Lomu 1:12 - The Keyagana NT and 25 OT books

¹² Lapamiguve, huʼna huʼnovaʼmonanafa nagaeʼe lapakaeʼeʼmo magokepi lagesamo afita fatago nehunaʼmofeʼmo magokepi lokaeta maiʼneta naha maesageʼna lapa maegauve.

Lomu 1:12 ပူးပေါင်းရင်းမြစ်များ

Apa 11:23

Uno apakeyana Gotiʼa fiku hapa maeno apamiʼnigeno apaketenoʼaeʼmo lusi kava huno amogaga aiteno hapa painoʼaeʼmo, alagepa hutapa lapakesamo afitetapa lokiya vaita maiʼnetapaeʼmo Ala kava neʼmo akame huteta oʼatalegaune, hutapa hiyo, huno apaipa apakesamo alino lokiya vaino apateʼniye.

Lomu 1:11

Nagaemo Goti Aunemeʼaletiʼmo fikumo alisaya yaʼmo lapamisugeno lokiya vaino lapatesigetapa atafauta alagi hutapa maisayafeʼmo uʼna lapakesuva naipamo nekaliye.

Lomu 1:13

Konagaʼnimogitapae, huʼna, mago gemo afisayafeʼmo nahauʼniyanagi lapakaemo alagepa hutapa afiyo. Muki afinaʼmo huʼnaeʼmo, uguve, huʼna nehuvaʼmonanafa lapakaetegamo visuva kaʼmo ago akani maleʼniye. Nagaemo Yu nofi vayapati oʼmaiʼnaya vayaʼaitegamo uʼna Goti geʼamo hakaleʼnogeno alagamo aeʼniya kava huʼna lapakaetegaʼeʼmo uʼna Goti geʼamo hakalesugeno alagamo aesiyafeʼmo neʼnahaiye.

Lomu 15:32

Lapakaemo nunumuʼmo hisagenoʼaeʼmo Gotiʼa hauʼnisiyana lapakaetegamo uʼna avaʼyi huteʼna lusi kava huʼna namogaga aiteʼna lapakaeʼeʼmo magokepi lokaeʼna maiʼneʼnaeʼmo naipamoʼmo falu hugiye.

2 Kolitiyani 7:13

Ani kavatefeʼmo laipamoʼmo falu hutapa lateʼnageta Taitasiʼa amogaga aiʼniya kavafeʼmo lusi kava huta lamogaga aiʼnone. Lapakaemo aipamo alita falu huʼnayaʼmofeʼmo amogaga aiʼniye.

Efasasi 4:5

Magoke Ala kava neʼmo maiʼniye. Magoke agufa kavaʼmo huta agaefeʼmo lagesamo afita fatago nehune. Magoke agufa kavaʼmo huta aniʼmo faleʼnone.

2 Timoti 1:4

Kaunumo nelamiya kavafeʼmo nagesamo afiteʼnaeʼmo kagesugenoʼaeʼmo naipafiʼmo namogaga aisiya yaʼmo havai tesiyafeʼmo nahauʼniye.

Taitasi 1:4

Lama ge mafaʼneʼnimo Taitasigaeʼmo mani avoʼmo nekaove. Lagesamo afita fatago huʼnona kava huka kagesamo afika fatago huʼnane. Afotimo Gotiʼe lagufamo alino katino lateʼniya vekamo Yesu Kalaisiʼeʼmo fikumo kaha maeʼana kamiteʼana hanau huʼana katesaʼageno kaipamoʼmo falu hino.

2 Pita 1:1

Nagaemo Saimoni Pitaʼnamo Yesu Kalaisi aliʼyaʼamo neʼaluva vekamo maiʼneʼna apa vekaʼamo maiʼnove. Gotiʼa lagufamo alino katino nelateya Gotitimoʼa Yesu Kalaisi fatago kavaʼaletiʼmo fikumo lapamaeno lapamiʼnigetapa lapakesamo afita fatago huʼnaya vayaʼamogitapaeʼmo mani gemo avoʼmo nekaove. Lapakesamo afita fatago nehaya kavatapimo alopa monileʼyaʼmo aeno agaseʼniya kavaʼe lagesamo afita fatago nehuna kavatiʼeʼmo magoke aiyaya kavaʼmo haneʼniye.

2 Yoni 1:4

Mago mafaʼne anagakamogimo muki yaʼmo Afoʼamoʼa akame hiyo, huno laha paiʼniya keʼaepa geʼamo lama geʼamo akame nehageʼna apaketeʼnaeʼmo lusi kava huʼna namogaga aiʼnove.

Yuti 1:3

Neʼnahaiya vayaʼnimogitapae, huʼna, Gotiʼa lagaeʼe lapakaeʼeʼmo lagufamo alino katino lateʼniya kavafeʼmo avoʼmo kaegauve, huteʼna lusi kavaʼmo huʼna nagesamo afiteʼnaeʼmo hogoteʼna avoʼmo kaesuva kavaʼmo afole aiʼniye. Lagesamo afita fatago nehuna gelefeʼmo kamemo hutapa ha maesayafeʼmo mani gemo avoʼmo kaeʼna lapaipamo aliʼna lokiya vaiʼna lapatesuvafeʼmo huve. Gotiʼa mani gelefeʼmo lagesamo afita fatago nehuna gemo muki afinafeʼmo magoke afinaʼmo agaemo laote vayaʼamo lamiʼniye.