼaeʼmo Mafaʼneʼamo alino ateʼnigeno emineʼniye. Mago ma mopafi a kanomoʼmo alino ateʼnigeno Yu keʼaepa gemo afeʼalumelagamo maiʼniye.

1 Tesaloniyani 1:10

Maiʼneʼapaeʼmo Gotiʼa alino he tino ateʼniya Mafaʼneʼamoʼmo Gotiʼa aipamo leno nelateyanageno kayoʼmo lamisiya kavategatiʼmo lagufamo alino katino nelateya Mafaʼneʼamo kokuʼnapatiʼmo eminesiyafeʼmo agava neʼmaiye, huʼa nehae.

1 Timoti 2:5

Gotiʼa magoke vekamo maiʼnigeta lagaemo maiʼnonanageno agaeʼeʼmo magokepi lokaeta maisunafeʼmo ani magoke vekamo folagapi vekamoʼmo Kalaisi Yesuʼa vayaʼmo maiʼniye.

1 Timoti 3:16

Mono kavatimo hogote kavaʼmo alopa kavaʼmo haneʼnigeno alino fala ki maleʼneno alino lave liʼnigeta ani mono kavaʼmo nehune. Mani geeʼmo hutaeʼmo, Gotiʼa agufamo aliteno vayaʼai apaulagaleʼmo afole aiʼniye. Goti Aunemeʼamoʼmo hunoʼaeʼmo, fatago vekamae, huno huʼniye. Enisole vayaʼmogi ageʼnae. Alu nofi vaya alu nofi vayaʼaifeʼmo agaefeʼmo alagepa faigoko geʼamo aeʼa hakalo huʼa hapa paiʼnae. Ma mopafi vayaʼmogimo agaefeʼmo apakesamo afiʼa fatago huʼnae. Gotiʼa avalelino uno haino kokuʼnapi ateʼnigeno maiʼniye, huta nehune.

2 Timoti 2:8

Yesu Kalaisiʼa Nevini aginago vekaʼamoʼmo alagepa faigoko geʼnilefeʼmo faliʼniyatetiʼmo ago alino he tino ateʼniya kavafeʼmo kage okanika kagesa afifi huka maiyo.

1 Yoni 1:3

Lagaemo afiteta ageʼnona kavafeʼmo ava gemo hutaeʼmo lapakaemo lagaeʼeʼmo afalu afalugana huta maisunafeʼmo aeta hakalo huta lapa nepaune. Lagaemo Afotimoʼe mafaʼneʼamo Yesu Kalaisiʼeʼmo afalu afalugana huta neʼmaune.

1 Yoni 3:23

Goti keʼaepa geʼamoʼmo hunoʼaeʼmo, mafaʼneʼnimo Yesu Kalaisi agiʼalefeʼmo lapakesamo afita fatago hutetapaeʼmo konagatapimogifeʼmo lapaino, huno laha paiʼniye.

1 Yoni 3:8

Sataniʼa aepa faiʼniya afinatetiʼmo hosu kavakeʼmo hume hume neʼeya kava huʼa muki vayaʼmogi hosu kavaʼmo nehaya vayaʼmo Satani vayaʼamo maiʼnae. Goti Mafaʼneʼamoʼmo Satani aliʼyaʼamo alagi alino hano huno atalesiyafeʼmo emineno afole aiʼniye.

1 Yoni 4:15

Gotiʼa muki vayaʼmogi, Yesuʼa Goti mafaʼneʼamo maiʼniye, huʼa aeʼa hakalo huʼa hapa nepaiya vayapiʼmo alagi maiʼnigeʼa apakaemo agaepiʼmo alagi maiʼnae.

1 Yoni 5:1

Ina lagimo Yesuʼa Kalaisiʼmo vayaʼmo maiʼniye, huʼa huteʼa apakesamo afiʼa fatago nehafi Gotiʼa alino apateʼnigeʼa mafaʼneʼamo maiʼnae. Muki vayaʼamogimo alino apateʼniya vekaeʼmo hapau apayamopafiʼmo hapausiyana ani kava huno alino apateʼniya mafaʼneʼamogiʼefeʼmo hapau apayamopafiʼmo nehapaiye.

1 Yoni 5:20

Lagaemo ageʼnonana Goti Mafaʼneʼamo emineno lama ge Gotiʼa ageta alagepa hisunafeʼmo lagesamo afisuna yaʼmo lamiʼniye. Lagaemo lama ge vekafiʼmo maiʼnetaeʼmo Mafaʼneʼamo Yesu Kalaisipiʼmo maiʼnone. Ani vekamo lama ge Gotiʼa maiʼnenoʼaeʼmo alagepa huta maige maige huta maisuna yaʼmo afoʼamoʼmo maiʼniye.

1 Yoni 5:5

Ina lagimo ma mopafi kavaʼmo kame huʼa aeʼa agasegae. Yesuʼa Goti Mafaʼneʼamo maiʼniye, huʼa apakesamo afiʼa fatago nehaya vayaʼamogigeʼmo kame huʼa aeʼa agasegae.

2 Yoni 1:7

Asole vayaʼmogimo vayaʼaifeʼmo humi neʼapataya vayaʼmo ma mopafiʼmo umenitata nehae. Apakaemo huʼapaeʼmo, Yesu Kalaisiʼa ma mopafi vayaʼmogi agufamo aliteno vayaʼmo hamaleʼniye, huʼa aeʼa hakalo nosae. Ani gemo nosaya vayaʼmo Kalaisi kame vayaʼamo maiʼnae.

Leveleseni 2:18

Kagaemo Taiyataila taonifiʼmo maiʼnaya siosi vayaʼaiteʼmo yagaino neʼapateya apa vekalegamo mani kaha nepauva gemo avoʼmo kaeka atalegeno vino. Nagaemo Goti mafaʼneʼamoʼna naulagalaʼmo ata vaikana huno nelegeno naiyalaʼmo haesa yafaʼmo oʼaniʼyaʼmo aeʼa kalo paeʼnaya yafakana huno haneʼniya vekamoʼnamo mani gemo lapa nepauve.