Leveleseni 7:7 - The Keyagana NT and 25 OT books

⁷ Simiyoni nofi vayapatiʼmo tuolofu tauseniʼa vayaʼaiteʼmo alagena kavaʼamo hu maleʼnae. Livai nofi vayapatiʼmo tuolofu tauseniʼa vayaʼaiteʼmo alagena kavaʼamo hu maleʼnae. Isaka nofi vayapatiʼmo tuolofu tauseniʼa vayaʼaiteʼmo alagena kavaʼamo hu maleʼnae.

Leveleseni 7:7 ပူးပေါင်းရင်းမြစ်များ

Aepa Gemae 29:34

Liyaʼa halate aipaguʼeʼmo maiteno ve mafaʼnemo alino atetenoʼaeʼmo, Nagaemo ve mafaʼneʼamo loleʼe magoʼeʼmo aliʼna apateʼnovaʼmofeʼmo anauʼnimoʼmo nagaefekeʼmo haugiye, huno huteno agiʼamo Livaiʼae huno ateʼniye.

Aepa Gemae 30:18

Liyaʼa hunoʼaeʼmo, Nagaemo aliʼyaʼnimo neʼaliya aʼmo avaleʼna anauʼnimoʼmo amiʼnovaʼmofeʼmo Gotiʼa miyaʼnimo ago namiʼniye, huno huteno agiʼamo Isakaʼae huno ateʼniye. Ani agimo aepaʼamo miyaʼnimae.

Aepa Gemae 35:23

Liya mafaʼne anagaʼai apakimo Yekopu yege mafaʼneʼamo Lumeniʼa maiʼnigeno Simiyoniʼagi Livaiʼagi Yutaʼagi Isakaʼagi Semuluniʼagi huʼa maiʼnae.

Aepa Gemae 49:11

Agaemo hoyaʼafiʼmo haneʼniya nofi yosaleʼmo noki afuʼamo aeno ategaiye. Agaemo kukenaʼamo nofi alagafati anipiʼmo sese hugiye.

Aepa Gemae 49:5

Lole konagalaʼmo Simiyoniʼe Livaiʼeʼmo vayaʼaifeʼmo hanau huʼana oʼapateʼana kamitimo hapaeʼnaʼa yaʼmo noʼanifiʼmo haneʼniye.

Napa 25:14

Finiyasiʼmo kamitimo amagiʼniya Isaleli vekamo agiʼamo Simaliʼae. Simaliʼmo Salu mafaʼnemo maiʼnigeno Saluʼmo mago Simiyoni nofi vayaʼmo magoke kola vayaʼaiteʼmo yagaino apateʼniye.

Yasuva 19:1

Apakaemo lole afinaʼmo mago yaʼmo yaga au maleʼneʼa aliʼa ageteʼapaeʼmo Simeyoni nofi vayapati afamo anagaʼaʼe anagaʼaʼeʼmo mopa hetamaʼapimo afole aiʼniye. Mopaʼapimo Yuta vayaʼmogi mopamo folagapiʼmo haneʼniye.

Yasuva 19:17

Napa fo mopa hetamamo Isaka nofi vayaʼmogi afamo anagaʼaʼe anagaʼaʼeʼmo aliʼnae.

Leveleseni 7:6

Asa nofi vayapatiʼmo tuolofu tauseniʼa vayaʼaiteʼmo alagena kavaʼamo hu maleʼnae. Napitali nofi vayapatiʼmo tuolofu tauseniʼa vayaʼaiteʼmo alagena kavaʼamo hu maleʼnae. Manasa nofi vayapatiʼmo tuolofu tauseniʼa vayaʼaiteʼmo alagena kavaʼamo hu maleʼnae.

Leveleseni 7:8

Semulani nofi vayapatiʼmo tuolofu tauseniʼa vayaʼaiteʼmo alagena kavaʼamo hu maleʼnae. Yosefe nofi vayapatiʼmo tuolofu tauseniʼa vayaʼaiteʼmo alagena kavaʼamo hu maleʼnae. Menisameni nofi vayapatiʼmo tuolofu tauseniʼa vayaʼaiteʼmo alagena kavaʼamo hu maleʼnae.