Leveleseni 2:12 - The Keyagana NT and 25 OT books

¹² Kagaemo Pegamamu taonifiʼmo maiʼnaya siosi vayaʼaiteʼmo yagaino neʼapateya apa vekalegamo mani kaha nepauva gemo avoʼmo kaeka atalegeno vino. Nagaemo aluga alugaʼalegatiʼmo ave neʼneya naipemo aliʼnova vekamoʼnamo mani gemo lapa nepauve.

Leveleseni 2:12 ပူးပေါင်းရင်းမြစ်များ

Aiyeya 11:4

agaemo fatago kavaʼaletiʼmo kagemi yaʼapimo ohaneʼniya vayaʼmo alino fako huno apategaiye. Agaemo lama geʼaletiʼmo hunoʼaeʼmo himuʼnamu kavaʼmo osuʼa yagu yaga kavaʼmo nehaya vayaʼmo hapa maegaiye. Agaemo avayafatiʼmo uʼniya kayotetiʼmo ma mopafi vayaʼmo apamagigiye. Avamusatetiʼmo hosu vayaʼmo kamitimo apamagigiye.

Aiyeya 49:2

Agaemo navayamo alino aluga alugaʼatiʼmo aveʼmo neʼneya naipegana huno hamaleno nategaiye. Agaemo nagaemo ayapiʼmo alino fala kino nateʼniye. Agaemo nagaemo akoʼya kevemo aino nateteno kevemo kuʼafiʼmo ku aino fala kino nateʼniye.

Himulu 4:12

Goti geʼamo aunemeʼe gemo haneʼneno himamuʼaletiʼmo aliʼyaʼmo neʼaliye. Ani gemoʼa aluga alugaʼamo aveʼmo neʼneya naipemo ago aeno agaseno aveʼmo lusi kava huno neʼne. Agaemo geʼaletiʼmo apagupi mafaʼnefinagi apauneʼapamepinagi apayamufafinagi apatupinagi huno aeteno alino fako nehiye.

Leveleseni 1:11

Ani gemoʼmo hunoʼaeʼmo, Nagaemo aliʼna aepa faiʼna ateteʼna aliʼna hano huʼna atalesuva vekamo maiʼnove. Agesana kavafeʼmo avoʼmo kaetekaeʼmo seveniʼa siosimo Efasasi siosifinagi Simena siosifinagi Pegamamu siosifinagi Taiyataila siosifinagi Satisi siosifinagi Filatefiya siosifinagi Leyotisiya siosifiʼmogi huʼa maiʼnaya vayaʼaitegamo ani avoʼmo atalesanageno ugiye, huno naha paiʼniye.

Leveleseni 1:16

Agaemo lamaga ayapiʼmo seveniʼa kanefiʼmo aliʼnigeno avayafatiʼmo aluga alugaʼamo ave neʼneya naipemo emineʼniye. Augosafatiʼmo yegemo haineno feluga kuku huteno neleya kava huno leʼnigeʼna ageʼnove.

Leveleseni 19:15

Avayafatiʼmo emineʼniya naipemo ave nege nege naipeʼaletiʼmo alu kotega alu kotegamo maiʼnaya vayaʼmo kame huno apatesiya naipemo avayafatiʼmo emineʼniye. Agaemo aeni kayotetiʼmo yagaino apategaiye. Gotiʼa muki lokiyaʼaʼe vekamoʼmo lusi kava huno aipamo leno neʼapateyanageno agaemo alopa yuvapafiʼmo aiyalatetiʼmo aeno latapaisigeno kolaʼapimoʼmo anikana huno heno lamigiye.

Leveleseni 19:21

Hosileʼmo fai maiʼniya vekamoʼmo avayafatiʼmo emineʼniya naipeletiʼmo mago vayaʼmo apaiʼnigeʼa faliʼnageno nama anagaʼmogimo eʼa apakufafatiʼmo apameʼamo neʼa apamu huʼnae.

Leveleseni 2:1

Kagaemo Efasasi taonifiʼmo maiʼnaya siosi vayaʼaiteʼmo yagaino neʼapateya apa vekalegamo mani kaha nepauva gemo avoʼmo kaeka atalegeno vino. Nagaemo seveniʼa kanefiʼmo lamaga nayapiʼmo aliʼneʼna seveniʼa goli yafatetiʼmo alo huʼnaya hiʼyalamuteʼmo lamumo maleʼnaya hiʼyalamuʼmo folagapiʼmo umenitata nehuva vekamoʼnamo lapa nepauve.

Leveleseni 2:16

lapaipamo alita afe leyo. Lapaipamo alita afe olesayaʼmoʼmo malage huʼna lapakaetegamo emineʼna navayafiʼmo haneʼniya naipeʼniletiʼmo lapakaemo kamemo lahapaegauve.