Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kolosi 3:15 - The Keyagana NT and 25 OT books

15 Gotiʼa lapaipamo alino falu huno lapateʼniya kavaʼmoʼa lapaipaleʼmo yagaino lapateno. Gotiʼa magoke vayaʼmo maisageno lapaipamoʼmo falu hisiyafeʼmo keya aeno ge huʼniye. Ani kavaʼmo hutapa maiʼnetapaeʼmo Gotifeʼmo hao ke heyo.

အခန်းကိုကြည့်ပါ။ ကော်ပီ




Kolosi 3:15
35 ပူးပေါင်းရင်းမြစ်များ  

Kahao ke nehone, hutapa hume hume neʼutapaeʼmo mono noʼamo yafa lafi kegiʼya kate kipatetiʼmo uta haiyo. Mono no kumaʼaleʼmo neʼutapaeʼmo agiʼaleʼmo alita asaga hume hume viyo. Hao ke hetetapa agiʼalefeʼmo alita aulena ateyo.


Apakaemo Gotifeʼmo hao ke hesaya ofalinimo amagiʼa amiyo. Amiteʼa aliʼyaʼalefeʼmo apamogaga aiteʼapaeʼmo aeʼa hakalo hiyo.


Kahao ke heʼna ofalinimo kamiteʼna kagaefekeʼmo keya aeʼna ge huguve.


Ala kava neʼmoʼa vayaʼamo lokiyaʼamo apamino. Ala kava neʼmoʼa vayaʼamo alino auleno apateno.


Kagaefeʼmo lole apakesamo oʼafiʼa magoke apakesamo neʼafiya vayaʼmogimo aliʼa amufa nekamiyaʼmofeʼmo apaipamoʼmo falu hisiyafeʼmo yagaika apategane.


Muga anaga vekamo alino asagauno ateʼniya anaga vekamo muki afinaʼmo maige maige huno neʼmaiya vekamo agiʼamo Aote Vekamoʼmo hunoʼaeʼmo, Nagaemo muga anaga aote kotegamo maiʼneʼna hosu kavaʼapieʼmo apaipamo kana huge apakaiʼapimo aliʼa afepi apatege nehaya vayaʼeʼmo magokepi lokaeʼna maiʼnove. Apakaiʼapimo aliʼa afepi neʼapataya vayaʼaina apauneʼapameʼmo aliʼna he tiʼna apatege hosu kavaʼapieʼmo apaipamo kana nehiya vayaʼai apaipamo aliʼna he tiʼna apatege hisuvafeʼmo apakaeʼeʼmo maiʼnove.


Ala kava neʼmoʼa ina gemo hunoʼaeʼmo, Neʼyaʼmo mopafatiʼmo afole neʼaiya kava huno apavayafatiʼmo gemo afole neʼaiye. Nagaemo apavayafiʼmo gemo alo huʼna neʼmalove. Apavayafatiʼmo ge hisageʼa afagi kotegamo maiʼnaya vayaʼe haopaleʼmo maiʼnaya vayaʼmogiʼeʼmo afiteʼapaeʼmo, aipamoʼmo falu huno nelate, huʼa hisageno apaipamoʼmo falu hugiye. Nagaemo vayaʼnimo aliʼna hapageʼna apategauve.


Kataleʼnayaʼmonanafa yokemo huʼna kagikaleʼmo aliʼna asaga huguve. Mago ofalinimo kamigekana huʼna navayafatiʼmo kagikaleʼmo aliʼna asaga huguve. Ani kava huguve, huʼna nagoʼyamo ataleʼna kaha paiʼnova gemo amagiʼna oʼatalegauve. Ala kava neʼmokeʼmo vayaʼai apakufamo alino katino neʼapate, huno nunumuʼmo huʼniye.


Naipamoʼmo falu huʼnigeʼna maiʼnova kava hutapa lapaipamoʼmo falu huʼnisigetapa maisayafeʼmo nelapamuve. Ma mopafi vayaʼmogi neʼapamiya kava huʼna nolapamuve. Lapausoli hutetapa lapaipamoʼmo atete huʼnisigetapa koli osiyo.


Lapakaemo nagaepiʼmo maiʼnetapaeʼmo lapaipamoʼmo falu hisiyafeʼmo mani gemo lapa nepauve. Ma mopafiʼmo maiʼnetapaeʼmo hanageke yaʼmo alitapa maigayaʼmonanafa nagaemo kame huʼna ma mopafi kavaʼmo ago aeʼna agaseʼnovaʼmofeʼmo lapakaemo lokiya vaita maiyo, huno hapa paiʼniye.


Muki vayaʼmogimo Gotiʼmo ago ageʼnayaʼmofeʼmo ala agiʼamo Gotiʼmo amisaya agufa agiʼamo oʼamige agaefeʼmo hao ke osege huʼa maiʼnae. Afa apakesageʼmo neʼafigeno apaipafiʼmo hani huʼniya kavaʼmo afole aiʼnigeʼapaeʼmo negi nagi kavaʼmo huʼa maiʼnae.


Na kava higetapaene. Gotiʼa neʼyaʼe aniʼeʼmo neʼnaya kavateʼmo yagaino noʼapatefa Goti Aunemeʼamoʼmo laipafiʼmo maiʼnigeta fatago kavaʼmo nehunagenoʼaeʼmo laipamoʼmo falu huʼnisigeta lamogaga aisuna kavatekeʼmo yagaino nelate.


Hemenimo Gotifeʼmo lapavayagunagu hutapa agava neʼmaiya kavaʼmo aepa vekamoʼmo magoʼe huno lapa maeno lapamisigetapa agaefeʼmo lapakesamo afita fatago nehutapaeʼmo magoʼe hutapa lapamogaga aisageno lapaipamoʼmo falu hugiye. Aote Aunemeʼamo himamuʼaletiʼmo magoʼe hutapa lapavayagunagu hutapa agava maisayafeʼmae.


Lagesamo afita fatago huʼnonagenoʼaeʼmo Gotiʼa, naulagaleʼmo fatago vayaʼmo maiʼnae, huno laha paiʼnigeta afitetaeʼmo, aipamo falu huno nelate, huta huteta maiʼnonagenoʼaeʼmo Ala kava netimo Yesu Kalaisitetiʼmo laipamoʼmo falu nehiye.


Magoke peleti mayamo haneʼniya kava huta mukiʼamogita magoke vayaʼmo maiʼnone. Magoke peleti mayafatiʼmo neʼnonaʼmofeʼmo magoke vayaʼmo maiʼnone.


Maiʼnayaʼmonanafa apakesamo afiʼa fatago osuʼnaya vayaʼmogimo, lapataleta uta laoteʼmo maigesune, huʼa hisayana afaʼa uʼa maigae. Visageʼapaeʼmo apakesamo afiʼa fatago nehaya ve aʼnemogimo kalavusifiʼmo oʼmaiʼnayaʼmonanafa Gotiʼa alagepa huta magokepi lokaeta maisunafeʼmo keya aeno ge huʼniye.


Lagaemo lapa maesunafeʼmo muki mani agufa kana yaʼmo alita neʼmaune. Gotiʼa asole vayaʼaina fikumo hapa maeno neʼapamiya kavaʼamo aino atagu faeno uneno hisigeʼa magoʼe magoʼe huʼa hao ke heteʼapaeʼmo Goti agiʼaleʼmo aliʼa asaga huʼa atesayafeʼmae.


Gotiʼa afaʼa apamisagenoʼaeʼmo magoʼe huno lapamisigetapa hisaya ofalini monimo alinituta apamisuna kavatiletiʼmo Gotifeʼmo hao ke hegae.


Agufafi alu ya alu yaʼamo alagepa huno haneʼnigeno aeno hapaiʼniya yaʼmoʼa atafauno ateʼnigeno magokepi lokaeno haneʼniye. Agufafi alu ya alu yaʼamoʼa aliʼyaʼmo neʼaligenoʼaeʼmo agufamo ko nesiye. Ani kava huta magokepi lokaeta maiʼnetaeʼmo lahau layamopafiʼmo nelahaigetaeʼmo magokepi ko nesune.


Kalaisi agufaʼamo maiʼnonagenoʼaeʼmo magoke agufamo haneʼniye. Magoke Aunemeʼamo maiʼniye. Magoke kavafekeʼmo agava neʼmaune. Gotiʼa keya aeno ge huʼnigetaeʼmo ani magoke kavafekeʼmo agava maiʼneta lavayagunagu nehune.


Lapakaemo Gotiʼa hau ayamopafiʼmo nehaiya mafaʼneʼamo maiʼnayaʼmofeʼmo agaekana huta maiʼnetapa nehiya agufa kavaʼmo hiyo.


Muki afinaʼmo muki yaʼe kavateʼefeʼmo Afotimo Gotifeʼmo Ala kava netimo Yesu Kalaisi agiʼaletiʼmo hao ke hetapa maiyo.


Agaemo yagaino neʼapateya ha le koteʼmo uʼa haiʼa neʼmaiya vayaʼeʼmo hetama maleno lateʼniya yatimo afaʼa alisunafeʼmo alo huno lateʼniye.


Maiʼnetapaeʼmo yosamoʼmo hafuʼyamo neʼaeya kava hutapa agaeteʼmo atafauta alagi hutapa maiyo. Yafateʼmo noʼmo faiʼa neʼataya kava hutapa Kalaisiʼmo atafauta alagi huʼnetapaeʼmo alita lapaya maleʼnona geleʼmo lokiya vaitapa maiʼnetapaeʼmo magoʼe magoʼe hutapa lusi kava huta hao ke hetapa maiyo.


Muki agufa kavaʼmo huge muki agufa gemo huge nehisayana Ala kava neʼmo Yesu agiʼalefeʼmo hutetapa agaetetiʼmo afotimo Gotifeʼmo hao ke heta maiyo.


Muki agufa kavatefeʼmo Gotifekeʼmo hao ke heyo. Kalaisi Yesupiʼmo maiʼnetapaeʼmo ani kavaʼmo hisayafeʼmo Gotiʼa hauʼniye.


Nagaemo huʼnaeʼmo, Goti vayaʼamogimo hogoteʼa muki vayaʼaifeʼmo Gotifekeʼmo ge huʼa afige nunumuʼmo huge nunumuʼmo huʼa apatege hao ke hege huʼa maiyo, huʼna lokiya gefatiʼmo nehuve.


Kagaemo alagepa kamemo apakesamo afiʼa fatago nehaya vayaʼmogi nehaya agufa kamemo huvo. Maige maige huka maisanafeʼmo keya aeno ge huʼniyanagi ani kavateʼmo atafauka alagi huka maiyo. Keya aeno ge huʼnigekaeʼmo kagaemo muki afiʼnaya vayaʼai apaulagaleʼmo hukaeʼmo, Yesufeʼmo nagesamo afiʼna fatago huʼnove, huka alagepa gemo ago hapa paiʼnane.


Inagi lagaemo agaetetiʼmo muki afinaʼmo Gotiʼmo ofalinimo amitetaeʼmo agiʼaleʼmo alita asaga huta atetetaeʼmo hao ke hegetao. Lavayafatikeʼmo ani ofalinimo amigetao.


Apakaemo huʼapaeʼmo, He lama ge. Gotitimofeʼmo amuse huʼa ateteʼa agiʼaleʼmo aliʼa asaga huʼa ateyo. Alagepa huno ageteno afiʼniya vekamae, huʼa huteʼa hao ke heʼa ala agiʼamo amiyo. Muki yaʼagi lokiyaʼagi himamuʼagi huno haneʼniya vekamae, huʼa, muki afinaʼmo hume hume viyo. He lama ge, huʼa huʼnae.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ