Leveleseni 2:7 - The Keyagana NT and 25 OT books

⁷ Apakesamo haneʼnisiya vayaʼmogi Goti Aunemeʼamoʼmo siosiʼafi siosiʼafiʼmo maiʼnaya vayaʼaifeʼmo hapa nepaiya gemo afiyo. Nagaemo kamemo huʼa aeʼa neʼapakasaya vayaʼaifeʼmo, Afaʼa maisaya yaʼmo neʼapamiya yosa alagamo Goti hoyamo agiʼamo Palanaisi hoya folagapiʼmo haneʼniya yosa alagamo etapa afaʼa lagita neyo, huʼna hapa paiguve, huno naha paiʼniye.

Leveleseni 2:7 ပူးပေါင်းရင်းမြစ်များ

Aepa Gemae 2:9

Gotiʼa alu yosa alu yosamo ageʼa hapaʼye huteʼa alagepa hisigeʼa nesaya yosa alagamo aesiya yosamo mopafatiʼmo alino afole aino ateʼniye. Hoya folagapiʼmo mago haneʼniya yosamoʼmo afaʼa maisaya yaʼmo apamisiya yosamo haneʼniye. Inagi mago yosaʼeʼmo haneʼniyana alagepa kavaʼe hosu kavaʼeʼmo alino apave lisigeʼa afiteʼa agesaya yosamo haneʼniye.

Mai'naya kavane 11:30

Fatago vayaʼai kavaʼapimoʼmo afaʼa maisaya yaʼmo neʼapamiya yosagana huno haneʼniye. Goti geʼaletiʼmo Goti mafaʼnemo alino hamaleno neʼapateya vekamo afiteno ageʼniya vekamo maiʼniye.

Mai'naya kavane 13:12

Vayaʼmogimo alagepa kavaʼmo afole aisiyafeʼmo agava maiʼneʼa apavayagunagu nehagenoʼaeʼmo ani kavaʼmo afole oʼaino yatala afinaʼmo maisigeʼapaeʼmo apaipamoʼmo kana hugiyaʼmonanafa hapauʼniya kavaʼmo afole aisigenoʼaeʼmo afaʼa maisaya yaʼmo neʼapamiya yosagana huno hanegaiye.

Mai'naya kavane 15:4

Kaitaʼmo ohauʼniya avayafatiʼmo nehiya gemoʼmo afaʼa neʼmaiya yaʼmo neʼapamiya yosagana huno haneʼniyaʼmonanafa kayagi kayaga gemo nehiya vekamoʼmo alino hosu huno neʼapate.

Mai'naya kavane 3:18

Ani a kanomo vayaʼmogi atafauʼa anu nekiya vayaʼmo alagepa huʼa afaʼa maisaya yaʼmo alino neʼapamiya yosagana huno maiʼniye. Atafauteʼapaeʼmo noʼatalaya vayaʼmogimo apamogaga neʼaiye.

Matiyu 11:15

Lapakaemo gemo afisaya lapakesamo haneʼnisiyaʼmoʼmo afiyo.

Matiyu 13:43

Ani afinaʼmo afole aisigeʼapaeʼmo fatago vayaʼmo Afoʼapimoʼmo yagaino neʼapateya koteʼmo yegegana huʼa aeʼa ha leʼa maigae. Lapakesa haneʼnisiyana mani gemo afiyo, huno hapa paiʼniye.

Matiyu 13:9

Gemo afisaya lapakesamo haneʼnisiyana mani gemo afiyo, huno hapa paiʼniye.

Maki 4:9

Gemo afisaya lapakesamo haneʼnisiyaʼmoʼmo ani gemo afiyo, huno hapa paiʼniye.

Maki 7:15

Malaga haneʼnisiya yaʼmoʼa vayaʼai apakupafiʼmo uno lamisiyana vayaʼmo alino hosu huno oʼapategaiye. Oʼapategaiyaʼmonanafa apaipafatiʼmo eno haineno apavayafatiʼmo afole aisiya yaʼmokeʼmo vayaʼmo alino hosu huno apategaiye.

Maki 7:16

Ge afisaya lapakesamo haneʼnisiyana ani gemo afiyo, huno hapa paiʼniye.

Luki 23:43

lama gemo kaha nepauve, huno, hemenitomo Palanaisi koteʼmo uka haisanagetaʼa nagaeʼeʼmo maiguʼae, huno ha paiʼniye.

Luki 8:8

Mago avina yaʼmo alagepa mopafiʼmo asagauno aiteno hageno haitenoʼaeʼmo vani hataletiʼa alagamo aeʼniye. Gemo neʼafisaya lapakesamo haneʼnisiyana mani gemo alagepa huta afiyo, huno hapa paiʼniye.

Yoni 16:33

Lapakaemo nagaepiʼmo maiʼnetapaeʼmo lapaipamoʼmo falu hisiyafeʼmo mani gemo lapa nepauve. Ma mopafiʼmo maiʼnetapaeʼmo hanageke yaʼmo alitapa maigayaʼmonanafa nagaemo kame huʼna ma mopafi kavaʼmo ago aeʼna agaseʼnovaʼmofeʼmo lapakaemo lokiya vaita maiyo, huno hapa paiʼniye.

1 Kolitiyani 2:10

Muki vayaʼmogimo Oʼageʼnayaʼmonanafa Gotiʼa Aunemeʼaletiʼmo alino lave liʼniye. Goti Aunemeʼamokeʼmo Goti agesafiʼmo fala kino haneʼniya geʼamo neʼageyaʼmofeʼmae.

2 Kolitiyani 12:4

Gotiʼa Palanaisi koteʼmo avalelino uno haino ateʼniyanageʼa afaʼa aeʼa hakalo osisaya agufa geeʼmo Gotiʼa hunoʼaeʼmo, ge osuvo, huno ha paiʼniya gemo afiʼniye.

1 Yoni 2:13

Vayatama vayaʼmogitapae, huʼna, lapakaemo aepa faiʼniya afinatetiʼmo maiʼniya vekamo ago ageʼnayaʼmofeʼmo lapakaefeʼmo mani gemo avoʼmo kaeʼnove. Neya vayaʼmogitapae, huʼna, lapakaemo kame hutapa hosu vekamo aetapa agaseʼnayaʼmofeʼmo lapakaefeʼmo mani gemo avoʼmo kaeʼnove. Saufa mafaʼneʼnimogitapae, huʼna, lapakaemo muki yaʼmo Afoʼamoʼmo ago agetapa aeto huʼnayaʼmofeʼmo lapakaefeʼmo mani gemo avoʼmo kaeʼnove.

Leveleseni 13:9

Apakesamo haneʼnisiya vayaʼmogimo mani gemo alagepa huʼa afiyo.

Leveleseni 14:13

Inagi afiʼnovana mago vekamoʼmo kokuʼnapatiʼmo ge hunoʼaeʼmo, Avoʼmo kao. Ani afinatetiʼmo Ala kava nepiʼmo maiʼneʼa falisaya vayaʼmogimo Goti aulena vayaʼamo maiʼnae, huno huʼnigeno Goti Aunemeʼamoʼmo hunoʼaeʼmo, he, faliteʼapaeʼmo alagepa kavaʼmo huʼnaya anonaʼapimo aliniʼa ugayaʼmofeʼmo lokiya aliʼyaʼapimo ataleʼa maiʼa haga legae, huno huʼniye.

Leveleseni 15:2

Ageʼnovana mago ani kotuʼmoʼa kalasigana huno aeno ha neleya ani kotuteʼmo atamo nelegeʼna ageʼnove. Ani ani kotuʼmo agiʼnaleʼmo mago vayaʼmogimo afela afumo aeʼa apakasege aune yaʼmo aeʼa agasege napamo agiʼamo aeʼa agasege huʼnaya vayaʼmo he tiʼa maiʼnae. Gotiʼa mago alopa gitagana agufa yaʼmo apamiʼnigeʼa amagiʼnae.

Leveleseni 2:11

Agesamo haneʼnisiya vekamoʼmo Goti Aunemeʼamoʼmo siosiʼafi siosiʼafiʼmo maiʼnaya vayaʼaifeʼmo hapa nepaiya gemo afino. Napa tu afinaʼmo nefaliya kavaʼmoʼa kamemo huʼa aeʼa neʼapakasaya vayaʼmo afaʼa ohapaegaiye.

Leveleseni 2:17

Agesamo haneʼnisiya vekamoʼmo Aunemeʼamoʼmo siosiʼafi siosiʼafiʼmo maiʼnaya vayaʼaifeʼmo hapa nepaiya gemo afino. Nagaemo kamemo huʼa aeʼa apakasaya vayaʼmo kokuʼnapi fala kino haneʼniya neʼyaʼmo agiʼamo mana neʼyaʼmo apamiguve. Apamiteʼna yaveyave yafateʼmo saufa agiʼamo avoʼmo kaeʼna apamiguve. Ani saufa agiʼamo muki vayaʼmogimo oʼafisageʼa ani yafaʼmo aliʼnisaya vayaʼamogigeʼmo afigae.

Leveleseni 21:7

Aeʼa neʼapakasaya vayaʼmogimo muki yaʼmo alisageʼna Gotiʼapimoʼnamo maisugeʼapaeʼmo mafaʼneʼnimo maigae.

Leveleseni 22:14

Gotiʼa ani kavaʼmo hiyo, ina kavaʼmo osiyo, huno huʼniya gemo akame nehaya vayaʼmogimo Goti aulena vayaʼamogimo taoni lafi kate kipatetiʼmo uʼa haiʼa afaʼa neʼmaiya yaʼmo neʼapamiya yosa alagamo negae.

Leveleseni 22:17

Goti Aunemeʼamoʼe sipisipi vekaleʼmo maisiya a kanomoʼeʼmo, Neʼeyo, huʼana huʼnaʼae. Ani gemo afiʼnisaya vayaʼmogimo, neʼeyo, huʼa hiyo. Anifeʼmo lapauʼnisiya vayaʼmogimo neʼeyo, huʼa nehae. Hapauʼnisiya vayaʼmogimo afaʼa neʼmaiya yaʼmo neʼapamiya aniʼmo fikumo negae, huno hapa paiʼniye.