Kolosi 4:1 - The Keyagana NT and 25 OT books

¹ Aliʼyaʼmo afoʼamogitapae, huʼna, yagaitapa neʼapataya vayaʼmo maiʼnaya kava huno Ala kava netapimo kokuʼnapiʼmo maiʼniye, huta ago afiʼnayaʼmofeʼmo aliʼyatapimo neʼaliya vayaʼaitegamo fatago kavaʼmo hutapa alagepa yaʼmo apamiyo.

Kolosi 4:1 ပူးပေါင်းရင်းမြစ်များ

Aiyeya 58:3

Apakaemo huʼapaeʼmo, Lagaemo neʼyaʼmo oʼneta mosiʼnonaʼmonanafa na kava higekaeʼmo lageka alagepa osuʼnane. Lagaemo alita afepiʼmo lateʼnonaʼmonanafa na kava higekaeʼmo lageʼnekaeʼmo laha oʼmaeʼnane, huʼa huʼnageno Ala kava neʼmoʼa ina ge huno hapa paiʼniye. Afiyo, huno, lapakaemo neʼyaʼmo oʼneta mosiʼnaya afinaʼmo lapauʼniya kavaʼmo huge aliʼyatapimo neʼaliya vayaʼaina kana yaʼmo apamige huʼnae.

Malakai 3:5

Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, nagaemo emineʼna lapaopaleʼmo maiʼneʼna aliʼna fako huʼna lapategauve. Nagaemo hosu apaune vayaʼaifenagi kumai kavaʼmo nehaya vayaʼaifenagi, agoti huʼa apateʼapaeʼmo aigofe gemo nehaya vayaʼaifenagi aliʼyaʼmo afoʼamogimo aliʼyaʼapimo neʼaliya vayaʼmogi monimo lagauʼa neʼaliya vayaʼaifenagi kogu aʼne anagaʼmo humi apateteʼa moniʼapimo kumayaʼmo neʼaliya vayaʼaifenagi megusa mafaʼne anagaʼaitegamo hosu kavaʼmo nehaya vayaʼaifenagi alu kotegatiʼmo eʼnaya vayaʼmo aliʼa falu fala huʼa noʼapataya vayaʼaifenagi huʼna muki nehaya kavaʼapieʼmo agotileʼmo faigoko gemo huguve. Nagaefeʼmo koli huteʼa naiyafi oʼmaiʼnayaʼmofeʼmae, huno hapa paiʼniye.

Matiyu 20:4

lapakaeʼeʼmo nofi hoyaʼnifiʼmo uta magokepi aliʼyaʼmo aligeʼnao, kanale miyaʼmo lapamiguve, huno hapa paiʼnigeʼa uʼnae.

Luki 19:15

Ha paiʼnayaʼmonanafa Ala kini vekamoʼmo geʼapimo oʼafino alaʼapimo yagaino apatesiya vekae, huno huteno lekana paino ateʼnigeno aino atagi neno eno hogoteno apamiteno uʼniya moniletiʼmo akamelegaʼamo na magi monimo afole aiʼnifi huno agesiyafeʼmo muki vayaʼaifeʼmo ge huʼniye.

Yemisi 2:13

Gotiʼa agoti huno apatesiya afinaʼmo mago vayaʼaifeʼmo hapau huʼa noʼapatesaya vayaʼaifeʼmo hau huno oʼapategaiyaʼmonanafa hapau huʼa neʼapataya vayaʼaifeʼmo Gotiʼa hau huno apatesiya kavatetiʼmo agoti huʼa aeʼa agasegae.

Yemisi 5:4

Aliʼyatapimo neʼaliya vayaʼmogi hoyatapifiʼmo aliʼyaʼmo neʼaliya vayaʼaifeʼmo humi apatetetapa hosu miyaʼmo neʼapamiye. Oʼapamiʼnaya monimoʼa hosu kavatapieʼmo keya aeno ge hugekana huno haneʼniye. Aliʼyatapimo neʼaliya vayaʼmogi keya aeʼa ge nehagenoʼaeʼmo Ala kava neʼmoʼa muki kokuʼnapi neʼmaiya vayaʼaiteʼmo yagaino neʼapateya vekamoʼa ani keya aeʼa ge nehaya gemo neʼafiye.

Leveleseni 17:14

Apakaemo aikeli sipisipiʼeʼmo kamemo hisayana sipisipimoʼmo ago huno aeno apakasegaiye. Agaemo ala kava vayaʼai ala kava vekaʼapimo maiʼneno kini vayaʼaiteʼmo yagaino neʼapateya kini vekamo maiʼniyaʼmofeʼmo huno aeno apakasegaiye. Lekana paino apateʼneno keya aeno ge huʼniyanageʼa oʼataleʼa akame nehaya vayaʼmogimo agaeʼeʼmo magokepi lokaeʼa maigae, huno huʼniye.

Leveleseni 19:16

Kukena yaʼalenagi alutenagi huno agiʼamo avoʼmo kae maleʼniye. Kini vayaʼaiteʼmo yagaino neʼapateya kini vekamo maiʼneno ala kava vayaʼaite ala kava vekaʼapimae.