Vani hataleti foti fo tauseniʼa vayaʼmogimo yagaino neʼapateya vekamo siya aulagalenagi loleʼe loleʼe vayaʼai apaulagalenagi vayatama vayaʼai apaulagalenagi huʼa he tiʼa maiʼneʼapaeʼmo saufa yokemo huʼnae. Apakaemo ma mopafi vayapatiʼmo miya faino hatu maeno apateʼniya vayaʼamogigeʼmo afiʼnaya yokemo huʼnae.
Leveleseni 4:6 - The Keyagana NT and 25 OT books6 Yagaino neʼapateya vekamo siyamo aulagamo mago ani kotuʼmoʼa aeno ha leʼnigeʼa neʼagaya kalasigana huno haneʼniye. Loleʼe loleʼe vayaʼmogi apaulagaʼe apakamelegaʼeʼmo asole apaulagamo haneʼniya vayaʼmogi yagaino neʼapateya vekamo siyaʼaleʼmo faiʼa ku aiʼa ateʼnae. အခန်းကိုကြည့်ပါ။ |
Leveleseni 4:6
25 ပူးပေါင်းရင်းမြစ်များ
Ageʼnovana mago ani kotuʼmoʼa kalasigana huno aeno ha neleya ani kotuteʼmo atamo nelegeʼna ageʼnove. Ani ani kotuʼmo agiʼnaleʼmo mago vayaʼmogimo afela afumo aeʼa apakasege aune yaʼmo aeʼa agasege napamo agiʼamo aeʼa agasege huʼnaya vayaʼmo he tiʼa maiʼnae. Gotiʼa mago alopa gitagana agufa yaʼmo apamiʼnigeʼa amagiʼnae.
Tuolofuʼa lafi kegiʼya kate kitaleʼmo tuolofuʼa sesumo lusi miyatetiʼmo miya nefaiya agufa sesumo haneʼniye. Magoke sesuletiʼmo vaino vego hu malefa sesu yafatetiʼmo magoke lafi kegiʼya kate kitamo alo huʼniye. Taonifi kateʼmo goli yafatetikeʼmo alo hu maleʼnigeno aeno ha neleya yafakana huno haneʼniye.
Inagi enisole vekamoʼmo afaʼa neʼmaiya yaʼmo neʼapamiya aniʼmo alopa aniʼmo uno nelamiya aniʼmoʼa aeno ha neleya aniʼmo nave liʼniye. Ani aniʼmo Gotiʼa yagaino neʼapateya siyaʼafatiʼe aikeli sipisipimoʼa yagaino neʼapateya siyaʼafatiʼeʼmo emineno alopa kaʼmo taoni folagapiʼmo haneʼniya kateʼmo uno lamiʼniye. Nelamiya aniʼmo aluga aluga ani agiʼnaleʼmo afaʼa neʼmaiya yaʼmo neʼapamiya yosamo hanege hanege huno haneʼneno magoke kafugafiʼmo tuolofuʼa afinaʼmo muki kaiʼaʼe kaiʼaʼeʼmo alagamo neʼae. Yosa haitaʼamoʼmo alu kotega alu kotegamo maiʼnaya vayaʼmo alino hapageno apatesi yosa haitamo haneʼniye.
Tuveti foʼa vayaʼmogi yagaiʼa apatesayafeʼmo siyamoʼa faino ku aiʼnigeʼa tuveti foʼa vayatama vayaʼmo ani siyateʼmo fai maiʼnae. Yaveyave kukena yaʼmo vaiʼa aliteʼa apakenopaleʼmo goli yafatetiʼmo alo huʼnaya kakolitamo kamemo huʼa aeʼa neʼapakasaya vayaʼmogi neʼmalaya agufa kakolitamo maleʼa aliʼnae.
Naha paiʼnigeʼnaeʼmo ageʼnovana mago aikeli sipisipimoʼmo yagaino neʼapateya vekamo siyateʼmo fai maiʼniya vekamo aulagamo maiʼnigeʼa loleʼe loleʼe vayaʼe tuveti foʼa vayatama vayaʼmogiʼeʼmo faiʼa ku aiʼa ateʼnae. Amagiʼnageno faliʼniya aikeli sipisipigana huno maiʼniye. Agaemo agenopafatiʼmo seveniʼa lokiyaʼamo haneteno seveniʼa aulagamo haneʼniye. Seveniʼa aulagamo haneʼniya kava huno Goti Aunemeʼamo himamuʼamo seveniʼa himamuʼamo alino ateʼnigeno muki ma mopafiʼmo uneno nehiya Auneme himamuʼamo haneʼniye.
Aliʼnigeʼapaeʼmo loleʼe loleʼe vayaʼe tuveti foʼa vayatama vayaʼmogiʼeʼmo aikeli sipisipimo aiyafiʼmo asagauʼa aiʼnae. Mukiʼamogimo apamete apamete huʼa alopa gitagana yaʼmo alige alopa goli yuvapa alige huteʼa maiʼnae. Ani yuvapafiʼmo atafiʼmo kaeʼnageno alagepa atumo neʼaiya agufa yaʼmo haneʼniya kava huno apaote vayaʼmogimo nunumuʼmo nehaya gemo haneʼniye.
Inagi loleʼe loleʼe vayapati vekamoʼmo age aigekana huno ge hunoʼaeʼmo, kafu hu afinafeʼmo magoke afinaʼmo aliʼyaʼmo aliʼnaya yatefeʼmo miyaʼapimo afaʼa ataleʼa loleʼe loleʼe laisi kapumo hugekana huʼa huʼnaya yaʼmo agiʼamo vitimo miya faigae. Magoke afinaʼmo aliʼyaʼmo aliʼnaya yatefeʼmo miyaʼapimo afaʼa ataleʼa tuolofuʼa kapumo napa tu agufa vitimo agiʼamo malimo miya faigae. Alifi yosa alagafati aniʼe nofi alagafati aniʼeʼmo alika hosu huka oʼato, huno huʼniye.
Na kava hinageʼapaene. Aikeli sipisipimoʼa yagaino neʼapateya vekamo siyaʼamo folagapiʼmo maiʼniya sipisipi vekamoʼmo sipisipileʼmo yagaiʼa neʼapataya kava huno yagaino apateteno meti aniʼamoʼa afaʼa maisaya yaʼmo neʼapamiya anitegamo apavalelino ugiyaʼmofeʼmae. Gotiʼa apaulagafatiʼmo apaunumo alino laneno atalegaiye, huno huʼniye.
ကြော်ငြာတွေ