Kolosi 4:10 - The Keyagana NT and 25 OT books

¹⁰ Alisitakasiʼa nagaeʼeʼmo kalavusimo huʼniya vekamoʼmo ge lapamamaeʼniye. Makiʼa Manamasi avuʼamoʼmo ge lapamamaeʼniye. Agaefeʼmo, esigetapaeʼmo alita falu fala huta atetetapa neʼyaʼmo amiyo, huʼna lapa paiʼnove.

Kolosi 4:10 ပူးပေါင်းရင်းမြစ်များ

Apa 12:12

Ani kavafeʼmo agesa afitenoʼaeʼmo Yoni Maki itaʼamoʼmo Maliya notegamo uʼniye. Asole vayaʼmo ani nopiʼmo aliʼa anupa huʼa maiʼneʼapaeʼmo nunumuʼmo huʼa maiʼnae.

Apa 12:25

Manamasiʼe Soloʼeʼmo aliʼyaʼanimo aliʼana hano huteʼanaeʼmo Yulusalemu taonifatiʼmo ataleʼana Yoni Makiʼa avaleliʼana atagi neʼana eʼnaʼae.

Apa 13:13

Poloʼe avagi huʼnaʼa vekalaʼeʼmo Pefosi kotegatiʼmo ataleʼa sipifiʼmo uʼa Pega taonifiʼmo Pamifiliya kotegamo uʼa avaʼyi huteʼa Yoni Makiʼa anataleno atagi neno Yulusalemu taonifiʼmo uʼniye.

Apa 13:5

Salamisi taonifiʼmo uʼana avaʼyi huteʼanaeʼmo muki Yu vayaʼai mono noʼafiʼeʼmo uʼeʼa huʼana Goti geʼamo aeʼana hakalo huʼana hapa paiʼnaʼae. Yoni Makiʼa hana maeno aliʼyaʼmo alisiyafeʼmo magokepi lokaeʼa maiʼnae.

Apa 19:29

Huʼnageʼapaeʼmo muki taonifiʼmo maiʼnaya vayaʼmogi apano aeʼa apavamusa gemo huʼnigeʼa eʼa Gaiyasiʼe Alitakasiʼeʼmo Masetoniya vekalaʼmo Poloʼeʼmo umenitata nehaʼa vekalaʼmo anatafauʼana apayamukiki huʼa anavaleliʼa aliʼa anupa huʼa neʼmaiya yategamo uʼnae.

Apa 20:4

Agaegi Meliya kotega vekamo Sopataʼagi lole Tesalonaika vekalaʼmo Alitakasiʼagi Sekatasiʼagi mago Nemi taonifi vekamo Gaiyasiʼagi Timotiʼagi lole Esiya vekalaʼmo Tikikasiʼagi Tilofimasiʼagi huʼa Esiya kotegamo uʼnae.

Apa 27:2

Atalamitiya kotega sipimo eno haneʼnigeʼa Esiya kotegamo muki sipiʼamo uʼa avaʼyi nehaya taonifiʼmo ugefeʼmo nehagetaeʼmo ani sipifiʼmo uta haita maiteta mopamo ataleta anipiʼmo uʼnone. Alitakasiʼmo Tesalonaika taonifiʼmo Masetoniya kotega vekamo lagaeʼeʼmo magokepi lokaeno maiʼnigeta uʼnone.

Apa 4:36

Magoke vekamo agiʼamo Yosefeʼa Livai nofi vayapati vekamo Saipalasi ani agoʼnanenafi vekamo maiʼniye. Apa vayaʼmogimo agiʼamo Manamasiʼae huʼa ateʼnae. Manamasiʼae agimo aepaʼamo ina kavaʼmo huno alino lokiya vaino neʼapateya vekamae.

Lomu 16:2

Agaemo asole vayaʼe nagaeʼeʼmo laha maeʼniyaʼmofeʼmo lapakaemo na yaʼmo ha maetapa amisaya yaʼmo haneʼnisifi afaʼa ha maetapa amiyo. Apaote vayaʼmogi nehaya agufa alagepa kavaʼmo hutapa Ala kava neʼmo agiʼalefeʼmo alita falu fala hutapa ateteta yagaitapa ateyo.

Lomu 16:7

Atalonikasiʼe Yuniyasiʼefeʼmo hana paitanaeʼmo, Poloʼa ge lanamamaeʼniye, hutapa hana paitapa nateyo. Nagaemo Kalaisipiʼmo oʼmaiʼnova afinaʼmo hogoteʼana Kalaisipiʼmo maiʼnaʼa vekalane. Anakaemo nagae nofi vekalaʼmo maiʼneʼana mago afinaʼmo nagaeʼeʼmo magokepi kalavusi huʼnone. Anakaemo apa vayapatiʼmo ala anaki vekalane.

2 Timoti 4:11

Lukiʼa agaiʼageʼmo nagaeʼeʼmo lokaeno maiʼniye. Makiʼa Goti aliʼyaʼmo neʼalinoʼaeʼmo alagepa huno naha maegaiyanagi avalelika eno.

Failimoni 1:23

Epafalasiʼmo Kalaisi Yesutefeʼmo kalavusimo nagaeʼeʼmo magokepi lokaeno huʼniya vekamoʼmo ge kamamaeʼniye. Makiʼagi Alitakasiʼagi Nimasiʼagi Lukiʼagi huʼa nagaeʼeʼmo magokepi lokaeʼa aliʼyaʼmo neʼaliya vayaʼmogiʼeʼmo ge kamamaeʼnae.

1 Pita 5:13

Gotiʼa ago lekana paino lapateʼniya kava huno Mamiloni kotega siosi vayaʼmo lekana paino apateʼniye. Apakaemo ge lapamamaeʼnae. Mafaʼneʼnimo Makiʼeʼmo ge lapamamaeʼniye.