Lomu 1:1 - The Keyagana NT and 25 OT books

¹ Nagaemo Poloʼnamo Yesu Kalaisi aliʼyaʼamo neʼaluve. Agaemo apa vekaʼamo maiʼneʼna Goti alagepa faigoko geʼamo aeʼna hakalo huʼna hapa paisuvafeʼmo ago lekana paino natetenoʼaeʼmo nagaefeʼmo keya aeno ge huʼniye.

Lomu 1:1 ပူးပေါင်းရင်းမြစ်များ

Aiyeya 49:1

Lapakaemo solovala ani haigifiʼmo maiʼnaya vayaʼmogitapaʼe afagitegamo maiʼnaya vayaʼmogitapaʼeʼmo geʼnimo afiyo. Itanimoʼmo alino oʼnateʼniya afinaʼmo Ala kava neʼmoʼa lekana paino nateteno nagiʼnimo nateʼniye.

Maki 1:14

Apakaemo ani afinaʼmo Yoniʼa ago kalavusi huʼa ateʼnageno maiʼnigenoʼaeʼmo Yesuʼa Galeliya kotegamo uno Gotiʼa yagaino apatesiya kavafeʼmo alagepa faigoko gemo aeno hakalo huno hapa paiʼniye.

Yoni 12:26

Aliʼyaʼnimo alisayafeʼmo hisaya vayaʼmogi nagae nakamekeʼmo hiyo. Ani kavaʼmo huʼa aliʼyaʼnimo neʼalisaya vayaʼmogi nagae nakamekeʼmo huteʼa uʼna maisuva koteʼmo uʼa maigae. Inagi Afoʼnimoʼmo aliʼyaʼnimo neʼalisaya vayaʼai apakiʼapileʼmo alino asaga huno apategaiye, huno hapa paiʼniye.

Yoni 15:15

Aliʼyaʼmo afoʼamoʼmo aliʼyaʼamo neʼaliya vayaʼmo muki aliʼyaʼamo alisayafeʼmo aliʼyaʼmo aepaʼamo alino apave noliyaʼmonanafa aliʼyaʼnimo neʼaliya vayaʼageʼmo maiʼnayaʼmofeʼmo hemenimo magoʼe huʼna ge osuguve. Afoʼnimotegatiʼmo muki geʼamo afiʼnova gemo ago lapa paiʼnovaʼmofeʼmo nao vayaʼmo maiʼnae, huʼna nehuve.

Yoni 15:20

Nagaemo, mago aliʼyaʼamo neʼaliya vekamoʼmo aliʼyaʼmo afoʼamoʼmo aeno noʼagase, huʼna lapa paiʼnova geeʼmo lapakesamo afiyo. Apakaemo apaini huʼa natesaya agufa kava huʼa lapakaeʼeʼmo apaini huʼa lapategae. Apakaemo geʼnimo afiʼnisayana getapimo afigae.

Apa 13:9

Ani kavaʼmo huʼniyaʼmofeʼmo Goti Aunemeʼamoʼmo Soloʼa alu agiʼamo Polo aipafiʼmo uno haino havai teʼnigenoʼaeʼmo aulu haeno agetenoʼaeʼmo,

Apa 20:24

falisuva kavaʼmo ina agufa kavaʼmogeʼna nagesa oʼafiʼnove. Gotiʼa fiku hapa maeno neʼapamiya gemo Ala kava neʼmo Yesufeʼmo alagepa faigoko geʼamo aeʼna hakalo huʼna hapa paisuva aliʼyaʼamo namiʼniye. Nagaemo ofaliʼna afaʼa maisuvafeʼmo ataleʼna maiʼna halove huʼna maiguve, huʼna nagesa noʼafufa namiʼniya aliʼyaʼnimo aliʼna hano huʼna atesuvafeʼmo nagu nagu huʼna uʼna atupaleʼmo avaʼyi huteʼna namogaga aiguve, huʼna nagesamo neʼafuve.

Apa 21:40

hogote vekamo yagaino neʼapateya vekamoʼmo hunoʼaeʼmo, he, huno ha paiʼnigeno Poloʼa hakayaletiʼmo he tino ayaʼmo ataleʼnigeʼapaeʼmo magoʼe huʼa ge osuʼnagenoʼaeʼmo Yu gefatiʼmo hapa paiʼniye.

Apa 22:21

Ala kava neʼmoʼa hunoʼaeʼmo, Afaʼa uvo. Alu nofi vayaʼaitegamo aliʼna katesugekaeʼmo afaʼa uvo, huno naha paiʼniye, huno hapa paiʼniye.

Apa 22:7

nagaemo mopafiʼmo asagauʼna aiteʼnaeʼmo afuvana, Solo, Solo, huno, Na kava higekaeʼmo nagaefeʼmo kaini huka neʼnatane, huno nafi geʼnigeʼnaeʼmo,

Apa 26:1

Agalipaʼa Polofeʼmo hunoʼaeʼmo, kagaikamo kaha maesana gemo afaʼa hugane, huno ha paiʼnigenoʼaeʼmo, Poloʼa ayaʼmo ataleteno agaiʼamo ha maesiya gemo hunoʼaeʼmo,

Apa 26:14

Mago vekamoʼmo Himulu gefatiʼmo hunoʼaeʼmo, Solo, Solo, huno, Na kava higeka kaini huka neʼnatane. Pulumakamoʼa aliʼya alinino visiyafeʼmo neʼyagaiya vekamoʼmo agufafiʼmo akoʼya kayotetiʼmo nefaigeno aiyaletiʼmo aeno fayo nehisigenoʼaeʼmo magoʼe huno agafu kigiye. Ani kava huka akoʼya kayoteʼmo aika lanu nepaine, huno naha paiʼniye.

Apa 27:23

Nagaemo Goti vekamo maiʼneʼna aliʼyaʼamo neʼaluva vekamo maiʼnogeno enisole vekaʼamo alino ateʼnigeno nagaetegamo emineʼniye.

Apa 9:15

Ala kava neʼmoʼa hunoʼaeʼmo, Nagaemo aliʼyaʼnieʼmo uno nagiʼnimo alu nofi vayaʼaifenagi yagaiʼa neʼapataya vayaʼaifenagi Isaleli vayaʼaifenagi huno aeno hakalo huno hapa paisiyafeʼmo lekana paiʼna ateʼnovanagi afaʼa uvo.

Lomu 1:16

Na kava higeʼnaene. Kalaisifeʼmo alagepa faigoko geʼalefeʼmo navagage osuʼnigeʼna namogaga neʼauvaʼmofeʼmae. Gotiʼa ani gemo himamuʼaletiʼmo apakesamo afiʼa fatago nehaya vayaʼai apakufamo alino katino neʼapate. Hogoteno Yu nofi vayaʼaitegamo afole aitenoʼaeʼmo henagaʼamo alu nofi vayaʼaitegamo afole aiʼniye.

Lomu 1:5

Gotiʼa agaetetiʼmo fikumo naha maeno namiteno Kalaisi agiʼalefeʼmo apa aliʼyaʼamo alisuvafeʼmo navaleno nateʼniye. Gotiʼa muki nofi vayaʼaifeʼmo akame hiyo, huno huʼniya geʼamo akame huʼa apakesamo afiʼa fatago hisayafeʼmo apa aliʼyaʼamo alisuvafeʼmo navaleno nateʼniye.

Lomu 1:9

Nagaemo amega nagufaletiʼmo Goti aliʼyaʼamo oʼaliʼna naipafatiʼmo Goti mafaʼneʼamo alagepa faigoko geʼalefekeʼmo aliʼyaʼmo neʼaluve. Nagaemo nunumuʼmo huʼna hano osuʼnofa muki afinaʼmo nunumuʼmo huʼna nelapatove. Gotiʼa nageʼniyanageno he, nehiye, huno, naha maesiya gemo afaʼa lapa paigiye.

Lomu 11:13

Apa vekaʼamo maiʼneʼna alu nofi vayaʼmogitapalegamo neʼuvaʼmofeʼmo hemenimo alu nofi vayaʼmogitapaeʼmo mani gemo hugesuve. Ma mopafi kavatefeʼmo huʼnaeʼmo, nofi vayaʼnimogi lapaketeʼapaeʼmo hapaʼye hisigeʼna apakufamo aliʼna katiʼna apatesuvafeʼmo alu nofi vayaʼmogitapalegamo lusi aliʼyaʼmo neʼaluve.

Lomu 15:16

Mono huʼa neʼapataya vayaʼmogimo Gotiʼmo ofalinimo neʼamiya kava huʼna alagepa faigoko geʼaletiʼmo aliʼyaʼmo neʼaliʼnaeʼmo alu nofi vayaʼmo apavaleliʼna eʼna ani ofalinimo Gotiʼmo amigesuve. Aote Aunemeʼamoʼmo apavaleno apaote apatesigeʼa alagepa ofalinieʼmo Gotiʼa amuse hisiya agufa ofalini yakana huʼa maisageʼna amiguve.

Lomu 15:29

Ago afiʼnovana uʼna avaʼyi huteʼna Kalaisifeʼmo alagepa faigoko geʼaletiʼmo magoʼe huʼna aliʼna auleʼna lapategauve.

Lomu 16:18

Ani agufa vayaʼmogimo Ala kava netimo Yesu Kalaisi aliʼyaʼamo noʼalifa amega apakufamoʼmo hauʼniya kavaʼmo akame nehae. Haga hapausiya agufa gemo huteʼa aigofe geʼapiletiʼmo hapao ke heʼa apametala huteʼa fikumo neʼafiya vayaʼmo apakesa nefaiye.

Lomu 16:25

Gotiʼa nagaemo aeʼna hakalo nehuva alagepa faigoko geʼaletiʼe Yesu Kalaisifeʼmo ava gemo aeʼa hakalo nehaya geʼaletiʼeʼmo afaʼa alino lokiya vaino lapategaiye. Ma mopamo alo huʼniya afinatetiʼmo ani gemo fala kino haneme haneme eʼniyaʼmonanafa

1 Kolitiyani 1:1

Gotiʼa agaiʼamo hauʼnigenoʼaeʼmo Yesu Kalaisi apa vekaʼamo maisuvafeʼmo keya aeno ge huʼnigeʼnaeʼmo nagaemo Poloʼnaʼe konagatimoʼmo Sosatenisiʼeʼmo Kolitiyani siosi vayaʼmogitapaeʼmo ge lapamamaeʼnoʼae. Gotiʼa Kalaisi Yesupiʼmo aeno kalo paeno lapateteno lapavaleno alino lapaote lapateʼniya vayaʼamo maisayafeʼmo keya aeno ge huʼniye. Laʼagaemo lapakaeʼe muki haopalega maiʼnaya vayaʼmogiʼeʼmo Yesu Kalaisiʼa Ala kava netimo Ala kava neʼapimo agiʼalefeʼmo ge nehaya vayaʼefeʼmo mani avoʼmo nekaoʼae.

1 Kolitiyani 9:1

Nagaemo apa vekamo maiʼnove. Kalavusifiʼmo oʼmaiʼneʼna muki kavaʼamo afaʼa hisuva kavaʼmo haneʼniye. Nagaemo Ala kava netimo Yesuʼmo naulagafatiʼmo ago ageʼnove. Ala kava netetiʼmo aliʼyaʼmo aliʼnogetapaeʼmo lapakaemo alagamo aegekana hutapa aeʼnae.

2 Kolitiyani 1:1

Nagaemo Poloʼnaeʼmo Gotiʼa hunoʼaeʼmo, apa vekaʼnimo maiʼneno aliʼyaʼnimo aligiye, huteno navaleno nateʼnigeʼna Kalaisi Yesu apa vekaʼamo maiʼnove. Nagaeʼe konagatimoʼmo Timotiʼeʼmo Kolitiyani taonifiʼmo maiʼnaya siosi vayaʼmogitapaʼe muki Goti vayaʼamo lapaote vayaʼmo Akaiya kotegamo maiʼnaya vayaʼmogitapaʼefeʼmo mani avoʼmo nekaoʼae.

2 Kolitiyani 11:5

Vaehae, huʼna, hogoteʼapa vayatapimogi aeʼa apakaseʼnaya apa vayatapimogimo mago aiseʼamo aeʼa oʼnagaseʼnae, huʼna nagesamo afiʼnove.

2 Kolitiyani 11:7

Nagaemo Goti alagepa faigoko geʼamo aeʼna hakalo huʼna lapa nepaiʼnaeʼmo lapakaetegatiʼmo mago miyaʼnimo oʼaliʼna alagepa hutapa maisayafeʼmo aliʼna afepi nateʼnovaʼmofeʼmo nagaefeʼmo hutapaeʼmo, hosu kavaʼmo huʼniye, hutapa lapakesamo neʼafifiye.

2 Kolitiyani 12:11

Negi vekagana huʼna negi gemo huʼnovaʼmonanafa ani kavatefeʼmo alita he titapa nateʼnae. Naha maetapa nagiʼnileʼmo alita asaga hutapa nateʼnaesinana kanale kavaʼmo huʼnaesine. Afa vekamo maiʼnovaʼmonanafa hogoteʼa aeʼa apakaseʼnaya apa vayatapimogi aeʼa oʼnagaseʼnaya vekamo maiʼnove.

2 Kolitiyani 2:12

Nagaemo Kalaisifeʼmo alagepa faigoko geʼamo aeʼna hakalo huʼna hapa paisuvafeʼmo Toloasi taonifiʼmo uʼna avaʼyi huʼnogenoʼaeʼmo Ala kava neʼmoʼa aliʼyaʼamo alisuvafeʼmo kaʼmo valino nateʼniye.

2 Kolitiyani 4:5

Lagaemo lagaitieʼmo aeta hakalo nosupa Yesu Kalaisiʼa Ala kava netiekeʼmo aeta hakalo nehune. Lagaemo Yesu agiʼalefeʼmo aliʼyaʼamo neʼaluna vayatapimo maiʼnone.

Galesiya 1:1

Nagaemo Poloʼnamo Goti apa vekaʼamo maiʼneʼnaeʼmo mani avoʼmo nekaove. Ma mopafi vayaʼmogi apa aliʼyateʼmo lekana paiʼa oʼnateʼnageno Gotiʼa mago vayaʼaitetiʼmo navaleno oʼnateʼniye. Yesu Kalaisiʼe Afotimoʼmo Yesu Kalaisiʼa faliʼniyatetiʼmo alino he tino ateʼniya Gotiʼeʼmo lekana paiʼana nateteʼana apa aliʼyateʼmo navaleʼana nateʼnaʼae.

Efasasi 1:1

Nagaemo Poloʼnaeʼmo Gotiʼa hauʼnigeno lekana paino nateʼnigeʼna Yesu Kalaisi apa vekaʼamo maiʼnove. Efasasi taonifiʼmo maiʼnaya vayaʼmogitapamo Kalaisi Yesupiʼmo maiʼnageʼna aliʼna amufa nelapamugenoʼaeʼmo Gotiʼa lapavaleno alino lapaote lapateʼniya vayaʼamogitaeʼmo mani avoʼmo nekaove.

Efasasi 1:13

Ani kava hutapa lapakaeʼeʼmo alagi mani lama gemoʼmo lapau neʼvaiya kavatefeʼmo alagepa faigoko geʼamo afitetapaeʼmo alita amufa amiʼnae. Lapakaemo Kalaisifeʼmo lapakesamo afita fatago huʼnagenoʼaeʼmo Gotiʼa polomasi gemo hunoʼaeʼmo, Nauneʼnameʼmo apamiguve, huno hu maleʼniya Aunemeʼamo lapamitenoʼaeʼmo lapaipafiʼmo alagena yaʼamo ago hu maletenoʼaeʼmo, vayaʼnimo maiʼnae, huno lapa paiʼniye.

Efasasi 4:11

Agaemo vayaʼaina fikumo hapa maeno apamiʼniya gemo aepaʼamo haneʼniyana mago vayaʼamo apa vayaʼmo maisayafeʼmo lekana paino apatege mago vayaʼamo Gotitegati gemo alini eʼa aeʼa hakalo huʼa hapa paisaya vayaʼmo lekana paino apatege mago vayaʼamo agaiʼaeʼmo alagepa faigoko geʼamo aeʼa hakalo huʼa hapa paisaya vayaʼmo lekana paino apatege mago vayaʼamo sipisipi vayaʼaiteʼmo yagaiʼa apateʼneʼa aliʼa apaya malesaya vayaʼmo lekana paino apatege huʼniye.

Filipai 1:1

Nagaemo Poloʼnaʼe Timotiʼeʼmo Yesu Kalaisi aliʼyaʼamo neʼaluʼa vekalaʼmo maiʼnetaʼa Poloʼnamo muki Filipai taonifiʼmo maiʼnaya vayaʼmo Kalaisi Yesupiʼmo maiʼnaya vayaʼmogitapaeʼmo mani gemo avoʼmo nekaove. Nagaemo muki lapaote vayafenagi konagatimogiteʼmo yagaiʼa neʼapataya vayatama vayafenagi mono aliʼyaʼmo neʼaliya nikeni vayafenagi huʼna mani gemo avoʼmo nekaove.

Filipai 2:11

Yesu Kalaisiʼa Ala kava neʼmo maiʼniye, huʼa huteʼa afotimo Goti agiʼaleʼmo aliʼa asaga hugae.

Kolosi 1:1

Nagaemo Poloʼnaeʼmo Gotiʼa agesamo afiteno hauʼnigenoʼaeʼmo Yesu Kalaisi apa vekaʼamo lekana paino nateʼniya vekamoʼnaʼe konagatimo Timotiʼeʼmo mani gemo avoʼmo nekaoʼae.

Kolosi 1:25

Gotiʼa geʼamo afole aisiyafeʼmo lapakaetefeʼmo geʼamo aeʼna hakalo huʼna lapa paisuvafeʼmo siosi aliʼyateʼmo navaleno nateʼniye.

1 Tesaloniyani 2:2

Lapakaemo ago afiʼnayana Filipai taonifiʼmo nagaeʼe Silivenisiʼeʼmo uʼnoʼageʼapaeʼmo lusi kava huʼa laʼamagiʼnayaʼmonanafa lapakaetegamo uʼnoʼae. Laʼagaeʼe Timotiʼeʼmo uta maiʼnonageno Gotiʼa laha maeno lokiya vaino lateʼnigeʼapaeʼmo mago vayaʼmogi lusi kava huʼa kame huʼa lateʼnayaʼmonanafa koli osuta Gotitegati alagepa faigoko geʼamo aliniteta aeta hakalo huta lapa paiʼnone.

1 Tesaloniyani 2:8

Lapakaefeʼmo lahauʼniyaʼmofeʼmo Gotitegati alagepa faigoko geʼageʼmo lapamisunafeʼmo osuʼnopa lagufaʼaʼeʼmo lapamisunafeʼmo huʼnone.

1 Tesaloniyani 2:9

Konagatimogitapae, huta, alagepa faigoko gemo aeta hakalo huta lapa paita maiʼnetaeʼmo laha maetapa kana yaʼmo oʼalisayafeʼmo felugaʼe haniʼilagaʼeʼmo lokiya vaita aliʼyaʼmo aliʼnonagetapa ago lageʼnae.

1 Timoti 1:1

Nagaemo Poloʼnamo Yesu Kalaisi apa vekaʼamo maiʼnove. Lagufamo alino katino nelateya vekamo Gotiʼe lavayagunagu huta agava neʼmauna vekatimo Ala kava neʼmo Yesu Kalaisiʼeʼmo, apa vekatiʼamo maiyo, huʼana naha paiteʼana lekana paiʼana nateʼnaʼae.

1 Timoti 2:7

Ani kavatefeʼmo lekana paino nateʼnigeʼna geʼamo aeʼna hakalo huʼna hapa nepauva vekamoʼmo maiʼneʼna apa vekaʼamoʼnamo alu nofi vayaʼmogimo apakesamo afiʼa fatago hisayafeʼmo lama geʼamo aliʼna apaya neʼmalova vekamo maiʼnove. Aigofe gemo nosufa alagi lama gemo nehuve.

2 Timoti 1:11

Gotiʼa ani faigoko geʼamo aeʼna hakalo huʼna hapa nepauva vekamo maige apa vekaʼamo maige alu nofi vayaʼaina aliʼna apaya neʼmalova vekaʼamo maige huʼna maisuvafeʼmo ago lekana paino nateʼniye.

Taitasi 1:1

Nagaemo Poloʼnamo Goti kalavusifiʼmo maiʼneʼnaeʼmo aliʼyaʼamo alige Yesu Kalaisi apa vekaʼamo maige huʼneʼnaeʼmo mani gemo avoʼmo nekaove. Gotiʼa lekana paino apateʼniya vayaʼmogi apakesamo afiʼa fatago huge lama gemo alagepa huʼa afiʼneʼa Gotifekeʼmo alagepa huʼa mono huge hisayafeʼmo nagaemo aliʼyaʼmo neʼaluve.

Himulu 5:4

Mago vayaʼmogi apakaiʼapimo huʼapaeʼmo, ani aliʼyaʼmo afaʼa aligune, huʼa osugafa Gotikeʼmo Elonifeʼmo keya aeno ge huʼniya kava huno keya aeno ge huʼniya vayaʼamogigeʼmo ani aliʼyaʼmo afaʼa aligae.

Himulu 7:26

Inagi Yesuʼa ani hogote vekamo mono huno nelateya vekamo maiʼniyaʼmofeʼmo afaʼa laha maegaiye. Agaemo Gotitegamo alagepa kavaʼmo huge vayaʼaitegamo hosu kavaʼmo osuge hosu kavaʼamo ohanege huʼnigeno ma mopafi vayakana huno oʼmaiʼnifa aote vekamo maiʼniye. Gotiʼa kokuʼnapiʼmo alino asaga huno ateʼnigeno kokuʼnapi neʼmaiya vayaʼmo ago aeno apakaseno maiʼniye.

Yemisi 1:1

Nagaemo Yemisiʼnamo Gotiʼe Ala kava neʼmo Yesu Kalaisiʼeʼmo aliʼyaʼanimo neʼaluve. Nagaemo tuolofuʼa Yu nofi vayaʼmo kotapimo ataletapa atagu faetapa uteta huʼnaya vayaʼmogitapaeʼmo ge lapamamaeʼna mani gemo avoʼmo nekaove.

1 Pita 4:17

Gotiʼa agoti huno apateteno kayoʼmo apamisiya afinaʼmo ago afole aiʼniyaʼmofeʼmo afamo anagaʼaleʼmo aepa faigiye. Gotiʼa lagaetegamo ago aepa faino agoti huno nelatesiyana alagepa faigoko geʼamo akame nosaya vayaʼmogi atupa afinaʼapimo haiya kava huʼa maigae. Vaehae, huʼna,

2 Pita 1:1

Nagaemo Saimoni Pitaʼnamo Yesu Kalaisi aliʼyaʼamo neʼaluva vekamo maiʼneʼna apa vekaʼamo maiʼnove. Gotiʼa lagufamo alino katino nelateya Gotitimoʼa Yesu Kalaisi fatago kavaʼaletiʼmo fikumo lapamaeno lapamiʼnigetapa lapakesamo afita fatago huʼnaya vayaʼamogitapaeʼmo mani gemo avoʼmo nekaove. Lapakesamo afita fatago nehaya kavatapimo alopa monileʼyaʼmo aeno agaseʼniya kavaʼe lagesamo afita fatago nehuna kavatiʼeʼmo magoke aiyaya kavaʼmo haneʼniye.

Yuti 1:1

Nagaemo Yutiʼnamo Yesu Kalaisi aliʼyaʼamo neʼaluva vekamo Yemisi aganaʼamoʼnamo maiʼnove. Afotimo Gotiʼa keya aeno ge huno lapavaleno alino lapaote lapateʼnenoʼaeʼmo Yesu Kalaisipiʼmo afaʼa maisayafeʼmo yagaino nelapateya vayaʼmogitapaeʼmo mani gemo avoʼmo nekaove.

Leveleseni 1:1

Gotiʼa alino fala ki maleʼniya gemo Goti aliʼyaʼamo neʼaliya vayaʼmo malage huno afole aisiya kavaʼmo alino apave lisiyafeʼmo Yesu Kalaisiʼmo alino amiʼniye. Kalaisiʼa agaiʼa enisole vekamo alino ateʼnigeno aliʼyaʼamo neʼaliya vekamo Yonitegamo emineʼniye.

Leveleseni 22:6

Inagi enisole vekamoʼmo hunoʼaeʼmo, Mani geletiʼmo apakesamo afiʼa fatago hisaya gemo lama gemo haneʼniye. Ala kava neʼmo Gotiʼa agaetegati gemo alini eʼa aeʼa hakalo huʼa hapa nepaiya apaote vayaʼmogimo geʼamo hapa paisiyafeʼmo enisole vekaʼamo alino ateʼnigeno emineʼniye. Gotiʼa aliʼyaʼamo neʼaliya vayaʼmogimo malage huno afole aisiya kavaʼmo alino apave lisiyafeʼmo alino ateʼnigeno emineʼniye, huno naha paiʼniye.

Leveleseni 22:9

agaemo, afaʼa ato. Nagaemo kagaeʼeʼmo aliʼyaʼamo neʼaluʼa vekaʼalaʼmo maiʼnoʼae. Nagaemo konagakamogimo Gotitegati gemo alini eʼa aeʼa hakalo huʼa hapa nepaiya vayanagi muki vayaʼmogimo mani mukufiʼmo haneʼniya gemo afiteʼa akame nehaya vayanagi huʼna apafaluʼapimoʼnamo maiʼnovaʼmofeʼmo aliʼyaʼamo neʼaluna vayaʼmo maiʼnone. Gotifekeʼmo mono huvo.