Lomu 1:11 - The Keyagana NT and 25 OT books11 Nagaemo Goti Aunemeʼaletiʼmo fikumo alisaya yaʼmo lapamisugeno lokiya vaino lapatesigetapa atafauta alagi hutapa maisayafeʼmo uʼna lapakesuva naipamo nekaliye. အခန်းကိုကြည့်ပါ။ |
Gotilamiyapiʼmo muki Yuta vayaʼmo he tiʼa Tekova taoni haopalegamo kaʼme kotegamo neʼuʼapaeʼmo kini vekamo Yihosafatiʼmo he tino ina ge huno hapa paiʼniye. Hapa painoʼaeʼmo, Yuta vayanagi Yulusalemu taonifi vayanagi hutapa geʼnimo afiyo. Lapakaemo Ala kava neʼmo Gotitapimofeʼmo alita amufa amigenoʼao lokiya vaino lapatesigetapa he tiyo. Lapakaemo geʼamo alini eʼa aeʼa hakalo huʼa hapa nepaiya vayaʼai geʼapieʼmo lapakesamo afita fatago higenoʼao lapa maesigetapa alagepa hutapa maiyo, huno hapa paiʼniye.
Ohaneʼniyaʼmonanafa hemenimo manileʼmo aeʼna hakalo huʼna hapa paisuva koʼmo ohaneʼnigeʼnaeʼmo muki kafugaʼaeʼmo uʼna lapakesuvafeʼmo nehuvaʼmofeʼmo Sipeni kotega visuva afinaʼmo uʼna lapakegauve. Uʼnaeʼmo hogoteʼna lapakaeʼeʼmo mago afinaʼmo maiʼneʼna namogaga aiguve. Amuse hutapa natetesageʼnaeʼmo Sipeni kotegamo uguve, huʼna nagesamo afiteʼna navayagunagu nehuve.
Gotiʼa agaiʼa aliʼyaʼamo alisunafeʼmo lavaleno latesiyafeʼmo uvelimo lakino lategekana huno Aunemeʼaletiʼmo lakino lateʼniye. Alagena yaʼamo laipafiʼmo hu maleʼnenoʼaeʼmo, vayaʼnimo maiʼnae, huno huʼniye. Lamisiya yapatiʼmo Aunemeʼamo hogoteno ago laipafiʼmo lamiʼniyaʼmofeʼmo ago afiʼnonana muki alagepa yaʼamo lamigiye. Gotiʼa lamiteno lokiya vaino nelategetaeʼmo lagaeʼe lapakaeʼeʼmo Kalaisipiʼmo lokiya vaita maiʼnone.
Mago hogoteʼa eʼnaya vayanagi henagaʼamo esaya vayanagi huʼa lapakaetegamo eʼa alu Yesufeʼmo lagaemo aeta hakalo huta lapa opaiʼnona Yesufeʼmo aeʼa hakalo huʼa lapa paisagetapa afigae. Alu auneʼamo lagaetetiʼmo oʼaliʼnaya auneʼamo lapakaemo aliʼnisafi alu alagepa faigoko gemo lagaetetiʼmo oʼafiʼnaya agufa alagepa faigoko gemo afisafi hutetapa afaʼa apaketapa apataleʼnetapa geʼapimo afaʼa afigae.
Timotiʼmo alitaʼa atesuʼageno uno lapakegaiye, hutaʼa huʼnoʼae. Agaemo lagaeʼeʼmo magokepi lokaeno aliʼyaʼmo neʼalino Kalaisifeʼmo alagepa faigoko geʼamo aeno hakalo huno hapa nepaiya konagatimoʼmo maiʼniye. Lapa maeno alino lokiya vaino lapatesigetapa magoʼe hutapa lapakesamo afita fatago hisayafeʼmo alitaʼa ateʼnoʼageno uʼniye.
Fiku yanageʼa mago vayaʼmogi aeto aeto agufa geletiʼmo lapayateʼmo heʼa lapavayu huliʼa ugayanagi ehetapiye. Alagepa kavanageno Gotiʼa fikumo lapa maeno nelapamiya gemoʼa lapaipa lapakesamo alino lokiya vaino lapategaiye. Neʼyafeʼmo, neyo, huʼa huge oʼneyo, huʼa huge nehaya gemoʼa lapaipa lapakesamo alino lokiya vaino olapategaiye. Ani gemo akame nehaya vayaʼmo hapa oʼmaeʼniye.
Muki yaʼamo fikumo lapa maeno nelapamiya Gotiʼa Yesu Kalaisitetiʼmo alagi hanege hanege huno hanesiya ha le konali yaʼamo alisunafeʼmo lagaefeʼmo keya aeno ge huʼniye. Inagi lapakaemo aise afinaʼmo kana yaʼmo alisagenoʼaeʼmo agaemo alagi alino alagepa huno lapatege alino lokiya vaino lapatege lokiyaʼamo alino lapamige agaiʼaleʼmo faino lapatege hugiye.
Nagesamo afuvana Silivenisiʼa kanale konagatimoʼmo naha maeʼnigeʼna mani aise avoʼmo nekaove. Aliʼna lokiya vaiʼna lapatesuva agufa gemo huʼna lapa paiʼnaeʼmo, ago afiʼnovana Gotiʼa fikumo hapa maeno neʼapamiya kavafeʼmo ava gemo huʼnaeʼmo, lama gemo haneʼniye, huʼna mani gemo avoʼmo kaeʼna lapa nepauve. Ani kavatefekeʼmo lapakesamo afita fatago huta atafauta alagi hutapa maiyo.