Leveleseni 7:12 - The Keyagana NT and 25 OT books

¹² Apakaemo huʼapaeʼmo, He lama ge. Gotitimofeʼmo amuse huʼa ateteʼa agiʼaleʼmo aliʼa asaga huʼa ateyo. Alagepa huno ageteno afiʼniya vekamae, huʼa huteʼa hao ke heʼa ala agiʼamo amiyo. Muki yaʼagi lokiyaʼagi himamuʼagi huno haneʼniya vekamae, huʼa, muki afinaʼmo hume hume viyo. He lama ge, huʼa huʼnae.

Leveleseni 7:12 ပူးပေါင်းရင်းမြစ်များ

Samu 100:4

Kahao ke nehone, hutapa hume hume neʼutapaeʼmo mono noʼamo yafa lafi kegiʼya kate kipatetiʼmo uta haiyo. Mono no kumaʼaleʼmo neʼutapaeʼmo agiʼaleʼmo alita asaga hume hume viyo. Hao ke hetetapa agiʼalefeʼmo alita aulena ateyo.

Samu 106:48

Isaleli vayaʼai Gotiʼapimo agiʼaleʼmo alita asaga hiyo. Hemenimo agiʼaleʼmo alita asaga hutetapa muki afinaʼaeʼmo agiʼaleʼmo alita asaga hiyo. Muki vayaʼamogitapamo he, lama ge hutapa hiyo. Agiʼaleʼmo alita asaga hiyo. Gotiʼa hosu kavategatiʼmo apakufamo alino katino neʼapateya kavafeʼmo huʼniya gemae.

Samu 107:22

Apakaemo Gotifeʼmo hao ke hesaya ofalinimo amagiʼa amiyo. Amiteʼa aliʼyaʼalefeʼmo apamogaga aiteʼapaeʼmo aeʼa hakalo hiyo.

Samu 116:17

Kahao ke heʼna ofalinimo kamiteʼna kagaefekeʼmo keya aeʼna ge huguve.

Samu 147:7

Lapakaemo Ala kava nefeʼmo haoke hetapa yokemo hiyo. Gotitimofeʼmo gitamo amagita feliyopaʼmo hino.

Samu 41:13

Ala kava neʼmo Isaleli vayaʼai Gotiʼapimoʼmo akeyaʼvilagamo maige hemenimo maige muki afinaʼaeʼmo maige huno aulena Gotiʼa maino.

Samu 50:14

Gotifekeʼmo hao ke hesaya agufa ofalinimo amiyo. Lapakaemo ani kavaʼmo hugune, hutapa ha paiʼnaya gemo akame hutapa ani agufa ofalinimo hogote vekamo anaga vekamo amiyo.

Samu 72:19

Ha le konali agiʼaleʼmo muki afinaʼmo aliʼa asaga hiyo. Ala agiʼamoʼmo muki ma mopafiʼmo aino atagu faeno uneno hisigeʼa muki vayaʼmogimo agiʼaleʼmo aliʼa asaga hiyo. He, lama ge, lama ge.

Samu 89:52

Ala kava neʼmo muki afinaʼmo aulena Gotiʼmo maino. He, Lama ge. Lama ge.

Samu 95:2

Agaetegamo egetao agaefekeʼmo hao ke hegaune. Agiʼaleʼmo alita asaga huta lamogagamo aiteta samu yokemo hugune.

Aiyeya 51:3

Ala kava neʼmoʼnamo Saiyoni taonifiʼmo maiʼnaya vayaʼmo aliʼna yuna heʼna apategauve. No atufaʼageʼmo ageteʼnaeʼmo nahau huʼna apategauve. Agaemo kaʼme koʼapimo Iteni kokana huʼna aliʼna ha maleʼna ategauve. Kalukalusopa koʼmo Ala kava neʼmo hoyaʼagana huʼna aliʼna ha maleʼna ategauve. Apakaemo Saiyoni taonifiʼmo apamogaga aige Gotifeʼmo haoke hege yokemo huge hugae.

Yona 2:9

Kataleʼnayaʼmonanafa yokemo huʼna kagikaleʼmo aliʼna asaga huguve. Mago ofalinimo kamigekana huʼna navayafatiʼmo kagikaleʼmo aliʼna asaga huguve. Ani kava huguve, huʼna nagoʼyamo ataleʼna kaha paiʼnova gemo amagiʼna oʼatalegauve. Ala kava neʼmokeʼmo vayaʼai apakufamo alino katino neʼapate, huno nunumuʼmo huʼniye.

Matiyu 6:13

Lamalageka hisiya kavategamo lavalelikuka olateka hosu kavategatiʼmo alika atagineka lategeta eno. Kagaika himamukaletiʼe ha le konali yakaletiʼeʼmo yagaika neʼapatane. He, lama ge.

Lomu 11:36

Gotiʼa muki yaʼmo afoʼamoʼmo maiʼnigeno muki yaʼamo agaetetikeʼmo afole neʼaiye. Muki yaʼamo agaetetiʼmo hemenimo haneʼnigeno yagaino neʼate. Agaiʼalefeʼmo muki vayaʼe yaʼeʼmo afole aiʼnae. Muki vayaʼmogimo muki afinaʼmo agiʼaleʼmo aliʼa asaga huge huge huʼa maiyo. He, lama ge.

1 Kolitiyani 14:16

Lapaunelapameʼekeʼmo nunumuʼmo hisageʼapaeʼmo haiya kava huʼa saufa vayaʼmo apakesamo afiʼa fatago hugefeʼmo nehisaya vayaʼmogimo nunumuʼmo hisaya gelefeʼmo he lama ge, huʼa afaʼa hugae. Getapimo oʼafigayaʼmofeʼmae.

2 Kolitiyani 4:15

Lagaemo lapa maesunafeʼmo muki mani agufa kana yaʼmo alita neʼmaune. Gotiʼa asole vayaʼaina fikumo hapa maeno neʼapamiya kavaʼamo aino atagu faeno uneno hisigeʼa magoʼe magoʼe huʼa hao ke heteʼapaeʼmo Goti agiʼaleʼmo aliʼa asaga huʼa atesayafeʼmae.

Kolosi 2:7

Maiʼnetapaeʼmo yosamoʼmo hafuʼyamo neʼaeya kava hutapa agaeteʼmo atafauta alagi hutapa maiyo. Yafateʼmo noʼmo faiʼa neʼataya kava hutapa Kalaisiʼmo atafauta alagi huʼnetapaeʼmo alita lapaya maleʼnona geleʼmo lokiya vaitapa maiʼnetapaeʼmo magoʼe magoʼe hutapa lusi kava huta hao ke hetapa maiyo.

Kolosi 3:17

Muki agufa kavaʼmo huge muki agufa gemo huge nehisayana Ala kava neʼmo Yesu agiʼalefeʼmo hutetapa agaetetiʼmo afotimo Gotifeʼmo hao ke heta maiyo.

Yuti 1:25

Ha le konali yaʼamo hanege ala agiʼamo hanege himamuʼamo hanege huʼnisigeno hemenimogi muki afinaʼmogi huno yagaino lapatege lapatege huno yagaino lapateno. He, lama ge.

Leveleseni 1:18

Afaʼa neʼmauva vekamo maiʼnove. Afiyo, huno, faliʼnovanageʼna maige maige huʼna maiʼna hano osuʼna afaʼa maiguve. He, lama ge. Nagaemo kitamo yakiʼna apatesuva kiʼmo aliʼnovaʼmofeʼmo falisayafeʼmofi afaʼa maisayafeʼmofi huʼna muki vayaʼaiteʼmo yagaiʼna neʼapatove.

Leveleseni 19:4

Tuveti foʼa vayatama vayaʼe loleʼe loleʼe vayaʼmogiʼeʼmo asagau aiʼa yagaino neʼapateya vekamo siyaʼaleʼmo fai maiʼniya Gotifeʼmo mono huteʼapaeʼmo, Lama ge Haleluya, huʼa huʼnae.