Leveleseni 9:3 - The Keyagana NT and 25 OT books

³ Halinafatiʼmo mago akenu anagaʼmo ma mopafiʼmo haleliʼa emiʼeʼnae. Gotiʼa himamuʼapimo apamiʼnigeʼapaeʼmo sokopiyonigana huʼa hapaeʼnae.

Leveleseni 9:3 ပူးပေါင်းရင်းမြစ်များ

Aiyeya 33:4

Apaune heʼapaeʼmo muki kagemi yaʼapimo atalesageʼa malage huʼa asole akenu anagaʼmo haleliʼeʼa aliʼa anupa huteʼa hoyafiʼmo haneʼniya neʼyaʼmo neʼa hano nehaya agufa kavaʼmo huʼa vayaʼmogimo aligae.

Neyomi 3:15

Ategayaʼmonanafa ani kavaʼmoʼa afaʼa lapa oʼmaegaiye. Kame vayatapimogimo eʼa lapakaeʼe taonitapiʼeʼmo kaesagetapa falige naipeletiʼmo lapaige hugae. Akenu anagaʼmogimo neʼyaʼmo neʼa hano nehaya kava huʼa kame vayatapimogiʼmo lahapaeʼa hano huʼa lapatalegae. Akeyaʼvilagamo lapakaemo asole akenu anagakana hutapa asole vayaʼmo afole aiʼnae.

Neyomi 3:17

Lapakaeteʼmo yagaiʼnaya vayaʼe gamani vayaʼeʼmo asole akenu anagakana huʼa maiʼnae. Akenu anagaʼmo yasi huʼniya afinaʼmo yafa kegiʼyafiʼmo maiʼnagenoʼaeʼmo yegemo haine neʼegeʼapaeʼmo haleliʼa neʼvae. Haiya haopalegamo haleliʼa neʼvafi huno mago vekamoʼmo noʼapake.

Luki 10:19

Afiyo, huʼna, nagaloʼyaveʼe sokopiyoniʼeʼmo lapaiyaletiʼmo aeta latapaisayafeʼmo himamuʼnimo aliʼna lapamiʼnove. Kame vayatapimogi himamuʼapimo aeta apaka sesayafeʼmo himamuʼnimo aliʼna lapamiʼnovanageʼa muki vayaʼmogi afaʼa olahapaegae.

Leveleseni 9:5

Kamitimo apamagisaya himamuʼapimo oʼapamiʼnifa faefuʼa kaileʼmo vayaʼmo hapaesageno lusi kava huno apakafu kisiyafeʼmo himamuʼapimo alino apamiʼniye.

Leveleseni 9:7

Akenu anagaʼmogimo kame nehaya hosigana agufa apakufamo aliteʼa maiʼnae. Apakenopaleʼmo goligana kakolitamo aeʼa neʼapakasaya vayaʼmogi neʼmalaya agufa kakolitamo haneʼniye. Apaugosaʼamo ma mopafi vayaʼai apaugosagana huno haneʼniye.