Leveleseni 6:2 - The Keyagana NT and 25 OT books

² Huno huʼnigeʼna ageʼnovana naulagaleʼmo yaveyave hosimo maiʼnigeʼna ageʼnove. Hosileʼmo fai maiʼniya vekamoʼmo ati aliʼnigeno Gotiʼa yagaino neʼapateya kakolitamo amiʼnigeno aliteno uno kamemo huno aeno neʼapakaseya vekamoʼmo uno kamemo huno aeno apakasesiyafeʼmo uʼniye.

Leveleseni 6:2 ပူးပေါင်းရင်းမြစ်များ

Samu 110:2

Ala kava neʼmoʼa kayotetiʼmo yagaika apatesana himamukamo Saiyoni taonifatiʼmo alino atesigeno ugiye. Kame vayakamogi folagapiʼmo maiʼneka yagaika apato, huno kaha paiʼniye.

Samu 76:7

Vayaʼmogimo kagaefeʼmo koli hiyo. Kaipamo lesigekaeʼmo ina laʼmo kaulagaleʼmo he tino maigiye. Haʼao, mago vekamoʼmo afaʼa he tino oʼmaigiye.

Samu 98:1

Lapakaemo Ala kava nefeʼmo saufa yokemo hiyo. Agaemo alopa alagepa kavaʼmo oʼageʼnona kavaʼmo huʼnigeta ageteta lahau aiʼnone. Agaemo lamaga lokiya ayatetiʼe aote himamuʼaletiʼeʼmo kamemo huno aeno apaka seʼniye.

Aiyeya 25:8

Agaemo nefaliya kavaʼmo alagi alino hano huno atalegaiye. He, Ala kava neʼmo Gotiʼa apaulagafatiʼmo muki apaunumo alagi alino laneno atalegaiye. Ala kava neʼmoʼa, ani kavaʼmo huguve, huno huʼniyaʼmofeʼmo ma mopafiʼmo muki haopalega maiʼnaya vayaʼmogi apavagage yaʼmo alagi alino hano huno atalegaiye.

Matiyu 28:18

Yesuʼa apakaetegamo enoʼaeʼmo, muki himamuʼamo kokuʼnapinagi ma mopafi kavatenagi vayaʼaitenagi huʼna yagaisuva himamuʼamo ago namiʼniye.

1 Kolitiyani 15:25

Kalaisiʼa hemenimo yagaino apateme apateme neʼviyanageno muki kame vayaʼamo alino aiyafiʼmo apategaiye.

Leveleseni 11:15

Napa seveni enisole vekamoʼmo pikuli huʼnigeʼapaeʼmo kokuʼnapatiʼmo alopa gefatiʼmo ge huʼapaeʼmo, Hemenimo ma mopafi vayaʼaiteʼmo yagaiʼa neʼapataya vayaʼai apaimuʼyaleʼmo Ala kava netiʼe lekana paino ateʼniya vekamo Kalaisi vekaʼeʼmo maigaʼae. Agaemo yagaino apateno hano osuno yagaino apateme apateme ugiye, huʼa huʼnageʼapaeʼmo

Leveleseni 11:18

Kaipamo leka neʼapatana kavakamo afole yateʼmo afole aisigekaeʼmo faliʼnaya vayaʼmo agoti huka apatesana afinaʼmo afole neʼaiyaʼmofeʼmo malaga vayaʼmogimo lusi kava huʼa apaipamo leʼa kateʼnae. Kagaemo aliʼyakamo neʼaliya vayaʼmogimo kagaetegati gemo alini eʼa aeʼa hakalo huʼa hapa nepaiya vayanagi muki apaote vayakagi muki vayaʼmogi kagaefeʼmo koli nehaya vayanagi ala apakiʼapimo oʼaliʼnisaya vayanagi ala apaki vayanagi huka miyaʼapimo apamisana afinaʼmo ago afole aiʼniye. Ma mopafi vayaʼmo aliʼa hosu huʼa neʼapataya vayaʼmo alika hosu huka apatesana afinaʼmo ago afole aiʼniye, huʼa huʼnae.

Leveleseni 14:14

Hutegeʼna ageʼnovana yaveyave hiyaʼmo haneʼnigeno vemo mafaʼnemo ani hiyateʼmo fai maiʼnigeno agenopale kakolitamo aeʼa apakaseʼnaya vayaʼmogi neʼmalaya agufa kakolitamo haneʼnigeno ayapiʼmo ave nege nege naipemo aino fagagiʼniya naipemo aliʼnigeʼna ageʼnove.

Leveleseni 15:2

Ageʼnovana mago ani kotuʼmoʼa kalasigana huno aeno ha neleya ani kotuteʼmo atamo nelegeʼna ageʼnove. Ani ani kotuʼmo agiʼnaleʼmo mago vayaʼmogimo afela afumo aeʼa apakasege aune yaʼmo aeʼa agasege napamo agiʼamo aeʼa agasege huʼnaya vayaʼmo he tiʼa maiʼnae. Gotiʼa mago alopa gitagana agufa yaʼmo apamiʼnigeʼa amagiʼnae.

Leveleseni 17:14

Apakaemo aikeli sipisipiʼeʼmo kamemo hisayana sipisipimoʼmo ago huno aeno apakasegaiye. Agaemo ala kava vayaʼai ala kava vekaʼapimo maiʼneno kini vayaʼaiteʼmo yagaino neʼapateya kini vekamo maiʼniyaʼmofeʼmo huno aeno apakasegaiye. Lekana paino apateʼneno keya aeno ge huʼniyanageʼa oʼataleʼa akame nehaya vayaʼmogimo agaeʼeʼmo magokepi lokaeʼa maigae, huno huʼniye.

Leveleseni 19:14

Kokuʼnapiʼmo asole ati vayaʼmogimo yaveyave kukenamo vaiʼa aliteʼa yaveyave hosileʼmo fai maiʼneʼa akame huʼa uʼnae.

Leveleseni 3:21

Nagaemo kamemo huʼa aeʼa neʼapakasaya vayaʼmo apamisugeʼa fai maiʼneʼna yagaiʼna neʼapatova siyateʼmo nagaeʼeʼmo fai maigae. Nagaemo kamemo huʼna aeʼna apakaseʼnogeno afoʼnimoʼmo fai maiʼneno yagaino neʼapateya siyaʼamo namiʼnigeʼna fai maiʼnova kava huʼa nagaeʼeʼmo fai maigae.

Leveleseni 9:7

Akenu anagaʼmogimo kame nehaya hosigana agufa apakufamo aliteʼa maiʼnae. Apakenopaleʼmo goligana kakolitamo aeʼa neʼapakasaya vayaʼmogi neʼmalaya agufa kakolitamo haneʼniye. Apaugosaʼamo ma mopafi vayaʼai apaugosagana huno haneʼniye.