Kolosi 3:24 - The Keyagana NT and 25 OT books

²⁴ Ala kava neʼmo Kalaisi aliʼyaʼamo neʼaliyaʼmofeʼmo ago afiʼnayana Ala kava neʼmoʼa alo hu maleʼniya yapatiʼmo miyatapimo lapamigiye.

Kolosi 3:24 ပူးပေါင်းရင်းမြစ်များ

Aepa Gemae 15:1

Henagaʼamo Emalemiʼa alagamuna agegekana huno ageʼniyana Ala kava neʼmoʼa ha painoʼaeʼmo, Emalemiyo, huno, koli osuvo. Nagaemo halegukamo maiʼneʼna hetamakamo maiʼnove, huno ha paiʼniye.

Mai'naya kavane 11:18

Hosu vekamoʼmo aliʼyaʼaletiʼmo miyaʼamo hano hisiya miyaʼmo aligiyaʼmonanafa avina yaʼmo nehakalaya kava huno fatago kavaʼmo huʼniya vekamoʼmo henagaʼamo alagi alagepa miyaʼmo aligiye.

Matiyu 10:41

Gotitegati gemo alinineno aeno hakalo huno hapa nepaiya vekamo neʼegenoʼaeʼmo mago vekamo Gotitegati gemo alinineno aeno hakalo huno hapa nepaiya vekamo maiʼniyaʼmofeʼmo alino falu fala huno neʼatesiyana Gotitegati gemo alini eʼa aeʼa hakalo huʼa hapa nepaiya vayaʼmogi alisaya agufa miyaʼamo apakaeʼeʼmo magokepiʼmo aligiye. Goti aulagaleʼmo fatago vekamo neʼegenoʼaeʼmo mago vekamo Goti aulagaleʼmo fatago vekamo maiʼniyaʼmofeʼmo alino falu fala huno neʼatesiyana fatago vayaʼmogi alisaya agufa miyaʼamo apakaeʼeʼmo magokepiʼmo aligiye.

Matiyu 5:12

Alopa miyatapimo kokuʼnapiʼmo lapateʼniya miyatapimo aligayaʼmofeʼmo lapaipafiʼmo alagepa huta lapamogaga aiyo. Apakaemo hogoteʼa ani agufa kavaʼmo huʼa maiʼnaya vayaʼmogimo Gotitegati gemo alini eʼa aeʼa hakalo huʼa hapa nepaiya vayaʼaifeʼmo apaini huʼa apateʼnayaʼmofeʼmo lapamogaga aiyo.

Matiyu 5:46

Apakaemo lapakaefeʼmo hapau apayamopafiʼmo nehapausiya vayaʼaifekeʼmo lapau lapayamopafiʼmo nelapausiyana na agufa miyatapimo aligae. Takesi moni neʼaliya vayaʼmogimo ani agufa kavaʼmo nehae.

Matiyu 6:16

Aeʼa ati nekaya vayaʼmogimo neʼyaʼmo oʼneʼa mosiʼa maiʼneʼapaeʼmo neʼyaʼmo mo nesiya kavaʼapimo aliʼa apave lisayafeʼmo hosu apaugosamo nekaliye. Lama ge lapa nepauve, huʼna, miyaʼapimo ago aliʼnae. Neʼyaʼmo mosita maiʼnetapaeʼmo hosu lapaugosamo okaliyo.

Matiyu 6:5

Aeʼa ati nekaya vayaʼmogimo muki vayaʼmogi apakesayafeʼmo muki mono nopiʼmo he tiʼa maiʼneʼa nunumuʼmo huge u eʼa nehayategaʼeʼmo he tiʼa maiʼneʼa nunumuʼmo huge nehae. Ani kava hutapa nunumuʼmo osiyo. Lama ge huʼnaeʼmo, miyaʼapimo ago aliʼnae.

Luki 14:14

Anonakalefeʼmo afaʼa okamigayaʼmofeʼmo Gotiʼa alino auleno kategaiye. Gotiʼa fatago vayaʼmo kanolufatiʼmo he tisaya afinaʼmo anonakalefeʼmo kamigiyaʼmofeʼmae, huno hapa paiʼniye.

Luki 6:35

Lapakaemo kame vayatapieʼmo lapau lapayamopafiʼmo lahapauʼnisigetapa alagepa kavaʼmo huteta anonatapileʼmo halate alisayafeʼmo lapakesamo oʼafita fikumo apamiyo alopa yatapimo aligae. Ala kava neʼmo anaga hogote vekamoʼmo muki yaʼamo neʼapamigeʼa aliteʼapaeʼmo kahao ke hove, huʼa osuʼa fiku neʼaliya vayaʼe hapaku ataleʼneʼa neʼaliya vayaʼeʼmo alagepa kavaʼmo huno yagaino neʼapateyaʼmofeʼmo ani agufa kavaʼmo hisayaʼmoʼmo mafaʼneʼamo maigae.

Yoni 12:26

Aliʼyaʼnimo alisayafeʼmo hisaya vayaʼmogi nagae nakamekeʼmo hiyo. Ani kavaʼmo huʼa aliʼyaʼnimo neʼalisaya vayaʼmogi nagae nakamekeʼmo huteʼa uʼna maisuva koteʼmo uʼa maigae. Inagi Afoʼnimoʼmo aliʼyaʼnimo neʼalisaya vayaʼai apakiʼapileʼmo alino asaga huno apategaiye, huno hapa paiʼniye.

Apa 20:32

Konagaʼnimogitapae, huʼna, hemenimo nagaemo Gotiʼa yagaino lapatesiyafeʼmo ayapiʼmo lapateʼnove. Gotiʼa fiku hapa maeno neʼapamiya geʼaletiʼmo afaʼa alino lokiya vaino lapateteno hetamatapimo lapamiteno apaote vayaʼaʼeʼmo magokepi alino lokaeno lapategaiye.

Lomu 1:1

Nagaemo Poloʼnamo Yesu Kalaisi aliʼyaʼamo neʼaluve. Agaemo apa vekaʼamo maiʼneʼna Goti alagepa faigoko geʼamo aeʼna hakalo huʼna hapa paisuvafeʼmo ago lekana paino natetenoʼaeʼmo nagaefeʼmo keya aeno ge huʼniye.

Lomu 14:18

Vayaʼmogimo ani kavaʼmo nehuʼa Kalaisi aliʼyaʼamo neʼalisayana Gotiʼa amuse huno neʼapategeʼa muki vayaʼmogiʼeʼmo amuse huʼa neʼapatae.

1 Kolitiyani 11:23

Ala kava neʼmoʼa naha paiʼnigeʼna lapa paiʼnaeʼmo, Ala kava neʼmo kutulu yaʼmo aliʼniya vekamo Yutasiʼa avaleno apamiʼniya haniʼilagamo peleti mayamo aliʼniye.

1 Kolitiyani 3:8

Avina yaʼmo nehakalaya vayaʼe aniʼmo nelakiya vayaʼmogiʼeʼmo magoke agufa aliʼyaʼmo neʼaliyanageʼa haiya agufa kavaʼmo huʼa aliʼyaʼapimo neʼalisafigeʼa ani kava huʼa miyaʼapimo apamete apamete huʼa aligae.

1 Kolitiyani 7:22

Ala kava neʼmo kalavusifiʼmo maiʼneʼa aliʼyaʼmo neʼaliya vayaʼaifeʼmo keya aeno ge huteno apakupi mafaʼnemo hatu maeno apateʼnigeʼa Ala kava neʼmo afa vayaʼamo maiʼnae. Kalaisiʼa afaʼa maiʼnaya vayaʼaifeʼmo keya aeno ge huteno nofi aeno apateʼnigeʼa nofiteʼmo maiʼneʼa aliʼyaʼamo neʼaliya vayaʼmo maiʼnae.

Galesiya 1:10

Nagaemo vayaʼmogi amuse huʼa natesayafeʼmo nahaʼye nehigeʼna kahauya nehufiye. Haʼao, Gotikeʼmo amuse huno natesiyafeʼmo nahaʼye nehigeʼna kahauya nehuve. Hogoteʼna vayaʼaifeʼmo nagesamo afiʼnovaʼmonanafa hemenimo amuse huʼa natesayafeʼmo nahaʼye nehisigeʼna kahauya nehuvesinana Kalaisi aliʼyaʼamo oʼaliʼnovesine.

Efasasi 6:6

Aliʼyaʼmo afoʼamogi apaulagaleʼmo maiʼnetapaeʼmo amuse huʼa lapatesayafeʼmo geʼapimo oʼafitapa Kalaisi aliʼyaʼamo neʼaliya vayaʼmo maiʼnayaʼmofeʼmo Gotiʼa hauʼniya agufa kavaʼmo hutapa lapaipafatiʼmo geʼapimo afiyo.

Efasasi 6:8

Lapakaemo ago afiʼnayana kalavusi aliʼyaʼmo neʼaliya vayaʼmogimofi afa vayaʼmogimofi huʼa alagepa kavaʼmo hisagenoʼaeʼmo Ala kava neʼmoʼa alagepa miyaʼapimo apamigiyaʼmofeʼmae.

Kolosi 2:18

Mago vayaʼmogimo amega apakufaletiʼmo apakaiʼapi apakiʼapileʼmo aliʼa afepi neʼapataya kavafeʼmo amuse huteʼa enisole vayaʼaifeʼmo mono nehae. Apakaemo kavatapimo aliʼa fako huʼa lapateteʼapaeʼmo, hosu kavaʼmo nehae, huʼa hisaya gemo oʼafiyo. Oʼageʼnaya kavaʼmo agesayafeʼmo apakaiʼapimo fikumo himuʼnamu kavaʼmo nehae. Atafa apaipafatiʼmo, ala vayaʼmo maiʼnone, huʼa fikumo apakesamo neʼafiye.

Himulu 10:35

Ani kavaʼmo hutapa maiʼnayaʼmofeʼmo oʼataletapa atafauta alagi hutapa maiyo, alopa miyatapimo aligae.

Himulu 11:6

Amuse huno ateʼniyaʼmonanafa apakesamo afiʼa fatago nosaya vayaʼaifeʼmo Gotiʼa amuse huno apatesiyafeʼmo magoke alagepa kavaʼmo alagi afaʼa osugae. Na kava hinageʼapaene. Gotitegamo neʼvaya vayaʼmogimo huʼapaeʼmo, Gotiʼa maiʼniye, huteʼa agaefeʼmo apayamukiki huʼa kahauya huʼa agesayafeʼmo nehaya vayaʼaina alagepa yaʼmo neʼapamiye, huʼa apakesamo afiʼa fatago nehae.

Himulu 9:15

Ani kavaʼmo huʼniyaʼmofeʼmo saufa kotalakemo folagapi vekamo maiʼniye. Agaemo Gotiʼa keya aeno ge huʼniya vayaʼaifeʼmo polomasi gemo hunoʼaeʼmo, lapamiguve, huno huʼniya alagepa yaʼmo hanege hanege huno hanesiya yaʼmo mafaʼneʼapimogi muki afoʼapimogi yaʼmo neʼaliya kava huʼa alisayafeʼmo atafa kotalakemo amagiʼa ataleʼnaya vayaʼai hosu kavaʼapifatiʼmo miya faino hatu maeno apatesiyafeʼmo faliʼniye.

1 Pita 1:4

Afoʼapimogi yaʼmo mafaʼneʼapimogi neʼaliya kava huta Gotiʼa agaiʼa yaʼmo alisunafeʼmo kokuʼnapi yateʼmo yagaino nelate. Ani yaʼmo alagi okasalige hosuge atafa osege nehiyanageno alagepa huno hanege hanege huno afaʼa hanegaiye.

2 Pita 1:1

Nagaemo Saimoni Pitaʼnamo Yesu Kalaisi aliʼyaʼamo neʼaluva vekamo maiʼneʼna apa vekaʼamo maiʼnove. Gotiʼa lagufamo alino katino nelateya Gotitimoʼa Yesu Kalaisi fatago kavaʼaletiʼmo fikumo lapamaeno lapamiʼnigetapa lapakesamo afita fatago huʼnaya vayaʼamogitapaeʼmo mani gemo avoʼmo nekaove. Lapakesamo afita fatago nehaya kavatapimo alopa monileʼyaʼmo aeno agaseʼniya kavaʼe lagesamo afita fatago nehuna kavatiʼeʼmo magoke aiyaya kavaʼmo haneʼniye.

Yuti 1:1

Nagaemo Yutiʼnamo Yesu Kalaisi aliʼyaʼamo neʼaluva vekamo Yemisi aganaʼamoʼnamo maiʼnove. Afotimo Gotiʼa keya aeno ge huno lapavaleno alino lapaote lapateʼnenoʼaeʼmo Yesu Kalaisipiʼmo afaʼa maisayafeʼmo yagaino nelapateya vayaʼmogitapaeʼmo mani gemo avoʼmo nekaove.

Luti 2:12

Ala kava neʼmoʼa kaha maeno kamisigeka maiyo. Kagaemo eka Ala kava neʼmo Isaleli vayaʼai Gotiʼapimo hakufiʼmo fala kiʼnananageno alagepa huno yagaino kategaiye, huno ha paiʼniye.