Leveleseni 22:4 - The Keyagana NT and 25 OT books

⁴ Apakaemo Goti augosafiʼmo agesagenoʼaeʼmo agiʼamo hapanileʼmo avoʼmo kaegaiye.

Leveleseni 22:4 ပူးပေါင်းရင်းမြစ်များ

Samu 17:15

Kagemi yaʼapimo neʼaliyaʼmonanafa nagaemo fatago kavakamo aliʼnovanageʼna kaugosafiʼmo kagegauve. Nagaemo naupatiʼmo he tiʼna kagaekana huʼna maiʼneʼnaeʼmo magoʼe huno mago kavafeʼmo nahaʼye osugiye.

Samu 4:6

Mukiʼamogi huʼapaeʼmo, alagepa huta maigesune, huʼa nehae. O Ala kava nene, huʼna, kigi nehuka lagaetegamo alagepa kavaʼmo huvo.

Samu 42:2

Afaʼa neʼmaina Gotigae, huʼna, anifeʼmo neʼnahaiya kava huno nagupi mafaʼnemoʼmo kagaefeʼmo hauʼniye. Hainu afinaʼmo uʼna kaulagaleʼmo mono huguve.

Aiyeya 33:17

Lapakaemo alagepa apaulagamo neʼagaya kini vekamo agegae. Lapakaemo alagi afagitegamo haneʼniya koʼmo agegae.

Aiyeya 35:2

Ani kotega muki kahaumoʼmo ausemo hesigeno amogaga aigiye. Amogaga aige yokemo huge huno hanegaiye. Lemanoni aveleʼmo ha le konali yaʼamo haneʼniya kava huno ha le konali yaʼamo afole aigiye. Kamo koʼe Saloni koʼeʼmo alagi kanale kotalaʼmo haneʼniya kava huno hau huʼniya koʼmo alagi kanale koʼmo alino hamalegaiye. Muki vayaʼmogi ani kavaʼmo ageteʼapaeʼmo Ala kava neʼmo Gotitimoʼmo kanale ha le konali yaʼaʼe kanale alagepa kavaʼaʼeʼmo agegae.

Aiyeya 40:5

Ala kava neʼmo hale konali yaʼamo afole yateʼmo afole aisigeʼa muki ma mopafi vayaʼmogimo agegae. Ala kava neʼmo avayafatikeʼmo mani gemo eʼniyaʼmofeʼmae.

Matiyu 5:8

Yaveyave apaipa vayaʼmogi Gotiʼmo afaʼa agegayaʼmofeʼmo Goti aulena vayaʼmo maiʼnae.

Yoni 12:26

Aliʼyaʼnimo alisayafeʼmo hisaya vayaʼmogi nagae nakamekeʼmo hiyo. Ani kavaʼmo huʼa aliʼyaʼnimo neʼalisaya vayaʼmogi nagae nakamekeʼmo huteʼa uʼna maisuva koteʼmo uʼa maigae. Inagi Afoʼnimoʼmo aliʼyaʼnimo neʼalisaya vayaʼai apakiʼapileʼmo alino asaga huno apategaiye, huno hapa paiʼniye.

Yoni 17:24

Afo, huʼna, nahauʼniyanagi apavaleka namiʼnana vayaʼnimo nagaetegamo eʼa maiʼneʼa namiʼnana ha le konali yaʼnimo agesayafeʼmo nahauʼniye. Ma mopamo alo osuʼnana afinaʼmo nagaefeʼmo kahau kayamopafiʼmo kahauʼniyaʼmofeʼmo ha le konali yaʼnimo namiʼnane.

1 Kolitiyani 13:12

Hosu laveʼyofatiʼmo apaugosamo neʼagaya kava huta hemenimo hani huʼnigeta alagepa huta noʼagonaʼmonanafa henagaʼamo Ala kava neʼmo augosafiʼmo ageta alagepa hugune. Hemenimo aiseʼamo neʼagovanageʼna Gotiʼa nageʼniya kava huʼna henagaʼamo alagi ageʼna alagepa huguve.

Himulu 12:14

Lapakaemo muki vayaʼeʼmo alagepa hutapa magokepi lokaeta maiʼnetapa aote kavaʼmo alisayafeʼmo nagu nagu hutapa vegala aeyo. Aote kavaʼmo oʼaliʼnisaya vayaʼmogimo Ala kava neʼmo oʼagegayaʼmofeʼmae.

Leveleseni 14:1

Halate ageʼnovana, ageyo, huno, aikeli sipisipimo Saiyoni avefiʼmo he tino maiʼnigeʼapaeʼmo vani hataleti foti fo tauseniʼa vayaʼai hapanileʼmo agaiʼa agiʼe afoʼamo agiʼeʼmo avoʼmo kae maleʼniya vayaʼmo agaeʼeʼmo magokepi lokaeʼa he tiʼa maiʼnageʼna apakeʼnove.

Leveleseni 3:12

Nagaemo kamemo huʼa aeʼa neʼapakasaya vayaʼmo apavaleʼna Gotiʼnimo aote mono noʼafiʼmo posi yosagana huʼna apategauve. Nopiʼmo maiʼneʼapaeʼmo halate kumatagamo uʼa olamigae. Nagaemo apakaeteʼmo Gotiʼnimo agiʼamo avoʼmo kaege Gotiʼnimo saufa Yulusalemu taonimo agiʼamo avoʼmo kaege saufa nagiʼnimo avoʼmo kaege huguve.

Leveleseni 7:3

Lapakaemo ma mopagi solovala aninagi yosagi hutapa alita hosu hutapa oʼataleʼnigetao hogoteta Gotitimo aliʼyaʼamo neʼaliya vayaʼai hapanileʼmo alagena kavaʼamo hu malegaune, huno hapa paiʼniye.