Lomu 1:25 - The Keyagana NT and 25 OT books

²⁵ Apakaemo lama geʼamo ataleteʼa lama ge Gotifeʼmo mono osuʼa ataleʼa agae aimuʼyaleʼmo aigofe gotiʼapimogitefekeʼmo mono huʼnae. Gotiʼa muki yaʼamo alo huʼniya vekaeʼmo mono osuge geʼamo oʼafige huteʼa apakaiʼapimo alo huʼnaya yatefekeʼmo mono huteʼapaeʼmo akame huʼnae. Huʼnayaʼmonanafa alo huʼniya vekamo muki afinaʼmo aliʼa auleʼa ateme ateme neʼvaya Gotiʼa maiʼniye. He, lama ge.

Lomu 1:25 ပူးပေါင်းရင်းမြစ်များ

Samu 72:19

Ha le konali agiʼaleʼmo muki afinaʼmo aliʼa asaga hiyo. Ala agiʼamoʼmo muki ma mopafiʼmo aino atagu faeno uneno hisigeʼa muki vayaʼmogimo agiʼaleʼmo aliʼa asaga hiyo. He, lama ge, lama ge.

Hamakaki 2:18

Naipeletiʼmo aigofe gotiʼapimogimo yosaletiʼmo alo huʼnae. Alo huʼnaya aune yaʼmoʼa haiya kava huno hapa maegaiye. Aigofe gotiʼapimogimo aigofe mono kavaʼmo aliʼa apaya neʼmalae. Na kava higeʼapaeʼmo alo huʼnaya aigofe gotiʼapimogi apake noʼaiya gotiʼapimogifeʼmo laha maegae, huʼa nehae.

Matiyu 10:37

Mago vayaʼmogimo itaʼapi afoʼapimogifekeʼmo hogoteno hapau apayamopafiʼmo hapauʼnisigeʼa nagaefeʼmo henagaʼamo hapau apayamopafiʼmo hapauʼnisiyana vayaʼnimo maisaya agufa kavaʼmo huʼa oʼmaiʼnae. Ani kava huʼa mago vayaʼmogimo mafaʼneʼapieʼmofi aʼmafaʼneʼapieʼmofi huno hogoteno hapau apayamopafiʼmo hapauʼnisigeʼa nagaefeʼmo henagaʼamo hapau apayamopafiʼmo hapauʼnisiyana vayaʼnimo maisaya agufa kava huʼa oʼmaiʼnae.

Matiyu 6:24

Mago aliʼyaʼmo neʼalisiya vekamoʼmo lole aliʼyaʼmo afoʼalaʼmoganiteʼmo aliʼyaʼmo afaʼa oʼaligiye. Agaemo mago alu aliʼyaʼmo afoʼamofeʼmo aini huʼnisiyana mago alu vekaeʼmo hau ayamopafiʼmo hauʼnisigeno geʼamo afiteno alu aliʼyaʼmo afoʼamofeʼmo ohauʼnisigeno akameʼyamo amigiye. Lapakaemo ani kava hutapa Goti aliʼyaʼe ma mopafi aliʼyaʼeʼmo afaʼa oʼaligae.

Yoni 2:8

ani ani kepatiʼmo hefilitutapa neʼyateʼmo yagaiʼniya vekamo amiyo, huno hapa paiʼniye. Anilafaʼmo hefiliʼa uʼa amiʼnageno neno afi geʼniye.

Lomu 1:18

Kokuʼnapatiʼmo Gotiʼa aipamo leno neʼapateya kavaʼamo alino apave neliye. Gotiʼa agaefeʼmo muki mono nosaya kavaʼe muki vayaʼaitegamo muki hosu kavaʼmo nehaya kavateʼefeʼmo aipamo leno neʼapate. Apakaemo hosu kavaʼapiletiʼmo lama geʼamo apaipafiʼmo haneʼniya lama geʼaleʼmo aliʼyaʼmo oʼalisiyafeʼmo aeʼa akaniʼa neʼatae.

Lomu 1:23

Apakaemo maige maige huno neʼmaiya ha le konali Gotifekeʼmo mono osuʼa apakameʼyamo amiteʼa agae aimuʼyaleʼmo kasalisiya vayakana agufa auneʼagi namagana agufa auneʼagi afugana agufa auneʼagi nagaloʼyavegana agufa auneʼagi huʼa alo huʼa maleʼneʼa ani yatefekeʼmo mono huʼnae.

Lomu 9:5

Hogote apakinago vayaʼmo Isaleli nofi vayaʼmo maiʼnae. Kalaisiʼa apakaepatiʼmo ma mopafi vekagana huno afole aiʼniye. Kalaisiʼa muki yaʼaleʼmo neʼyagaiya vekamo maige muki afinaʼmo aulena Gotiʼa maige maige huno maigiye. He, lama ge.

2 Kolitiyani 11:31

Ala kava netimo Yesu Kalaisi Gotiʼamo Afoʼamofekeʼmo muki afinaʼmo aliʼa auleʼa neʼataya Gotiʼa hunoʼaeʼmo, aigofe gemo nosiye, huno nageʼniye.

Efasasi 3:21

Siosi vayaʼamogitamo muki kafugaʼae kafugaʼaeʼmo agiʼaleʼmo alita asaga huge huge huta maigetao. He, lama ge.

1 Tesaloniyani 1:9

Ani vayaʼmogimo lagaefeʼmo huʼapaeʼmo, apakaemo Tesaloniyani vayaʼaitegamo uʼnageʼapaeʼmo aigofe gotiʼapimogi apataleʼa aiʼa afe leʼa Gotitegamo eʼa afaʼa neʼmaiya lama ge Goti aliʼyaʼamo neʼaliye.

1 Timoti 1:11

Mani gemo alagepa faigoko gemo haneʼniyana aliʼa auleʼa neʼataya Goti geʼamo ha le konali faigoko geʼamo haneʼniye. Gotiʼa mani geleʼmo yagaiʼna atesuvafeʼmo namiʼnigeʼna alinineʼna aeʼna hakalo huʼna hapa nepauve.

1 Timoti 1:17

Ala kini vekamo ofalino maige maige huno neʼmaiya vekamo noʼagona vekamo agaiʼageʼmo ageteno afiʼniya vekamo ala agiʼaʼe ha le konali yaʼaʼeʼmo muki afinaʼmo hanege hanege huno haneno. He, lama ge.

2 Timoti 3:4

Apakaemo kutulu yaʼmo nege apakesamo oʼafiʼneʼa malage huʼa hosu kavaʼmo huge ala vayaʼmo maiʼnone, huʼa himuʼnamu gemo huge huteʼa Gotifeʼmo ohapauʼnisigeʼa apakufamoʼmo hauʼniya kavafekeʼmo apamogaga aigae.

1 Yoni 5:20

Lagaemo ageʼnonana Goti Mafaʼneʼamo emineno lama ge Gotiʼa ageta alagepa hisunafeʼmo lagesamo afisuna yaʼmo lamiʼniye. Lagaemo lama ge vekafiʼmo maiʼnetaeʼmo Mafaʼneʼamo Yesu Kalaisipiʼmo maiʼnone. Ani vekamo lama ge Gotiʼa maiʼnenoʼaeʼmo alagepa huta maige maige huta maisuna yaʼmo afoʼamoʼmo maiʼniye.