Leveleseni 4:1 - The Keyagana NT and 25 OT books

¹ Ani gemo afiteʼna ageʼnovana kokuʼnapi kitamo naulagaleʼmo yaki maleʼnigeʼna ageʼnove. Hogoteʼna afiʼnovana pikuli huʼnageno age aigekana agufa gefatiʼmo naha painoʼaeʼmo, Manileʼmo haikeno. Henagaʼamo afole aisiya kavaʼmo aliʼna kaveliguve, huno naha paiʼniye.

Leveleseni 4:1 ပူးပေါင်းရင်းမြစ်များ

Hatu maeno apate'niya gemae 1:1

Yekopuʼe mafaʼne anagaʼaʼeʼmo magokepi lokaeʼa Isipi kotegamo uʼnaya vayaʼmogi apakiʼapimo haneʼniye. Ani vayaʼmogi Yekopuʼeʼmo afamo anagaʼapiʼeʼmo apaote apaote huʼa uʼnae. Lumeniʼagi Simiyoniʼagi Livaiʼagi Yutaʼagi

Hatu maeno apate'niya gemae 19:24

Ala kava neʼmoʼa geʼaleʼmo aeno atagaina hunoʼaeʼmo, Kagaemo uka lamika Eloniʼmo avalelika eka haikeno. Haikeganaʼmonanafa mono huʼa neʼapataya vayaʼe muki vayaʼeʼmo ka akani maleʼnana kaʼmo aeʼa haleʼa avefiʼmo eʼa hai oʼmegae. Fiku yanageʼna kayoʼmo apamiguve, huno ha paiʼniye.

Hatu maeno apate'niya gemae 24:12

Inagi Ala kava neʼmoʼa Mosesefeʼmo ha painoʼaeʼmo, Nagaetegamo eka haikeka he tika maiʼnegeʼna lole latapa yafatalateʼmo keʼaepa geʼnimo akame hiyo, huʼna huʼnova geʼnimo avoʼmo kaeʼna maleʼnovanageʼna ani yafatalaʼmo aliʼna kamisugeka Isaleli vayaʼmo alika apaya malegane, huno ha paiʼniye.

Mai'naya kavane 25:7

Fiku yanageno kini vekamoʼmo kaha faino katalesigeka afa vayaʼaitegamo uka lamigane. Alagepa kavaʼmogeno kini vekamoʼmo haikeka manileʼmo maiyo, huno kaha paigiye.

Matiyu 3:16

Yoniʼa Yesuʼmo aniʼmo faleno atetegenoʼaeʼmo Yesuʼa anipatiʼmo haineneʼegenoʼaeʼmo kokuʼnaʼmo aino akaka vaeʼnigeno ageyana Goti Aunemeʼamo kaugoʼyave namagana huno agaeteʼmo emineʼnigeno ageʼniye.

Maki 1:10

Yesuʼaanipatiʼmo eno haineno ageyana kokuʼnaʼmo halo aiʼnigeno Goti Aunemeʼamo kaugoyavegana huno agaetegamo emineʼnigeno ageʼniye.

Luki 3:21

Yoniʼa kalavusi osuʼnenoʼaeʼmo hogoteno muki vayaʼmo aniʼmo faleno apateteno Yesuʼeʼmo aniʼmo faleno ateʼnigeno Yesuʼa nunumuʼmo nehigenoʼaeʼmo kokuʼnaʼmo halo aiʼnigeno aote Aunemeʼamo agufaʼamo mago namamo kaugoʼyavegana huno agaetegamo emineʼniye. Kokuʼnapatiʼmo mago gemo ha painoʼaeʼmo, nahau nayamopafiʼmo neʼnahaiya mafaʼneʼnimo maiʼnanaʼmofeʼmo naipamoʼmo kanale huʼna nekatove, huno ha paiʼniye.

Yoni 16:13

Hemenimo oʼafigayaʼmonanafa Aunemeʼamo lama gemo aepa vekamo eminenoʼaekeʼmo muki lama geʼamo alino lapave ligiye. Agaiʼamo agesafatiʼmo agesa afino ani gemo osugifa afiʼniya gemo lapa paiteno afole aisiya kavafeʼmo ava gemo huno lapa paigiye.

Apa 10:11

Ageʼniyana kokuʼnaʼmo halo aiʼnigeno alopa latapa kenamo mopa afafaleʼmo emineʼniye. Loleʼe loleʼe atupaleʼmo nofi aeteno ataleʼnigeno emineʼniye.

Apa 7:56

Agetenoʼaeʼmo, Ageyo, huno, Kokuʼnaʼmo halo aiʼnigeʼna ageʼnovana Vemo Mafaʼnemo Goti lamaga haopaleʼmo he tino maiʼnigeʼna ageʼnove, huno hapa paiʼniye.

Leveleseni 1:10

Ala kava neʼmo afinaʼmo afole aiʼnigeʼna Goti Aunemeʼafiʼmo maiʼneʼnaeʼmo naune kavaʼmo huʼna maiʼnogenoʼaeʼmo nakamelegatiʼmo alopa gefatiʼmo pikuli hugekana agufa gemo huʼnigeʼna afiʼnove.

Leveleseni 1:12

Naha paiʼnigeʼna agesuvafeʼmo nakamelegamo aiʼna afe leʼna ageʼnovana seveniʼa aise hiʼyalamuteʼmo magoke magoke lamumo maleʼnaya hiʼyalamuʼmo goli yafatetiʼmo alo huʼnaya hiʼyalamuʼmo haneʼnigeʼna ageʼnove.

Leveleseni 1:19

Kagaemo ageʼnana kavafenagi hemenimo haneʼniya kavafenagi henagaʼamo afole aisiya kavafeʼmogi huka avoʼmo kao.

Leveleseni 11:12

Kokuʼnapatiʼmo alopa gefatiʼmo ge hunoʼaeʼmo, manileʼmo haiteʼao, huno huʼnigeʼana afiteʼanaeʼmo uʼa haiʼana hiyapiʼmo faleteʼana kokuʼnapiʼmo uʼa haiʼnaʼageʼapaeʼmo kame vayaʼanimogimo anakeʼnae.

Leveleseni 11:19

Goti aote mono noʼamo kokuʼnapiʼmo haneʼniya noʼmo yakiʼnigeʼa ageʼnayana ani mono nopiʼmo kotalakemo yafateʼmo avoʼmo kae maleʼniya keʼaepa gemo kesifiʼmo haneʼnigeʼa ageʼnae. Hafosa lamiʼnigeno alino alave alave huteno hakalu hakalu huʼnigeno imimaʼmo aliʼnigeno lusi ko mopa koʼmo aiʼniye.

Leveleseni 16:17

Napa seveni enisole vekamoʼmo yuvapaʼamo alinino uno hiya kokuʼnapiʼmo aino lakiʼnigenoʼaeʼmo mago vekamo aote mono nopatiʼmo yagaino neʼapateya vekamo siyaʼaletiʼmo alopa gefatiʼmo hunoʼaeʼmo, muki kavaʼmo alagi hano huʼniye, huno huʼniye.

Leveleseni 19:11

Ageʼnovana kokuʼnaʼmo halo aiʼnigeno naulagaleʼmo yaveyave hosimo maiʼnigeno ani hosileʼmo fai maiʼniya vekamo agiʼamo aliʼyaʼmo alagi oʼataleno alige gemo oʼataleno huge nehiya vekamae. Mago alu agiʼamo alagi lama geʼageʼmo nehiya vekamae. Agaemo fatago kavaʼaletiʼmo vayaʼai kavaʼapimo alino fako huno apatege kame huno apatege nehiye.

Leveleseni 22:6

Inagi enisole vekamoʼmo hunoʼaeʼmo, Mani geletiʼmo apakesamo afiʼa fatago hisaya gemo lama gemo haneʼniye. Ala kava neʼmo Gotiʼa agaetegati gemo alini eʼa aeʼa hakalo huʼa hapa nepaiya apaote vayaʼmogimo geʼamo hapa paisiyafeʼmo enisole vekaʼamo alino ateʼnigeno emineʼniye. Gotiʼa aliʼyaʼamo neʼaliya vayaʼmogimo malage huno afole aisiya kavaʼmo alino apave lisiyafeʼmo alino ateʼnigeno emineʼniye, huno naha paiʼniye.