Leveleseni 6:9 - The Keyagana NT and 25 OT books

⁹ Agaemo napa faefu kamemo alino neʼakaigeʼnaeʼmo ageʼnovana faliʼnaya vayaʼai apakupi mafaʼnemo ofalinimo nehaya hiʼyalamuʼmo hipakapiʼmo maiʼnageʼna apakeʼnove. Ani vayaʼmogimo Goti geʼamo Kalaisife ava gemo oʼataleʼa alagepa huʼa aeʼa hakalo huʼa hapa paiʼnayaʼmofeʼmo apamagiʼnae.

Leveleseni 6:9 ပူးပေါင်းရင်းမြစ်များ

Aepa Gemae 4:10

Ala kava neʼmoʼa, na agufa kavaʼmo huʼnane. Nagaefeʼmo kaganakamo kolaʼamoʼmo mopafatiʼmo keya aeno ge nehiye.

Yoni 16:2

Apakaemo mono nokoʼapifatiʼmo aliʼa lapa faiʼa lapatalete lapataletekeʼmo hugae. Mago afinaʼmo afole aisigeʼapaeʼmo kamiti lapamagiteʼapaeʼmo, Goti aliʼyaʼamo alagi neʼalune, huʼa apakesamo afigae.

2 Kolitiyani 5:8

Lagufaʼamo ataleta uta haita Ala kava neʼeʼmo maisunafeʼmo koli osuta he, kanalene, huta nehune.

Filipai 1:23

Lole kavaʼmoʼa heno navayu hulino neʼviye. Ma mopamo ataleʼna uʼna Kalaisiʼeʼmo maisuva naipamo nekaliye.

Filipai 2:17

Lapakesamo afita fatago huʼnetapaeʼmo alagepa kavaʼmo nehaya kavaʼmoʼa lapakaemo Gotiʼmo ofalini neʼamiya yakana huno haneʼniye. Namagisageʼna faliʼnaeʼmo kolaʼnimo lapakae ofalinileʼmo laki malesuvana namogaga aiteʼna lapakaeʼeʼmo magokepi lamogaga aigune.

2 Timoti 1:8

Lamiʼniyaʼmofeʼmo Ala kava netimo faigoko geʼamo aeka hakalo huka hapa paisanafeʼmo kavagage osinageka Kalaisi agiʼalefeʼmo kalavusifiʼmo maiʼnova vekaeʼmo kavagage osino. Kavagagemo osinageka faigoko gelefeʼmo hanageke yaʼmo alisayafeʼmo Goti himamuʼaletiʼmo kana yaʼmo aliyo. Nagaemo kana yaʼmo aliʼnova kava huka kana yaʼmo aligetaʼao.

2 Timoti 4:6

Nofi alagafati aniʼmo lakiʼa Gotiʼmo ofalinimo neʼamiya kava huʼna kolaʼnimo aiʼna lakiʼna mopamo ataleʼna visuva kana yaʼnimo alagi ago hogo huʼniyaʼmofeʼmae.

Himulu 12:23

Gotiʼa yege mafaʼneʼamogi apakiʼapimo kokuʼnapiʼmo avoʼmo kae maleʼniya vayaʼmo aliʼa anupa huʼa maiʼneʼa apamogaga neʼaiyategamo etapa maiʼnae. Lapakaemo Gotiʼa muki vayaʼmo alino fako huno neʼapateya vekalegamo eʼnae. Fatago vayaʼmo alino alagepa huno apateʼniya vayaʼai apauneʼapametegamo eʼnae.

Leveleseni 1:2

Yoniʼa muki ageʼniya kavafeʼmo avoʼmo kae maleʼniye. Mani gemo Yesu Kalaisiʼa Gotitegati alagi lama geʼamo alino ave liʼniya kavaʼmo haneʼniye.

Leveleseni 1:9

Nagaemo Yoniʼnamo konagatapimoʼnamo maiʼnove. Yesupiʼmo maiʼnetaeʼmo magokepi lagafu kige Yesuʼa yagaino nelateyategamo maige oʼataleta atafauta alagi huta maige nehune. Nagaemo Goti alagi lama geʼe Yesufeʼmo ava geʼeʼmo aeʼna hakalo huʼna hapa paiʼnovaʼmofeʼmo aliʼa nahafaitalageʼna eʼna Patamosi ani agoʼnanenafiʼmo maiʼnove.

Leveleseni 14:18

Mago alu enisole vekamo ofalinimo neʼmalaya hiʼyalamuteʼmo haneʼniya ataleʼmo neʼyagaiya vekamoʼmo eno aino fagagiʼniya naipemo aliʼniya enisole vekaeʼmo alopa gefatiʼmo hunoʼaeʼmo, Nofi alagamo ago afu leʼniyanagi ave nege nege naipemo aino fagagiʼniya naipekamo alinikuka ma mopafi nofi alagamo hatagauka aliyo, huno ha paiʼniye.

Leveleseni 16:7

Hutegeʼna afiʼnovana ofalinimo neʼmalaya hiʼyalamutetiʼmo hunoʼaeʼmo, He, Ala kava neʼmo Gotigamae. Lokiya vekamae. Alagepa huka alika fako huka apatetekaeʼmo fatago kavakamo nehane, huno huʼnigeʼna afiʼnove.

Leveleseni 19:10

Naha paiʼnigeʼna agaefeʼmo mono hisuvafeʼmo aiyafiʼmo asagauʼna aiʼnogenoʼaeʼmo, Nagaefeʼmo mono osuvo. Kagaeʼe konagakamogiʼeʼmo Yesufeʼmo ava geleʼmo atafauʼa alagi huʼnaya konagakamogiʼeʼmo magoke agufa aliʼyaʼmo neʼalune. Gotifekeʼmo mono huvo. Goti Aunemeʼamoʼmo Gotitegati gemo alini eʼa aeʼa hakalo huʼa hapa nepaiya vayaʼmo ani gemo apamiʼnigeʼa Yesufeʼmo ava gemo nehae, huno naha paiʼniye.

Leveleseni 2:13

Lapakeʼnovana Sataniʼa yagaino neʼapateya koteʼmo maiʼnageʼna lapakeʼnove. Nagiʼnimo oʼataletapa atafauta alagi hutapa maiʼnae. Mago vayaʼmogimo lama ge nava gemo huʼniya vekamo agiʼamo Anitipasiʼa Sataniʼmo neʼmaiya kotegamo lapakae folagapiʼmo kamitimo amagiʼnayaʼmonanafa lapakaemo oʼnataletapa nagaefeʼmo magoʼe hutapa lapakesamo afita fatago nehae.

Leveleseni 20:4

Ani kavaʼmo ageteʼnaeʼmo magoʼe kavaʼmo ageʼnovana agoti huʼa apatesaya himamuʼapimo aliʼnaya vayaʼmo siyateʼmo maiʼnageʼna apakeʼnove. Ageʼnovana naipeletiʼmo lugoʼapimo heʼa hatagauʼnageʼa faliʼnaya vayaʼai apauneʼapameʼamo apakeʼnove. Ani vayaʼmogimo Goti geʼamo Yesufeʼmo ava gemo hapa paiʼnayaʼmofeʼmo lugoʼapimo heʼa hatagauʼnae. Apakaemo afela afulefeʼmo mono osuge auneʼaeʼmo mono osuge huteʼa hapanileʼe apayateʼeʼmo afela afumo alagena yaʼamo oʼaliʼnae. Apakaemo afaʼa maisaya yaʼmo aliteʼa Kalaisiʼeʼmo vani tauseniʼa kafugamo magokepi maiʼneʼa yagaiʼa apateʼnayaʼmonanafa

Leveleseni 8:3

Mago alu enisole vekamoʼmo goli yuvapafiʼmo atamo kaeʼa neʼmalaya yuvapamo aliteno ofalinimo neʼmalaya hiʼyalamuteʼmo eno he tino maiʼniye. Mago vekamoʼmo asole yaʼmo atafiʼmo kaeʼnigeno alagepa atumo neʼaiya yaʼmo alino enisole vekamo amiʼniye. Muki apaote vayaʼmogimo nunumuʼmo nehaya geʼapiʼe alagepa atumo neʼaiya yaʼeʼmo alino goli hiʼyalamuteʼmo maleteno Gotiʼmo amisiyafeʼmo amiʼniye.

Leveleseni 9:13

Napa sigisi enisole vekamoʼmo pikulimo huʼnigeʼnaeʼmo afiʼnovana mago vekamo Goti aulagaleʼmo haneʼniya goli hiʼyalamuʼmo folagapiʼmo maiʼnenoʼaeʼmo keya aeʼniye.