Kolosi 3:17 - The Keyagana NT and 25 OT books

¹⁷ Muki agufa kavaʼmo huge muki agufa gemo huge nehisayana Ala kava neʼmo Yesu agiʼalefeʼmo hutetapa agaetetiʼmo afotimo Gotifeʼmo hao ke heta maiyo.

Kolosi 3:17 ပူးပေါင်းရင်းမြစ်များ

1 Kini 18:32

Inagi Ilaiyaʼmo ani yafaʼmo alino Ala kava neʼmo agiʼalefeʼmo ofalinimo amisiya hiʼyalamuʼmo huʼniye. Yafa hiʼyalamuteʼmo ani kaʼmo vailino vego huno ateʼniye. Ani ani kaʼmoʼmo fotini lita aniʼmo atafauno hanesiyafeʼmae.

Mai'naya kavane 3:6

Muki kavaʼamo nehukaeʼmo Ala kava nefeʼmo kagesa alaʼamo afigenoʼao muki kaʼmo alino ho huno kategaiye.

Maika 4:5

Muki vayaʼmo apaote apaote huʼa gotiʼapimogi apakiʼapilefeʼmo umenitata nehayaʼmonanafa lagaemo Ala kava neʼmo Gotitimo agiʼalefekeʼmo muki afinaʼmo umenitata huge huge huta maigune, huta nehune.

Matiyu 28:19

Namiʼniyaʼmofeʼmo uta muki alu nofi alu nofi vayaʼmo alita apaya malegeʼapao geʼnimo afisaya vayaʼmo hamaleyo. Hamalesagetapaeʼmo Afoʼnimo agiʼaletinagi mafaʼneʼamoʼna nagiʼniletinagi aote Aunemeʼamo agiʼaletinagi hutapa aniʼmo faleta apateyo.

Apa 19:17

Muki vayaʼmo Efasasi taonifiʼmo maiʼnaya Yu vayanagi alu nofi vayanagi huʼa ani kavafeʼmo ava gemo afiteʼapaeʼmo lusi kava huʼa koli huteʼa Ala kava neʼmo Yesu agiʼaleʼmo aliʼa asaga huʼa ateʼnae.

Apa 4:30

Himamukamo alika apave liteka kaita hapauʼniya vayaʼmo alika hapageka apato. Alagepa kavaʼageʼmo huʼniya vekamo aliʼyakamo neʼaliya vekamo Yesu agiʼaletiʼmo noʼagaya agufa lokiya aune kavaʼmo hisunafeʼmo alagepa huka laha mao, huʼa nunumuʼmo huʼnae.

Lomu 1:8

Muki ma mopafi vayaʼmogimo lapakesamo afita fatago nehaya kavafeʼmo lapava gemo nehayaʼmofeʼmo hogoteʼna ani kavatefeʼmo Gotifeʼmo Yesu Kalaisitetiʼmo hao ke nehove.

1 Kolitiyani 10:31

Inagi lapakaemo muki kavaʼmo hisaya afinaʼmo neʼyaʼmo nege aniʼmo nege nehutapaeʼmo Goti agiʼalekeʼmo alita asaga hisayafekeʼmo muki kavaʼmo hiyo.

Efasasi 1:17

Nagaemo Ala kava netimo Yesu Kalaisi Gotiʼamo ha le konali yaʼaʼe vekaeʼmo nunumuʼmo huʼnaeʼmo, Kaunekameʼmo apamigeʼapao alagepa apaipa apakesamo aliʼneʼa kageʼa alagepa huteʼa apakesamo afiʼa fatago hiyo.

Efasasi 5:20

Muki afinaʼmo muki yaʼe kavateʼefeʼmo Afotimo Gotifeʼmo Ala kava netimo Yesu Kalaisi agiʼaletiʼmo hao ke hetapa maiyo.

Filipai 2:11

Yesu Kalaisiʼa Ala kava neʼmo maiʼniye, huʼa huteʼa afotimo Goti agiʼaleʼmo aliʼa asaga hugae.

Kolosi 1:12

Agaemo yagaino neʼapateya ha le koteʼmo uʼa haiʼa neʼmaiya vayaʼeʼmo hetama maleno lateʼniya yatimo afaʼa alisunafeʼmo alo huno lateʼniye.

Kolosi 2:7

Maiʼnetapaeʼmo yosamoʼmo hafuʼyamo neʼaeya kava hutapa agaeteʼmo atafauta alagi hutapa maiyo. Yafateʼmo noʼmo faiʼa neʼataya kava hutapa Kalaisiʼmo atafauta alagi huʼnetapaeʼmo alita lapaya maleʼnona geleʼmo lokiya vaitapa maiʼnetapaeʼmo magoʼe magoʼe hutapa lusi kava huta hao ke hetapa maiyo.

Kolosi 3:15

Gotiʼa lapaipamo alino falu huno lapateʼniya kavaʼmoʼa lapaipaleʼmo yagaino lapateno. Gotiʼa magoke vayaʼmo maisageno lapaipamoʼmo falu hisiyafeʼmo keya aeno ge huʼniye. Ani kavaʼmo hutapa maiʼnetapaeʼmo Gotifeʼmo hao ke heyo.

Kolosi 3:23

Muki alu aliʼya alu aliʼyaʼmo neʼalitapaeʼmo vayaʼaitefeʼmo aliʼyaʼmo noʼalufa Ala kava netefeʼmo mani aliʼyaʼmo neʼaluve, huteta lapayamukiki hutapa aliʼyaʼmo aliyo.

1 Tesaloniyani 1:1

Poloʼnamogi Silivenisiʼagi Timotiʼagi huta Tesaloniyani siosi vayaʼmogitapamo afotimo Gotipiʼe Ala kava netimo Yesu Kalaisipiʼeʼmo maiʼnaya vayaʼmogitapaeʼmo mani gemo avoʼmo nekaone. Afotimo Gotiʼe Ala kava netimo Yesu Kalaisiʼeʼmo fikumo lapa maeʼana lapamisaʼageno lapaipamoʼmo falu hino.

1 Tesaloniyani 5:18

Muki agufa kavatefeʼmo Gotifekeʼmo hao ke heyo. Kalaisi Yesupiʼmo maiʼnetapaeʼmo ani kavaʼmo hisayafeʼmo Gotiʼa hauʼniye.

Himulu 1:5

Gotiʼa agaefeʼmo, Mafaʼneʼnimo maiʼnane. Hemenimo ago aliʼna kateʼnove, huno huteno magoʼe gemo hunoʼaeʼmo, Afoʼamoʼnamo maiʼnovanageʼna agaeteʼmo ani kavaʼmo hisugeno Mafaʼneʼnimo maiʼniyanageno nagaeteʼmo ani kavaʼmo hugiye, huno ha paiʼniyaʼmonanafa mago enisole vayaʼaifeʼmo ani agufa gemo huno hapa opaiʼniye.

Himulu 13:15

Inagi lagaemo agaetetiʼmo muki afinaʼmo Gotiʼmo ofalinimo amitetaeʼmo agiʼaleʼmo alita asaga huta atetetaeʼmo hao ke hegetao. Lavayafatikeʼmo ani ofalinimo amigetao.

1 Pita 2:5

Lapakaeʼeʼmo afaʼa maisaya yafakana huta maiʼnagenoʼaeʼmo Gotiʼa lapakaetetiʼmo Goti Aunemeʼamo maisiya noʼmo kime kime neʼe. Lapaote vayaʼmo maiʼnetapa lapaipafatiʼmo Gotiʼa amuse huno lapatesiya ofalinimo Yesu Kalaisitetiʼmo Gotiʼa amisayafeʼmo mono hutapa neʼapataya vayaʼmo maiʼnae.

1 Pita 2:9

Huno hu maleʼniyaʼmonanafa ago lekana paino lapateʼniya vayaʼmo maiʼnae. Lapakaemo lapaote nofi vayaʼamo maiʼnae. Mono hutapa neʼapataya kini vayaʼamo maiʼnae. Lapakaemo Goti agaiʼa vayaʼamo maiʼnae. Gotiʼa keya aeno ge huʼnigetapaeʼmo hani huʼniya kavategatiʼmo eta agetetapa lapau aiʼnaya ha le kavaʼalegamo maiʼnae. Agaemo lapakaefeʼmo keya aeno ge huʼniya vekamoʼmo alagepa kavaʼmo huʼniya kavaʼaeʼmo ava gemo aeta hakalo hutapa hapa paisageno ala agiʼamo alisiyafeʼmo lekana paino lapateʼniye.

1 Pita 4:11

Goti geʼamo aeʼa hakalo huʼa hapa nepaiya vayaʼmogi Goti avayafati gemo aliʼnayaʼmofeʼmo lokiya vaiʼa aeʼa hakalo huʼa hapa paigae. Hapa neʼmaeya vayaʼmogi Gotiʼa neʼapamiya lokiyaʼaletiʼmo hapa maegeʼapao vayaʼmogimo Yesu Kalaisitetiʼmo Goti agiʼaleʼmo aliʼa asaga huʼa ategae. Gotiʼa ala agiʼamo hanege yagaino neʼapateya lokiyaʼamo hanege huno muki afinaʼmo alagi hanege hanege huno haneno. He, lama ge.

1 Yoni 2:23

Muki vayaʼamogi, Yesuʼa Kalaisi vekamo oʼmaiʼniye, huʼa aeʼa hakalo huʼa hapa nepaiya vayaʼai apaipafiʼmo muki yaʼmo Afoʼamoʼmo avaleʼa oʼateʼnae. Muki vayaʼamogimo, Yesuʼa Kalaisi vekamo maiʼniye, huʼa aeʼa hakalo huʼa hapa nepaiya vayaʼai apaipafiʼmo muki yaʼmo Afoʼamoʼe Mafaʼneʼaʼeʼmo anavaleʼa anateʼnageʼana neʼmaiʼae.

1 Yoni 3:18

Aise mafaʼneʼnimogitapae, huʼna, lavayaʼaletikeʼmo geʼageʼmo hutaeʼmo, lahau layamopafiʼmo nelahaiye, huta osuta alagi lama ge huno lahau layamopafiʼmo lahauʼninageta alagepa kavaʼmo higetao.