Leveleseni 5:8 - The Keyagana NT and 25 OT books

⁸ Aliʼnigeʼapaeʼmo loleʼe loleʼe vayaʼe tuveti foʼa vayatama vayaʼmogiʼeʼmo aikeli sipisipimo aiyafiʼmo asagauʼa aiʼnae. Mukiʼamogimo apamete apamete huʼa alopa gitagana yaʼmo alige alopa goli yuvapa alige huteʼa maiʼnae. Ani yuvapafiʼmo atafiʼmo kaeʼnageno alagepa atumo neʼaiya agufa yaʼmo haneʼniya kava huno apaote vayaʼmogimo nunumuʼmo nehaya gemo haneʼniye.

Leveleseni 5:8 ပူးပေါင်းရင်းမြစ်များ

Samu 141:2

Vayaʼmogi kagaemo alagepa atumo neʼaiya ofalini yafeʼmo amuse nehana kava huka nunumuʼmo nehuva geʼnieʼmo amuse huʼneka afiyo. Nayaʼmo aliʼna asaga huʼneʼna nunumuʼmo nehuva kavaʼnimoʼmo uneʼmo afumo amagiʼa ofalinimo nekamiya yakana hino.

Samu 150:3

Pikulimo nehuta agiʼaleʼmo alita asaga hiyo. Alu agufa gita alu agufa gitamo neʼamagita agiʼaleʼmo alita asaga hiyo.

Samu 81:2

Alagepa agemo aisiya agufa yateʼmo amagiyo.

Yoni 1:29

Egaʼamo Yoniʼa ageyana Yesuʼmo agaetegamo eʼnigeno agetenoʼaeʼmo, Ageyo, huno, ani vekamo Goti aikeli sipisipi vekaʼamae. Muki ma mopafi vayaʼai hosu kavaʼapimo alininuno atalegaiye.

Yoni 5:23

Muki vayaʼamogi muki yaʼmo Afoʼamo agiʼaleʼmo aliʼa asaga huʼa neʼataya kava huʼa Mafaʼneʼamo agiʼaleʼmo aliʼa asaga huʼa atesayafeʼmo alino ateʼnigeno emineʼniye. Ina lagimo Mafaʼneʼamo agiʼaleʼmo aliʼa asaga huʼa noʼatesafi ani kavaʼmo huʼa muki yaʼmo Afoʼamoʼmo alino ateʼnigeno emineʼniya vekamo agiʼaleʼmo aliʼa asaga huʼa noʼatae.

Himulu 1:6

Hapa opaiʼniyaʼmonanafa yege Mafaʼneʼamo ma mopafiʼmo alino atesigeno eminesiyafeʼmo mani gemo hunoʼaeʼmo, Muki enisole vayaʼmogitapamo agiʼaleʼmo alita asaga hutapa agaetefekeʼmo mono hiyo, huno hapa paiʼniye.

Leveleseni 13:8

Muki ma mopafi vayaʼmo afaʼa maisaya yaʼmo aliʼnisaya vayaʼai apakiʼapimo avoʼmo kae maleʼniya mukufiʼmo apakiʼapimo avoʼmo okaeʼnisiya vayaʼmogimo afela afulefeʼmo mono hugae. Ani mukumo ma mopamo faino ateʼniya afinaʼmo kamiti amagiʼnaya sipisipi vekamo mukuʼamo haneʼniye.

Leveleseni 15:2

Ageʼnovana mago ani kotuʼmoʼa kalasigana huno aeno ha neleya ani kotuteʼmo atamo nelegeʼna ageʼnove. Ani ani kotuʼmo agiʼnaleʼmo mago vayaʼmogimo afela afumo aeʼa apakasege aune yaʼmo aeʼa agasege napamo agiʼamo aeʼa agasege huʼnaya vayaʼmo he tiʼa maiʼnae. Gotiʼa mago alopa gitagana agufa yaʼmo apamiʼnigeʼa amagiʼnae.

Leveleseni 15:7

Mago vekamo loleʼe loleʼe vayapati vekamoʼmo seveniʼa goli yuvapamo alino seveniʼa enisole vayaʼmo apamiʼniye. Gotiʼa maige maige huno maiʼneno maino hano osuno neʼmaiya Gotiʼa aipamo leno neʼapateya kavaʼmo yuvapafiʼmo havaiteʼniye.

Leveleseni 19:4

Tuveti foʼa vayatama vayaʼe loleʼe loleʼe vayaʼmogiʼeʼmo asagau aiʼa yagaino neʼapateya vekamo siyaʼaleʼmo fai maiʼniya Gotifeʼmo mono huteʼapaeʼmo, Lama ge Haleluya, huʼa huʼnae.

Leveleseni 4:10

Mono nehageʼapaeʼmo tuveti foʼa vayatama vayaʼmogimo maige maige huno neʼmaiya vekamo yagaino neʼapateya siyateʼmo maiʼniya vekalefeʼmo asagau aiʼneʼapaeʼmo mono nehae. Apakaemo kamemo huʼa aeʼa apakaseteʼa aliʼnaya kakolitamo asagiʼa yagaino neʼapateya vekamo siya aulagamo yaga auʼnae.

Leveleseni 4:4

Tuveti foʼa vayaʼmogi yagaiʼa apatesayafeʼmo siyamoʼa faino ku aiʼnigeʼa tuveti foʼa vayatama vayaʼmo ani siyateʼmo fai maiʼnae. Yaveyave kukena yaʼmo vaiʼa aliteʼa apakenopaleʼmo goli yafatetiʼmo alo huʼnaya kakolitamo kamemo huʼa aeʼa neʼapakasaya vayaʼmogi neʼmalaya agufa kakolitamo maleʼa aliʼnae.

Leveleseni 4:6

Yagaino neʼapateya vekamo siyamo aulagamo mago ani kotuʼmoʼa aeno ha leʼnigeʼa neʼagaya kalasigana huno haneʼniye. Loleʼe loleʼe vayaʼmogi apaulagaʼe apakamelegaʼeʼmo asole apaulagamo haneʼniya vayaʼmogi yagaino neʼapateya vekamo siyaʼaleʼmo faiʼa ku aiʼa ateʼnae.

Leveleseni 4:8

Loleʼe loleʼe vayaʼmogimo sigisiʼa hapakumo haneʼnigeno muki apakufafiʼmo apaulagamo haneʼniye. Muki afinaʼmo felugaʼe haniʼilagaʼeʼmo maiʼa haga oleʼa huʼapaeʼmo, Ala kava neʼmo Gotiʼa muki himamuʼamo aliʼniya vekamo aote vekamae aote vekamae aote vekamo maiʼniye. Hogoteno maiʼniyanageno hemeniʼeʼmo neʼmaiyanageno henagaʼamo alagi maige maige huno maigiye, huʼa huʼnae.

Leveleseni 5:11

Hutageʼna apakeʼnovana tauseni tauseniʼa enisole vayaʼmogimo apake aiʼnageʼna afiʼnove. Apakaeʼe loleʼe loleʼe vayatama vayaʼmogiʼeʼmo yagaino neʼapateya siyaʼaleʼmo faiʼa ku aiʼa ateʼnae.

Leveleseni 5:12

Apakaemo alopa gefatiʼmo huʼapaeʼmo, amagiʼnageno faliʼniya aikeli sipisipimoʼa alagi alisiya vekamo maiʼniyaʼmofeʼmo himamuʼamo alige muki alagepa kagemi yaʼamo alige afiteno ageʼniya kavaʼamo alige lokiyaʼamo alige ala agiʼamo alige ha le konali yaʼamo alige muki yaʼamo fikumo alige hisiya vekamo maiʼniye, huʼa huʼnae.

Leveleseni 5:14

Loleʼe loleʼe vayaʼmogimo huʼapaeʼmo, He lama ge, huʼa huʼnageʼapaeʼmo tuveti foʼa vayatama vayaʼmo asagauʼa aiteʼa maige maige huno maino hano osuno maisiya vekaeʼmo mono huʼnae.

Leveleseni 5:6

Naha paiʼnigeʼnaeʼmo ageʼnovana mago aikeli sipisipimoʼmo yagaino neʼapateya vekamo siyateʼmo fai maiʼniya vekamo aulagamo maiʼnigeʼa loleʼe loleʼe vayaʼe tuveti foʼa vayatama vayaʼmogiʼeʼmo faiʼa ku aiʼa ateʼnae. Amagiʼnageno faliʼniya aikeli sipisipigana huno maiʼniye. Agaemo agenopafatiʼmo seveniʼa lokiyaʼamo haneteno seveniʼa aulagamo haneʼniye. Seveniʼa aulagamo haneʼniya kava huno Goti Aunemeʼamo himamuʼamo seveniʼa himamuʼamo alino ateʼnigeno muki ma mopafiʼmo uneno nehiya Auneme himamuʼamo haneʼniye.

Leveleseni 6:1

Ageʼnovana aikeli sipisipimoʼa hogote kamemo alino neʼakaigenoʼaeʼmo magoke vekamo loleʼe loleʼe vayapati vekamoʼmo alopa gefatiʼmo hakalu hugekana agufa gemo hunoʼaeʼmo, eka ago, huno ge huʼniye.