Kolosi 4:12 - The Keyagana NT and 25 OT books

¹² Epafalasiʼa lapakaepati vekamoʼmo Kalaisi aliʼyaʼmo neʼaliya vekamoʼmo ge lapamamaeʼniye. Lapakaemo alopa Kalisitini vayaʼmo hamaletetapa oʼataleta lokiya vaita maiʼnetapa Gotiʼa hauʼniya kavaʼmo agetetapa akame hisayafeʼmo lusi kava huno nunumuʼmo huno nelapate.

Kolosi 4:12 ပူးပေါင်းရင်းမြစ်များ

Matiyu 5:48

Kokuʼnapi Afotapimoʼmo alagepa kavaʼageʼmo nehiya kava huta alagepa kavaʼageʼmo hutapa maiyo, huno hapa paiʼniye.

Luki 1:1

Ala vekamo Tiyofalasigamo afiyo. Mago kavaʼmo lagaetegamo ago afole aiʼnigeta alagi lagesamo afita fatago nehune. Aepa faiʼniya afinatetiʼmo mago vayaʼmogimo ageme ageme eteʼapaeʼmo ani kavafeʼmo ava gemo aeʼa hakalo huʼa hapa paiʼnae. Ani vayaʼmogimo hapa paiʼnageʼapaeʼmo asole vayaʼmogi afiteʼa amalageka huʼa ani kavafeʼmo ava gemo apaote apaote huʼa avoʼmo kaeteʼa aliʼa magokepiʼmo avoʼmo kae maleʼnae.

Luki 22:44

Lusi kava huno kana hauʼnigeno aipafiʼmo kaveta hugekana huʼnigeno maiʼnenoʼaeʼmo magoʼe huno lokiya vaino nunumuʼmo nehigenoʼaeʼmo amuko hauteno haisemoʼmo kolakana huno lusi kava huno mopafiʼmo lape tape huno asagauno aiʼniye.

Yoni 12:26

Aliʼyaʼnimo alisayafeʼmo hisaya vayaʼmogi nagae nakamekeʼmo hiyo. Ani kavaʼmo huʼa aliʼyaʼnimo neʼalisaya vayaʼmogi nagae nakamekeʼmo huteʼa uʼna maisuva koteʼmo uʼa maigae. Inagi Afoʼnimoʼmo aliʼyaʼnimo neʼalisaya vayaʼai apakiʼapileʼmo alino asaga huno apategaiye, huno hapa paiʼniye.

Lomu 15:14

Konagaʼnimogitapae, huʼna, alagepa kavaʼe afiʼnaya geʼeʼmo lapaipa lapakesafiʼmo havai teʼniyanagetapa afaʼa alita apaya malegae, huʼna lole nagesamo oʼafiʼnofa magoke nagesamo neʼafuve.

Lomu 15:30

Konagaʼnimogitapae, huʼna, Lahapao ke hovanagi, Ala kava netimo Yesu Kalaisifeʼmo lahapau lahapayamopafiʼmo lahapauʼnigetapa Goti Aunemeʼamoʼmo lapaipafiʼmo aliʼyaʼmo aliʼnigetapa Goti mafaʼneʼaeʼmo lahapau lapayamopafiʼmo nelahapaiyaʼmofeʼmo lapayamukiki hutapa naha maeta nunumuʼmo hutapa nateyo.

1 Kolitiyani 14:20

Konagaʼnimogitapae, huʼna, mafaʼne anagaʼmogimo neʼafiya agufa lapakesamo oʼafiyo. Vayaʼaitegamo hosu kavaʼmo osisayafeʼmo aise mafaʼnegana hutapa maiyo. Maigayaʼmonanafa gemo aepaʼamo afisayafeʼmo alopa vayakana hutapa maiyo.

1 Kolitiyani 2:6

Ani agufa gemo nehayaʼmonanafa alopa vayaʼaifeʼmo afiteta ageʼnona geletiʼmo hapa nepaune. Ma mopafi vayaʼmogi afiteʼa ageʼnaya agufa geletiʼmo hapa opaige ma mopafiʼmo maiʼneʼa yagaiʼa neʼapataya vayaʼmogi afiteʼa ageʼnaya agufa geletiʼmo hapa opaige nehune. Henagaʼamo apakaemo ina agufa vayaʼmo maigae.

2 Kolitiyani 13:11

Konagaʼnimogitapae, huʼna, hemenimo geʼnimo alagi huʼna hano huvanagi lapamogaga aitapa maiʼnetapaeʼmo kavatapimo alita api aitapa maiyo. Hiyo, huʼna avoʼmo kaeʼnova gemo afitetapa akame hiyo. Magoke lapaipa lapakesamo alitetapa maiyo. Alagepa hutapa magokepi lokaetapa maigenoʼao Gotiʼa hapau apayamopafiʼmo hapauʼnigeʼa alagepa huʼa magokepi lokaeʼa neʼmaiya kavaʼmo afoʼamoʼmoʼmo lapakaeʼeʼmo magokepi lokaeno maino.

Galesiya 1:10

Nagaemo vayaʼmogi amuse huʼa natesayafeʼmo nahaʼye nehigeʼna kahauya nehufiye. Haʼao, Gotikeʼmo amuse huno natesiyafeʼmo nahaʼye nehigeʼna kahauya nehuve. Hogoteʼna vayaʼaifeʼmo nagesamo afiʼnovaʼmonanafa hemenimo amuse huʼa natesayafeʼmo nahaʼye nehisigeʼna kahauya nehuvesinana Kalaisi aliʼyaʼamo oʼaliʼnovesine.

Galesiya 4:19

Nahauʼniya mafaʼneʼnimogitapae, huʼna, aʼnemogimo mafaʼnemo aliʼa atesayafeʼmo apakafu nekiya kava huʼna lapakaemo Goti mafaʼnemo hamalesayafeʼmo nagafu kiʼniyanageʼna Kalaisikana hutapa maisayafeʼmo halate magoʼe huno nagafu nekiye.

Kolosi 1:22

Lapaote vayaʼamo maisageno hosu kavatapimo alagi ohanesigetapa vaiʼmo oʼalisayafeʼmo Mafaʼneʼamoʼmo agufamo aliteno faliʼniya kavatetiʼmo Goti aulagaleʼmo alino he tino lapategaiye.

Kolosi 1:28

Lagaemo muki vayaʼamo apavalelita uta apatesunageʼa Goti aulagaleʼmo Kalaisipiʼmo maiʼneʼa uʼa haiʼa hapaisayafeʼmo muki vayaʼaifeʼmo Kalaisife ava gemo aeta hakalo huta hapa nepaune. Lagaemo alagepa huta lagesamo afiʼnetaeʼmo muki vayaʼaifeʼmo hutaeʼmo, ehetapiye, huta huge muki vayaʼaina alita apaya malege huta neʼmaune.

Kolosi 1:29

Nagaeʼeʼmo mani kavaʼmo afole aisiyafeʼmo Kalaisi ayamufaʼaletiʼmo naipafiʼmo lusi kava huno aliʼyaʼmo neʼaligeʼnaeʼmo ayamufaʼaletiʼmo naya mukiki huʼna aliʼyaʼamo neʼaluve.

Kolosi 1:7

Epafalasifeʼmo lahau layamopafiʼmo lahauʼniya vekamoʼmo lagaeʼeʼmo lokaeno aliʼyaʼmo neʼaliya vekamoʼmo lapakaetefeʼmo Kalaisi aliʼyaʼamo oʼataleno alagepa huno neʼaliya vekamoʼmo mani gemo ago lapa paiʼnigetapa afiʼnae.

Kolosi 1:9

Ani kavaʼmo hutapa maiʼnayaʼmofeʼmo afiʼnona afinatetiʼmo oʼataleta nunumuʼmo huta lapateme lapateme eta maiʼnone. Lagaemo, Apakaemo kahauʼnisiya kavaʼmo hisayafeʼmo kaunekameʼmoʼa alino apaya malenageʼa alagepa huʼa apakesamo afiteʼa ageʼa aeto nehaya kavaʼmo apaipafiʼmo havai teno, huta nunumuʼmo nehune.

Kolosi 4:9

Avagi huno visiya vekamo Onesimasifeʼmo lahau layamopafiʼmo lahauʼniya konagatimoʼmo aliʼyaʼamo oʼataleno muki afinaʼmo alagepa aliʼyaʼmo neʼaliya vekamo lapakaepati vekamo maiʼniye. Anakaemo uʼanaeʼmo manileʼmo muki afole aiʼniya kavafeʼmo ava gemo huʼana lapa paigaʼae.

1 Tesaloniyani 5:23

Gotiʼa agaeʼeʼmo magokepi alino lokaeno lateteno laipamo alino falu huno nelateya vekamoʼmo alino alagepa huno lapateʼniyanagi alagi lapaoteʼmo maiyo. Agaemo muki lapaunelapametenagi lapagupi mafaʼnelenagi lapakufalenagi huno yagaino lapateʼnisigeno Ala kava netimo Yesu Kalaisiʼa eminesiya afinaʼmo mago hosu kavatapimo ohaneʼnisigeno vaiʼmo olapamino.

Failimoni 1:23

Epafalasiʼmo Kalaisi Yesutefeʼmo kalavusimo nagaeʼeʼmo magokepi lokaeno huʼniya vekamoʼmo ge kamamaeʼniye. Makiʼagi Alitakasiʼagi Nimasiʼagi Lukiʼagi huʼa nagaeʼeʼmo magokepi lokaeʼa aliʼyaʼmo neʼaliya vayaʼmogiʼeʼmo ge kamamaeʼnae.

Himulu 5:14

Alopa vayaʼmogimo lokiya neʼyaʼmo neʼnae. Muki afinaʼae afinaʼaeʼmo afime afime neʼayaʼmofeʼmo alagepa geʼe hosu geʼeʼmo alagepa huʼa afaʼa aliʼa fako huʼa neʼafiye.

Himulu 5:7

Kalaisiʼa ma mopafiʼmo maiʼnenoʼaeʼmo falisiya kavategatiʼmo agufamo alino katino atesiya Gotifekeʼmo alopa gefatiʼmo keya aeno ge huge haoke huge aviʼyaʼmo huge huno nunumuʼmo huʼniye. Gotifeʼmo koli huʼneno mono huʼniyaʼmofeʼmo Gotiʼa geʼamo afiʼniye.

Yemisi 1:1

Nagaemo Yemisiʼnamo Gotiʼe Ala kava neʼmo Yesu Kalaisiʼeʼmo aliʼyaʼanimo neʼaluve. Nagaemo tuolofuʼa Yu nofi vayaʼmo kotapimo ataletapa atagu faetapa uteta huʼnaya vayaʼmogitapaeʼmo ge lapamamaeʼna mani gemo avoʼmo nekaove.

Yemisi 1:4

Lapaipafiʼmo aliʼyaʼmo alisiya kavateʼmo ka akanitapa oʼategenoʼao alagi oʼataletapa lokiya vaitapa maisaya himamutapimo alagepa huno ko sino afu lesigetapa uta haita me otaletapa uta haitapa hapaigae.

Yemisi 5:16

Lapakaemo konagatapimogifeʼmo hosu kavatapieʼmo aeta hakalo hutapa hapa paigeʼa apakaemo ani kava huʼa hosu kavaʼapieʼmo aeʼa hakalo huʼa lapa paisagetapa nunumuʼmo hutapa apategeʼa ani kava huʼa nunumuʼmo huʼa lapatenagetapa higenoʼao Gotiʼa alino alagepa huno lapateno. Fatago vayaʼmogimo lokiya vaiʼa nunumu huʼa ge huʼa afi nekagenoʼaeʼmo Gotiʼa himamu lokiyaʼaletiʼmo aliʼyaʼmo aliteno alino afole aino neʼate.

2 Pita 1:1

Nagaemo Saimoni Pitaʼnamo Yesu Kalaisi aliʼyaʼamo neʼaluva vekamo maiʼneʼna apa vekaʼamo maiʼnove. Gotiʼa lagufamo alino katino nelateya Gotitimoʼa Yesu Kalaisi fatago kavaʼaletiʼmo fikumo lapamaeno lapamiʼnigetapa lapakesamo afita fatago huʼnaya vayaʼamogitapaeʼmo mani gemo avoʼmo nekaove. Lapakesamo afita fatago nehaya kavatapimo alopa monileʼyaʼmo aeno agaseʼniya kavaʼe lagesamo afita fatago nehuna kavatiʼeʼmo magoke aiyaya kavaʼmo haneʼniye.

Yuti 1:24

Laha neʼmaeya Gotiʼa agaiʼageʼmo ageteno afiʼniya vekamo agiʼaleʼmo alita asaga huta ategetao. Agaemo alagi asagauta oʼaisayafeʼmo lapatafauno maigiye. Ha le konali vekamo aulagaleʼmo afaʼa lapavalelino esigenoʼaeʼmo vaiʼmo olapamisigetapa lusi kava hutapa lapamogaga aita maigae.