Kolosi 3:16 - The Keyagana NT and 25 OT books

¹⁶ Lapaipamo alo higenoʼao Kalaisifeʼmo ava gemo lapaipafiʼmo magoʼe huno hanege hanege huno alagi haneno. Alagepa huta lapakesamo afiʼnetapa konagatapimo afalu afalu kavaʼmo hutapa alita apaya maletapaeʼmo hosu kavaʼmo osisayafeʼmo ehetapiye, huta hapa paiyo. Lapaipafiʼmo Gotifeʼmo hao ke nehetapaeʼmo samu yokemo huge mono yokemo huge Ala kava neʼmo agiʼaleʼmo aliʼa neʼasagaya yokemo huge hutapa maiyo.

Kolosi 3:16 ပူးပေါင်းရင်းမြစ်များ

Samu 119:11

Kagaetegamo hosu kavaʼmo osisuvafeʼmo gekamo naipafiʼmo aliʼna fala ki maleʼnove.

Samu 119:54

Nata neʼna eʼna maiʼnova nopiʼmo avoʼmo kae maleʼnaya keʼaepa gekamo yokemo huʼnove.

Samu 138:1

Nagaemo muki naipafatiʼmo kagikaleʼmo aliʼna asaga huguve. Nagaemo aigofe gotigi apaulagaleʼmo kagikaleʼmo aliʼna asaga hisuva yokemo huguve.

Samu 28:7

Ala kava neʼmoʼa lokiyaʼnimo maiʼnenoʼaeʼmo halegukana huno aino nati kaeʼnigeʼna alagepa huʼna maiʼnove. Naipamoʼmo agaefeʼmo alino amufa amiʼnigeno naha maeʼniye. Naha maeʼniyaʼmofeʼmo naipafiʼmo namogaga neʼauvanageʼna yokemo huʼnaeʼmo ala agiʼamo amiguve.

Samu 32:7

Kagaepiʼmo eʼna fala kiʼnisugekaeʼmo hanageke yaʼmo oʼalisuvafeʼmo yagaika nategane. Kagaemo nagufamo alika katika natesana yokemo nehisugekaeʼmo faika vego huka yagaika nategane.

Mai'naya kavane 14:8

Afiteno ageʼniya vekamoʼmo afiteno ageʼniya kavaʼmo haneʼniyana visiya kaʼmo afiteno ageʼniyaʼmonanafa negi vayaʼmogimo negi kavaʼmo haneʼniyana aigofe kavaʼmo haneʼniye.

Mai'naya kavane 18:1

Alu vayaʼmo apataleno uno aoteʼmo neʼmaiya vekamoʼmo agaiʼa kavafekeʼmo agesamo neʼafiye. Alu vayaʼmogi huʼnaya geeʼmo agesamo noʼafiye.

Salomoni Yokemae 1:1

Mani yokemo Salomoniʼa avoʼmo kae maleʼniya yokemoʼmo muki yokeʼamo ago aeno agaseʼniye.

Aiyeya 26:1

Alopa alagepa afinaʼmo afole aisigeʼapaeʼmo Yuta mopaleʼmo maiʼnaya vayaʼmogimo mani yokemo hugae. Hugayana lagae taonimo lokiya taonimae. Gotiʼa alagepa huno laha maesigeno Gotikeʼmo lagae lokiya yafa kegiʼyatimo maigiye.

Aiyeya 5:1

Hemenimo nateʼnegeʼnao lusi kava huno nahau nayamopafiʼmo nahauʼniya vekaeʼmo yokemo huguve. Lusi kava huno nahau nayamopafiʼmo nahauʼniya vekamo nofi hoyaʼaeʼmo yokemo huguve. Nahau nayamopafiʼmo nahauʼniya vekamoʼmo aise aveleʼmo alagepa lanitani mopafiʼmo nofi hoyamo vai maleʼniye.

Matiyu 26:30

Apakaemo mono yokemo huʼa hano huteʼa kumategamo uʼa lamiʼa Alifiʼaepa avefiʼmo uʼa haiʼnae.

Luki 2:51

Inagi anakaeʼeʼmo magokepi lokaeʼa uʼa lamiʼa Nasalasa taonifiʼmo maiʼneʼapaeʼmo Yesuʼa muki afinaʼmo itaʼafoʼalaʼmogani geʼanimo akame huno maiʼniye. Itaʼamoʼmo muki ani kavaʼmo huʼniya kavafeʼmo agesamo afiteno aipafiʼmo alino maleʼniye.

Yoni 15:7

Lapakaemo nagaepiʼmo aeta hanitapa maiʼnisageno geʼnimo lapaipafiʼmo haneʼninagetapa lapauʼnisiya yafeʼmo Gotifeʼmo ge hutapa afi gesagenoʼaeʼmo afaʼa lapamigiye.

Lomu 10:17

Huno ha paiʼniyaʼmonanafa mago vayaʼmogi Goti geʼamo aeʼa hakalo huʼa hapa nepaigeʼapaeʼmo neʼafiye. Neʼafigenoʼaekeʼmo apakesamo afiʼa fatago nehaya kavaʼmo afole neʼaiye.

Lomu 15:14

Konagaʼnimogitapae, huʼna, alagepa kavaʼe afiʼnaya geʼeʼmo lapaipa lapakesafiʼmo havai teʼniyanagetapa afaʼa alita apaya malegae, huʼna lole nagesamo oʼafiʼnofa magoke nagesamo neʼafuve.

1 Kolitiyani 14:15

Oʼaegaiyaʼmofeʼmo na agufa kavaʼmo huguve. Nauneʼnamepatiʼe nagesafatiʼeʼmo nunumuʼmo huguve. Nauneʼnamepatiʼe naipa nagesafatiʼeʼmo yokemo huguve.

1 Kolitiyani 14:26

Konagaʼnimogitapae, huʼna, mani gemo nehuvaʼmofeʼmo na kava hisaya kavaʼmo haneʼniye. Afiyo, lapakaemo alita anupa huta maiʼnetapaeʼmo mukiʼamogitapamo lapamete lapamete hutapa ge nehae. Mago vekamoʼmo yokemo lekana paino huge mago vekamoʼmo alino lapaya malege mago vekamoʼmo Gotiʼa alino ave liʼniya gemo lapa paige mago vekamoʼmo alu age aige mago vekamoʼmo alu agemo alino afe leno lapa paige hutapa neʼmaiye. Lapakaemo ika ika kavaʼmo osutapa siosi vayaʼmo alita lokiya vaitapa apatesayafeʼmo muki kavaʼmo alita alagepa hutapa hiyo.

Efasasi 1:17

Nagaemo Ala kava netimo Yesu Kalaisi Gotiʼamo ha le konali yaʼaʼe vekaeʼmo nunumuʼmo huʼnaeʼmo, Kaunekameʼmo apamigeʼapao alagepa apaipa apakesamo aliʼneʼa kageʼa alagepa huteʼa apakesamo afiʼa fatago hiyo.

Efasasi 5:17

Inagi negi nagi vayaʼmo oʼmaitapa Ala kava neʼmo hauʼniya kavafeʼmo kahauya hutapa ageyo.

Efasasi 5:19

Maiʼnetapaeʼmo konagatapimogifeʼmo Samu gemo huge mono yokemo huge lapaunelapametetiʼmo yokemo huge huta hapa paiyo. Lapaipafiʼmo mono yokemo huge Ala kava nefeʼmo Samu yokemo huge hutapa maiyo.

Efasasi 5:26

Agaemo siosi vayaʼamo alino apaote apateʼneno Goti geʼaletiʼmo aniʼmo falegekana huno faleno apatesiyafeʼmo siosi vayaʼalefeʼmo falino apateʼniye.

Kolosi 1:28

Lagaemo muki vayaʼamo apavalelita uta apatesunageʼa Goti aulagaleʼmo Kalaisipiʼmo maiʼneʼa uʼa haiʼa hapaisayafeʼmo muki vayaʼaifeʼmo Kalaisife ava gemo aeta hakalo huta hapa nepaune. Lagaemo alagepa huta lagesamo afiʼnetaeʼmo muki vayaʼaifeʼmo hutaeʼmo, ehetapiye, huta huge muki vayaʼaina alita apaya malege huta neʼmaune.

Kolosi 1:9

Ani kavaʼmo hutapa maiʼnayaʼmofeʼmo afiʼnona afinatetiʼmo oʼataleta nunumuʼmo huta lapateme lapateme eta maiʼnone. Lagaemo, Apakaemo kahauʼnisiya kavaʼmo hisayafeʼmo kaunekameʼmoʼa alino apaya malenageʼa alagepa huʼa apakesamo afiteʼa ageʼa aeto nehaya kavaʼmo apaipafiʼmo havai teno, huta nunumuʼmo nehune.

Kolosi 4:6

Haga gemo nehane, huʼa hisayafeʼmo ge hugefeʼmo alagepa geʼageʼmo hiyo. Geʼapileʼmo aeta atagaina hutapa hapa paisayafeʼmo alagepa huta lapakesamo afitetapa hapa paiyo.

1 Tesaloniyani 1:8

Ala kava neʼmo geʼamo lapakaetetiʼmo Masetoniya kotegaʼe Akaiya kotegaʼeʼmo aino atagu faeno uneno osuʼnifa muki kotegaʼeʼmo aino atagu faino uneno huʼnigeʼapaeʼmo lapakesamo afitapa fatago huʼnaya kavafeʼmo lapava gemo afiʼnayaʼmofeʼmo magoʼe huta hapa paisuna gemo ohaneʼniye.

1 Tesaloniyani 4:18

Maigunaʼmofeʼmo mani geletiʼmo konagatapimogi apaipamo alita falu hutapa apateyo.

2 Tesaloniyani 3:15

Lapakaemo maita halove hutapa ategayaʼmonanafa kametimo maiʼniye, hutapa osuta konagatimoʼmo maiʼniye, hutetapa agaefeʼmo ehekae, hutapa ha paiyo.

1 Timoti 6:17

Ma mopafi kagemi yaʼapimo haneʼniya vayaʼaifeʼmo hukaeʼmo, lapakufamo avalelita ohaitapa hano hisiya moniʼeʼmo alita amufa oʼamitapa muki yaʼamo lamogaga aisunafeʼmo nelamiya vekamo afaʼa maiʼniya Gotifeʼmo alitapa amufa amiyo, huka hapa paiyo.

2 Timoti 3:15

Kagaemo aise mafaʼnemo maiʼnana afinatetiʼmo Goti aote mukufiʼmo avoʼmo kae maleʼnaya gemo afime afime eka hemenimo maiʼnane. Gotiʼa ani geletiʼmo afiteka agesana kaipamo afaʼa kamiteka Kalaisi Yesufeʼmo kagesamo afika fatago nehana kavatetiʼmo kagufamo alino katino kateteno kahau vaigiye.

Taitasi 3:6

Lagufamo alino katino nelateya vekatimo Yesu Kalaisitetiʼmo lagaeteʼmo Aunemeʼamo aniʼmo lakigekana huno lamiʼniye.

Yemisi 1:5

Lapakaepatiʼmo mago vekamoʼmo ageteno afiʼniya kavaʼamo magoʼe huno oʼaliʼnisiyaʼmoʼmo Gotifeʼmo ge huno afi gesigeno Gotiʼa ge ohaugiyanageno muki vayaʼaina magoʼe huno apamigiye.

Yemisi 3:17

Hugayaʼmonanafa siosi vayaʼmogi alagepa huʼa ageteʼa afiʼnaya kavaʼmo kokuʼnapatiʼmo aliʼnisayana hogoteʼa yaveyave apaipamo aliteʼa alagepa huʼa magokepi lokaeʼa maige yagu yaga kavaʼmo huge vayaʼai geʼapimo afiteʼa hapau huʼa apatege alu alagepa kava alu alagepa kavaʼmo huge nehae. Apakaemo muki vayaʼaitegamo magoke aiyaya kavaʼmo huteʼa aeʼa ati okaeʼa afole yateʼmo neʼmaiye.

Yemisi 5:13

Lapakaepatiʼmo mago vekamoʼmo kana yaʼmo neʼalisiyana nunumuʼmo hino. Lapakaepatiʼmo mago vekamoʼmo amogaga neʼaisiyana Samu mono yokemo hino.

1 Yoni 2:14

Vayatama vayaʼmogitapae, huʼna, lapakaemo akeyaʼvilagamo aepa faiʼniya afinatetiʼmo maiʼniya vekamo ago ageʼnayaʼmofeʼmo lapakaefeʼmo mani gemo avoʼmo kaeʼnove. Neya vayaʼmogitapae, huʼna, Lokiya vaitapa maiʼnagenoʼaeʼmo Goti geʼamo lapaipafiʼmo alagi haneʼnigetapaeʼmo kame hutapa hosu vekamo aeta agaseʼnayaʼmofeʼmo lapakaefeʼmo mani gemo avoʼmo kaeʼnove.

1 Yoni 2:24

Ani gemo haneʼniyaʼmofeʼmo lapakaemo hogotetapa aepa faitapa afiʼnaya afinatetiʼmo afiʼnaya gemo lapaipafiʼmo alagi hanesiyafeʼmo atafauta alagi hiyo. Aepa faitapa afiʼnaya afinatetiʼmo afiʼnaya gemo lapaipafiʼmo alagi haneʼnisiyaʼmoʼmo Mafaʼneʼafiʼe Afoʼamopiʼeʼmo alagi maigae.

1 Yoni 2:27

Humi lapatesayafeʼmo nehayaʼmonanafa Kalaisiʼa uvelimo lakino lapategekana huno Goti Aote Aunemeʼamo lapamiʼnigeno alagi maisiyafeʼmo lapaipafiʼmo maiʼniyaʼmofeʼmo mago vayaʼmogi aliʼa lapaya malesaya gemo ohaneʼniye. Goti Aunemeʼamoʼmo muki geʼamo ago alino lapaya maleʼniyaʼmofeʼmae. Ani gemo mago aigofe gemo ohaneʼnifa alagi lama gemo haneʼniye. Agaemo, Kalaisipiʼmo alagi maiyo, huno huteno alino lapaya maleʼniyanagetapa Kalaisipiʼmo alagi maigae.

2 Yoni 1:2

Lama gemo laipafiʼmo haneʼniyanageno alagi hanege hanege huno hanegaiyaʼmofeʼmae.

Leveleseni 14:3

Vani hataleti foti fo tauseniʼa vayaʼmogimo yagaino neʼapateya vekamo siya aulagalenagi loleʼe loleʼe vayaʼai apaulagalenagi vayatama vayaʼai apaulagalenagi huʼa he tiʼa maiʼneʼapaeʼmo saufa yokemo huʼnae. Apakaemo ma mopafi vayapatiʼmo miya faino hatu maeno apateʼniya vayaʼamogigeʼmo afiʼnaya yokemo huʼnae.

Leveleseni 15:3

Apakaemo Moseseʼa Goti aliʼyaʼamo neʼaliya vekamo yokemo aikeli sipisipimo yokeʼamo huʼnae. Ani yokemo huʼapaeʼmo, Ala kava neʼmo kayamufaʼage Gotigae, huʼa, Magoʼe kavaʼmo nehanageʼapaeʼmo hapau neʼaiye. Apaote vayaʼaiteʼmo yagaika neʼapatana ala kini vekaʼapimogae, huʼa, nehana kavakamo kanale kavaʼageʼmo haneʼnigeka lama ge kavaʼmo nehane.

Leveleseni 19:10

Naha paiʼnigeʼna agaefeʼmo mono hisuvafeʼmo aiyafiʼmo asagauʼna aiʼnogenoʼaeʼmo, Nagaefeʼmo mono osuvo. Kagaeʼe konagakamogiʼeʼmo Yesufeʼmo ava geleʼmo atafauʼa alagi huʼnaya konagakamogiʼeʼmo magoke agufa aliʼyaʼmo neʼalune. Gotifekeʼmo mono huvo. Goti Aunemeʼamoʼmo Gotitegati gemo alini eʼa aeʼa hakalo huʼa hapa nepaiya vayaʼmo ani gemo apamiʼnigeʼa Yesufeʼmo ava gemo nehae, huno naha paiʼniye.

Leveleseni 5:9

Apakaemo saufa yokemo huʼapaeʼmo, Kamagiʼnageka faliteka Gotitefeʼmo kolakaletiʼmo miya faika lateʼnane. Kagaemo muki alu nofi vaya alu nofi vayanagi muki alu apake alu apakemo neʼaiya vayanagi muki alu apakufaʼe alu apakufaʼe vayanagi muki alu kotega alu kotegamo maiʼnaya vayanagi huka miya faika hatu maeka lateʼnanaʼmofeʼmo alino kafage ki maleʼniya pepaletiʼmo kamemo afaʼa alika akautaleka alika ata lesana vekamo maiʼnane.