Kolosi 4:5 - The Keyagana NT and 25 OT books

⁵ Lapakaemo malaga vayaʼaifeʼmo alagepa huta lapakesamo afitetapa alagepa kavaʼmo hiyo. Lapakaemo alagepa kavaʼmo hisaya afinaʼmo ago hano hugiyanagi alagepa kavaʼmo hutapa alagepa aliʼyaʼmo aliyo.

Kolosi 4:5 ပူးပေါင်းရင်းမြစ်များ

Samu 90:12

Ma mopafiʼmo maisuna afinatimo lekana paisunafeʼmo alika laya malegeta alagepa huta ageteta afino.

Neniyo 2:8

Kini vekamoʼmo geʼapileʼmo aeno atagaina hunoʼaeʼmo, Lapakaemo afiʼnayana geʼaleʼmo alu gemo osugiye, hutapa ago afiʼnayaʼmofeʼmo afaʼa maitapa falu hisaya afinaʼmo alisayafeʼmo nehae.

Matiyu 10:16

Afiyo, huʼna, Nagaemo aliʼna lapatesugetapa sipisipigana huta afela kalamo maiʼnaya folagapiʼmo ugae. Nagaloʼyave anagaʼmogimo vayaʼmogi oʼapamagisayafeʼmo vase vase huʼa neʼvaya kava huta viyo. Kaugoʼyave namamogimo vayaʼmo ohapaeʼa afaʼa neʼmaiya kava huta maiyo.

Maki 4:11

Gotiʼa yagaino apateʼniya kavafeʼmo ava gemo fala kiʼniya gemo aepaʼamo afisayafeʼmo ago alino lapamiʼniyaʼmonanafa malaga vayaʼaifeʼmo aeʼna kalafefa gefatiʼmo huʼna hapa nepauve.

Lomu 16:19

Muki vayaʼmogimo lapakaemo alagepa hutapa gemo afitetapa akame nehaya kavafeʼmo lapava gemo ago afiʼnayaʼmofeʼmo namogaga aiʼna nelapatove. Afiʼnayaʼmonanafa lapakaemo alagepa kavaʼmo hisayafeʼmo afiʼnaya lapaipa lapakesamo alisayafekeʼmo nahauʼniyaʼmonanafa hosu kavaʼmo osisayafeʼmo oʼafiʼnaya vayakana hutapa maisayafeʼmo nahauʼniye.

Kolosi 3:16

Lapaipamo alo higenoʼao Kalaisifeʼmo ava gemo lapaipafiʼmo magoʼe huno hanege hanege huno alagi haneno. Alagepa huta lapakesamo afiʼnetapa konagatapimo afalu afalu kavaʼmo hutapa alita apaya maletapaeʼmo hosu kavaʼmo osisayafeʼmo ehetapiye, huta hapa paiyo. Lapaipafiʼmo Gotifeʼmo hao ke nehetapaeʼmo samu yokemo huge mono yokemo huge Ala kava neʼmo agiʼaleʼmo aliʼa neʼasagaya yokemo huge hutapa maiyo.

1 Tesaloniyani 4:12

Malaga vayaʼaitegamo alagepa kavaʼmo hutetapa kafu osisayafeʼmo aliʼyaʼmo aliyo.

1 Timoti 3:7

Malaga vayaʼmogiʼeʼmo huʼapaeʼmo, alagepa vekamo maiʼniye, huʼa hisageno neʼmaisiya vekamo maigiye. Fiku yanageno hosu agiʼamo amisageno Satani aneʼaifiʼmo hegekana huno atafaugiye.

Yemisi 1:5

Lapakaepatiʼmo mago vekamoʼmo ageteno afiʼniya kavaʼamo magoʼe huno oʼaliʼnisiyaʼmoʼmo Gotifeʼmo ge huno afi gesigeno Gotiʼa ge ohaugiyanageno muki vayaʼaina magoʼe huno apamigiye.

Yemisi 3:13

Lapakaepatiʼmo ina laʼmo afiteno ageʼniya vekamoʼmo alagepa huno neʼafiye. Agaemo alagepa kavaʼaletiʼmo agiʼaleʼmo alino afepi ateteno yagu yaga kavaʼmo huno alagepa huno afiteno ageʼniya kavaʼmo huno alino apave lino.

Yemisi 3:17

Hugayaʼmonanafa siosi vayaʼmogi alagepa huʼa ageteʼa afiʼnaya kavaʼmo kokuʼnapatiʼmo aliʼnisayana hogoteʼa yaveyave apaipamo aliteʼa alagepa huʼa magokepi lokaeʼa maige yagu yaga kavaʼmo huge vayaʼai geʼapimo afiteʼa hapau huʼa apatege alu alagepa kava alu alagepa kavaʼmo huge nehae. Apakaemo muki vayaʼaitegamo magoke aiyaya kavaʼmo huteʼa aeʼa ati okaeʼa afole yateʼmo neʼmaiye.

1 Pita 3:1

Aʼneʼapimogitapae, huʼna, lapakaemo ani kavaʼmo hutapa anautapimogi apaiyafiʼmo maiʼnetapa geʼapimo afiyo. Lapakaemo ge osisageʼa Goti geʼamo noʼafiya anautapimogimo lapaketeʼapaeʼmo, apauneʼapameʼmoʼa hosu kavafeʼmo ohapauʼnigeʼa Gotifeʼmo koli nehae, huʼa hisagetapaeʼmo alagepa kavatapiletiʼmo Gotitegamo apavalelitapa egae.