Leveleseni 4:7 - The Keyagana NT and 25 OT books

⁷ Hogote vekamo laiyonigana huno maige napa tu vekamo ve pulumakagana huno maige napa tali vekamo augosamoʼmo ve kanomo augosagana huno hanege napa fo vekamo halelitata nehiya hilo namagana huno maige huʼniye.

Leveleseni 4:7 ပူးပေါင်းရင်းမြစ်များ

Aepa Gemae 49:9

Yutaʼa mago aikeli laiyonigana huno maiʼniye. Mafaʼneʼnimogae, huʼna, afela afumo uka haeteka aika atagineka eʼnane. Laiyonimoʼa ape huno neʼmaiya kava huno maigiye. Ina laʼmo ha faino atalegaiye.

Mai'naya kavane 28:2

Mago kotega maiʼnaya vayaʼmogimo gamani vayaʼai geʼapimo oʼafiʼa kamemo hisayaʼmoʼmo yagaiʼa apatesaya vayaʼmo asole vayaʼmo afole aite aite nehayaʼmonanafa afino aeto huteno ageʼniya vekamoʼmo alagepa huno yagaino apatesiyaʼmoʼmo koʼapimo alagepa huno hanege hanege huno hanegaiye.

Aiyeya 40:31

Ala kava neʼmoʼa hapa maesiyafeʼmo apakava neʼmaiya vayaʼmo saufamo lokiya vaiʼa maigae. Apakaemo hakiki namagana huʼa haleliʼuʼa haigae. Nagu nagu huʼa visagenoʼaeʼmo alagaʼmo ohapaegaiye. Umenitata nehisagenoʼaeʼmo apaunena oʼaigiye.

Neniyo 7:4

Hogoteno laiyonigana agufa afumoʼa hakiki namamo hakugana huno haneʼniya afumo afole aiʼniye. Nagaemo ageʼna maiʼnogeʼa hakumo aliʼa ataleteʼa vayakana huʼa aiyaletiʼmo aeʼa he tiʼa ateʼnae. Apakaemo vayaʼmogi aipa agesamo amiʼnae.

Omataiya 1:4

Lapakaemo muga anafilagamo hakikimogimo haleliʼa uʼa nehaiya agufa kava hutapa muga anafilagamo kanefiʼmogi folagapiʼmo noʼmo ki malegayaʼmonanafa nagaemo alagi heʼna lapavayu huliʼna emiʼnegauve. Ala kava neʼmo Gotiʼnamo mani gemo huʼnove.

Napa 23:24

Apakeyo, huno, Isaleli nofi vayaʼmo lokiya laiyonigana huʼa maiʼneʼa maiʼa haga olegae. Hogoteʼa hapaeteʼa apameʼamo nege kolaʼapimo nege huteʼapaeʼmo afaʼa maiʼa haga legae.

Napa 24:9

Isaleli vayaʼmo laiyonigana huʼa havaeʼa maiʼnisageʼapaeʼmo mago vayaʼmogimo afaʼa aliʼa he tiʼa oʼapategae. Isaleli vayaʼmogitapae, huʼna, alino auleno lapatesiya vekamo aulena vekamo maigiye. Lifana huno lapatesiya vekamo lifana vekamo maigiye, huno huʼniye.

1 Kolitiyani 14:20

Konagaʼnimogitapae, huʼna, mafaʼne anagaʼmogimo neʼafiya agufa lapakesamo oʼafiyo. Vayaʼaitegamo hosu kavaʼmo osisayafeʼmo aise mafaʼnegana hutapa maiyo. Maigayaʼmonanafa gemo aepaʼamo afisayafeʼmo alopa vayakana hutapa maiyo.

Leveleseni 4:6

Yagaino neʼapateya vekamo siyamo aulagamo mago ani kotuʼmoʼa aeno ha leʼnigeʼa neʼagaya kalasigana huno haneʼniye. Loleʼe loleʼe vayaʼmogi apaulagaʼe apakamelegaʼeʼmo asole apaulagamo haneʼniya vayaʼmogi yagaino neʼapateya vekamo siyaʼaleʼmo faiʼa ku aiʼa ateʼnae.

Leveleseni 6:3

Aikeli sipisipimoʼa napa tu kamemo alino neʼakaigenoʼaeʼmo loleʼe loleʼe vayapatiʼmo napa tu vekamoʼmo eka ago, huno ge huʼnigeʼna afiʼnove.

Leveleseni 6:5

Aikeli sipisipimoʼa napa tali kamemo alino neʼakaigenoʼaeʼmo loleʼe loleʼe vayapatiʼmo napa tali vekamoʼmo eka ago, huno ge huʼnigeʼna afiteʼna ageʼnovana naulagaleʼmo anupa hosimo eʼnigeno ani hosileʼmo fai maiʼniya vekamoʼmo sigelimo ayapiʼmo aliʼniye.

Leveleseni 6:7

Inagi aikeli sipisipimoʼa napa fo kamemo alino neʼakaigeʼnaeʼmo afiʼnovana loleʼe loleʼe vayapatiʼmo napa fo vekamoʼmo eka ago, huno ge huʼniye.