Kolosi 4:18 - The Keyagana NT and 25 OT books

¹⁸ Ani gemo huteʼnaeʼmo hemenimo nagaemo avoʼmo nekaeya vekamo ayapatiʼmo avo kayoʼmo aliʼna avoʼmo kaeʼnaeʼmo, Poloʼnamo ge lapamamaeʼnove, huʼna avoʼmo nekaove. Kalavusifiʼmo maiʼnovanagi lapake okanino. Gotiʼa fikumo lapa maeno lapamino. He lama ge.

Kolosi 4:18 ပူးပေါင်းရင်းမြစ်များ

Lomu 16:20

Gotiʼa alagepa huta neʼmauna kavaʼmo aepa vekamoʼmo malage huno Sataniʼmo lapaiya afeʼalumelagamo alino aeno latapaigiye. Ala kava netimo Yesu Kalaisiʼa fikumo lapa maeno lapamino. He, Lama ge.

Lomu 16:22

Nagaemo Tetiyusiʼnamo mani gemo Polo avayafatiʼmo aliʼna avoʼmo kaeʼnaeʼmo Ala kava nepiʼmo maiʼneʼnaeʼmo ge lapamamaeʼnove.

Lomu 16:23

Gaiyasiʼa Poloʼnaleʼmo alagepa huno yagaino nateʼniya vekaʼe noʼafiʼmo aliʼa anupa huʼa maiʼnaya siosi vayaʼmogiʼeʼmo ge lapamamaeʼnae. Elasatasiʼa taonifi monileʼmo neʼyagaiya vekaʼe Kuvotasiʼa konagatimoʼeʼmo ge lapamamaeʼnaʼae.

1 Kolitiyani 16:21

Hemenimo nagaemo Poloʼnamo avoʼmo nekaya kayoʼmo aliʼneʼna, ge lapamamaeʼna gemo huʼna avoʼmo nekaove.

2 Kolitiyani 13:14

Ala kava neʼmo Yesu Kalaisiʼa mukiʼamogitapa fikumo lapa maeno lapamino. Gotiʼa mukiʼamogitapaeʼmo hau ayamopafiʼmo hauʼniya kavaʼamo lapaipafiʼmo haneno. Aote Aunemeʼamoʼmo mukiʼamogitapaʼeʼmo magokepi lokaeno afalu afalu huno maino. He, lama ge.

Filipai 1:7

Gotiʼa fikumo naha maeno namiʼnigeʼna kalavusifiʼmo maiʼneʼnaeʼmo alagepa faigoko geʼamo ha maesuvafeʼmo ge huʼna aliʼna lokiya vaiʼna neʼatove. Fikumo naha maeno namiʼniya kava huno fikumo lapa maeno nelapamigetaeʼmo magoke agufa aliʼyaʼmo aliteta muki afinaʼmo magoke laipa lagesamo aliʼnonaʼmofeʼmo lapakaefeʼmo alagepa huʼna nagesamo neʼafuve.

Kolosi 4:3

Nunumuʼmo nehutapaeʼmo Goti geʼamo aeta hakalo huta hapa paisuna kaʼmo valino latesigeta Kalaisifeʼmo ava gemo hogoteno alino fala ki maleʼneno hemenimo alino lave liʼniya geʼamo hapa paisunafeʼmo nunumuʼmo hutapa lateyo. Mani gelefeʼmo kalavusi huʼa nateʼnae.

2 Tesaloniyani 3:17

Nagaemo Poloʼnamo mani gemo nagaiʼnimo avo kayoʼmo aliʼna avoʼmo kaeʼnaeʼmo, Poloʼnamo ge lapamamaeʼnove, huʼna avoʼmo nekaove. Muki avoʼmo nekaova gemo ani agufa kavaʼmo huʼna nekaove.

1 Timoti 6:21

Apakaemo huʼapaeʼmo, mani gemo akame nehune, huʼa nehaya geletiʼmo lagesamo afita fatago nehuna gemo atale uʼeʼa huʼa maiʼnae. Ani kavatefeʼmo maika halove huka maiyo. Gotiʼa fikumo lapa maeno lapamino. He, lama ge.

2 Timoti 1:8

Lamiʼniyaʼmofeʼmo Ala kava netimo faigoko geʼamo aeka hakalo huka hapa paisanafeʼmo kavagage osinageka Kalaisi agiʼalefeʼmo kalavusifiʼmo maiʼnova vekaeʼmo kavagage osino. Kavagagemo osinageka faigoko gelefeʼmo hanageke yaʼmo alisayafeʼmo Goti himamuʼaletiʼmo kana yaʼmo aliyo. Nagaemo kana yaʼmo aliʼnova kava huka kana yaʼmo aligetaʼao.

2 Timoti 4:22

Ala kava neʼmoʼa kagaeʼeʼmo magokepiʼmo lokaeno maino. Gotiʼa fikumo lapa maeno lapamino. He, lama ge.

Taitasi 3:15

Nagaeʼeʼmo muki neʼmaiya ve aʼnemogi ge kamamaeʼnae. Lagaefeʼmo hapauʼnigeʼapaeʼmo Gotifeʼmo apakesamo afiʼa fatago nehaya vayaʼaifeʼmo, Poloʼeʼmo ge lapamamaeʼnae, huka hapa paiyo. Gotiʼa mukiʼamogitapamo fikumo lapa maeno lapamino. He, lama ge.

Himulu 13:25

Gotiʼa muki vayaʼamo fikumo lapa maeno lapamino. He, lama ge.

Himulu 13:3

Kalavusi huʼnaya vayaʼaifeʼmo lapake kanitapa oʼapataletapa lapakesamo afiyo. Apakaeʼeʼmo magokepiʼmo lokaeta kalavusi huʼnegekana hutapa apakaefeʼmo lapakesamo afiyo. Kalaisitefeʼmo hanageke yaʼmo neʼaliya vayaʼaifeʼmo lapake kanitapa oʼapataletapa lapakesamo afiyo, apakaeʼeʼmo ma mopafi maiʼnetapaeʼmo hanageke yaʼmo alisaya vayaʼmo maiʼnayaʼmofeʼmae.