Leveleseni 2:3 - The Keyagana NT and 25 OT books

³ Nagiʼnilefeʼmo hanageke yaʼmo aliʼnetapaeʼmo alagaʼmo olapaeʼnigetapa oʼataleta atafautapa alagi hutapa maiʼnayaʼmonanafa

Leveleseni 2:3 ပူးပေါင်းရင်းမြစ်များ

Samu 37:7

Ala kava neʼmo aulagaleʼmo afaʼa maiʼnetapaeʼmo agava huta maige maige hutapa maiyo. Hosu kavaʼmo huteʼa alagepa huʼa neʼmaiya kavafeʼmo lapakesa alaʼamo afitetapa lapausoli osiyo.

Samu 69:7

Kagaetefeʼmo huʼa faipa huʼa nateʼnageno navagage huʼniye.

Maika 7:9

Nagaemo Ala kava netegamo hosu kavaʼmo huʼnovaʼmofeʼmo aipamo leno nateteno kayoʼmo neʼnamiya kana yaʼmo afaʼa aliguve. Alime alime neʼvisugenoʼaeʼmo agotileʼmo ge huno naha maesiya gemo huteno nagaetefeʼmo fatago kavaʼmo huno alino fako hugiye. Agaemo navalelinuno ha le yategamo natesigeʼna fatago kavaʼamo agegauve.

Maki 15:21

Kateʼmo neʼvagenoʼaeʼmo Saimoniʼa Sailini kotega vekamo Alekasanaʼe Lufasiʼeʼmo afoʼanimo koʼamo ataleno neʼegeʼa fotu huʼnae. Ati vayaʼmogi huʼapaeʼmo, malipu yosamo alika kofilika uvo, huʼa huteʼa aliʼa kofiʼa ateʼnageno kofilino uʼniye.

Luki 14:27

Ina lagimo malipu yosaʼapimo aliʼa kofiliʼa nakame nosisafigeʼa geʼnimo neʼafiya vayaʼmo afaʼa oʼmaigae.

Luki 18:1

Agaemo vayaʼmogimo muki afinaʼmo nunumuʼmo hisaya kavafeʼmo alagaʼmo hapaesigeʼa oʼatalesaya kavafeʼmo ani agufa gemo huno aeno kalafefa gemo huno hapa paiʼniye.

Luki 21:19

Lapakaemo alagepa kaʼmo oʼataleta lokiya vaitapa maisayaʼmoʼmo maige maige huta maisaya yaʼmo aligae.

Luki 5:5

Tisao, huno, muki haniʼilagamo umenimo maleʼnonana mago noyamemo oʼaliʼnonaʼmonanafa gekamo afiteʼna umenimo aliʼna anipiʼmo yaga auʼna malegauve, huno ha paiʼnigeʼapaeʼmo

Luki 8:15

Mago avina yaʼmo alagepa mopafiʼmo asagauno aiʼniya avina yakana huʼa mago vayaʼmogi Goti geʼamo afiteʼapaeʼmo aliʼa lama ge apaipamo kanale apaipafiʼmo maleteʼapaeʼmo alagepa kateʼmo uge uge huʼa maiʼneʼapaeʼmo alagepa alagamo neʼae.

Yoni 15:21

Apakaemo alino nateʼnigeʼna emiʼneʼnova vekamo oʼageʼnayanageʼa vayaʼnimo maiʼnayaʼmofeʼmo lapakaetegamo muki ani agufa kavakeʼmo hugae.

Lomu 12:12

Afole aisiya kavafeʼmo agava maiʼnetapaeʼmo lapavayagunagu hutapa lapamogaga aiyo. Hanageke yaʼmo aliʼnetapaeʼmo oʼataleta atafautapa alagi hutapa maiyo. Oʼataleta nunumuʼmo huge huge hutapa maiyo.

Lomu 16:12

Talaifinaʼe Talaifasaʼeʼmo Ala kava neʼmo aliʼyaʼamo neʼaliʼa atalaʼanifeʼmo hana paitanaeʼmo, Poloʼa ge lanamamaeʼniye, hutapa hana paitapa nateyo. Pesisifeʼmo siosi vayaʼmogimo hapau apayamopafiʼmo hapauʼniya a kanomo Ala kava netefeʼmo lusi aliʼyaʼmo aliʼniya afeʼmo ha paitapaeʼmo, Poloʼa ge kamamaeʼniye, hutapa ha paitapa nateyo.

Lomu 2:7

Gotiʼa ha le konali yaʼapigi ala apakiʼapigi maige maige huʼa maisaya yaʼapigi huʼa alisayafeʼmo hapaʼye nehigeʼa alagepa kavaʼmo oʼataleʼa atafauʼa alagi huʼa maime maime neʼvisaya vayaʼmo alagepa huʼa maige maige huʼa maisaya yaʼapimo apamigiye.

Lomu 8:25

Lagaemo oʼageʼnona yafeʼmo agava maiʼneta lavayagunagu nehutaeʼmo alagi agegaune, huta huteta oʼataleta agava neʼmaune.

1 Kolitiyani 13:7

Apakaemo kana yaʼmo aliʼa apamiʼnageʼapaeʼmo afaʼa alige lama gemo nehae, huʼa apakesamo afige alagepa kavaʼmo hugae, huʼa apakava maiʼneʼa apavayagunagu huge apaini huʼa neʼapatageʼapaeʼmo anonaleʼmo apaini huʼa oʼapateʼa kaʼapilekeʼmo oʼataleʼa uge uge huʼa maige nehae.

1 Kolitiyani 16:16

Konagaʼnimogitapae, huʼna, lapao ke hovanagi, ani agufa vayaʼai apaiyafiʼe apakaeʼeʼmo magokepi lokaeʼa aliʼyaʼmo neʼaliya vayaʼai apaiyafiʼeʼmo maiʼnetapa apakame hiyo.

2 Kolitiyani 10:15

Lagaemo hakutimo haneʼniyana malaga vayaʼai aliʼyaʼapilefeʼmo, alagepa aliʼyaʼmo aliʼnone, huta nosune. Lapakesa afita fatago nehaya kavaʼmoʼa kosime kosime uno haisigetapaeʼmo aliʼyatimo magoʼe hutapa alita ala hutapa latesagetaeʼmo aeta lapakaseta visunafeʼmo lavayagunagu huta lapakava maiʼnone.

2 Kolitiyani 11:23

Kalaisi aliʼyaʼamo neʼalifiye. Negi vekagana agufa gemo nehuʼnaeʼmo, aeʼna apakaseʼnove. Magoʼe huʼna lokiya aliʼyaʼmo aliʼnove. Lekana opaisuna agufa afinaʼmo namagiʼnaya kavatetiʼmo aeʼna apakaseʼnove. Magoʼe huʼa kalavusi huʼa nateʼnae. Magoʼe huʼna muki afinaʼmo falisuva agufa kavategamo maiʼnove.

2 Kolitiyani 4:1

Gotiʼa hau huno lateteno ani aliʼyaʼmo lamiʼniyaʼmofeʼmo laipamoʼmo kana osuʼnigeta oʼatalone.

2 Kolitiyani 4:16

Gotiʼa alino he tino lategaiyaʼmofeʼmo laipamoʼmo kana osuʼnigeta oʼataleʼnone. Afole vekatimo alino kalagu kime kime neʼviyaʼmonanafa muki afinaʼae afinaʼaeʼmo Gotiʼa yuʼilaga vekatimo alino saufa vekamo hamaleno neʼate.

2 Kolitiyani 5:9

Lagufafiʼmo maiʼnopi ataleta visupi nehutaeʼmo amuse huno latesiyafeʼmo aliʼyaʼamo neʼalune.

2 Kolitiyani 6:5

Vayaʼmogi lamagige kalavusi huʼa latege apano aeteʼa apavamusa gemoʼmo huge huʼnae. Lokiya aliʼyaʼmo aliʼnonageno alagaʼmo lahaege lau okalege neʼyaʼmo oʼnege huʼnone.

Galesiya 6:2

Konagatapimogimo neʼaliya kana yaʼmo alita hapa maegeʼapao Kalaisi muki keʼaepa geʼamo ago akame hugayanagi.

Galesiya 6:9

Alagepa kavaʼmo nehutaeʼmo alagi alagaʼmo olahaenageta oʼatalesunana hoyatifatiʼmo neʼyaʼmo afu lesiya afinaʼmo alagepa neʼyaʼmo aligune.

Filipai 4:3

Goti aliʼyaʼamo nagaeʼeʼmo magokepi lokaeka neʼalina veʼnimogae, huʼna, Kagaefeʼmo kahao ke nehovanagi, ani lole atalaʼmo nagaeʼeʼmo alagepa faigoko gelefeʼmo magokepi lokaeʼana aliʼyaʼmo aliʼnaʼa atalaʼmo alagepa huka hana mao. Anakaegi Kilemeniʼagi muki vayaʼmo nagaeʼeʼmo magokepi lokaeta aliʼyaʼmo neʼaluna vayanagi huno apakiʼapimo Gotiʼa maige maige huʼa maisaya vayaʼai apakiʼapimo avoʼmo kae maleʼniya mukufiʼmo avoʼmo kae maleʼniye.

Kolosi 1:11

Gotiʼa ha le konali lokiyaʼaʼe vekamoʼmo lokiyaʼaletiʼmo lokiya vaino lapateno. Lokiya vaino lapatesigetapa hosu afinaʼmo oʼataleta hosu lapaipamo okalita lapamogaga aiʼnetapa muki yaʼmo Afoʼamofekeʼmo hao ke hegae.

1 Tesaloniyani 1:3

Lapakesamo afita fatago huʼnetapaeʼmo alagepa kavaʼmo nehae. Lapau lapayamopafiʼmo lapauʼnigetapaeʼmo lokiya aliʼyaʼmo neʼaliye. Ala kava netimo Yesu Kalaisifeʼmo agava maiʼnetapa lapavayagunagu nehutapaeʼmo oʼataletapa atafauta alagi hutapa neʼmaiye. Lagaemo Afotimo Goti aulagaleʼmo ani kavatapieʼmo lagesamo afitetaeʼmo muki afinaʼmo olapataleta nunumuʼmo huta nelapatone.

1 Tesaloniyani 2:9

Konagatimogitapae, huta, alagepa faigoko gemo aeta hakalo huta lapa paita maiʼnetaeʼmo laha maetapa kana yaʼmo oʼalisayafeʼmo felugaʼe haniʼilagaʼeʼmo lokiya vaita aliʼyaʼmo aliʼnonagetapa ago lageʼnae.

1 Tesaloniyani 5:12

Konagatimogitapae, huta, lapao ke honanagi lapakae folagapiʼmo aliʼyaʼmo alige yagaiʼa lapatege aliʼa api aiʼa lapatege huʼa neʼmaiya vayaʼaifeʼmo, lagae kava vayatimo maiʼnae, hutetapa apakaefeʼmo alagepa hutapa lapakesamo afiyo.

2 Tesaloniyani 3:13

Konagatimogitapae, huta, apakaemo ani hosu kavaʼmo nehayaʼmonanafa lapakaemo alagepa kavaʼmo nehutapaeʼmo alagaʼmo olapaeno.

2 Tesaloniyani 3:5

Ala kava neʼmoʼa lapaipa lapakesamo alino ho huno lapatenagetapa Gotiʼa lagaefeʼmo hau ayamopafiʼmo hauʼniya kavaʼe Kalaisiʼa oʼataleno atafauno alagi huʼniya kavaʼeʼmo alagepa hutapa agetetapa afiyo.

2 Tesaloniyani 3:8

Neʼyatapimo fikumo alita oʼneʼnonaʼmonanafa laha maesayafeʼmo kana yaʼmo alita olapamisunafeʼmo felugaʼe haniʼilagaʼeʼmo aliʼyaʼmo aliʼnone.

1 Timoti 4:10

Ani gelefeʼmo aliʼyaʼmo neʼalune. Gotiʼa muki vayaʼmo hapa neʼmaeyaʼmonanafa apakesamo afiʼa fatago nehaya vayaʼai apakufamo alino katino apateteno hapau neʼvaiya vekaeʼmo alita amufa amiʼnonaʼmofeʼmo huʼa faipa huʼa nelatagetaeʼmo aliʼyaʼamo neʼalune.

1 Timoti 5:17

Yagaiʼa neʼapataya vayatama vayaʼmogi alagepa aliʼyaʼmo alisayana siosi vayaʼmogi hapao ke heteʼa alagepa miyaʼapimo apamisaya kavaʼmo huʼnae, huʼa hugae. Goti geʼamo aeʼa hakalo huʼa aliʼa apaya neʼmalaya vayatama vayaʼmo hogoteʼa miyaʼapimo afaʼa apamigae.

Himulu 10:36

Lapakaemo Gotiʼa hauʼniya kavaʼmo hutetapa lapamiguve, huno huʼniya yaʼmo alisayafeʼmo atafauta alagi hiyo.

Himulu 12:1

Ani asole vayaʼmogi apakesamo afiʼa fatago huʼnaya kavaʼmo aliʼa lave liʼnaya vayaʼmo faliteʼapaeʼmo hiyakana huʼa maiʼneʼa faiʼa vego huʼa lateʼa maiʼnageta folagapiʼmo maiʼnonageʼapaeʼmo aulu lahaeʼa lageʼa maiʼnae. Aulu lahaeʼa lageʼa maiʼnayaʼmofeʼmo lagaemo aliʼnona kana yaʼmo atalege latafausiya hosu kavaʼmo hatu maeta atalege huteta lesisi agufa kavaʼmo huta oʼataleta atafauta alagi huta maiʼneta laulagaleʼmo valino lateʼniya kateʼmo nagu nagu huta vigetao.

Himulu 13:13

Apakameʼyamo amiʼnageno hosu vekagana huno maiʼnigeʼapaeʼmo lafi kegiʼya malagamo avaleliʼuʼa amagiʼnayaʼmofeʼmo apakameʼyamo lamisayafeʼmo agaetegamo lafi kegiʼya malagamo vigetao.

Himulu 6:10

Lapakaemo aliʼyaʼmo alige Gotifeʼmo lapau lapayamopafiʼmo lapauʼnigeta aliʼyaʼamo alige nehutapa apaote vayaʼamo hapa maeʼnayanageta hapa neʼmae. Gotiʼa hosu kavaʼmo huno alino fako huno noʼapateyaʼmofeʼmo alagepa kavatapieʼmo alagi age okanigiye.

Himulu 6:12

Alagaʼmo olapaeʼninagetapa Gotiʼa polomasi gemo hunoʼaeʼmo, lapamiguve, huno hu maleʼniya yaʼmo aliʼnaya vayaʼai apaiyakamo aliyo. Apakaemo oʼataleʼa apakesamo afiʼa fatago huʼneʼa atafauʼa alagi huʼa maime maime neʼeʼapaeʼmo aliʼnae.

Himulu 6:15

Huno ha paiʼnigeno Emalehamuʼa oʼataleno agesamo afino fatago huʼneno agava maime maime neʼegenoʼaeʼmo Gotiʼa hu maleʼniya gemo afole aiʼnigeno aliʼniye.

2 Pita 1:6

Agetetapa afiʼnaya kavaʼmo aliʼnetapaeʼmo anileʼmo lapakufaleʼmo yagaitapa ateyo. Lapakufaleʼmo yagaitapa ateʼnetapaeʼmo anileʼmo oʼataleta atafautapa alagi hiyo. Oʼataleta atafautapa alagi hutapa maiʼnetapaeʼmo anileʼmo Gotifeʼmo mono hiyo.

Leveleseni 1:9

Nagaemo Yoniʼnamo konagatapimoʼnamo maiʼnove. Yesupiʼmo maiʼnetaeʼmo magokepi lagafu kige Yesuʼa yagaino nelateyategamo maige oʼataleta atafauta alagi huta maige nehune. Nagaemo Goti alagi lama geʼe Yesufeʼmo ava geʼeʼmo aeʼna hakalo huʼna hapa paiʼnovaʼmofeʼmo aliʼa nahafaitalageʼna eʼna Patamosi ani agoʼnanenafiʼmo maiʼnove.

Leveleseni 3:10

Nagaemo huʼnaeʼmo, oʼataletapa atafauta alagi hutapa maime maime viyo, huʼna lapa paiʼnova geleʼmo yagaitapa ateʼnayaʼmofeʼmo yagaiʼna lapatesugeʼa muki ma mopafi vayaʼmogimo lapamalageka hisaya afinaʼmo faita kasalo paetapa afaʼa maigae.