Leveleseni 15:3 - The Keyagana NT and 25 OT books

³ Apakaemo Moseseʼa Goti aliʼyaʼamo neʼaliya vekamo yokemo aikeli sipisipimo yokeʼamo huʼnae. Ani yokemo huʼapaeʼmo, Ala kava neʼmo kayamufaʼage Gotigae, huʼa, Magoʼe kavaʼmo nehanageʼapaeʼmo hapau neʼaiye. Apaote vayaʼaiteʼmo yagaika neʼapatana ala kini vekaʼapimogae, huʼa, nehana kavakamo kanale kavaʼageʼmo haneʼnigeka lama ge kavaʼmo nehane.

Leveleseni 15:3 ပူးပေါင်းရင်းမြစ်များ

Aepa Gemae 17:1

Emalemiʼa naeti naeniʼa kafugamo maitegenoʼaeʼmo Ala kava neʼmo agaetegamo afole aiʼniye. Afole aitenoʼaeʼmo, Nagaemo Gotiʼnamo muki himamu lokiyaʼnimo haneʼniyanagi naulagaleʼmo vaiʼmo oʼalisana kavaʼmo huka maiyo.

Samu 100:5

Ala kava neʼmo alagepa vekamo maiʼniyaʼmofeʼmae. Agaemo lagaefeʼmo hau ayamopafiʼmo haume haume neʼviya kavaʼamoʼmo hauno hano osuno muki afinaʼaeʼmo nehaiye. Lama gemo hunoʼaeʼmo, lapa maeʼna lapamiguve, huno huʼniya geʼamo alagi oʼataleno akame huno muki hemenimo maiʼnaya vayaʼaitegaʼe aliʼa apateme apateme visaya vayaʼaitegaʼeʼmo ani agufa kavaʼmo afaʼa hugiye.

Samu 105:5

Emalehamuʼa Ala kava neʼmo aliʼyaʼamo neʼaliya vekamo aginago vayaʼamogitapaʼe Yekopuʼa lekana paino ateʼniya vekamo aginago vayaʼamogitapaʼene, huʼna, lokiya kavaʼaʼe aune kavaʼaʼefeʼmo lapakesamo afiyo. Alino fako huno apateteno ani kavaʼmo hiyo, huno huʼniya geʼaeʼmo lapakesamo afiyo.

Samu 111:2

Ala kava neʼmoʼa aliʼyaʼmo neʼaliya kavaʼmo lusi kavane. Aliʼyaʼamo neʼaliya kavafeʼmo amuse huʼa neʼataya vayaʼmogi alagepa huʼa agesayafeʼmo lekana paiteʼa apaipa apakesafiʼmo aliʼa neʼmalae.

Samu 111:7

Ayatetiʼmo aliʼa amufa amisayafeʼmo lamage aliʼyaʼmo neʼaliye. Muki keʼaepa gemoʼmo lokiyaʼamo hanesigeno hanege hanege huno hanegaiye. Agaemo lama geʼaletiʼe fatago kavaʼaletiʼeʼmo polomasi gemo huʼniya kavaʼmo alagi hugiye.

Samu 139:14

Kagaemo alagepa huka alo huka nateʼnanaʼmofeʼmo koli huteʼna kagikaleʼmo aliʼna asaga nehuve. Nagaetegamo huʼnana kavaʼmo ageteʼnaeʼmo nahau neʼauve. Huʼnana kavafeʼmo alagepa kavaʼmo huʼnane, huʼna huteʼna aliʼna namalagiʼnove.

Samu 145:17

Ala kava neʼmoʼa muki afinaʼmo ani kavaʼmo nehunoʼaeʼmo fatago kavaʼmo huge yagu yaga kavaʼmo huge nehiye.

Samu 145:6

Vayaʼmogi lokiya kavaʼmo nehana kavakaeʼmo kava gemo hisageʼnaeʼmo nagaeʼeʼmo, ala vekamo maiʼniye, huʼna huguve.

Samu 18:30

Gotiʼa nagaetegamo alagepa kavaʼageʼmo nehiye. Muki afinaʼmo huguve, huno polomasi gemo hu maleʼniya geʼamo afole neʼaiye. Gotiʼa agaiʼalegamo eʼa fala nekiya vayaʼai haleguʼapimo maiʼniye.

Samu 78:12

Agaemo afoʼapimogi apaulagaleʼmo Isipi kotega Sovani koteʼmo aune kavaʼmo huʼniye.

Samu 92:5

O Ala kava nene, huʼna, alopa aliʼyaʼmo neʼaline. Solovala aniʼmo lusi vasilonamo haneʼniya agufa kava huno kagesamo neʼafina kavaʼmo vasilonagana huno haneʼniye.

Samu 99:4

Lokiya kini vekamogae, huʼna, fatago kavafekeʼmo kahauʼniye. Kagaemo Yekopu vayaʼai folagapiʼmo fatago kavaʼmo alika afole aika ateʼnane. Kagaemo fatago kavaʼmo huge alagepa huka alika fako huge huka maiʼnane.

Aiyeya 33:22

Ala kava neʼmo lagae yasi vekamo maige keʼaepa gemo nelamiya vekamo maige kini vekatimo maige huʼniyaʼmofeʼmo lagufamo alino katino lategaiye.

Aiyeya 45:21

Lapakaemo eta agotileʼmo getapimo aeta hakalo hiyo. Magokepiʼmo maiʼnetapaeʼmo ge huge afige hutapa maiyo. Ina laʼmo afole aisiya kavafeʼmo akeyavilagamo aeno hakalo huʼniye. Nagaiʼnigeʼmo aeʼna hakalo huʼna hapa paiʼnofiye. He, alu gotiʼmo oʼmaiʼniye. Nagaemo fatago kavaʼageʼmo nehuva Gotiʼnamo apakufamo aliʼna katiʼna neʼapatova Gotiʼnamo maiʼnove. Alu gotiʼa alagi oʼmaiʼniye.

Neniyo 6:20

Agaemo uno kelileʼmo avaʼyi nehunoʼaeʼmo hausoli huʼnigeno ge hunoʼaeʼmo, Neniyo, huno, muki afinaʼmo neʼmaiya Goti aliʼyaʼamo neʼalina vekamogae, Gotikamoʼmo laiyoni anagaʼmogi apavayafatiʼmo kagufamo ago alino katino kateʼnifiye, huno huʼnigeno

Neniyo 9:11

He, muki Isaleli vayaʼmogitamo keʼaepa gekamo ago amagita ataleteta gekamo oʼafisunafeʼmo kataleta uʼnonaʼmofeʼmo Moseseʼmo aliʼyakamo neʼaliya vekamoʼmo keʼaepa gemo lamiʼniya gemo kagoʼyamo ataleteka huʼnana lifana gemoʼmo lagaeteʼmo asagauno aiʼniyana kagaetegamo hosu kavaʼmo huʼnonaʼmofeʼmae.

Maika 7:20

Kagaemo Yekopu aginago vayaʼmogita laha maeka Yekopufeʼmo ha paiʼnana lama ge kotalake gemo akame huge Emalehamu aginago vayaʼmogitaeʼmo kahau huka latege hugane. Akeyaʼvilagamo kagaemo laginago vayaʼaifeʼmo kagoʼyamo ataletekaeʼmo, Nagaemo lama gemo huʼnaeʼmo, lapa maeʼna lapamiguve, huka ani hapa paiʼnana gemo akame hugane.

Sefanaiya 3:5

Nehayaʼmonanafa Ala kava neʼmo fatago vekamo Yulusalemu taonimo folagapiʼmo maiʼneno hosu kavaʼmo alagi nosiye. Muki neteʼae neteʼaeʼmo vayaʼmogi kavaʼapimo alagepa huno alino fako huno neʼapate. Muki afinaʼaeʼmo fatago kavaʼageʼmo huno alino fako huno apatesiyafeʼmo haino me notaleyaʼmonanafa fatago kavaʼmo nosaya vayaʼmogimo hosu kavatapieʼmo apavagage nosiye.

Yoni 1:17

Ani kavatefeʼmo Gotiʼa Mosesetetiʼmo keʼaepa geʼamo lamiʼniyaʼmonanafa Yesu Kalaisitetiʼmo fiku laha maeno lamiteno lama geʼamo alino afole aino ateʼniye.

1 Timoti 1:17

Ala kini vekamo ofalino maige maige huno neʼmaiya vekamo noʼagona vekamo agaiʼageʼmo ageteno afiʼniya vekamo ala agiʼaʼe ha le konali yaʼaʼeʼmo muki afinaʼmo hanege hanege huno haneno. He, lama ge.

Himulu 3:5

Moseseʼa Goti nopiʼmo Goti afamo anaga vayaʼalefeʼmo aliʼyaʼamo oʼataleno alagepa huno aliʼyaʼmo aliteno afole aisiya vekaeʼmo ava gemo huno hapa paiʼniye.

Yasuva 22:5

Uta maigayaʼmonanafa Ala kava neʼmo aliʼyaʼamo neʼaliya vekamo Moseseʼmo hiyo, huno lapa paiʼniya geʼe Goti keʼaepa geʼeʼmo alagepa hutapa afitetapa akame hiyo. Lapakaemo Ala kava neʼmo Gotitapimofeʼmo lapau lapayamopafi lapauge kaʼaleʼmo oʼataletapa hauʼniya kateʼmo umenitata huge keʼaepa geʼamo akame huge atafautapa alagi huge muki lahapauʼniya yapatiʼe lapaipa lapakesafatiʼenagi hutapa aliʼyaʼamo aliyo, huno hapa paiʼniye.

Leveleseni 1:8

Ala kava neʼmoʼa hunoʼaeʼmo, Nagaemo aliʼna aepa fai maleteʼna aliʼna hano huʼna atesuva vekamo maiʼnove. Hogoteʼna maiʼneʼna hemeniʼeʼmo maiʼnovanageʼna henagaʼaʼeʼmo alagi maiguve. Nagaemo muki lokiyaʼniʼe vekamo maiʼnove, huno huʼniye.

Leveleseni 11:17

Mono huʼapaeʼmo, Ala kava neʼmo Gotigae, huʼa, lokiyakaʼe vekamo maiʼnane. Hogoteka maiʼneka hemeniʼeʼmo neʼmainanageka henagaʼamo maisana vekamo maiʼnane. Kagaemo magoʼe himamukaletiʼmo aepa faika yagaika apateʼnanaʼmofeʼmo kahao ke nehone.

Leveleseni 14:3

Vani hataleti foti fo tauseniʼa vayaʼmogimo yagaino neʼapateya vekamo siya aulagalenagi loleʼe loleʼe vayaʼai apaulagalenagi vayatama vayaʼai apaulagalenagi huʼa he tiʼa maiʼneʼapaeʼmo saufa yokemo huʼnae. Apakaemo ma mopafi vayapatiʼmo miya faino hatu maeno apateʼniya vayaʼamogigeʼmo afiʼnaya yokemo huʼnae.

Leveleseni 14:8

Huteno uʼnigenoʼaeʼmo mago napa tu enisole vekamo akame huno eno, Alopa taonimo Mamiloni kotegamo atamo leno sagalino hano huʼniye, he, leno sagalino hano huʼniye. Ani taonimoʼa kumai kavaʼamoʼmo lokiya aniʼmo nofi alagafati anikana huno haneʼnigeno muki vayaʼmo apamitenoʼaeʼmo neyo, huno huʼniye, huno huʼniye.

Leveleseni 17:14

Apakaemo aikeli sipisipiʼeʼmo kamemo hisayana sipisipimoʼmo ago huno aeno apakasegaiye. Agaemo ala kava vayaʼai ala kava vekaʼapimo maiʼneno kini vayaʼaiteʼmo yagaino neʼapateya kini vekamo maiʼniyaʼmofeʼmo huno aeno apakasegaiye. Lekana paino apateʼneno keya aeno ge huʼniyanageʼa oʼataleʼa akame nehaya vayaʼmogimo agaeʼeʼmo magokepi lokaeʼa maigae, huno huʼniye.

Leveleseni 19:16

Kukena yaʼalenagi alutenagi huno agiʼamo avoʼmo kae maleʼniye. Kini vayaʼaiteʼmo yagaino neʼapateya kini vekamo maiʼneno ala kava vayaʼaite ala kava vekaʼapimae.

Leveleseni 19:2

Alagi lama ge huno fatago kavaʼmo huno alino fako huno neʼapate. Agaemo magoʼe huno kumai kavaʼmo huteno monimo neʼaliya a kanomo agoti huno ateʼniye. Ani a kanomoʼa kumai kavaʼmo hutenoʼaeʼmo muki ma mopafi vayaʼmo alino hosu huno apateteno Goti aliʼyaʼamo neʼaliya vayaʼamo kamitimo apamagiʼnigenoʼaeʼmo anonaʼalefeʼmo kayoʼmo amiʼniye, huʼa huʼnae.

Leveleseni 4:8

Loleʼe loleʼe vayaʼmogimo sigisiʼa hapakumo haneʼnigeno muki apakufafiʼmo apaulagamo haneʼniye. Muki afinaʼmo felugaʼe haniʼilagaʼeʼmo maiʼa haga oleʼa huʼapaeʼmo, Ala kava neʼmo Gotiʼa muki himamuʼamo aliʼniya vekamo aote vekamae aote vekamae aote vekamo maiʼniye. Hogoteno maiʼniyanageno hemeniʼeʼmo neʼmaiyanageno henagaʼamo alagi maige maige huno maigiye, huʼa huʼnae.