Leveleseni 12:3 - The Keyagana NT and 25 OT books

³ Inagi mago alu noʼagaya aune kavaʼmo kokuʼnate afole aiʼniyana alopa haesa nagaloʼyavemoʼmo seveniʼa agenopamo haneʼnigeno naya loleʼa lokiyaʼamo haneʼnigeno agenopaleʼmo seveniʼa kakolitamo ala kini vayaʼmogi neʼmalaya agufa kakolitamo haneʼniye.

Leveleseni 12:3 ပူးပေါင်းရင်းမြစ်များ

Aiyeya 51:9

Aiyeyaʼa hunoʼaeʼmo, Ala kava nene, huʼna, Aupatiʼmo hauneyo, hauneyo. Akeyaʼvilagamo huʼnana agufa kavaʼmo huka lokiyakaletiʼmo laha mao. Kagaemo akeyaʼvilagamo lokiyakaletiʼmo Isipi vayaʼmo hatagauʼnana vekamo maiʼnane.

Neniyo 2:41

Kagaemo alagamuna ageʼnana aiyagi aginagogi huʼa kalipa mopaʼe aeniletiʼmo alo huʼniya auneʼmo ageʼnane. Ani kava huʼa kini vekamoʼmo yagaino apatesiya vayaʼmo aliʼa fako hugae. Fako hugayaʼmonanafa lokiya aenigana huno hanesigeʼa yagaino apatesiya vayaʼmo lokiya vaiʼa maigae.

Neniyo 2:42

Aiya aginagomo aeniʼe kalipa mopaletiʼmo alo huʼniya kava huno vayaʼaiteʼmo yagaino apatesiya kavaʼmoʼa lokiyaʼamo hanege lokiyaʼamo ohanege hugiye.

Neniyo 7:20

Agenopafiʼmo naya loleʼa lokiyaʼamo haneʼnigeno mago lokiyaʼmo ani folagapatiʼmo afole aiʼnigeʼapaeʼmo loleʼe magoʼe lokiyaʼamo asagauʼa aiʼnae. Ani aulagaʼe avayaʼeʼmo haneʼniya lokiyaʼmoʼa himuʼnamu gemo huʼniye. Ani lokiyaʼmoʼa mago lokiyaʼamo ago aeno apaka seno afole aiʼnigeʼa ageʼnae.

Neniyo 7:24

Ani afumo naya loleʼa lokiyaʼamo haneʼniya kava huʼa ani gamanifatiʼmo naya loleʼa kini vayaʼmo afole aigae. Apakamelegatiʼmo mago kini vekamo afole aigiye. Ani kini vekamoʼmo hogoteʼa afole aiʼnaya kini vayakana huno oʼmaigifa alu kava huno maigiye. Agaemo naya loleʼa kini vayaʼaipatiʼmo loleʼe magoʼe kini vayaʼaina kame huno apateteno aeno apaka segaiye.

Leveleseni 12:1

Magoʼe huno lusi kava huno noʼagaya aune kavaʼmo kokuʼnate afole aiʼniyana mago a kanomo agufaleʼmo yegegana agufa kukena vailiʼnigeno aiyafiʼmo kaimo haneʼnigeno kakolitaʼamo aeʼa apakaseʼnaya vayaʼmogi aliʼa neʼmalaya agufa kakolitamo tuolofuʼa kanefiʼmoʼa faino ku aino ateʼnigeno kanefi kakolitamo agenopaleʼmo haneʼniye.

Leveleseni 12:13

Nagaloʼyavemo aliʼa hafaiʼa ma mopafiʼmo ataleʼnagenoʼaeʼmo ago aliʼa nahafaiʼa nataleʼnae, huno agetenoʼaeʼmo mafaʼnemo alino ateʼniya a kanomo uno vegala aeʼniye.

Leveleseni 12:17

Nagaloʼyavemoʼmo a kanoeʼmo lusi kava huno aipamo leno ateteno a kanomo mafaʼneʼamogimo Goti geʼamo akame huteʼa Yesuʼmo alino apave liʼniya gemo oʼataleʼa atafauʼa alagi nehaya vayaʼaitegamo kame huno apatesiyafeʼmo uʼniye.

Leveleseni 12:4

Aigoʼyaletiʼmo kokuʼnatetiʼmo loleʼe magoʼe kanefipatiʼmo magokayaga atupalega kanefiʼmo amagino aino atafaino mopafiʼmo yaga auno ataleʼniye. Alopa nagaloʼyavemoʼmo mafaʼnemo alino atesiyafe huʼniya a kanomo aulagaleʼmo he tino maiʼnenoʼaeʼmo mafaʼnemo alino neʼatesigenoʼaeʼmo haeno nesiyafeʼmo he tino maiʼniye.

Leveleseni 12:7

Utegeʼapaeʼmo kokuʼnapiʼmo kamemo huʼnae. Maikoʼagi yagaino neʼapateya enisole vayaʼagi huʼa nagaloʼyaveʼeʼmo kamemo huʼnae. Kame huteʼapaeʼmo nagaloʼyavemoʼmo yagaino neʼapateya enisole vayaʼamogiʼe apakaeʼeʼmo kamemo huʼnayaʼmonanafa

Leveleseni 12:9

Aliʼa hapa faiʼa apataleteʼa alopa nagaloʼyavemo akeyaʼvilaga maiʼniya nagaloʼyavemoʼmo aigofe geʼaletiʼmo muki ma mopafi vayaʼmo apakesamo nefaiya nagaloʼyavemo aliʼa hafaiʼa ataleʼnageno ma mopafiʼmo asagauno aiʼniye. Mago agiʼamo Nevoʼae ani agimo aepaʼamo haneʼniyana huno faipa huno neʼapateya vekamae. Mago agiʼamo Sataniʼae ani agimo aepaʼamo haneʼniyana kame vekamae. Apakaemo agaeʼe enisole vayaʼaʼeʼmo aliʼa hapafaiʼa apataleʼnageʼa ma mopafiʼmo asagauʼa aiʼnae.

Leveleseni 13:1

Uʼna solovala ani agiʼnaleʼmo he tiʼna maiʼneʼna ageʼnovana mago afela afumo solovala anipatiʼmo afole aiʼnigeʼna ageʼnove. Naya loleʼa lokiyaʼamo haneʼnigeno seveniʼa agenopamo haneʼnigeno kakolitaʼamo kini vayaʼmogi neʼmalaya agufa kakolitamo lokiyaʼaleʼmo haneʼniye. Muki agenopaʼaleʼmo Goti agiʼagana agufa agimo Goti agiʼaleʼmo huno faipa huno ateʼniya agiʼamo avoʼmo kae maleʼniye.

Leveleseni 13:2

Ageʼnova afela pusimo agiʼamo lepatigana huno maiʼnigeno aiyaʼalaʼmo afela afumo agiʼamo meyamo aiyagana huno haneʼnigeno avayaʼamo laiyonimogi apavayagana huno haneʼniye. Nagaloʼyavemoʼmo afela afumo lokiyaʼamo amiteno yagaino apatesiyafeʼmo alino ateʼnigeno himamuʼamo aliteno maiʼniye.

Leveleseni 13:4

Nagaloʼyavemoʼmo afela afuʼaiteʼmo yagaino apatesiya himamuʼamo alino amiʼniyaʼmofeʼmo vayaʼmogimo nagaloʼyavelefeʼmo mono huʼnae. Ani kava huʼa afela afulefeʼmo mono huteʼapaeʼmo, Ina laʼmo afela afugana huno maiʼniye. Ina laʼmo afaʼa kame huno ategaiye, huʼa huʼnae.

Leveleseni 15:1

Ageteʼnaeʼmo ageʼnovana magoʼe aune kavafeʼmo lusi kava huʼa hapau neʼaiya agufa aune kavaʼmo haneʼniyana seveniʼa enisole vayaʼmogi seveniʼa kayoʼmo aliʼnae. Ani kayoʼmo Gotiʼa aipamo leno neʼapateyanageno apamagisigeno hano hugiyaʼmofeʼmo henagaʼamo ani kayoʼmo afole aisiyafeʼmo haneʼniye.

Leveleseni 16:13

Hutegeʼna ageʼnovana mago hosu aune vekamo alopa nagaloʼyavemo avayafatiʼmo emiʼnege mago alu hosu aune vekamo afela afumo avayafatiʼmo emiʼnege mago hosu aune vekamo aigofe aune vekamo avayafatiʼmo emiʼnege huʼnae. Ani loleʼe magoʼe hosu apaune vayaʼmo esokana huʼa maiʼnageʼna apakeʼnove.

Leveleseni 17:12

Ageʼnana afela afumo lokiyaʼamo naya loleʼa lokiyaʼamo haneʼniya kava huʼa naya loleʼa kini vayaʼmo maiʼnae. Hemenimo yagaiʼa noʼapatayanageno himamuʼapimo apamisigeʼapaeʼmo afela afuʼeʼmo magokepi lokaeʼa magoke aovafiʼmo aise afinaʼmo yagaiʼa apategae.

Leveleseni 17:16

Afela afu naya loleʼa lokiyaʼamo haneʼniya kava huʼa naya loleʼa kini vayaʼmogi maiʼnae. Apakaemo kumai kavaʼmo huteno monimo neʼaliya a kanoeʼmo apaini hugae. Apakaemo kukena yaʼamo asagiʼa atalesageno agufalagaʼageʼmo maiʼnisigeʼapaeʼmo ame heʼa neteʼa atafiʼmo kaeʼa sagaliʼa atalegae.

Leveleseni 17:7

Nahau aiʼnogenoʼaeʼmo enisole vekamoʼmo, na kava higekaeʼmo kahau neʼaine, huno ge huno nafi geʼniye. Nagaemo a kanomoʼmo fala kiʼniya aepaʼaʼe afela afuleʼmo fai maiʼnigeno afela afumoʼmo seveniʼa agenopamo haneʼnigeno naya loleʼa lokiyaʼamo haneʼniya afela afumoʼmo fala kiʼniya aepaʼaʼeʼmo aliʼna kave liguve.

Leveleseni 19:12

Aulagalaʼmoʼa ata legekana huno nelegeno agenopaleʼmo asole kakolitamo kini vayaʼmogi maleʼa neʼaliya agufa kakolitamo maleno aliʼniye. Agaiʼa agufaleʼmo agiʼamo avoʼmo kae maleʼniya agimo agaiʼageʼmo afiʼniyana muki vayaʼmogi oʼafiʼnae.

Leveleseni 20:2

Agaemo alopa nagaloʼyavemo akeyaʼvilaga maiʼniya nagaloʼyavemo agiʼamo Nevoʼae huno hanege mago alu agiʼamo Sataniʼae huno hanege huʼniya vekamo atafauno seli nofitetiʼmo kino ateʼnigeno vani tauseniʼa kafugamo maiʼniye.