Leveleseni 7:16 - The Keyagana NT and 25 OT books

¹⁶ Halate apaka otege anifeʼmo ohapauge hugiye. Yegemoʼmo leno pasaga olisigeno atamoʼmo amuko ohapaugiye.

Leveleseni 7:16 ပူးပေါင်းရင်းမြစ်များ

Samu 121:5

Ala kava neʼmoʼa yagaino nekateya vekamo maiʼniye. Ala kava neʼmoʼa kahaopaleʼmo he tino maiʼnigenoʼaeʼmo auneʼamoʼmo uluna vaino kateʼnigeka ani ulunapiʼmo maiʼnane.

Samu 121:6

Felugamo yegemoʼmo kaleno kasaga oligiye. Haniʼilagamo kaimoʼmo alino hosu huno okategaiye.

Samu 143:6

Nagaemo kagaefeʼmo nayaʼmo aliʼna asaga nehuve. Hau huʼniya mopamoʼmo koʼmo aisiyafeʼmo hauʼniya kava huno nagupi mafaʼnemoʼmo kagaefeʼmo lusi kava huno alagi hauʼniye.

Samu 42:2

Afaʼa neʼmaina Gotigae, huʼna, anifeʼmo neʼnahaiya kava huno nagupi mafaʼnemoʼmo kagaefeʼmo hauʼniye. Hainu afinaʼmo uʼna kaulagaleʼmo mono huguve.

Samu 63:1

O Gotiyo, huʼna, Gotiʼnimogamo maiʼnane. Kagesuvafeʼmo kotilamisiyapiʼmo kahauya huguve. Nauneʼnameʼmoʼa kagaefeʼmo nehaiye. Aniʼmo ohaneʼniya koteʼmo maiʼneʼnaeʼmo vayaʼmogimo anifeʼmo nehapaiya kava huno kagaefeʼmo neʼnahaiye.

Salomoni Yokemae 1:6

Anupa nagufamo haneʼniyaʼmofeʼmo afa a kanoe, hutapa oʼnageyo. Yegemoʼmo naleno alino ani agufa nagufamo kalino nateʼniye. Itaʼnimoʼmo ve mafaʼne anagaʼamogimo apaipamo leʼa nateteʼapaeʼmo, uka nofi hoyatileʼmo yagaiyo, huʼa naha paiʼnae. Vaehae, nagaiʼni hoyaleʼmo alagepa huʼna oʼyagaiʼnove.

Aiyeya 25:4

Kagaemo kagemi yaʼapimo ohaneʼniya vayaʼmo alika lokiya vaika apateʼnane. Kagaemo kafu nehaya vayaʼmo alika lokiya vaika apateʼnane. Kagaemo fala kiʼa maiʼnaya koʼapigana huka maiʼnane. Kana yaʼmo afole aiʼniya afinaʼmo apakaiʼapimo hapa maesiya yaʼmo oʼaliʼnisaya vayaʼmo fala kiʼa maiʼnaya koʼapigana huka maiʼnane. Koli yaʼmo aliʼa neʼapamiya vayaʼmogimo apaipamo neleya kavaʼmoʼa lokiya yasimoʼmo kegiʼyamo alino agoʼya faino neʼataleya yasigana huno haneʼniyaʼmofeʼmo yasi alige ko aige amuko huge huʼniya afinaʼmo aika ati kaeka apateʼnane.

Aiyeya 32:2

Yasimo neʼaliya afinaʼmo yafa kapiʼmo uʼa fala nekiya yafa kaʼapigana huno mago vekamo maigiye. Agaemo lusi kava huno lokiya yasimo alige ko aige hisigeʼapaeʼmo hapa maesiyafeʼmo uʼa fala kisaya koʼapigana huno maigiye. Agaemo hau huʼniya kotegamo alopa aniʼmo uno nelamiya anikana huno maige alagaʼmo nehapaeya kotega alopa yafaʼmo auneʼagana huno maige hugiye.

Aiyeya 49:10

Hau huno neʼapateya vekamoʼmo alagepa huno yagaino apateteno apavalelino visigeʼa kanale meti aniʼmo haneʼniyategamo sipisipi anagagana huʼa ugae. Apakaemo neʼyaʼe aniʼeʼmo kafu osisageno amuko yegemoʼe yasimoʼeʼmo apakufaleʼmo oʼapalegaiye.

Aiyeya 65:13

Ani kavaʼmo huʼnayaʼmofeʼmo nagaemo Ala kava neʼmo Gotiʼnamo ina gemo huve. Afiyo, huʼna, Aliʼyaʼnimo neʼaliya vayaʼmo neʼyaʼmo negayaʼmonanafa lapakaemo lapaka tegaiye. Afiyo, huʼna, Aliʼyaʼnimo neʼaliya vayaʼmo aniʼmo negayaʼmonanafa lapakaemo anifeʼmo lahapaugiye. Afiyo, huʼna, Aliʼyaʼnimo neʼaliya vayaʼmo apamogaga aigayaʼmonanafa lapakaemo lapavagage hugiye.

Yona 4:8

Yegemo haineteno leʼnigenoʼaeʼmo Gotiʼa amuko yasimo alino ateʼnigeno amuko yasimo alige yegemoʼmo Yona agenopaleʼmo alege huʼnigeno Yonaʼa aulagamoʼmo atete huteno kalafe kalafe huʼnigeno falisiyafeʼmo huʼniye. Yonaʼa Gotifeʼmo, Faliguve. Afaʼa maisuvana kanale osugiye. Kanale kavanageʼna afaʼa faliguve, huno ha paiʼnigeno

Matiyu 13:21

Hapafuʼyamo oʼaeʼniyaʼmofeʼmo aise afinaʼmo neʼmaiye. Goti geʼamo afiʼnayaʼmofeʼmo hanageke yaʼmo alige apaini huʼa apatege nehaya kavaʼmo apakaete afole neʼaigeʼapaeʼmo ago ataleʼa asagauʼa neʼaiye.

Matiyu 13:6

Hageʼniyaʼmonanafa yegemoʼmo haineno neʼagegenoʼaeʼmo hafuʼyamo oʼaeʼniyaʼmofeʼmo leno faluteteno leno saga liʼniye.

Matiyu 5:6

Goti fatago kavaʼaeʼmo apaka neteya vayaʼmo apamisigeʼa neʼa apamu hugayaʼmofeʼmo Goti aulena vayaʼamo maiʼnae.

Maki 4:17

Apamogaga neʼaiyaʼmonanafa hafuʼya oʼaeʼniyaʼmofeʼmo aise afinaʼmo maiʼnagenoʼaeʼmo hanageke kavaʼmo afole neʼaifi Goti geʼamo noʼafiya vayaʼmogi apaini huʼa neʼapatafi huʼa nehageʼapaeʼmo malage huʼa asagauʼa neʼaiye.

Maki 4:6

Hageʼnigenoʼaeʼmo yegemoʼmo eno haineno neʼagegenoʼaeʼmo leno falu teʼniye. Hafuʼyamo oʼaeʼniyaʼmofeʼmo ago falu teʼniye.

Luki 1:53

Apaka neteya vayaʼmo alagepa yaʼmo lusi kava huno neʼapamigeʼa neʼa apamu nehae. Neʼapamiyaʼmonanafa kagemi yaʼapimo haneʼniya vayaʼmo oʼapamino hapa faino apatalegeʼa afaʼa neʼvae.

Luki 6:21

Hemenimo lapaka netesiya vayaʼmogitapamo henagaʼamo lusi kava hutapa neʼyaʼmo neta lapamu hugayaʼmofeʼmo Goti aulena vayaʼamo maiʼnae. Hemenimo aviʼyaʼmo nehaya vayaʼmogitapamo henagaʼamo kigi hugayaʼmofeʼmo Goti aulena vayaʼamo maiʼnae.

Yoni 4:14

ina lagimo nagaemo apamisuva aniʼmo nesafigeno halate magoʼe huno anifeʼmo alagi ohapaugiye. Nagaemo aniʼmo apamisugeno apaipafatiʼmo meti anikana huno eno haineno afaʼa maisaya yaʼmo apamisigeʼa alagepa huʼa maige maige huʼa maigae, huno ha paiʼnigenoʼaeʼmo,

Yemisi 1:11

Yegemoʼmo haineno neʼagegenoʼaeʼmo lusi kava huno amuko huʼnigeno kahaumo leno falu teʼnigenoʼaeʼmo auseʼamo hali nehigenoʼaeʼmo konali yaʼamo alagi hano nehiye. Ani kava huʼa kagemi yaʼapiʼe vayaʼmo aliʼyaʼapimo neʼalisaya folagapatiʼmo faligae.

Leveleseni 21:4

Agaemo apaulagafatiʼmo apaunumo alagi alino laneno atalegaiye. Muki vayaʼamo halate magoʼe huʼa ofalige magoʼe huʼa yulagefa oʼaige magoʼe huʼa aviʼyaʼmo osuge magoʼe huno apakafu okige hugiye. Muki kavaʼamo atafa kavaʼmogeno alagi hano huʼniye, huno huʼnigeʼna afiʼnove.