Leveleseni 7:4 - The Keyagana NT and 25 OT books

⁴ Na magi vayaʼmogi Goti alagena kavaʼamo hapanileʼmo hu maleʼnaya vayaʼmo maiʼnafi huno naha paiʼniye. Vani hataleti foti fo tauseniʼa vayaʼmo muki Isaleli nofi vayapatiʼmo maiʼnaya vayaʼaiteʼmo alagena kavaʼamo hu maleʼnae.

Leveleseni 7:4 ပူးပေါင်းရင်းမြစ်များ

Aepa Gemae 15:5

Ha paiteno kumatega avalelino uno lamino ina ge huno ha paiʼniye. Kokuʼnategamo alika aulu heka ago. Kanefiʼmo afaʼa lekana paisapigi lekana paika ago. Asole kanefiʼmo haneʼniya kava huʼa kaginago vayaʼmo afole aiʼa maigae, huno ha paiʼniye.

Matiyu 19:28

Yesuʼa hunoʼaeʼmo, alagi lama gemo lapa nepauve, huno, saufa mopaʼe kokuʼnaʼeʼmo afole aisigenoʼaeʼmo Vemo mafaʼnemoʼmo ha le konali yaʼamo aliteno yagaino neʼapateya siyaʼaleʼmo fai maiʼnisigetapaeʼmo nakame nehaya vayaʼmogitapamo yagaita apatesaya siyamo tuolofuʼa siyateʼmo fai maiʼnetapaeʼmo tuolofuʼa Isaleli nofi vayaʼaiteʼmo yagaita apategae.

Luki 14:22

aliʼyaʼamo neʼaliya vekamoʼmo ani kavaʼmo ago hutenoʼaeʼmo, Ala vekae, huno, naha paiʼnana kavaʼmo ago huʼnovaʼmonanafa mago vayaʼmo maisaya yaʼmo afaʼa haneʼniye, huno ha paiʼnigeno

Luki 22:30

Yagaiʼna apatesuva koteʼmo hiʼyalamuʼnileʼmo siyateʼmo fai maiʼnetapa neʼyaʼmo nege aniʼmo nege huta maiʼnetapaeʼmo Isaleli vayaʼmo tuolofuʼa nofi vayaʼaiteʼmo yagaiʼa neʼapataya vayaʼai siyateʼmo fai maiʼnetapa yagaita apatesayafeʼmo lekana paiʼna lapateʼnove, huno hapa paiteno

Apa 26:7

Felugaʼe haniʼilagaʼeʼmo tuolofuʼa nofi vayatimogi Gotifeʼmo mono huge apakesamo afiʼa fatago huge huteʼa ani gelefeʼmo apavayagunagu huʼa agava neʼmaiye. Ala kini vekamo Agalipao, huno, Navayagunagu huʼna agava neʼmauva kavatefeʼmo agoti huʼa neʼnatae.

Lomu 9:27

Aiyeyaʼeʼmo Isaleli vayaʼaifeʼmo hunoʼaeʼmo, Isaleli vayaʼmogimo ani kahaepagana huʼa asole vayaʼmo maiʼnayaʼmonanafa ani vayapatiʼmo logufa vayaʼai apakufamo alino katino apategaiye.

Yemisi 1:1

Nagaemo Yemisiʼnamo Gotiʼe Ala kava neʼmo Yesu Kalaisiʼeʼmo aliʼyaʼanimo neʼaluve. Nagaemo tuolofuʼa Yu nofi vayaʼmo kotapimo ataletapa atagu faetapa uteta huʼnaya vayaʼmogitapaeʼmo ge lapamamaeʼna mani gemo avoʼmo nekaove.

Leveleseni 14:1

Halate ageʼnovana, ageyo, huno, aikeli sipisipimo Saiyoni avefiʼmo he tino maiʼnigeʼapaeʼmo vani hataleti foti fo tauseniʼa vayaʼai hapanileʼmo agaiʼa agiʼe afoʼamo agiʼeʼmo avoʼmo kae maleʼniya vayaʼmo agaeʼeʼmo magokepi lokaeʼa he tiʼa maiʼnageʼna apakeʼnove.

Leveleseni 14:3

Vani hataleti foti fo tauseniʼa vayaʼmogimo yagaino neʼapateya vekamo siya aulagalenagi loleʼe loleʼe vayaʼai apaulagalenagi vayatama vayaʼai apaulagalenagi huʼa he tiʼa maiʼneʼapaeʼmo saufa yokemo huʼnae. Apakaemo ma mopafi vayapatiʼmo miya faino hatu maeno apateʼniya vayaʼamogigeʼmo afiʼnaya yokemo huʼnae.

Leveleseni 7:5

Yuta nofi vayapatiʼmo tuolofu tauseniʼa vayaʼaiteʼmo alagena kavaʼamo hu maleʼnae. Lumeni nofi vayapatiʼmo tuolofu tauseniʼa vayaʼaiteʼmo alagena kavaʼamo hu maleʼnae. Gati nofi vayapatiʼmo tuolofu tauseniʼa vayaʼaiteʼmo alagena kavaʼamo hu maleʼnae.

Leveleseni 9:16

Hosileʼmo fai maiʼnaya ati vayaʼmo na magi vayaʼmo maiʼnafi huno naha painoʼaeʼmo tu hataleti miliyoniʼamo vayaʼmo maiʼnae, huno naha paiʼniye.